Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202109Tuesday

രാജസ്ഥാനിലെ നഗരസഭകളിൽ കോൺഗ്രസ് മുന്നേറ്റം; 12 ജില്ലകളിലെ 33 മുനിസിപ്പാലിറ്റികൾ കോൺഗ്രസിന്; ബിജെപിക്ക് പത്ത്; ഉപാധ്യക്ഷന്മാരെ ഇന്നറിയാം

രാജസ്ഥാനിലെ നഗരസഭകളിൽ കോൺഗ്രസ് മുന്നേറ്റം; 12 ജില്ലകളിലെ 33 മുനിസിപ്പാലിറ്റികൾ കോൺഗ്രസിന്; ബിജെപിക്ക് പത്ത്; ഉപാധ്യക്ഷന്മാരെ ഇന്നറിയാം

സ്വന്തം ലേഖകൻ

ജയ്പുർ: രാജസ്ഥാനിലെ 12 ജില്ലകളിലെ 45 നഗരസഭയിൽ 33 ലും ചെയർമാൻ സ്ഥാനം കോൺഗ്രസിന്്. ബിജെപിക്ക് 10 ചെയർമാൻ സ്ഥാനം മാത്രമാണുള്ളത്. രണ്ട് സീറ്റിൽ സ്വതന്ത്രനാണ് തെരഞ്ഞെടുക്കപ്പെട്ടത്. നേരത്തെ അഞ്ച് പേർ എതിരില്ലാതെ തെരഞ്ഞെടുക്കപ്പെട്ടിരുന്നുവെന്ന് സംസ്ഥാന തെരഞ്ഞെടുപ്പ് കമ്മീഷൻ അറിയിച്ചിരുന്നു.

രാജസ്ഥാനിലെ 12 ജില്ലകളിലെ നഗരസഭാധ്യക്ഷന്മാരുടെ തിരഞ്ഞെടുപ്പാണ് ഇന്നലെ നടന്നത്. രണ്ട് മുതൽ 10 വരെയാണ് വോട്ടെടുപ്പ് നടന്നത്. 101 പേരാണ് മത്സരിച്ചത്. മായാവതിയുടെ ബിഎസ്‌പി ഏഴ് സീറ്റിലും സിപിഐയും സിപിഐഎമ്മും രണ്ട് സീറ്റിൽ വീതവും വിജയിച്ചിരുന്നു. ആർഎൽപി ഒരു സീറ്റിലും വിജയിച്ചു.

രാജസ്ഥാനിലെ നഗര പ്രാദേശിക തെരഞ്ഞെടുപ്പിൽ 1775 വാർഡുകളിൽ 619 ഇടത്തും കോൺഗ്രസായിരുന്നു വിജയിച്ചത്. സ്വതന്ത്ര സ്ഥാനാർത്ഥികൾ നേടിയതിനെക്കാൾ കുറവ് സീറ്റുകളാണ് ബിജെപിക്ക് സ്വന്തമാക്കാൻ കഴിഞ്ഞത്. 596 വാർഡുകളിലാണ് സ്വതന്ത്രസ്ഥാനാർത്ഥികൾ വിജയിച്ചത്. എന്നാൽ ബിജെപി 548 വാർഡുകളിൽ ഒതുങ്ങി.

അതേസമയം പഞ്ചായത്ത് രാജ് തെരഞ്ഞെടുപ്പിൽ ജില്ലാ പരിഷത്തുകളിലേക്ക് ബിജെപി 12 ജില്ലാ പ്രമുഖുമാരെ വിജയിപ്പിച്ചെടുത്തപ്പോൾ കോൺഗ്രസിന്റെ വിജയം അഞ്ചിൽ ഒതുങ്ങി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP