Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

'സിപിഎമ്മിന്റെ അടുക്കളപ്പുറത്തിരിക്കുന്ന ചെറിയാന് കോൺഗ്രസിൽ പൂമുഖത്ത് ഒരു കസേരയുണ്ടായിരുന്നു; രണ്ടുതവണ രാജ്യസഭാ സീറ്റ് വാഗ്ദാനം ചെയ്ത് ചരിച്ചു'; തെറ്റുതിരുത്തിയെത്തിയാൽ സ്വീകരിക്കുമെന്ന് കോൺഗ്രസ് മുഖപത്രം

'സിപിഎമ്മിന്റെ അടുക്കളപ്പുറത്തിരിക്കുന്ന ചെറിയാന് കോൺഗ്രസിൽ പൂമുഖത്ത് ഒരു കസേരയുണ്ടായിരുന്നു; രണ്ടുതവണ രാജ്യസഭാ സീറ്റ് വാഗ്ദാനം ചെയ്ത് ചരിച്ചു'; തെറ്റുതിരുത്തിയെത്തിയാൽ സ്വീകരിക്കുമെന്ന് കോൺഗ്രസ് മുഖപത്രം

മറുനാടൻ ഡെസ്‌ക്‌

തിരുവനന്തപുരം: സിപിഎം സഹയാത്രികനായ ചെറിയാൻ ഫിലിപ്പിനെ പരിഹസിച്ചു കോൺഗ്രസ് മുഖപത്രമായ വീക്ഷണം. ചെറിയാൻ ഫിലിപ്പിനെ സിപിഎം വഞ്ചിച്ചെന്ന് മുഖപത്രം കുറ്റപ്പെടുത്തി. രണ്ടുതവണ രാജ്യസഭാ സീറ്റ് വാഗ്ദാനം ചെയ്ത് ചെറിയാൻ ഫിലിപ്പിനെ സിപിഐഎം ചതിച്ചെന്നും അപരാധങ്ങൾ ഏറ്റുപറഞ്ഞ് കോൺഗ്രസിലേക്ക് തിരിച്ചുവരികയാണെങ്കിൽ പാർട്ടി അദ്ദേഹത്തെ അർഹിക്കുന്ന പ്രാധാന്യത്തോടെ സ്വീകരിക്കുമെന്നും വീക്ഷണത്തിന്റെ മുഖപ്രസംഗം പറയുന്നു.

പലപ്പോഴും നിരാശനായി സിപിഎമ്മിന്റെ അടുക്കളപ്പുറത്ത് ഇരിക്കേണ്ടി വന്ന ചെറിയാന് വലിയ സ്ഥാനമാനങ്ങളൊന്നുമില്ലെങ്കിലും കോൺഗ്രസിൽ പൂമുഖത്ത് ഒരു കസേരയുണ്ടായിരുന്നു. 'മോഹമുക്തനായ കോൺഗ്രസുകാരൻ' എന്ന് വിശേഷിപ്പിച്ച്, വേഷം കെട്ടിച്ച് തുടലിട്ട കുരങ്ങനെപ്പോലെ 'ചാടിക്കളിക്കെടാ കുഞ്ഞിരാമാ' എന്നുപറഞ്ഞ് ചുടുചോറ് മാന്തിക്കുകയായിരുന്നു സിപിഐഎം എന്നും വീക്ഷണം ആരോപിക്കുന്നു.

വിമതരെ സ്വീകരിക്കുന്നതിൽ സിപിഐഎമ്മിന് ഇരട്ടത്താപ്പാണ്. ടി കെ ഹംസയെയും ലോനപ്പൻ നമ്പാടനെയും കെ ടി ജലീലിനെയും പരിഗണിക്കുകയും മന്ത്രിസ്ഥാനം നൽകുകയും ചെയ്ത സിപിഐഎം ചെറിയാൻ ഫിലിപ്പിനോട് ചിറ്റമ്മ നയമാണ് സ്വീകരിച്ചത്. പൊട്ടനെ ചെട്ടി ചതിച്ചാൽ ചെട്ടിയെ ദൈവം ചതിക്കുമെന്ന ചൊല്ല് അന്വർത്ഥമാക്കുന്നതായിരുന്നു ചെറിയാൻ ഫിലിപ്പിന്റെ ഗതി. കോൺഗ്രസിനെ ചതിച്ച ചെറിയാനെ സിപിഐഎം ചതിക്കുകയായിരുന്നു മറുകണ്ടം ചാടുന്നവരുടെ ചോര കുടിച്ച് എല്ലും തൊലിയും ഉപേക്ഷിക്കുന്ന കരിമ്പനയിലെ യക്ഷിയാണ് സിപിഐഎം എന്നും മുഖപത്രം വിമർശനം ഉന്നയിക്കുന്നു.

രണ്ടാം തവണയും രാജ്യസഭാ സീറ്റ് നിഷേധിക്കപ്പെട്ടതിന് പിന്നാലെ സജീവരാഷ്ട്രീയം വിടുകയാണെന്നും വിവിധ കക്ഷികൾക്കുള്ളിലെ അന്തർനാടകങ്ങളും വിഭാഗീയതയുടെ അണിയറ രഹസ്യങ്ങളും പ്രതിപാദിക്കുന്ന പുസ്തക രചനയിലേക്ക് കടക്കുകയാണെന്നുമാണ് ഫേസ്‌ബുക്കിലൂടെ പ്രഖ്യാപിച്ചത്. ഈ പശ്ചാത്തലത്തിലാണ് ചെറിയാൻ ഫിലിപ്പിനെ സ്വാഗതം ചെയ്തുള്ള വീക്ഷണത്തിന്റെ മുഖപ്രസംഗം.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP