Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

യുവകലാസന്ധ്യ 2023 : യുവകലാസാഹിതി ഖത്തർ

യുവകലാസന്ധ്യ 2023 : യുവകലാസാഹിതി ഖത്തർ

സ്വന്തം ലേഖകൻ

ദോഹ: യുവകലാസാഹിതി ഖത്തർ 17-ാം വാർഷികാഘോഷമായ യുവകലാസന്ധ്യ 2023 വിവിധ കല-സാംസ്‌കാരിക പരിപാടികളോടെ ICC അശോക ഹാളിൽ നിയുക്ത ഐ. സി. സി. പ്രസിഡന്റ് ശ്രീ. എ. പി. മണികണ്ഠൻ ഉദ്ഘാടനം ചെയ്തു. പ്രശസ്ത സിനിമ താരം സ്വാസിക മുഖ്യാതിഥി ആയിരുന്നു.

മികച്ച സാമൂഹ്യ പ്രവർത്തനത്തിനുള്ള യുവകലാസാഹിതി ഖത്തർ സഫിയ അജിത്ത് സ്ത്രീശക്തി അവാർഡ് 2023 ശ്രീമതി. ആനി രാജയ്ക്ക് ശ്രീ. എ. പി. മണികണ്ഠൻ സമർപ്പിച്ചു. മറുപടി പ്രസംഗത്തിൽ ശ്രീമതി ആനി രാജ 'ഫിഫ വേൾഡ് കപ്പ് വിജയകരമായി നടത്തിയ ഖത്തർ ഗവൺമെന്റിന് ' അഭിനന്ദനങ്ങൾ അറിയിച്ചു.

സി. കെ. ചന്ദ്രപ്പന്റെ പേരിൽ ഏർപ്പെടുത്തിയ ഖത്തറിലെ സന്നദ്ധ പ്രവർത്തകർക്കുള്ള അവാർഡ് ഖത്തറിലെ പ്രമുഖ സന്നദ്ധ സംഘടനയായ അൽ ഇസാൻ മയ്യത്ത് പരിപാലന സംഘത്തിന് ICBF നിയുക്ത പ്രസിഡന്റ് ശ്രീ. ഷാനവാസ് T. ബാവ നൽകി.

ഗിന്നസ് റെക്കോർഡ് പ്രകടനം നടത്തിയ ശ്രീ. ഷകീർ ചെറായിയെ ISC നിയുക്ത പ്രസിഡന്റ് ശ്രീ. മുഹമ്മദ് അബ്ദുറഹിമാൻ E. P.യും എഡ്യൂക്കേഷണൽ യൂട്യൂബ് ചാനലിലൂടെ ചുരുങ്ങിയ കാലം കൊണ്ട് കഴിവ് തെളിയിച്ച യുവ സംരംഭക ശ്രീമതി. റസീന ഷക്കീറിനെ വനിതകലാസാഹിതി പ്രസിഡന്റ് ഷാന ലാലുവും ആദരിച്ചു.

യുവകലാസന്ധ്യ സുവനീർ പ്രകാശനം ശ്രീമതി. ആനി രാജക്ക്
സുവനീർ കമ്മിറ്റി കൺവീനർ ശ്രീ എം സിറാജ് നൽകി പ്രകാശനം ചെയ്തു.

കോവിഡ് മഹാമാരി കാലത്തും ഫിഫ വേൾഡ് കപ്പിലും ഖത്തറിൽ വിശിഷ്ട സേവനങ്ങൾ നടത്തിയ യുവകലാസാഹിതിയുടെ പ്രവർത്തകരെയും ചടങ്ങിൽ വച്ചു ശ്രീമതി. ആനി രാജ ആദരിച്ചു.

വാർഷികത്തോടനുബന്ധിച്ചു നടത്തിയ സാഹിത്യ മത്സരവിജയികൾക്ക് സിനിമ താരം സ്വാസിക ഉപഹാരം നൽകി.

സജിലി സലീം നയിച്ച സംഗീത സന്ധ്യയിൽ ഖത്തറിലെ സുപരിചിതരായ ഗായകർ മണികണ്ഠൻ, റിയാസ്‌കരിയാട്, ശിവപ്രിയ, മൈഥിലി എന്നിവർ ഗാനങ്ങൾ ആലപിച്ചു. സ്വസ്തി അക്കാദമി ഫോർ എക്‌സലൻസ് നർത്തകരുടെ ഫ്യൂഷൻ ഡാൻസുകൾ അരങ്ങേറി.

യുവകലാസാഹിതി പ്രസിഡന്റ് അജിത്ത് പിള്ള അദ്ധ്യക്ഷത വഹിച്ച യോഗത്തിൽ യുവകലാസാഹിതി സെക്രട്ടറി രാഗേഷ് കുമാർ സ്വാഗതം പറഞ്ഞു. കോ ഓർഡിനേഷൻ സെക്രട്ടറി ഷാനവാസ് തവയിൽ, യുവകലാസാഹിതി ട്രഷറർ സരിൻ കക്കത്, വനിതകലാസാഹിതി സെക്രട്ടറി സിത്താര രാജേഷ് എന്നിവർ ആശംസകൾ അർപ്പിച്ചുകൊണ്ട് സംസാരിച്ചു. പ്രോഗ്രാം കൺവീനർ റെജി പുത്തൂരാൻ നന്ദിയും പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP