Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202225Sunday

അറഫാ ദിനം ഇന്ന്: ജീലാനി സുന്നികൾക്ക് ബലി പെരുന്നാൾ നാളെ എന്ന് ഡോ. ശൈഖ് നിസാമുദ്ദീൻ സുൽത്താൻ; ബലിപ്പെരുന്നാൾ നിസ്‌കാരം രാവിലെ 8.30 ന്; കേരളത്തിൽ ഇത്തവണയും പെരുന്നാൾ രണ്ട്

അറഫാ ദിനം ഇന്ന്: ജീലാനി സുന്നികൾക്ക് ബലി പെരുന്നാൾ നാളെ എന്ന് ഡോ. ശൈഖ് നിസാമുദ്ദീൻ സുൽത്താൻ; ബലിപ്പെരുന്നാൾ നിസ്‌കാരം രാവിലെ 8.30 ന്; കേരളത്തിൽ ഇത്തവണയും പെരുന്നാൾ രണ്ട്

ബുർഹാൻ തളങ്കര

ആലുവ: ഇസ്ലാമിക ലോകം ഒറ്റക്കെട്ടായി ഒരേ വേഷത്തിൽ ശാന്തിയുടെ മന്ത്രമായ തക്‌ബീർ ധ്വനികൾ ഉരുവിട്ട് കൊണ്ട് പരിശുദ്ധ ഹജ്ജ് കർമ്മം നിർവഹിക്കുവാൻ വെള്ളിയാഴ്ച അറഫാ മൈതാനിയിൽ സംഗമിക്കുമ്പോൾ, ഹാജിമാർക്ക് ഐക്യദാർഢ്യം പകർന്നു കൊണ്ട് അന്നേ ദിവസം വ്രതം അനുഷ്ഠിക്കുവാൻ ജീലാനി സ്റ്റഡി സെന്റർ മുഖ്യരക്ഷധികാരി ഡോ. ശൈഖ് നിസാമുദ്ധീൻ സുൽത്താൻ ആഹ്വാനം ചെയ്തു.

ഹജ്ജിന്റെ ഏറ്റവും സുപ്രധാന ചടങ്ങായ അറഫാ സംഗമം കഴിഞ്ഞാൽ പിറ്റേ ദിവസം ബലിപ്പെരുന്നാൾ ആഘോഷമാണ്. ശനിയാഴ്ച ഉള്ഹിയ്യത് കർമ്മവും ബലിപ്പെരുന്നാൾ ആഘോഷവും ഇസ്ലാമിക ലോകത്ത് ആകമാനം നടക്കുമ്പോൾ കേരളത്തിലെ മുഴുവൻ ജില്ലാ ആസ്ഥാനങ്ങളിലും ജീലാനി സ്റ്റഡി സെന്ററിന്റെ നേതൃത്വത്തിൽ ബലിപ്പെരുന്നാൾ നിസ്‌കാരവും നടക്കും.

രാവിലെ 8.30 ന് നടക്കുന്ന ബലിപ്പെരുന്നാൾ നിസ്‌കാരത്തിൽ പങ്കെടുത്തു കൊണ്ട് ഐക്യവും സാഹോദര്യവും ഊട്ടിയുറപ്പിക്കാൻ വിശ്വാസികൾ ഒന്നടങ്കം തയ്യാറാവണമെന്നും ശൈഖ് നിസാമുദ്ധീൻ സുൽത്താൻ ആവശ്യപ്പെട്ടു. ശനിയാഴ്ച നടക്കുന്ന ബലിപ്പെരുന്നാൾ ആഘോഷത്തിൽ രാജ്യത്തെ മുഴുവൻ ജനങ്ങൾക്കും വേണ്ടി പ്രത്യേക പ്രാർത്ഥന നടത്തുവാനും ആഹ്വാനം ചെയ്തു.

പരസ്പര വിദ്വേഷവും പടലപിണക്കങ്ങളും മാറ്റി വച്ചു കൊണ്ട് പെരുന്നാൾ ദിനത്തിന്റെ മഹത്വം കാത്തു സൂക്ഷിക്കാൻ മതസംഘടനകൾ മുന്നോട്ട് വരണമെന്നും നാ ഇബെ ഖുതുബുസ്സമാൻ ഡോ. ശൈഖ് നിസാമുദ്ധീൻ സുൽത്താൻ ശാഹ് ഖാദിരി ചിശ്തി ആവശ്യപ്പെട്ടു. കാസർകോട് ജില്ലാ ആസ്ഥാന മജ്‌ലിസിൽ വെച്ച് രാവിലെ 8.30 ന് പെരുന്നാൾ നമസ്‌കാരം നടക്കുമെന്ന് ജീലാനി സ്റ്റഡി സെന്റർ ഭാരവാഹികൾ അറിയിച്ചു

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP