Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202024Saturday

പശ്ചിമ ബംഗാൾ രാഷ്ട്രീയത്തിലും 'ദാദാ ഗിരി' വരുമോ? ഇന്ത്യൻ ക്രിക്കറ്റ് ടീമിനെ വിജയിപ്പിക്കാൻ പഠിപ്പിച്ച ക്യാപ്ടൻ രാഷ്ട്രീയക്കളത്തിൽ ഇറങ്ങിയാൽ ജാതിയും മതവും മറന്ന് നെഞ്ചിലേറ്റാൻ തയ്യാറെടുത്ത് ബംഗാൾ ജനത; ക്രിക്കറ്റ് ഭരണം കൈയാളാൻ അമിത്ഷായുമായി കൈകോർത്ത സൗരവ് ഗാംഗുലി ബംഗാൾ രാഷ്ട്രീയത്തിൽ ബിജെപിക്ക് വേണ്ടി 'ബാറ്റേന്തിയേക്കും'; വിജയം മാത്രം ശീലിച്ച ബംഗാളിന്റെ രാജകുമാരൻ 2021ൽ മുഖ്യമന്ത്രി കസേരയിൽ എത്തിയേക്കും; രാഷ്ട്രീയ ചർച്ചകൾക്കിടെയും മനസ്സു തുറക്കാതെ ഗാംഗുലി

പശ്ചിമ ബംഗാൾ രാഷ്ട്രീയത്തിലും 'ദാദാ ഗിരി' വരുമോ? ഇന്ത്യൻ ക്രിക്കറ്റ് ടീമിനെ വിജയിപ്പിക്കാൻ പഠിപ്പിച്ച ക്യാപ്ടൻ രാഷ്ട്രീയക്കളത്തിൽ ഇറങ്ങിയാൽ ജാതിയും മതവും മറന്ന് നെഞ്ചിലേറ്റാൻ തയ്യാറെടുത്ത് ബംഗാൾ ജനത; ക്രിക്കറ്റ് ഭരണം കൈയാളാൻ അമിത്ഷായുമായി കൈകോർത്ത സൗരവ് ഗാംഗുലി ബംഗാൾ രാഷ്ട്രീയത്തിൽ ബിജെപിക്ക് വേണ്ടി 'ബാറ്റേന്തിയേക്കും'; വിജയം മാത്രം ശീലിച്ച ബംഗാളിന്റെ രാജകുമാരൻ 2021ൽ മുഖ്യമന്ത്രി കസേരയിൽ എത്തിയേക്കും; രാഷ്ട്രീയ ചർച്ചകൾക്കിടെയും മനസ്സു തുറക്കാതെ ഗാംഗുലി

മറുനാടൻ ഡെസ്‌ക്‌

കൊൽക്കത്ത: ഇന്ത്യൻ ക്രിക്കറ്റ് ടീമിനെ വിജയിപ്പിക്കാൻ ശീലിപ്പിച്ച ക്യാപ്ടനാണ് സൗരവ് ഗാംഗുലി. രാജ്യത്തിന്റെ അഭിമാനം ഉയർത്തിയ ക്രിക്കറ്റർ. കണ്ണുവച്ചാൽ അതു കീഴടക്കുന്ന രാജരക്തമായതിനാൽ ക്രിക്കറ്റ് ഭരണത്തിന്റെയും അമരത്തും തന്റെ കൈയൊപ്പ് പതിപ്പിക്കാൻ അദ്ദേഹത്തിന് സാധിച്ചു. അടുത്ത ഐസിസി അധ്യക്ഷൻ ഗാംഗുലി ആകുമെന്ന സൂചനകളാണ് പുറത്തുവരുന്നത്. അങ്ങനെയെങ്കിൽ ക്രിക്കറ്റ് ലോകം ഭരിക്കുന്നത് ദാദയാകും. അതേസമയം ക്രിക്കറ്റ് രാഷ്ട്രീയത്തിനൊപ്പം ബംഗാൾ രാഷ്ട്രീത്തിലും സൗരവ് ഗാംഗുലിയുടെ പേര് ഉയർന്നു കേൾക്കുന്നുണ്ട്. ബംഗാൾ രാഷ്ട്രീയത്തിൽ ബിജെപിക്ക് വേണ്ടി അദ്ദേഹം രംഗത്തിറങ്ങിയേക്കും എന്നാണ് പുറത്തുവരുന്ന വാർത്തകൾ.

ബംഗാൾ രാഷ്ട്രീയത്തിൽ ഇപ്പോൾ മമത ബാനർജിയുടെ തേർവാഴ്‌ച്ചയാണ്. ടിഎംസി പ്രവർത്തകരെന്ന പേരിൽ ഗുണ്ടകൾ അഴിഞ്ഞാടുന്ന അവസ്ഥയും സംസ്ഥാനത്തുണ്ട്. ക്രിമിനൽ പ്രവർത്തനങ്ങൾ പലയിടത്തും തലപൊക്കി കഴിഞ്ഞു. മറുവശത്ത് സിപിഎമ്മിനും ബിജെപിയിലും ഇപ്പോൾ മമതയെ നേരിടാൻ കെൽപ്പുള്ള നേതാക്കളില്ലാത്ത അവസ്ഥയുണ്ട്. ഈ സാഹചര്യത്തിൽ ഒരു പുതിയ രാഷ്ട്രീയ താരത്തിന്റെ ഉദയത്തിനവ് സമയമായി എന്നാണം ബംഗാൾ ജനത അഭിപ്രായപ്പെടുന്നത്. തികച്ച പ്രതിച്ഛായയുള്ള ബംഗാളിലെ ജനങ്ങൾ ആഗ്രഹിക്കുന്ന ആ രാഷ്ട്രീയ മുഖം സൗരവ് ഗാംഗുലിയുടേത് ആകുമെന്നാണ് ദേശീയ രാഷ്ട്രീയ നിരീക്ഷകർ വിലയിരുത്തുന്നത്. ടൈംസ് നൗ ന്യൂസ് ഡോട്ട്‌കോമിൽ ബിസ്വജിത്ത് ഝാ എഴുതിയ ലേഖനത്തിൽ സൗരവ് ഗാംഗുലിയൂടെ രാഷ്ടീയ എൻട്രിയുണ്ടാകുമെന്നും അദ്ദേഹം 2021ൽ ബംഗാൾ മുഖ്യമന്ത്രി ആകുമെന്നുമാണ് പ്രവചിക്കുന്നത്.

ഗാംഗുലിക്ക് ബംഗാൾ ജനത നല്കുന്ന പ്രതിച്ഛായ ബംഗാളിന്റെ പുത്രൻ എന്നു തന്നെയാണ്. ബംഗാളി ഭാഷ സംസാരിക്കുന്ന, ജാതിമത വ്യത്യസ്തമായി എല്ലാവരും ഇഷ്ടപ്പെടുന്ന വ്യക്തി. ഗാംഗുലി ബംഗാൾ മുഖ്യമന്ത്രിയാകുന്നത് ആഗ്രഹിക്കുന്നുണ്ടോ എന്നു ചോദിച്ചാൽ ഒരു ശരാശരി ബംഗാളി പ്രതികരിക്കുന്നത് അങ്ങനെ ആഗ്രഹമുണ്ടെന്നാണ്. ബംഗാളിനെ ഭരിക്കാൻ ഗാംഗുലിയെ പോലെ ഒരാൾ വരണമെന്ന് അവർ പറയുന്നു. ബംഗാൾ രാഷ്ട്രീയത്തിൽ ബിജെപി പക്ഷത്തേക്കാണ് ഗാംഗുലിയുടെ പോക്ക് എന്ന സൂചനകളുണ്ട്. അതേസമയം മമത ബാനർജിയുമായി നല്ല അടുപ്പം സൂക്ഷിക്കുന്ന വ്യക്തി കുടിയാണ് സൗരവ്. ഈ സാഹചര്യത്തിൽ അദ്ദേഹം എങ്ങനെ ബിജെപി പക്ഷത്തേക്ക് പോകുമെന്ന ചോദ്യം ഉയരുകയും ചെയ്യുന്നുണ്ട്.

ബാഗാളിലെ വിദ്യാസമ്പന്നരായ യുവത്വം നല്ല ജോലിയും തൊഴിലവസരങ്ങളും തേടുന്നവരാണ്. എന്നാൽ, ഇപ്പോഴും മികച്ചൊരു ജോലി വേണമെങ്കിൽ സംസ്ഥാനത്തിന് പുറത്തേക്ക് പോകേണ്ട അവസ്ഥയിലാണ് അഭ്യസ്ഥവിദ്യർ. ഈ അവസ്ഥയ്ക്ക് മാറ്റം വരാൻ ദ്വീർഘവീക്ഷണമുള്ള ഭരണാധികാരികൾ വേണമെന്നാണ് യുവാക്കൾ പറയുന്നത്. അഴിമതി സമസ്ത മേഖലയിലും പിടിമുറുക്കിയിട്ടുണ്ട്. അതിന് മാറ്റം വരണമെന്നും ഇവർ പറയുന്നു. കേന്ദ്രത്തിലെ അധികാരത്തിന്റെ ബലത്തിൽ സംസ്ഥാനത്ത് വലിയ വേരോട്ടം ഉണ്ടാക്കാൻ ബിജെപിക്ക് സാധിച്ചിട്ടുണ്ട്. ലോക്‌സഭാ തെരഞ്ഞെടുപ്പിൽ 18 സീറ്റിൽ വിജയിച്ചിരുന്നു.

തൃണമൂൽ കോൺഗ്രസുമായുള്ള വോട്ടുവ്യത്യാസം മൂന്ന് ശതമാനത്തിന്റേത് മാത്രമാണ് താനും. സിപിഎമ്മിന്റെ ശോഷണവും ബിജെപിക്ക് ഗുണകരമായി മാറി. അതേസമയം ബിജെപിക്ക് എടുത്തു കാണിക്കാൻ സംസ്ഥാനത്ത് ഒരു ഇഷ്ടമുഖം ഇല്ലാത്ത അവസ്ഥയുണ്ട്. ദിലിപ് ഘോഷ്, മുകൾ റോയി തുടങ്ങിയവർക്കൊന്നും പാർട്ടി മുഖമാകാൻ ഇനിയും സാധിച്ചിട്ടില്ല. ഈ സ്ഥാനത്തേക്കാണ് അമിത്ഷാ സൗരവ് ഗാംഗുലിയെ കളത്തിൽ ഇറക്കുക എന്ന സൂചനകൾ വരുന്നത്. ജാതിവ്യത്യാസത്തിന് അതീതമായി ബംഗാളി വികാരം ഉയർത്താൻ ഗാംഗുലിയുടെ വരവോടെ ബിജെപിക്ക് സാധിക്കും. ബിജെപിയുടെ പിന്തുണയ്‌ക്കൊപ്പം നിഷ്പക്ഷ വോട്ടുകളും ഗാംഗുലിക്ക് പിന്തുണയാകുമെന്ന് കരുതുന്നവർ ഏറെയാണ്.

ബിസിസിഐ ഭരണം പിടിക്കാൻ വേണ്ടി സൗരവ് ഗാംഗുലിക്കൊപ്പം നിന്നത് അമിത്ഷാ ആയുന്നു. ശ്രീനിവാസൻ പക്ഷത്തെ വെട്ടിനിരത്തിയാണ് ഗാംഗുലി ബിസിസിഐ അധ്യക്ഷ പദവിയിലേക്ക് എത്തിയത്. ക്രിക്കറ്റിൽ അധികാരം പിടിച്ചതിന് ബദലായി ബംഗാൾ രാഷ്ട്രീയത്തിൽ സഹായമാണ് അമിത്ഷാ ഗാംഗുലിയിൽ നിന്നും പ്രതീക്ഷിക്കുന്നത്. ഒത്തുകളിൽ ഇന്ത്യൻ ക്രിക്കറ്റ് മുഖം കുനിച്ച കാലത്താണ് സൗരവ് ഗാംഗുലി ഇന്ത്യൻ ടീമിന്റെ സ്ഥിര സാന്നിധ്യമാകുന്നത്. പിന്നെ നായകനും. ഇതോടെ ഇന്ത്യൻ ക്രിക്കറ്റിന്റെ തലവര തന്നെ മാറി. ഇതേസാഹചര്യമാണ് ബംഗാൾ രാഷ്ട്രീയത്തിലെന്നാണ് രാഷ്ട്രീയനിരീക്ഷകർ വിലയിരുത്തുന്നത്. കലുഷിതമായ ബംഗാൾ രാഷ്ട്രീയത്തെ നേർവഴിക്ക് നയിക്കാൻ ഗാംഗുലിയുടെ വരവോടെ സാധിക്കുമെന്ന് പലരും കരുതുന്നു. ആ വരവ് ഉണ്ടാകുമോ എന്നാണ് അറിയേണ്ടത്.

രാജ്യാന്തര ക്രിക്കറ്റ് കൗൺസിൽ (ഐസിസി) ചെയർമാൻ സ്ഥാനത്തുനിന്ന് ഇന്ത്യക്കാരൻ ശശാങ്ക് മനോഹർ സ്ഥാനമൊഴിയുമ്പോൾ ആ പദവിയിലേക്കു കറുത്ത കുതിരയായി ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പ്രസിഡന്റ് സൗരവ് ഗാംഗുലി എത്തുമെന്ന സൂചനകൾ ശക്തമാണ്. രാജ്യാന്തര ക്രിക്കറ്റ് ഭരണം കൈപ്പിടിയിലൊതുക്കാൻ കിട്ടുന്ന സുവർണാവസരം ഗാംഗുലിയിലൂടെ പ്രയോജനപ്പെടുത്താമെന്നാണു ചിന്ത. ക്രിക്കറ്റ് സൗത്ത് ആഫ്രിക്ക ഡയറക്ടറും മുൻ ദക്ഷിണാഫ്രിക്കൻ ക്യാപ്റ്റനുമായ ഗ്രെയിം സ്മിത്തും സിഇഒ ജാക് ഫോളും ഐസിസി തലപ്പത്തേക്കു ഗാംഗുലി വരണമെന്ന അഭിപ്രായപ്പെട്ടതോടെ ചർച്ചകൾക്കു ചൂടുപിടിച്ചു കഴിഞ്ഞു.

ക്രിക്കറ്റിന്റ ഭരണത്തെ കുറിച്ചാണ് ഗംഗുലിയുടെ മനസിലുള്ളത്. ഐസിസി അധ്യക്ഷ പദവി ലഭിച്ചില്ലെങ്കിൽ ബംഗാളിന്റെ അധികാര കേന്ദ്രമായി ഗാംഗുലി മാറുമോ എന്നതണ് ഇനി അറിയേണ്ടത്. ബംഗാൾ പിടിക്കാൻ വേണ്ടി അരയും തലയും മുറുക്കി അമിത്ഷാ രംഗത്തിറങ്ങുമ്പോൾ രാഷ്ട്രീയ ചിത്രം തന്നെ മാറുമെന്ന സൂചനകളും പുറത്തുവരുന്നുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP