Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202217Wednesday

ഇന്ന് വാളാട്ടവും തേങ്ങയേറും: കൊട്ടിയൂർ വൈശാഖോത്സവത്തിന് തൃക്കലശ്ശാട്ടോടെ വെള്ളിയാഴ്ച സമാപനം

ഇന്ന് വാളാട്ടവും തേങ്ങയേറും: കൊട്ടിയൂർ വൈശാഖോത്സവത്തിന് തൃക്കലശ്ശാട്ടോടെ വെള്ളിയാഴ്ച സമാപനം

സ്വന്തം ലേഖകൻ

കൊട്ടിയൂർ: ഇക്കൊല്ലത്തെ വൈശാഖോത്സവത്തിന് നാളെ കൊടിയിറങ്ങും. ഒരു മാസം നീണ്ട വൈശാഖോത്സവത്തിന് വെള്ളിയാഴ്ചത്തെ തൃക്കലശ്ശാട്ടോടെ സമാപനമാകും. അടുത്ത ഉത്സവകാലംവരെ അക്കരെ കൊട്ടിയൂർ മനുഷ്യസ്പർശമേൽക്കാതെ പ്രകൃതിയുടെ നിശ്ചലതയിൽ ലയിക്കും.

അത്തം നാളായ വ്യാഴാഴ്ച രാവിലെ പതിവ് പൂജകൾക്കുശേഷം അത്തം ചതുശ്ശതം നിവേദിക്കും. തുടർന്ന് ഉച്ചശീവേലിക്കുശേഷം ഏഴില്ലക്കാർ വിഗ്രഹത്തിൽനിന്ന് ഉത്സവകാലത്തുകൊട്ടിയൂരിലെത്തിച്ച ദേവതകളെയെല്ലാം തിരിക ആവാഹിച്ച് വാളുകളിൽ ലയിപ്പിക്കുന്ന വാളാട്ടം നടക്കും. ശേഷം കുടിപതികൾ തേങ്ങയേറും നടത്തും. നാലാമത്തെ ചതുശ്ശതവും സമർപ്പിക്കുന്നതോടെ ഭഗവാൻ സ്ഥായിഭാവമായ തപശ്ചര്യയിലേക്ക് നീങ്ങുമെന്നാണ് വിശ്വാസം.

നിത്യപൂജകൾക്കുശേഷം വ്യാഴാഴ്ച രാത്രിയോടെ തുടങ്ങുന്ന കലശപൂജകൾ വെള്ളിയാഴ്ച പുലർച്ചെവരെ നീളും. ബുധനാഴ്ച പെരുമാൾക്ക് രുദ്രാക്ഷമാല സമർപ്പണവും ഉണ്ടായി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP