Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ഇന്ത്യക്കാർക്കുള്ള മൾട്ടിപ്പിൾ എൻട്രി വിസാ കാലാവധി ഇരട്ടിയാക്കി ജപ്പാൻ; നിലവിലുള്ള അഞ്ചു വർഷമെന്നത് പത്തു വർഷമാക്കി

ഇന്ത്യക്കാർക്കുള്ള മൾട്ടിപ്പിൾ എൻട്രി വിസാ കാലാവധി ഇരട്ടിയാക്കി ജപ്പാൻ; നിലവിലുള്ള അഞ്ചു വർഷമെന്നത് പത്തു വർഷമാക്കി

ടോക്കിയോ: ഇന്ത്യക്കാർക്ക് വിസ അനുവദിക്കുന്ന കാര്യത്തിൽ ഒട്ടേറെ ഇളവുകൾ പ്രഖ്യാപിച്ച് ജപ്പാൻ. ഇന്ത്യയിൽ നിന്നുള്ളവർക്ക്  മൾട്ടിപ്പിൾ എൻട്രി വിസാ കാലാവധി പത്തു വർഷമാക്കി ദീർഘിപ്പിച്ചുകൊണ്ടാണ് ജപ്പാൻ വിദേശകാര്യമന്ത്രി പ്രഖ്യാനം നടത്തിയിരിക്കുന്നത്. നിലവിലുള്ള അഞ്ചു വർഷത്തെ വിസാ കാലാവധിയാണ് ഇരട്ടിപ്പിച്ചിരിക്കുന്നത്.

ഇന്ത്യക്കാർക്കു പുറമേ വിയറ്റ്‌നാമിൽ നിന്നുള്ളവർക്കും വിസാ കാലാവധിയിൽ ഇളവുകൾ ജപ്പാൻ പ്രഖ്യാപിച്ചിട്ടുണ്ട്. ഫെബ്രുവരി 15 മുതൽ പുതിയ കാലാവധി പ്രാബല്യത്തിൽ വരും. ജപ്പാനിലേക്കുള്ള വിദേശ ടൂറിസ്റ്റുകളുടെ എണ്ണം വർധിപ്പിക്കുക എന്ന ലക്ഷ്യത്തോടെയാണ് ജപ്പാൻ വിസാ കാലാവധി നീട്ടിയിരിക്കുന്നത്. വിസാ കാലാവധിയിൽ അയവു വരുത്തുന്നതോടെ ജപ്പാനിലേക്കുള്ള വിദേശ ടൂറിസ്റ്റുകളുടെ സന്ദർശനം വർധിക്കുകയും അത് രാജ്യത്തിന്റെ ബിസിനസിനെ പ്രോത്സാഹിപ്പിക്കുമെന്നും മന്ത്രി ഫുമിയോ കിഷിദ വ്യക്തമാക്കി. തുടക്കത്തിൽ ബിസിനസുകാർ, അക്കാഡമിക്‌സ്, ആർട്ടിസ്റ്റ് എന്നിവർക്കാണ് ലഭ്യമാകുക.

മൾട്ടിപ്പിൾ എൻട്രി വിസ ഉള്ളവർ അവരുടെ ആദ്യ സന്ദർശനം ബിസിനസ് അക്കാഡമിക് ലക്ഷ്യത്തോടെയായിരിക്കണമെന്ന് പ്രത്യേകം നിഷ്‌ക്കർഷിക്കുന്നു. അതേസമയം ജപ്പാനിൽ നിന്നുള്ളവർക്ക് ഇന്ത്യയിലേക്കുള്ള വിസാ ഓൺ അറൈവൽ ദീർഘിപ്പിച്ചതായി ഡിസംബറിൽ പ്രധാനമന്ത്രി മോദിയും പ്രഖ്യാപിച്ചിരുന്നു. ഇത് മാർച്ച് ഒന്നു മുതൽ നിലവിൽ വരും.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP