Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202308Wednesday

സർവ്വകലാശാല നിയമഭേദഗതി ബിൽ നിയമസഭയുടെ സബ്ജക്ട് - സെലക്ട് കമ്മിറ്റികൾക്ക് വിട്ടു; യുജിസി ചട്ടങ്ങൾ ഉന്നയിച്ചുള്ള പ്രതിപക്ഷ വാദങ്ങൾ തള്ളി മന്ത്രി പി.രാജീവ്

സർവ്വകലാശാല നിയമഭേദഗതി ബിൽ നിയമസഭയുടെ സബ്ജക്ട് - സെലക്ട് കമ്മിറ്റികൾക്ക് വിട്ടു; യുജിസി ചട്ടങ്ങൾ ഉന്നയിച്ചുള്ള പ്രതിപക്ഷ വാദങ്ങൾ തള്ളി മന്ത്രി പി.രാജീവ്

മറുനാടൻ മലയാളി ബ്യൂറോ

തിരുവനന്തപുരം: സർവ്വകലാശാല നിയമഭേദഗതി ബിൽ നിയമസഭയുടെ സബ്ജക്ട് - സെലക്ട് കമ്മിറ്റികൾക്ക് വിട്ടു. യുജിസി ചട്ടം ഉന്നയിച്ച് ബിൽ കേന്ദ്ര നിയമത്തിന് എതിരാണെന്നു പറയുന്ന പ്രതിപക്ഷ നിലപാട് അപകടകരമായ രാഷ്ട്രീയമാണെന്ന് നിയമമന്ത്രി പി രാജീവ് പറഞ്ഞു. മുഖ്യമന്ത്രിക്ക് വേണ്ടി നിയമ മന്ത്രി പി രാജീവാണ് ഏറെ പ്രാധാന്യമുള്ള സർവ്വകലാശാല ഭേദഗതി ബിൽ അവതരിപ്പിച്ചത്.

സർവകലാശാലകളുടെ തലപ്പത്ത് വിദ്യാഭ്യാസ വിചക്ഷണന്മാരെ കൊണ്ടുവരാനാണ് നിയമനിർമ്മാണം. നിയമസഭ പാസാക്കിയ നിയമത്തിനു മുകളിലാണോ യുജിസി ചട്ടങ്ങൾ എന്ന് ചോദിച്ച നിയമ മന്ത്രി, മല്ലികാ സാരാഭായിയെ കലാമണ്ഡലം ചാൻസലറായി നിയമിച്ചത് എടുത്തു കാട്ടിയാണ് യോഗ്യതയുള്ളവർ തന്നെ ചാൻസലർമാരാകുമെന്ന ഉറപ്പു നൽകിയത്.

യുജിസി ചട്ടങ്ങൾ സംബന്ധിച്ച പ്രതിപക്ഷത്തിന്റെ തടസ്സ വാദങ്ങൾ തള്ളിയ സ്പീക്കർ വിസിമാരുടെ യോഗ്യത സംബന്ധിച്ച് ബില്ലിന്റെ ചർച്ചാവേളയിൽ പരിഗണിക്കാമെന്നും വ്യക്തമാക്കി. സബ്ജക്ട് കമ്മിറ്റിയുടെ പരിഗണനയ്ക്കു ശേഷം മടങ്ങിവരുന്ന ബിൽ 13ന് സഭ പാസാക്കി ഗവർണർക്കയക്കും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP