Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202002Wednesday

ഫ്രഞ്ച് ജനതയെ ഒന്നൊന്നായി കൊന്നൊടുക്കാൻ മുസ്ലിം ജനതയ്ക്ക് അവകാശമുണ്ട്; കൊലയാളികൾക്ക് പരവതാനി വിരിച്ച് മുൻ മലേഷ്യൻ പ്രധാനമന്ത്രി മഹാതിർ മുഹമ്മ; ഫ്രാൻസിനെതിരെ കൂടുതൽ ആക്രമണങ്ങൾ ഒരുക്കാൻ ആഹ്വാനം ചെയ്ത് ലോകം എമ്പാടുമുള്ള ഭീകര സംഘടനകൾ

ഫ്രഞ്ച് ജനതയെ ഒന്നൊന്നായി കൊന്നൊടുക്കാൻ മുസ്ലിം ജനതയ്ക്ക് അവകാശമുണ്ട്; കൊലയാളികൾക്ക് പരവതാനി വിരിച്ച് മുൻ മലേഷ്യൻ പ്രധാനമന്ത്രി മഹാതിർ മുഹമ്മ; ഫ്രാൻസിനെതിരെ കൂടുതൽ ആക്രമണങ്ങൾ ഒരുക്കാൻ ആഹ്വാനം ചെയ്ത് ലോകം എമ്പാടുമുള്ള ഭീകര സംഘടനകൾ

മറുനാടൻ മലയാളി ബ്യൂറോ

ഫ്രാൻസിലെ കത്തോലിക്ക പള്ളിയിൽ ഒരു ഇസ്ലാമിക തീവ്രവാദി മൂന്നു പേരെ കൊലചെയ്തതിനെ ലോകരാജ്യങ്ങൾ ഒറ്റക്കെട്ടായി അപലപിക്കുമ്പോൾ ഫ്രാൻസ് പൗരന്മാരെ കൊന്നൊടുക്കുവാനുള്ള ആഹ്വാനവുമായി എത്തിയിരിക്കുകയാണ് മുൻ മലേഷ്യൻ പ്രധാനമന്ത്രി മഹാതിർ മുഹമ്മദ്. അഭിപ്രായ സ്വാതന്ത്ര്യം എന്നാൽ, മറ്റുള്ളവരുടെ വികാരങ്ങൾ ഹനിക്കലല്ല എന്നും മഹാതിർ പറയുന്നു. ക്ലാസ്സ് മുറിയിൽ കാർട്ടൂൺ കാണിച്ച അദ്ധ്യാപകനെ കൊന്നതിന്റെ താൻ പിന്താങ്ങുന്നില്ലെന്ന് പറഞ്ഞ മുൻ മലേഷ്യൻ പ്രധാനമന്ത്രി മതം ഏതായാലും, കോപം വന്നാൽ ആളുകൾ കൊലപാതകം ചെയ്യും എന്നാണ് പറഞ്ഞത്.

ചരിത്രം പരിശോധിച്ചാൽ ഫ്രഞ്ച്കാർ ധാരാളം പേരെ കൊന്നിട്ടുണ്ട് എന്ന് കാണാൻ കഴിയും എന്ന് പരാമർശിച്ച മഹാതിർ അവരിൽ പലരും മുസ്ലീങ്ങൾ ആയിരുന്നു എന്നും അതിന്റെ പേരിൽ ഫ്രഞ്ച് കാരെ കൊല്ലാൻ മുസ്ലീങ്ങൾക്ക് അവകശമുണ്ടെന്നും ട്വീറ്റ് ചെയ്തു. നേരത്തേ യഹൂദന്മാരേയും സ്വവർഗ്ഗ രതിക്കാരേയും പറ്റി മോശം പരാമർശം നടത്തി വെട്ടിലായ ആളാണ് മുൻ മലേഷ്യൻ പ്രധാനമന്ത്രി.

കണ്ണിനു കണ്ണ് എന്ന തത്വം മുസ്ലീങ്ങൾ സ്വീകരിച്ചിട്ടില്ല എന്നുംഫ്രഞ്ചുകാർ മറ്റു മതങ്ങളെ ബഹുമാനിക്കാൻ പഠിക്കണം എന്നും മഹാതിർ കൂട്ടിച്ചേർത്തു. എന്നാൽ, മഹാതിർ പമ്പര മണ്ടത്തരമാണ് പറയുന്നത് എന്നായിരുന്നു ഇതേക്കുറിച്ച് ആസ്ട്രേലിയൻ പ്രധാനമന്ത്രിയുടെ അഭിപ്രായം. ഈ ക്രൂരമായ കൊലപാതകങ്ങളെ ശക്തമായി അപലപിക്കുക എന്നത് മാത്രമാണ് ഇന്ന് ചെയ്യുവാനുള്ളത് എന്ന് വ്യക്തമാക്കിയ അദ്ദേഹം കുറ്റവാളികൾക്ക് അർഹിക്കുന്ന ശിക്ഷ ലഭിക്കുമെന്നും പ്രത്യാശ പ്രകടിപ്പിച്ചു.

വിവാദ കാർട്ടൂണിനെ പിന്തുണയ്ക്കുന്ന നിലപാട് മാക്രോൺ വ്യക്തമാക്കിയതിനു പിന്നാലെയാണ് മഹാതിറിന്റെ പ്രസ്താവന വന്നത്. അതേസമയം ലോകത്തിന്റെ വിവിധഭാഗങ്ങളിലുള്ള ജിഹാദികൾ നൈസിലെ മൂന്നു കൊലപാതകങ്ങളും സമൂഹ മാധ്യമങ്ങളിൽ ആഘോഷമാക്കുകയാണ്. പ്രത്യേകിച്ച് ഒരു തീവ്രവാദി സംഘടനയും ഫ്രാൻസിലെ കൊലപാതകങ്ങളുടെ ഉത്തരവാദിത്തം ഏറ്റെടുത്തില്ലെങ്കിലും, എല്ലാ ഗ്രൂപ്പുകളും ഇത് ആഘോഷമാക്കുന്നുണ്ട്.

ഐസിസിനേയും അൽക്വയ്ദയേയും പോലുള്ള തീവ്രവാദ ഗ്രൂപ്പുകൾ ഫ്രാൻസിൽ കൂടുതൽ ആക്രമണങ്ങൾക്കായി ആഹ്വാനം ചെയ്തിട്ടുണ്ട്. ഫ്രാൻസിനെ ബഹിഷ്‌കരിക്കാൻ ആവശ്യപ്പെട്ടുകൊണ്ട് ലോകത്തിന്റെ പല ഭാഗങ്ങളിലും ഇസ്ലാമിക സംഘടനകൾ പ്രതിഷേധം ഉയർത്തുന്നുണ്ട്. എന്നാൽ, ഫ്രഞ്ച് കൗൺസിൽ ഓഫ് മുസ്ലിം വർഷിപ്പ് നൈസിലെ കൊലപാതകങ്ങളെ ശക്തമായി അപലപിച്ച് രംഗത്തെത്തിയിട്ടുണ്ട്.

തികച്ചും ഭീരുത്വം നിറഞ്ഞ ഒരു നടപടിയാണ് ഈ കൊലപതകങ്ങൾ എന്ന് കൗൺസിൽ വക്താക്കൾ പ്രസ്താവിച്ചു. മാത്രമല്ല, ഇത്തരമൊരു ക്രൂര സംഭവത്തിന്റെ പശ്ചാത്തലത്തിൽ നബിദിന ആഘോഷങ്ങൾ റദ്ദ് ചെയ്യുവാനുംഫ്രഞ്ച് കൗൺസിൽ ഓഫ് മുസ്ലിം വർഷിപ്പ് തീരുമാനിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP