Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202227Sunday

ഗുരുസമാധി ദിനാചാരണത്തിന് ശിവഗിരി ഒരുങ്ങി; നവരാത്രി ആഘോഷത്തിന് 26ന് തുടക്കമാകും

ഗുരുസമാധി ദിനാചാരണത്തിന് ശിവഗിരി ഒരുങ്ങി; നവരാത്രി ആഘോഷത്തിന് 26ന് തുടക്കമാകും

സ്വന്തം ലേഖകൻ

ശിവഗിരി: ശ്രീനാരായണ ഗുരുദേവന്റെ 95-ാം സമാധി ദിനാചരണത്തിനായി ശിവഗിരി ഒരുങ്ങി. ഗുരുസമാധി ദിനാചരണം വിവിധ പരിപാടികളോടെ ബുധനാഴ്ച നടക്കും. പുലർച്ചെ അഞ്ചിന് വിശേഷാൽ പൂജ, ഹവനം, ഏഴിന് പ്രഭാഷണം, 10-ന് മഹാസമാധി സമ്മേളനവും ഉപവാസയജ്ഞവും ഗോവ ഗവർണർ പി.എസ്.ശ്രീധരൻപിള്ള ഉദ്ഘാടനം ചെയ്യും.

ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ അധ്യക്ഷനാകും. ട്രഷറർ സ്വാമി ശാരദാനന്ദ അനുഗ്രഹപ്രഭാഷണം നടത്തും. സ്വാമി ഗുരുപ്രസാദ് ബോധാനന്ദസ്വാമി സ്മൃതി നിർവഹിക്കും. സ്വാമി ഋതംഭരാനന്ദ, വി.ജോയി എംഎ‍ൽഎ. തുടങ്ങിയവർ സംബന്ധിക്കും. തുടർന്ന് സ്വാമി സച്ചിദാനന്ദ സമാധിവർണന നിർവഹിക്കും.

അതേസമയം നവരാത്രി ആഘോഷങ്ങളുടെ ഭാഗമായി ശിവഗിരി മഠത്തിൽ 26 മുതൽ ഒക്ടോബർ മൂന്നുവരെ വരെ വിവിധ കലാപരിപാടികൾ നടത്തും. കലാപരിപാടികളുടെ അരങ്ങേറ്റത്തിനും മറ്റു പരിപാടികൾ വഴിപാടായി അവതരിപ്പിക്കുന്നതിനും കലാകാരന്മാർക്കും സംഘടനകൾക്കും അവസരം ലഭ്യമാക്കും.

രാവിലെ ഒമ്പതു മുതൽ രാത്രി ഒമ്പതുവരെയാണ് പരിപാടികൾ. സന്ന്യാസിമാർ നയിക്കുന്ന ജനനീനവരത്നമഞ്ജരി പഠനക്ലാസും ഉണ്ടാകും. ശാരദാമഠത്തിൽ ശാരദാപൂജയും വിശേഷാൽ ശാരദാപൂജയും നടക്കും. പരിപാടികൾ അവതരിപ്പിക്കാൻ ആഗ്രഹിക്കുന്നവർ സൗകര്യപ്രദമായ ദിവസം മുൻകൂട്ടി രജിസ്റ്റർ ചെയ്യണമെന്ന് നവരാത്രി ആഘോഷക്കമ്മിറ്റി സെക്രട്ടറി സ്വാമി വിശാലാനന്ദ അറിയിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP