Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202126Monday

സംസ്ഥാനത്ത് ഐഫോൺ 12 പ്രോ മാക്സിന്റെ ആദ്യ ഉടമയായി മമ്മുട്ടി; ടെക്നോളജിയോടുള്ള മെഗാ സ്റ്റാറിന്റെ ഇഷ്ടം ആഘോഷമാക്കി ആരാധകർ

സംസ്ഥാനത്ത് ഐഫോൺ 12 പ്രോ മാക്സിന്റെ ആദ്യ ഉടമയായി മമ്മുട്ടി; ടെക്നോളജിയോടുള്ള മെഗാ സ്റ്റാറിന്റെ ഇഷ്ടം ആഘോഷമാക്കി ആരാധകർ

മറുനാടൻ ഡെസ്‌ക്‌

ഏത് വമ്പൻ ഗാഡ്‍ജറ്റും വിപണിയിൽ എത്തിയാൽ ആദ്യം തന്നെ സ്വന്തമാക്കുന്ന പതിവ് തെറ്റിക്കാതെ മെഗാ സ്​റ്റാർ മമ്മൂട്ടി. സംസ്ഥാനത്ത് ഐഫോണിന്റെ ഏറ്റവും പുതിയ മോഡൽ ആപ്പിൾ ഐഫോൺ 12 പ്രോ മാക്സ് വിപണിയിലെത്തിയ ഉടനെ തന്നെ സ്വന്തമാക്കിയിരിക്കുകയാണ് മലയാളികളുടെ മമ്മുക്ക. ഇതോടെ, സംസ്ഥാനത്ത് ആദ്യമായി ഐഫോൺ 12 പ്രോ മാക്സ് സ്വന്തമാക്കുന്ന വ്യക്തിയായി മമ്മൂട്ടി.

ശനിയാഴ്​ചയാണ്​ ആപ്പിൾ ഐഫോൺ 12 മോഡലുകൾ ഇന്ത്യയിൽ ലഭ്യമായി തുടങ്ങിയത്. ഒക്ടോബർ 13നാണ് ഐഫോൺ 12 സീരിസിൽ നാലു സീരിസുകൾ പുതുതായി ലോഞ്ച് ചെയ്തത്. 5ജി ടെക്നോളജിയിലെ ആപ്പിളിന്റെ ആദ്യ 5ജി സ്മാർട്‌ഫോൺ ആണ് ഐഫോൺ 12 സീരിസ്. ഐഫോൺ 12 മിനി, ഐഫോൺ 12, ഐഫോൺ 12 പ്രോ, ഐഫോൺ 12 പ്രോമാക്സ് എന്നീ മോഡലുകളാണ് പുതുതായി ലോഞ്ച് ചെയ്തിരിക്കുന്നത്. 1,29,900 രൂപ മുതലാണ് ഐഫോൺ 12 പ്രോമാക്സ് ഫോണുകളുടെ വില വരുന്നത്. ഗ്രാഫൈറ്റ്, സിൽവർ, ഗോൾഡ്, പസഫിക് ബ്ലൂ നിറങ്ങങ്ങളിൽ ഐഫോൺ 12 പ്രോമാക്സ് ലഭ്യമാണ്.

ടെക്നോളജിയോടുള്ള മെഗാ സ്റ്റാറിന്റെ ഇഷ്ടം വാർത്തകളാകാറുണ്ട്. കാറുകൾ, ഫോണുകൾ, ക്യാമറകൾ എന്നിവയെല്ലാം മമ്മൂട്ടിയുടെ ഇഷ്ടങ്ങളിൽ പെടും. ഇവയെ കുറിച്ചെല്ലാം നിരന്തരം പഠിക്കുകയും വിപണിയിലെത്തുന്ന പുതിയ മോഡലുകൾ നിരീക്ഷിക്കുകയും ഇഷ്ടപ്പെട്ടവ സ്വന്തമാക്കാൻ ശ്രമിക്കുകയും ചെയ്യാറുണ്ട് താരം. ഇപ്പോഴിതാ കേരളത്തിൽ ലഭ്യമായ ആദ്യ ദിവസം തന്നെ ആപ്പിൾ ഐഫോൺ 12 പ്രോയും മമ്മൂട്ടി സ്വന്തമാക്കിയിരിക്കുന്നു. മമ്മൂട്ടി ഐ ഫോൺ 12 പ്രോ സ്വന്തമാക്കിയതിന്റെ ചിത്രങ്ങൾ സോഷ്യൽ മീഡിയ ഏറ്റെടുത്തിരിക്കുകയാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP