Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202120Wednesday

എൽഡിഎഫിന്റെ കിറ്റ് രാഷ്ട്രീയത്തെ നേരിടാൻ തുറുപ്പുചീട്ടുമായി യുഡിഎഫ്; അധികാരത്തിൽ വന്നാൽ രാഹുൽ ഗാന്ധി വിഭാവനം ചെയ്ത ന്യായ് പദ്ധതി നടപ്പാക്കും; പാവപ്പെട്ട കുടുംബങ്ങളുടെ അക്കൗണ്ടിൽ പ്രതിമാസം 6000 രൂപ ഉറപ്പുവരുത്തും; പ്രതിവർഷം 72,000 രൂപ; ജനകീയ പ്രകടനപത്രികയുമായി നിയമസഭാ തിരഞ്ഞെടുപ്പിലേക്ക്

എൽഡിഎഫിന്റെ കിറ്റ് രാഷ്ട്രീയത്തെ നേരിടാൻ തുറുപ്പുചീട്ടുമായി യുഡിഎഫ്; അധികാരത്തിൽ വന്നാൽ രാഹുൽ ഗാന്ധി വിഭാവനം ചെയ്ത ന്യായ് പദ്ധതി നടപ്പാക്കും; പാവപ്പെട്ട കുടുംബങ്ങളുടെ അക്കൗണ്ടിൽ പ്രതിമാസം 6000 രൂപ ഉറപ്പുവരുത്തും; പ്രതിവർഷം 72,000 രൂപ; ജനകീയ പ്രകടനപത്രികയുമായി നിയമസഭാ തിരഞ്ഞെടുപ്പിലേക്ക്

മറുനാടൻ മലയാളി ബ്യൂറോ

തിരുവനന്തപുരം: ഇത്തവണ യുഡിഎഫ് നിയമസഭാ തെരഞ്ഞെടുപ്പിനെ സമീപിക്കുന്നത് ജനകീയ മാനിഫെസ്റ്റോയുമായെന്ന് പ്രതിപക്ഷ നേതാവ് രമേശ് ചെന്നിത്തല. രാഹുൽ ഗാന്ധി വിഭാവനം ചെയ്ത ന്യായ് പദ്ധതി യുഡി എഫ് കേരളത്തിൽ അധികാരത്തിലെത്തുമ്പോൾ നടപ്പിലാക്കുമെന്നും ചെന്നിത്തല പറഞ്ഞു. .

ആളുകൾക്ക് കുറഞ്ഞ വരുമാനം ഉറപ്പുവരുത്തുന്ന പദ്ധതി പ്രകാരം സംസ്ഥാനത്തെ പാവപ്പെട്ട കുടുംബങ്ങളുടെ അക്കൗണ്ടിൽ പ്രതിമാസം 6000 രൂപ ഉറപ്പുവരുത്തും. നമ്മുടെ സംസ്ഥാനത്തു നിന്നും ദാരിദ്ര്യം തുടച്ചുനീക്കാൻ ഈ പദ്ധതിക്ക് കഴിയും. ന്യായ് പദ്ധതി പൂർണതോതിൽ നടപ്പിലാക്കുന്ന ആദ്യ സംസ്ഥാനമായി കേരളം മാറും.

കൂടുതൽ അഭിപ്രായങ്ങളും നിർദ്ദേശങ്ങളും [email protected] എന്ന മെയിൽ ഐഡിയിൽ അറിയിക്കാവുന്നതാണെന്ന് ചെന്നിത്തല സമൂഹമാധ്യമത്തിൽ പങ്കുവച്ച കുറിപ്പിൽ വ്യക്തമാക്കി.

സോഷ്യൽ മീഡിയയിലെ കുറിപ്പ്:

കേരള സമൂഹത്തിന്റെ സമഗ്ര പുരോഗതി ഉറപ്പാക്കുന്ന മാനിഫെസ്റ്റോയായിരിക്കും. സാമുദായിക സൗഹാർദ്ദവും സമന്വയവുമാണ് യൂ.ഡി.എഫിന്റെ ലക്ഷ്യം. ഒരുമ, നീതി, കരുതൽ, വികസനം, സത് ഭരണം, സമാധാനജീവിതം, അഴിമതി രഹിതം എന്നീ അടിസ്ഥാന തത്വങ്ങളിലൂന്നിയാണ് ഈ മാനിഫെസ്റ്റോ.

യൂ ഡി എഫ് സർക്കാർ നടപ്പിലാക്കുന്നത്:

കർഷകരുടെ മാനിഫെസ്റ്റോയാണ്

ഈ മാനിഫെസ്റ്റോ സ്ത്രീകളുടെയും കുട്ടികളുടെയും മാനിഫെസ്റ്റോയാണ്

ഈ മാനിഫെസ്റ്റോ തൊഴിലാളികളുടെ മാനിഫെസ്റ്റോയാണ്

ഈ മാനിഫെസ്റ്റോ യുവാക്കളുടെ മാനിഫെസ്റ്റോയാണ്

ഈ മാനിഫെസ്റ്റോ വിദ്യാർത്ഥികളുടെ മാനിഫെസ്റ്റോയാണ്

ഈ മാനിഫെസ്റ്റോ സാമൂഹിക നീതിയുടെ മാനിഫെസ്റ്റോയാണ്

ഈ മാനിഫെസ്റ്റോ ദളിത് ആദിവാസി സമൂഹങ്ങളുടെ മാനിഫെസ്റ്റോയാണ്

ഈ മാനിഫെസ്റ്റോ തീരദേശ മലയോര മേഖലകളുടെ മാനിഫെസ്റ്റോയാണ്

ഈ മാനിഫെസ്റ്റോ പരിസ്ഥിതി സൗഹൃദ മാനിഫെസ്റ്റോയാണ്

ഈ മാനിഫെസ്റ്റോ പ്രവാസികളുടെ മാനിഫെസ്റ്റോയാണ്

ഈ മാനിഫെസ്റ്റോ നിക്ഷേപ, സംരംഭങ്ങളുടെ മാനിഫെസ്റ്റോയാണ്

ഈ മാനിഫെസ്റ്റോ നാല് തത്വങ്ങളിൽ അധിഷ്ടിതമായിരിക്കും

@ More Government (സർക്കാരിന്റെ കൂടുതൽ കൈതാങ്ങ്)

@ More Investment (കൂടുതൽ നിക്ഷേപം)

@ More Employment (കൂടുതൽ തൊഴിൽ)

@ More compassion (കാരുണ്യ കേരളം )

പ്രളയവും, കോവിഡും തകർത്ത കേരളത്തിലെ എല്ലാ വിഭാഗം ജനങ്ങൾക്കും കൂടുതൽ ആനുകൂല്യങ്ങളും, സംസ്ഥാന സർക്കാരിന്റെ കൈത്താങ്ങും ആവശ്യമാണ്. ഈ വസ്തുത മനസ്സിലാക്കികൊണ്ടാണ് more Government എന്ന ആശയം യു.ഡി.എഫ് മുന്നോട്ടുവയ്ക്കുന്നത്.

അതോടൊപ്പം ഈ നാട്ടിലേ തൊഴിൽരഹിതരായ യുവാക്കൾക്ക് ജോലി ആവശ്യമാണ്. അതിനു കാർഷിക, വ്യവസായ, സർവീസ് മേഖലകളിൽ കൂടുതൽ മുതൽ മുടക്ക് ആവശ്യമാണ്. കൂടുതൽ സംരംഭങ്ങളും, വ്യവസായങ്ങളും വരണം. അതാണ് More Investment.

സംസ്ഥാനത്തെ ഏറ്റവും പിന്നോക്ക വിഭാഗങ്ങളായ ദളിത് ആദിവാസി, മത്സ്യത്തൊഴിലാളി, പരമ്പരാഗത ചെറുകിട, കരകൗശല, കൈത്തൊഴിൽ മേഖലകൾക്കായി പദ്ധതിയുടെ നിശ്ചിത ഭാഗം നീക്കിവയ്ക്കും .

കാരുണ്യ കേരള പദ്ധതിയിലൂടെ അവശതയനൂഭവിക്കുന്നവർക്ക് സഹായവും സ്വാന്തനവും എത്തിക്കും

യൂ.ഡി.എഫ് മാനിഫെസ്റ്റോയിലെ സുപ്രധാനമായ ചില ആശയങ്ങൾ ഇതാണ്:

@ ന്യായ് പദ്ധതി : കോൺഗ്രസിന്റെ മുൻ പ്രസിഡണ്ട് രാഹുൽ ഗാന്ധി എം പി മുന്നോട്ട് വച്ച മികച്ച പദ്ധതിയാണ് ന്യായ് അഥവാ Minimum Income Guarantee Scheme. ഈ പദ്ധതി പ്രകാരം സംസ്ഥാനത്തെ പാവപ്പെട്ട കുടുംബങ്ങളുടെ ബാങ്ക് അക്കൗണ്ടിൽ പ്രതിമാസം 6000 രൂപ ഉറപ്പുവരുത്തും. ( വർഷം 72,000 രൂപ ). നമ്മുടെ സംസ്ഥാനത്തു നിന്നും ദാരിദ്യം തുടച്ചു നീക്കാൻ ഈ പദ്ധതിക്ക് കഴിയും. ന്യായ് പദ്ധതി പൂർണതോതിൽ നടപ്പിലാക്കുന്ന ആദ്യ സംസ്ഥാനമായിരിക്കും കേരളം. ഈ പദ്ധതി കൂടുതൽ ചർച്ചകളിലൂടെ സമ്പുഷ്ടമാക്കും

@ബില്ല് രഹിത ഹോസ്പിറ്റലുകൾ :(No Bill Hospitals) സംസ്ഥാനത്തെ ജനങ്ങൾക്ക് തീർത്തും സൗജന്യമായ ചികിത്സ ലഭ്യമാക്കുന്ന ആശുപത്രികൾ സംസ്ഥാനത്തെ വിവിധ ഭാഗങ്ങളിൽ സ്ഥാപിക്കും.

@സർക്കാർ സഹായങ്ങൾ ആവശ്യമായ വിഭാഗങ്ങളാണ് വിദ്യാർത്ഥികൾ, തൊഴിലാളികൾ, തൊഴിൽരഹിതർ, വായോധിക്കർ. ഇവർക്കായി SWP program : അതായത് Scholarship, Wages, pension പ്രോഗ്രാം നടപ്പിലാക്കും.

@വിദ്യാർത്ഥികൾക്ക് കൂടുതൽ സ്‌ക്കോളർഷിപ്പുകൾ (Scholarship)

തൊഴിലാളികൾക്കും തൊഴിൽരഹിതർക്കും കൂടുതൽ വേതനം (Wages)

വായോധിക്കർക്ക് കൂടുതൽ പെൻഷൻ (Pension)

സംസ്ഥാനത്തു കൃഷി ചെയ്തു ജീവിക്കുന്ന കർഷകർ ജീവിക്കാൻ ബുദ്ധിമുട്ടുകയാണ് . കർഷകരുടെ സമഗ്ര പുരോഗതി ലക്ഷ്യംവച്ചുകൊണ്ടുണ്ടുള്ള വിവിധ സഹായ പദ്ധതികൾ യൂ.ഡി.എഫ് മാനിഫെസ്റ്റോയിലുണ്ട്. ഒരു ഉദാഹരണം റബ്ബർ കർഷകർക്ക് കിലോയ്ക്ക് 250 രൂപ താങ്ങുവില ഉറപ്പുവരുത്തുന്ന പദ്ധതി. തെങ്ങ്, നെല്ല് കർഷകർക്കായി വിപുലമായ പദ്ധതികൾ നടപ്പിലാക്കും.

യൂ.ഡി.എഫ്. മാനിഫെസ്റ്റോയിൽ ഉൾപ്പെടുന്ന മറ്റൊരു സുപ്രധാന പ്രഖ്യാപനം തൊഴിലുറപ്പ് പദ്ധതിയുടെ വേതനവും, തൊഴിൽദിനങ്ങളും വർദ്ധിപ്പിക്കും.

@മഹാത്മാ ഗാന്ധി തൊഴിലുറപ്പ് പദ്ധതി വേതനവും, തൊഴിൽദിനങ്ങളും വർദ്ധിപ്പിക്കും. ഇന്ത്യൻ നാഷണൽ കോൺഗ്രസ് രാജ്യത്തിനു സംഭാവന ചെയ്ത ഏറ്റവും മഹത്തരമായ പദ്ധതിയാണ് തൊഴിലുറപ്പ് പദ്ധതി. തൊഴിലുറപ്പ് പദ്ധതിയുടെ വേതനവും, തൊഴിൽ ദിനവും ഉയർത്താൻ യൂ.ഡി.എഫ്. പ്രതിജ്ഞാബദ്ധമാണ്. സംസ്ഥാന സർക്കാർ സഹായത്തോടെ ഇത് സാധ്യമാക്കും.

കൂടുതൽ അഭിപ്രായങ്ങളും നിർദ്ദേശങ്ങളും [email protected] എന്ന മെയിൽ ഐഡിയിൽഅറിയിക്കാവുന്നതാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP