Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

'യുഡിഎഫ് വലിയൊരു പടുകുഴിയിൽ നിലംപതിച്ചു; നിലനിൽപുതന്നെ കൺമുന്നിൽ ചോദ്യ ചിഹ്നമായി; അധഃപതനത്തിനുള്ള മറുപടിയാണു ജനം തന്നത്'; തിരഞ്ഞെടുപ്പിലെ തോൽവിക്ക് പിന്നാലെ ഗ്രൂപ്പ് യോഗങ്ങളെയും പരസ്യമായ വിഴുപ്പലക്കലിനെയും വിമർശിച്ച് ഷിബു ബേബി ജോൺ

'യുഡിഎഫ് വലിയൊരു പടുകുഴിയിൽ നിലംപതിച്ചു; നിലനിൽപുതന്നെ കൺമുന്നിൽ ചോദ്യ ചിഹ്നമായി; അധഃപതനത്തിനുള്ള മറുപടിയാണു ജനം തന്നത്'; തിരഞ്ഞെടുപ്പിലെ തോൽവിക്ക് പിന്നാലെ ഗ്രൂപ്പ് യോഗങ്ങളെയും പരസ്യമായ വിഴുപ്പലക്കലിനെയും വിമർശിച്ച് ഷിബു ബേബി ജോൺ

ന്യൂസ് ഡെസ്‌ക്‌

തിരുവനന്തപുരം: നിയമസഭാ തിരഞ്ഞെടുപ്പിൽ യുഡിഎഫിന്റെ കനത്ത തോൽവിക്ക് പിന്നാലെ മുന്നണിയിലെ ജീർണതകൾക്കെതിരെ രൂക്ഷവിമർശനവുമായി ആർഎസ്‌പി നേതാവ് ഷിബു ബേബി ജോൺ. യുഡിഎഫ് വലിയൊരു പടുകുഴിയിൽ നിലംപതിച്ചിരിക്കുകയാണെന്നു ഷിബു ബേബി ജോൺ പ്രതികരിച്ചു. നിലനിൽപുതന്നെ കൺമുന്നിൽ ചോദ്യ ചിഹ്നമായിരിക്കുകയാണ്. ഗ്രൂപ്പ് യോഗം വിളിച്ചും വിഴുപ്പലക്കിയും കൂടുതൽ അപഹാസ്യരാകുന്ന നേതാക്കളുടെ ഉദ്ദേശമെന്ത്? നിങ്ങളുടെ അധഃപതനത്തിനുള്ള മറുപടിയാണു ജനം തന്നത് സമൂഹമാധ്യമത്തിലെ കുറിപ്പിൽ ഷിബു ബേബി ജോൺ വ്യക്തമാക്കി.

 കുറിപ്പിന്റെ പൂർണരൂപം ചുവടെ.

കേരളത്തിലെ മതേതര ജനാധിപത്യ ചേരിയായ ഐക്യജനാധിപത്യ മുന്നണി തിരെഞ്ഞെടുപ്പിൽ പരാജയപ്പെട്ട് വലിയൊരു പടുകുഴിയിലേക്കു നിലംപതിച്ചിരിക്കുന്ന ഒരു രാഷ്ട്രീയ സാഹചര്യത്തിൽ നിലനിൽപ്പ് തന്നെ കൺമുമ്പിൽ ചോദ്യചിഹ്നമായി നിൽക്കുകയാണ്. എന്നാൽ അത് ഉൾക്കൊള്ളാൻ തയാറാകാതെ പരസ്യമായും രഹസ്യമായുമൊക്കെ ഗ്രൂപ്പ് യോഗങ്ങൾ വിളിച്ചും പരസ്യമായി വിഴുപ്പലക്കിയും പൊതുജനമധ്യത്തിൽ കൂടുതൽ അപഹാസ്യരാകുന്ന നേതാക്കളുടെ ഉദ്ദേശമെന്താണ്?

മാധ്യമങ്ങളോട് എന്ത് പറയണം, പാർട്ടിവേദിയിൽ എന്ത് പറയണമെന്ന തിരിച്ചറിവ് പോലുമില്ലാത്തവരോടു സഹതപിക്കാൻ മാത്രമെ സാധിക്കുകയുള്ളു. നിങ്ങളുടെ ഈ അധഃപതനത്തിനുള്ള മറുപടിയാണ് ജനം തന്നത്. എന്നാൽ 'എന്നെ തല്ലണ്ടമ്മാ ഞാൻ നന്നാവൂല' എന്ന സന്ദേശമാണ് നിങ്ങൾ ജനങ്ങൾക്കു നൽകാൻ ആഗ്രഹിക്കുന്നതെങ്കിൽ ഇനിയും അവരെ കൊണ്ട് തല്ലിക്കാതെ സ്വയം ഒരു കുഴിയെടുത്ത് മൂടുന്നതാകും നല്ലത്.
അല്ല... അതാണല്ലോ ഇപ്പോഴും ചെയ്തുകൊണ്ടിരിക്കുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP