Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202031Saturday

ഈ ജോലി ഞാൻ വളരെയധികം ആസ്വദിക്കുന്നുണ്ട്; ലഭിക്കുന്നത് ജീവിതത്തിൽ സ്വപ്നം കാണാൻ പോലും സാധിക്കാത്തത്ര പ്രതിഫലവും; ഓസ്ട്രേലിയയിലെ പ്രശസ്ത സൂപ്പർകാർ റേസർ ഇനിമുതൽ തിളങ്ങുന്നത് പോൺ സിനിമകളിൽ; തീരുമാനം സാമ്പത്തിക ലാഭം നോക്കിയെന്നും റെനി ഗ്രേസി

ഈ ജോലി ഞാൻ വളരെയധികം ആസ്വദിക്കുന്നുണ്ട്; ലഭിക്കുന്നത് ജീവിതത്തിൽ സ്വപ്നം കാണാൻ പോലും സാധിക്കാത്തത്ര പ്രതിഫലവും; ഓസ്ട്രേലിയയിലെ പ്രശസ്ത സൂപ്പർകാർ റേസർ ഇനിമുതൽ തിളങ്ങുന്നത് പോൺ സിനിമകളിൽ; തീരുമാനം സാമ്പത്തിക ലാഭം നോക്കിയെന്നും റെനി ഗ്രേസി

മറുനാടൻ ഡെസ്‌ക്‌

മെൽബൺ: ഓസ്ട്രേലിയയിലെ പ്രശസ്ത സൂപ്പർകാർ റേസർ പോൺ സിനിമകളിൽ സജീവമാകുന്നു. വി8 സൂപ്പർകാർസ് ചാംപ്യൻഷിപ്പുകളിലൂടെ ശ്രദ്ധേയയായ റെനി ഗ്രേസിയാണ് കാറോട്ടരംഗം വിട്ടത്. ഇതിനു പിന്നാലെ താരം പോൺ സിനിമകളിലേക്കു ചുവടുമാറ്റുകയും ചെയ്തു. വി8 സൂപ്പർകാർസ് ചാംപ്യൻഷിപ്പിൽ മത്സരം പൂർത്തിയാക്കിയ ആദ്യ വനിതയാണ് റെനി ഗ്രേസി. കാറോട്ട മത്സരങ്ങളിൽനിന്ന് വരുമാനം കുറയുകയും സാമ്പത്തിക പ്രതിസന്ധി രൂക്ഷമാകുകയും ചെയ്തതോടെയാണ് കായികലോകത്തെ ഞെട്ടിച്ച് റെനി കാറോട്ട മത്സരങ്ങളോട് വിടപറഞ്ഞ്

ഒരു രാജ്യാന്തര മാധ്യമത്തിനു നൽകിയ അഭിമുഖത്തിലാണ് റെനി താൻ കാറോട്ട രംഗം വിട്ട് പോൺ സിനിമാ ലോകത്തേക്ക് കടന്നതായി പ്രഖ്യാപിച്ചത്. പണത്തിനു വേണ്ടിയാണ് തന്റെ തീരുമാനമെന്നും ഇവർ വെളിപ്പെടുത്തി. മാത്രമല്ല, കുടുംബാംഗങ്ങളുടെ സമ്പൂർണ പിന്തുണ തനിക്കുണ്ടെന്നും റെനി വ്യക്തമാക്കി. ജീവിതത്തിൽ താനിതുവരെ കൈക്കൊണ്ടതിൽവച്ച് ഏറ്റവും മികച്ച തീരുമാനമെന്നാണ് കാറോട്ടം നിർത്തി പോൺ സിനിമകളിലേക്കു കടക്കാനുള്ള നീക്കത്തെ റെനി വിശേഷിപ്പിച്ചത്.

‘റേസിങ്ങിൽ സജീവമായിരുന്നെങ്കിലും ഇതുവരെ ഉദ്ദേശിച്ച ഫലമുണ്ടായിട്ടില്ല. മാത്രമല്ല, സാമ്പത്തികമായും ഒട്ടേറെ പ്രയാസം നേരിട്ടിരുന്നു. ഈ രംഗത്തു പിടിച്ചുനിൽക്കാൻ പരമാവധി ശ്രമിച്ചെങ്കിലും എല്ലാം വിഫലമായി. റേസിങ്ങിലെ എന്റെ സ്വപ്നങ്ങളെല്ലാം പൂർണമായും മങ്ങിയ ഘട്ടത്തിലാണ് ഈ രംഗം വിടാൻ ഞാൻ തീരുമാനിച്ചത്’ – അഭിമുഖത്തിൽ റെനി വിശദീകരിച്ചു. ‘ഇതുവരെ എന്റെ ജീവിതത്തിൽ ഞാൻ ചെയ്ത ഏറ്റവും നല്ല കാര്യമായാണ് ഈ തീരുമാനത്തെ കാണുന്നത്. ഈ ജോലി ഞാൻ വളരെയധികം ആസ്വദിക്കുന്നുണ്ട്. മാത്രമല്ല, ജീവിതത്തിൽ സ്വപ്നം കാണാൻ പോലും സാധിക്കാത്തത്ര പ്രതിഫലമാണ് ഈ രംഗത്തുനിന്ന് ഇപ്പോൾ എനിക്കു ലഭിക്കുന്നത്’ – റെനി വെളിപ്പെടുത്തി.

‘എന്നെ ആര് എന്തു വിളിച്ചാലും പ്രശ്നമില്ല. ഇപ്പോൾ ആയിരിക്കുന്നിടത്ത് ഞാൻ വളരെയധികം സന്തുഷ്ടയാണ്. ആവശ്യത്തിലധികം പണവും ലഭിക്കുന്നുണ്ട്. ഈ മേഖലയിലേക്ക് വെറുതെയങ്ങ് എടുത്തുചാടിയതല്ല ഞാൻ. ഇതിന്റെ ഭാവിയെന്താണെന്ന് എനിക്കറിയില്ല. പക്ഷേ, ഈ രംഗത്തേക്ക് വരും മുൻപ് ഞാൻ വ്യക്തമായ പഠനം നടത്തിയിരുന്നു. ഇതിന്റെ എല്ലാ വശങ്ങളും മനസ്സിലാക്കിത്തന്നെയാണ് തീരുമാനമെടുത്തതും’ – റെനി പറഞ്ഞു. ‘ചില രംഗങ്ങളെല്ലാം ചോർന്നേക്കാമെന്നും വലിയ വിവാദങ്ങൾക്ക് സാധ്യതയുണ്ടെന്നുമൊക്കെ എനിക്കറിയാം. എന്തായാലും എല്ലാം മനസ്സിലാക്കി തന്നെയാണ് എന്റെ തീരുമാനം’ – റെനി പറഞ്ഞു.

പോൺ സിനിമകളിലേക്കു തിരിഞ്ഞതിനു ശേഷം ആഴ്ചയിൽ 25,000 ഡോളർ (ഏതാണ്ട് 19 ലക്ഷം രൂപ) തനിക്ക് സമ്പാദിക്കാനായെന്നാണ് റെനിയുടെ അവകാശവാദം. മാസം 64,750 ഡോളർ മുതൽ 90,65‌0 ഡോളർ വരെയാണ് പ്രതിഫലം. താരം പോൺ സിനിമകളിലേക്കു ചുവടുമാറ്റിയ വിവരം പരസ്യമായതിനു പിന്നാലെ അവരുടെ ഫാൻ സൈറ്റിൽ ആരാധകരുടെ ഇടിയാണ്. പ്രായപൂർത്തിയായവർക്കു വേണ്ടിയുള്ള സബ്സ്ക്രിപ്ഷൻ വെബ്സൈറ്റായ ‘ഒൺലിഫാൻസ് ഡോട് കോമി’നു വേണ്ടിയാണ് റെനി ചിത്രങ്ങളും വിഡിയോകളും ചെയ്യുന്നത്.

ഓസ്ട്രേലിയയിലെ ബ്രിസ്ബെയ്ൻ സ്വദേശിയാണ് റെനി ​ഗ്രേസി. ഫോർമുല വൺ കാറോട്ട മത്സരത്തിന്റെ അതേ മാതൃകയിൽ ഓസ്‌ട്രേലിയയിലും ന്യൂസീലൻഡിലുമായി നടത്തിവരുന്ന കാറോട്ട മത്സരമാണ് സൂപ്പർകാർസ് ചാമ്പ്യൻഷിപ്പ്. വി8 സൂപ്പർ കാർസ് ചാമ്പ്യൻഷിപ്പിൽ മുഴുവൻ സമയ മത്സരം പൂർത്തിയാക്കിയ ആദ്യ വനിതാ താരമാണ് റെനി. റെനിയുടെ അഭിമുഖം പുറത്തുവന്നതിനു പിന്നാലെ സൂപ്പർകാർസ് അധികൃതരും പ്രതികരണവുമായി രംഗത്തെത്തി. റെനിയുടെ നീക്കത്തെ കുറിച്ച് അറിഞ്ഞുവെന്നും തങ്ങൾക്ക് ഇനി ഇക്കാര്യത്തിൽ ഒന്നും ചെയ്യാനില്ലെന്നും സൂപ്പർകാർസ് പ്രസ്താവനയിൽ പറഞ്ഞു. റെനിക്ക് ഇനി മത്സരിക്കാനാകില്ലെന്നും അവർ കൂട്ടിച്ചേർത്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP