Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ജന്മപുണ്യം തേടി ശബരിമലയിലേക്ക്; ശബരിമല നിയുക്ത മേൽശാന്തി ജയരാമൻ നമ്പൂതിരി ഭക്തിനിർഭരമായ അന്തരീക്ഷത്തിൽ ഇരുമുടികെട്ടു നിറച്ചു

ജന്മപുണ്യം തേടി ശബരിമലയിലേക്ക്; ശബരിമല നിയുക്ത മേൽശാന്തി ജയരാമൻ നമ്പൂതിരി ഭക്തിനിർഭരമായ അന്തരീക്ഷത്തിൽ ഇരുമുടികെട്ടു നിറച്ചു

മറുനാടൻ മലയാളി ബ്യൂറോ

 ശ്രീകണ്ഠാപുരം: ശബരിമല നിയുക്ത മേൽശാന്തി കൊട്ടാരം ജയരാമൻ നമ്പൂതിരി ഭക്തിനിർഭരമായ അന്തരീക്ഷത്തിൽ ഇരുമുടി കെട്ടും നിറച്ച് ശബരിമലയിലേക്ക് പുറപ്പെട്ടു. നെയ്തേങ്ങയിൽ നെയ്നിറച്ചു ഇരുമുടി കെട്ടുനിറച്ചാണ് അദ്ദേഹം ഇന്ന് ശബരിമലയിലേക്ക് പ്രയാണമാരംഭിച്ചത്.

ഇന്ന് രാവിലെ ശ്രീകണ്ഠാപുരം കോട്ടൂരിലെ കൊട്ടാരം ഇല്ലത്തിലെ വീട്ടുമുറ്റത്തെ ശബരിമല മാതൃകയിലുണ്ടാക്കിയ പതിനെട്ടാംപടിയുള്ള മണ്ഡപത്തിന് മുൻപിൽ വച്ചാണ് ഇരുമുടിക്കെട്ടു നിറച്ചത്. അയ്യപ്പശരണം വിളികളോടെ ഭക്തി നിർഭരമായ അന്തരീക്ഷത്തോടെയാണ് കൊട്ടാരം ഇല്ലത്ത് ഒരു വർഷം നീളുന്ന തീർത്ഥാടനക്കാലത്തിന് മേൽശാന്തിയാകാൻ ജയരാമൻ നമ്പൂതൂരിപ്പാട് ശബരിമലയിലേക്ക് തിരിച്ചത്.

ഇന്ന് രാവിലെ ആഡൂർ മഹാശിവക്ഷേത്രത്തിലെ, മഹാരുദ്ര യഞ്ജത്തിന്റെ ഓഫിസിന്റെ ഉദ്ഘാടനം നിർവഹിച്ചിരുന്നു. പതിനഞ്ചോളം സ്വാമിമാർ അദ്ദേഹത്തൊടൊപ്പമുണ്ടായിരുന്നു. നിയുക്ത മേൽശാന്തിയുടെ കെട്ടുനിറയുടെ ഭാഗമായി മേൽശാന്തിയുടെ ചെറിയച്ഛൻ മഹേശൻ നമ്പൂതിരി, ജ്യേഷ്ഠൻ മോഹനൻ നമ്പൂതിരി, ചിറ്റമ്മ ആര്യാ അന്തർജ്ജനം തുടങ്ങിയവർ അരിയിട്ടു അനുഗ്രഹം ചൊരിഞ്ഞു.

മേൽശാന്തിയുടെ കെട്ടുനിറ കാണാനെത്തിയവർക്ക് വിഭവസമൃദ്ധമായ സദ്യയും കൊട്ടാരം ഇല്ലത്ത് ഒരുക്കിയിരുന്നു. കഴിഞ്ഞ ആറുവർഷമായി ചൊവ്വ ശിവക്ഷേത്രത്തിലെ മേൽശാന്തിയാണ് ജയരാമാൻ നമ്പൂതിരി. ശബരിമല തന്ത്രിയിൽ നിന്നുമാണ് അദ്ദേഹം ഇത്തവണത്തെ ഉത്സവങ്ങൾക്ക് മേൽശാന്തിയായി ചുമതലയേൽക്കുക.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP