Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202028Monday

ഖത്തറിൽ ഇനി എൽഇഡി ബൾബുകൾക്ക് മാത്രം അനുമതി;ഫിലമെന്റുള്ള ബൾബുകൾക്ക് മെയ് ഒന്ന് മുതൽ നിരോധനം

ഖത്തറിൽ ഇനി എൽഇഡി ബൾബുകൾക്ക് മാത്രം അനുമതി;ഫിലമെന്റുള്ള ബൾബുകൾക്ക് മെയ് ഒന്ന് മുതൽ നിരോധനം

ദോഹ: രാജ്യത്ത് വൈദ്യുതി ലാഭിക്കുന്ന എൽ.ഇ.ഡി ബൾബുകൾ ഉപയോഗിക്കാൻ മാത്രം ഇനി അനുമതി. ഫിലമെന്റുള്ള ബൾബുകൾ ഇറക്കുമതി ചെയ്യുന്നതിന് മെയ് ഒന്ന് മുതൽ നിരോധമേർപ്പെടുത്തുമെന്ന് മുനിസിപ്പൽ പരിസ്ഥിതി വകുപ്പ് അണ്ടർ സെക്രട്ടറി മുഹമ്മദ് സൈഫ് അൽ കുവാരി അറിയിച്ചു. ഇൻകാഡസെന്റ് ബൾബുകളുടെ ഇനത്തിൽപ്പെട്ട 100, 75 വാട്‌സ് ബൾബുകളുടെ ഇറക്കുമതിയാണ് നിരോധിക്കുകയെന്ന് അൽ കുവാരി പറഞ്ഞു. നേരത്തെ ഇതുസംബന്ധിച്ച പരസ്യം പ്രദേശിക പത്രങ്ങളിൽ മന്ത്രാലയം പ്രസിദ്ധീകരിച്ചിരുന്നു.

കഹ്‌റമായുടെയും വാണിജ്യ സാമ്പത്തിക മന്ത്രാലയത്തിന്റെയും സഹകരണത്തോടെയാണ് നിരോധനം നടപ്പിലാക്കുന്നത്. ഇൻകാഡസന്റ് ബൾബുകളേക്കാൾ എട്ട് മടങ്ങ് വൈദ്യുതി ലാഭിക്കുന്നവയാണ് എൽ.ഇ.ഡി ബൾബുകളെന്ന് അൽ കുവാരി പറഞ്ഞു. രാജ്യത്തെ ഇറക്കുമതിക്കാരും കച്ചവടക്കാരും നിരോധനം നടപ്പിലാക്കാനുള്ള മുൻകരുതൽ നടപടികൾ സ്വീകരിക്കണമെന്നും മന്ത്രാലയം ആവശ്യപ്പെട്ടിരുന്നു.

Stories you may Like

പഴഞ്ചനും ഊർജക്ഷമതയില്ലാത്തതുമായ എയർകണ്ടീഷണറുകളുടെ ഇറക്കുമതിയും വിൽപനയും നിരോധിച്ചുള്ള ഉത്തരവ് ജൂലൈ ഒന്നുമുതൽ നടപ്പാക്കും. നിയമം ലംഘിച്ച് ഇവ വിൽപന നടത്തുകയോ ഇറക്കുമതി നടത്തുകയോ ചെയ്താൽ കർശന നടപടിയെടുക്കുമെന്ന് മുനിസിപ്പൽ പരിസ്ഥിതി മന്ത്രാലയം മുന്നറിയിപ്പ് നൽകിയിട്ടുണ്ട്. ഖത്തറോ ഗൾഫ് രാജ്യങ്ങളോ നിഷ്‌കർഷിച്ച മാനദണ്ഡങ്ങൾ പാലിക്കാത്ത ഇനം എയർകണ്ടീഷണറുകൾക്കാണ് നിരോധനം.

ഊർജസംരക്ഷണശേഷിയുള്ള ഇനം എയർ കണ്ടീഷണറുകൾ മാത്രമേ ജൂലൈ ഒന്നുമുതൽ ഷോപ്പുകളിൽ കാണാവൂ എന്നാണ് നിബന്ധന. 2015 സെപ്റ്റംബർ മുതൽ ജല വൈദ്യുതി പൊതുവിതരണ വകുപ്പായ കഹ്‌റമാ വൈദ്യുതിയുടെയും വെള്ളത്തിന്റെയും ഉപഭോഗത്തിനനുസരിച്ച് നിരക്ക് ഈടാക്കുന്ന സ്‌ളാബ് സമ്പ്രദായം നടപ്പിൽ വരുത്തിയിരുന്നു. നേരത്തെ മണിക്കൂറിൽ 4,000 കിലോവാട്ട് വരെയുള്ള ഉപഭോഗങ്ങൾക്ക് ഒരേ നിരക്കായിരുന്നു. സ്‌ളാബ് സമ്പ്രദായത്തിൽ 2000 കിലോവാട്ട് വരെ 0.08 റിയാലാണ് ഈടാക്കുന്നത്. ശേഷം 20004000 വരെ 0.09 റിയാലും 4000 മുതൽ മുതൽ ഓരോ അധികയൂനിറ്റിനും 10 റിയാൽ അധികമായി നൽകണം.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP