Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202121Wednesday

'അറപ്പാണ് എൽ ഡി എഫ്; എൽ ഡി എഫിന്റെ മുദ്രാവാക്യത്തെ പരിഹസിച്ച് ബിജെപി സംസ്ഥാന അദ്ധ്യക്ഷൻ; കള്ളന്മാരുടെയും അധോലോകക്കാരുടെയും പാർട്ടിയാണ് സിപിഎമെന്നും കെ സുരേന്ദ്രൻ

'അറപ്പാണ് എൽ ഡി എഫ്; എൽ ഡി എഫിന്റെ മുദ്രാവാക്യത്തെ പരിഹസിച്ച് ബിജെപി സംസ്ഥാന അദ്ധ്യക്ഷൻ; കള്ളന്മാരുടെയും അധോലോകക്കാരുടെയും പാർട്ടിയാണ് സിപിഎമെന്നും കെ സുരേന്ദ്രൻ

സ്വന്തം ലേഖകൻ

കൊച്ചി: ഉറപ്പാണ് എൽ ഡി എഫ് എന്നതാണ് ഇടതുപക്ഷത്തിന്റെ ഇത്തവണത്തെ തെരഞ്ഞെടുപ്പ് മുദ്രാവാക്യം. കഴിഞ്ഞ ദിവസം പ്രഖ്യാപിച്ച മുദ്രാവാക്യം ചുരുങ്ങിയ സമയം കൊണ്ട് വൈറലാവുകയും ചെയ്തിരുന്നു. ഇതിന് തൊട്ടുപിന്നാലെയാണ് മുദ്രാവാക്യത്തെ പരിഹസിച്ച് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ രംഗത്തെത്തിയത്. ഉറപ്പല്ല.. അറപ്പാണ് എൽ ഡി എഫ് എന്നതായിരുന്നു സുരേന്ദ്രന്റെ പ്രതികരണം.വിജയയാത്രയ്ക്ക് തൃപ്പൂണിത്തുറയിൽ നൽകിയ സ്വീകരണ യോഗത്തിലായിരുന്നു അദ്ദേഹത്തിന്റെ പ്രതികരണം

ഉറപ്പല്ല അറപ്പാണ് എൽഡിഎഫ്. കേരള രാഷ്ട്രീയത്തെ മലീമസമാക്കിയവരാണ് എൽഡിഎഫുകാർ. എങ്ങനെയാണ് കേരളത്തിന്റെ ഭരണവ്യവസ്ഥയിൽ കള്ളന്മാർക്ക് കയറി വരാൻ സാധിക്കുന്നതെന്നും സുരേന്ദ്രൻ ചോദിച്ചു. കമ്യൂണിസ്റ്റ് പാർട്ടി പൂർണ്ണമായും തട്ടിപ്പുകാരുടെ പാർട്ടിയായി മാറി. മണിച്ചൻ മുതൽ ഇങ്ങോട്ട് എല്ലാ കള്ളന്മാരുടെയും അധോലോകക്കാരുടേയും പണം വാങ്ങിയവരാണ് സിപിഎമ്മുകാർ എന്ന് സുരേന്ദ്രൻ ആരോപിച്ചു.

യുഡിഎഫ് അഴിമതിയുടെ കാര്യത്തിൽ അതിനേക്കാൾ മുകളിലാണ്. അഴിമതിയിൽ മുങ്ങി കുളിച്ച ഉമ്മൻ ചാണ്ടിയെ മുൻപിൽവയ്ക്കുകയാണവർ. എന്നാൽ എൻഡിഎ അഴിമതിക്കെതിരെ യുദ്ധം ചെയ്യുന്നവരെയാണ് മുൻപിൽ നിർത്തുന്നത്. ജേക്കബ് തോമസും ഇ. ശ്രീധരനുമെല്ലാം ബിജെപിക്കൊപ്പം നിൽക്കുന്നത് അഴിമതി തുടച്ച് നീക്കാനാണെന്നും അദ്ദേഹം പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP