Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

കൈനകരി പഞ്ചായത്ത് രണ്ടാം വാർഡിലും സിപിഎമ്മിന് എതിരില്ലാതെ ജയം; യുഡിഎഫ് -ബിജെപി സ്ഥാനാർത്ഥികളുടെ പത്രിക തള്ളിയത് സൂക്ഷ്മ പരിശോധനയിൽ; കണ്ണൂർ, കാസർകോട് ജില്ലയിലെ 19 വാർഡുകൾക്ക് പിന്നാലെ ആലപ്പുഴ ജില്ലയിലും സിപിഎമ്മിന് എതിരില്ലാ ജയം

കൈനകരി പഞ്ചായത്ത് രണ്ടാം വാർഡിലും സിപിഎമ്മിന് എതിരില്ലാതെ ജയം; യുഡിഎഫ് -ബിജെപി സ്ഥാനാർത്ഥികളുടെ പത്രിക തള്ളിയത് സൂക്ഷ്മ പരിശോധനയിൽ; കണ്ണൂർ, കാസർകോട് ജില്ലയിലെ 19 വാർഡുകൾക്ക് പിന്നാലെ ആലപ്പുഴ ജില്ലയിലും സിപിഎമ്മിന് എതിരില്ലാ ജയം

മറുനാടൻ മലയാളി ബ്യൂറോ

ആലപ്പുഴ: കൈനകരി പഞ്ചായത്ത് രണ്ടാം വാർഡിൽ എതിർ സ്ഥാനാർത്ഥികളുടെ പത്രിക സൂഷ്മ പരിശോധനയിൽ തള്ളിപ്പോയതോടെ സിപിഎം സ്ഥാനാർത്ഥി എതിരില്ലാതെ തെരഞ്ഞെടുക്കപ്പെട്ടു. സിപിഎം സ്ഥാനാർത്ഥിയായി നാമനിർദ്ദേശ പത്രിക സമർപ്പിച്ച കെ.എ. പ്രമോദ് ആണ് എതിരില്ലാതെ തെരഞ്ഞെടുക്കപ്പെട്ടത്. യുഡിഎഫ് പിന്തുണയോടെ മത്സരത്തിനിറങ്ങിയ കൈനകരി വികസന സമിതി പ്രതിനിധി ബി. വിനോദിന്റെയും ബിജെപി സ്ഥാനാർത്ഥിയുടെയും പത്രികകളാണ് തള്ളിയത്.

കണ്ണൂർ ജില്ലയിലും പതിനഞ്ചോളം സീറ്റിൽ സിപിഎം പ്രതിനിധികൾ എതിരില്ലാതെ തെരഞ്ഞെടുക്കപ്പെട്ടിരുന്നു. ആന്തൂർ നഗരസഭയിലെ ആറു ഡിവിഷനുകളിൽ സിപിഎം സ്ഥാനാർത്ഥികൾ മാത്രമാണ് പത്രിക നൽകിയത്. മലപ്പട്ടം പഞ്ചായത്തിലെ അഞ്ച് വാർഡുകളിലും സിപിഎം പ്രതിനിധികൾ മാത്രമാണ് നാമനിർദ്ദേശ പത്രിക നൽകിയിരുന്നത്. തളിപ്പറമ്പ്, കയ്യൂർ- ചീമേനി തുടങ്ങിയിടത്തും എതില്ലാ ജയം സിപിഎം നേടിയിരുന്നു. കണ്ണൂരിൽ സ്വതന്ത്രവും നിർഭയവുമായി തെരഞ്ഞെടുപ്പ് നടത്താൻ സിപിഎം അനുവദിക്കുന്നില്ലെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ ആരോപിച്ചിരുന്നു.

യുഡിഎഫ് സ്ഥാനാർത്ഥികൾക്ക് നോമിനേഷൻ കൊടുക്കാൻ പോലും കഴിയാത്ത സാഹചര്യമാണ് നിലനിൽക്കുന്നത്. ആന്തൂരിലും മലപ്പട്ടത്തും സമാനമായ അവസ്ഥയാണെന്ന് മുല്ലപ്പള്ളി ആരോപിച്ചു.കോൺഗ്രസിന് വ്യക്തമായി സ്വാധീനമുള്ള പഞ്ചായത്തുകളാണിത്. കഴിഞ്ഞ ലോക്‌സഭാ തെരഞ്ഞെടുപ്പിൽ യുഡിഎഫ് സ്ഥാനാർത്ഥിയും കെപിസിസി വർക്കിങ് പ്രസിഡന്റുമായ കെ സുധാകരന് ആന്തൂർ മുൻസിപ്പാലിറ്റിയിൽ 4967 വോട്ടാണ് ലഭിച്ചത്. ജനാധിപത്യ സംവിധാനത്തിൽ ഉറപ്പു നൽകുന്ന മൗലികാവകാശങ്ങളെയാണ് സിപിഎം തകർക്കുന്നത്. ഫാസിസ്റ്റ് നടപടിയാണിതെന്നും ഒരിക്കലും അംഗീകരിക്കാൻ കഴിയില്ലെന്നും മുല്ലപ്പള്ളി പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP