• ഹോം
• സൈടെൿ
• സൈബർ ഇടം

കൊച്ചി :കണ്ണാടിക്കൂടും കൂട്ടി എന്ന ഹിറ്റ് പാട്ടിൽ വർഷങ്ങൾക്ക് ശേഷം ചുവട് വച്ച് മഞ്ജു വാര്യർ എത്തിയപ്പോൾ കൂടുതൽ ചെറുപ്പമായെന്നാണ് ആരാധകർ അഭിപ്രായം പങ്കുവച്ചത്. ചുരിദാറിൽ അതീവ സുന്ദരിയായിട്ടാണ് താരം കോളജ് കുട്ടികൾക്കൊപ്പം നൃത്തം ചെയ്തത്. സ്റ്റേജിൽ നൃത്തം ചെയ്യുന്നതിന്റെ വീഡിയോ മഞ്ജു പങ്കുവച്ചതിന് പിന്നാലെ സോഷ്യൽ മീഡിയ വീഡിയോ ഏറ്റെടുക്കുകയും ചെയ്തു.

പ്രണയവർണങ്ങൾ എന്ന ചിത്രത്തിലെ സുരേഷ് ഗോപിയും മഞ്ജുവും ഒന്നിച്ച 'കണ്ണാടിക്കൂടും കൂട്ടി' എന്ന ഗാനത്തിനാണ് വർഷങ്ങൾക്ക് ശേഷം സ്റ്റേജിൽ മഞ്ജു ചുവടുവച്ചത്.തേവര സേക്രഡ് ഹാർട്ട് കോളജിലെ വിദ്യാർത്ഥിനികൾക്കൊപ്പമായിരുന്നു മഞ്ജുവും നൃത്തം ചെയ്തത്. എന്നാൽ ഈ വൈറൽ വീഡിയോയിൽ മറ്റൊരു കൗതുകം ഒളിഞ്ഞു കിടപ്പുണ്ട്.

ലേഡി സൂപ്പർ സ്റ്റാർ ചുവടുവച്ചപ്പോൾ മഞ്ജുവിനൊപ്പം ഒരു താര പുത്രി കൂടിയുണ്ടായിരുന്നു. സ്റ്റേജിൽ മഞ്ജുവിനൊപ്പം കളിച്ചത് പ്രിയ നടി ബിന്ദു പണിക്കരുടെ മകൾ അരുന്ധതിയാണ്. വീഡിയോ സോഷ്യൽ മീഡിയയില് തരംഗമായതിന് ശേഷമാണ് ചിലർ മഞ്ജുവിനൊപ്പം കളിക്കുന്നത് അരുന്ധതിയാണെന്ന കാര്യം തിരിച്ചറിഞ്ഞത്.

ടിക്ക് ടോക്കിൽ അടക്കം സജീവമായ അരുന്ധതി രസകരമായ വീഡിയോകളുമായി സോഷ്യൽ ലോകത്തിന്റെ ഹൃദയം കീഴടക്കിയിട്ടുണ്ട്്. ഇപ്പോഴിതാ മഞ്ജുവിനൊപ്പം അരുന്ധതി കൂടി വൈറലായി മാറുകയാണ്.