Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202117Friday

കാർ ശരീരത്തിൽ തട്ടിയെന്ന് ആരോപണം; ട്രാഫിക് പൊലീസ് ഇടപെട്ടിട്ടും നടുറോഡിൽ ടാക്സി ഡ്രൈവറെ മർദ്ദിച്ച് യുവതി; തടയാൻ എത്തിയ ആളെയും ആക്രമിച്ചു; വീഡിയോ ദൃശ്യം പ്രചരിക്കുന്നു

കാർ ശരീരത്തിൽ തട്ടിയെന്ന് ആരോപണം; ട്രാഫിക് പൊലീസ് ഇടപെട്ടിട്ടും നടുറോഡിൽ ടാക്സി ഡ്രൈവറെ മർദ്ദിച്ച് യുവതി; തടയാൻ എത്തിയ ആളെയും ആക്രമിച്ചു; വീഡിയോ ദൃശ്യം പ്രചരിക്കുന്നു

ന്യൂസ് ഡെസ്‌ക്‌

ലക്നൗ: ഉത്തർപ്രദേശിൽ കാർ ശരീരത്തിൽ തട്ടിയെന്ന് ആരോപിച്ച് ടാക്സി ഡ്രൈവറെ നടുറോഡിൽവെച്ച് ആക്രമിക്കുന്ന യുവതിയുടെ ദൃശ്യങ്ങൾ വൈറലാകുന്നു. ലക്നൗ നഗരത്തിലെ അവാദ് ക്രോസിംഗിലാണ് സംഭവം. പ്രശ്നത്തിൽ ഇടപെട്ട മറ്റൊരാളേയും യുവതി മർദിച്ചു. എന്നാൽ എന്നാണ് വീഡിയോ ചിത്രീകരിച്ചതെന്ന് വ്യക്തമല്ല.

സീബ്രാ ക്രോസിങ്ങിൽവെച്ച് യുവതി കാർ ഡ്രൈവറെ തുടർച്ചയായി അടിക്കുന്നതും സംഭവത്തെ തുടർന്ന് ഗതാഗത തടസം ഉണ്ടാകുന്നതും ദൃശ്യങ്ങളിൽ കാണാം. ട്രാഫിക് പൊലീസ് വിഷയത്തിൽ ഇടപെടാൻ ശ്രമിക്കുന്നുണ്ട്. എന്നാൽ യുവതി വീണ്ടും വീണ്ടും ഡ്രൈവറെ അടിക്കുകയായിരുന്നു. സംഭവത്തിന്റെ ദൃശ്യങ്ങൾ ചിത്രീകരിച്ചവരോരോടായി വനിതാ പൊലീസിനെ വിളിക്കാൻ ഡ്രൈവർ ആവശ്യപ്പെടുന്നുണ്ട്.

 

മർദനം തടയാൻ എത്തിയ മറ്റൊരാളോട് യുവതി തർക്കിക്കുകയും അയാളെ തല്ലുകയും ചെയ്തു. തന്റെ ശരീരത്തിൽ തൊടരുതെന്ന് അയാൾ ശബ്ദമുയർത്തുന്നതും ദൃശ്യങ്ങളിൽ കാണാം. തുടർന്ന് യുവതി ഇയാളുടെ ഷർട്ടിൽ കുത്തിപ്പിടിക്കുന്നതും തല്ലുന്നതും മറ്റൊരു വീഡിയോയിൽ കാണാം. എന്തിനാണ് ഡ്രൈവറെ മർദ്ദിക്കുന്നതെന്ന് ചോദിച്ചപ്പോൾ, അയാളുടെ കാർ തന്റെ മേൽ തട്ടിയെന്നാണ് ഇവർ പറയുന്നത്.

ലക്‌നൗവിലെ അവാദ് ക്രോസിംഗിൽ ഒരു പെൺകുട്ടി കാർ ഡ്രൈവറെ അടിക്കുകയും അയാളുടെ ഫോൺ നശിപ്പിക്കുകയും ചെയ്തു എന്ന കുറിപ്പോടെ മേഘ് അപ്‌ഡേറ്റ്സ് എന്ന ട്വിറ്റർ അക്കൗണ്ടിലാണ് വീഡിയോ ആദ്യമായി പ്രത്യക്ഷപ്പെട്ടത്. നിരവധി പേരാണ് ഇതിനകം വീഡിയോ കണ്ടത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP