1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
06
Thursday

പുതുക്കാട്, നാട്ടിക, കയ്‌പ്പമംഗലം, ചേലക്കര മണ്ഡലങ്ങളിൽ ഇടതു വിജയം സുനിശ്ചിതം; പാലിശ്ശേരി വേലവച്ചില്ലെങ്കിൽ കുന്ദംകുളത്തും ഇടതു തന്നെ; തൃശ്ശൂരിലും കൊടുങ്ങല്ലൂർ മത്സരം കടുകട്ടി; ഗുരുവായൂരിൽ ഗതിനിർണ്ണയിക്കുക ബിജെപി വോട്ടുകൾ: തൃശ്ശൂരിലെ ജയസാധ്യതകളെ അഡ്വ. ജയശങ്കർ വിലയിരുത്തുന്നത് ഇങ്ങനെ

May 03, 2016 | 02:26 PM IST | Permalink



പുതുക്കാട്, നാട്ടിക, കയ്‌പ്പമംഗലം, ചേലക്കര മണ്ഡലങ്ങളിൽ ഇടതു വിജയം സുനിശ്ചിതം; പാലിശ്ശേരി വേലവച്ചില്ലെങ്കിൽ കുന്ദംകുളത്തും ഇടതു തന്നെ; തൃശ്ശൂരിലും കൊടുങ്ങല്ലൂർ മത്സരം കടുകട്ടി; ഗുരുവായൂരിൽ ഗതിനിർണ്ണയിക്കുക ബിജെപി വോട്ടുകൾ: തൃശ്ശൂരിലെ ജയസാധ്യതകളെ അഡ്വ. ജയശങ്കർ വിലയിരുത്തുന്നത് ഇങ്ങനെ

ണ്ടു മുന്നണികൾക്കും ഏറെക്കുറേ ഒരുപോലെ ശക്തിയുള്ള ജില്ലയാണ് തൃശ്ശൂർ. തൃശ്ശൂർ ജില്ലയിൽ ഭൂരിപക്ഷം കിട്ടുന്ന മുന്നണി ഭരിക്കും എന്നാണ് പറയാറുള്ളത്. പക്ഷെ അതെല്ലാം മാറ്റി മറിച്ചുകൊണ്ട് കഴിഞ്ഞ തവണ യുഡിഎഫിനു ഇവിടെ വലിയ തിരിച്ചടി ഉണ്ടായി. സാമാന്യ നിയമം തെറ്റി എൽഡിഎഫിനു കൂടുതൽ സീറ്റുകൾ കിട്ടി. ഇവിടെ 13 മണ്ഡലങ്ങൾ ആണ് ഉള്ളത് അതിൽ ഒരെണ്ണം സംവരണ മണ്ഡലമാണ്. ഇരിങ്ങാലക്കുട മാണി ഗ്രൂപ്പിനും ഗുരുവായൂർ മുസ്ലിംലീഗിനും കൊടുത്തു. ബാക്കി 11 സീറ്റിൽ കോൺഗ്രസ് തന്നെയാണ് ഇവിടെ മത്സരിക്കുന്നത്.

തൃശൂരിൽ മത്സരം കടുകട്ടി, ബിജെപി വോട്ടുകൾ ഗതിനിർണ്ണയിക്കും

തൃശൂർ മണ്ഡലത്തെ സംബന്ധിച്ച് പറഞ്ഞാൽ അത് യുഡിഎഫിന്റെ കോട്ട ആയി പറയുന്ന മണ്ഡലമാണ്. ഇവിടെ കൊല്ലങ്ങളായി കോൺഗ്രസ് സ്ഥാനാർത്ഥി തേറമ്പിൽ രാമകൃഷ്ണനാണ് മത്സരിക്കുന്നത്. ഇക്കുറി തേറമ്പിലിനു സീറ്റു നിഷേധിച്ചു, പകരം ലീഡറുടെ മകൾ പത്മജ വേണുഗോപാലിനു സീറ്റു കൊടുത്തു. തേറമ്പിലിന്റെ നീരസം ഇവിടെ തീർച്ചയായും ഉണ്ടാകും. പത്മജയ്ക്ക് എതിരായി ഇവിടെ മത്സരിക്കുന്നത് ചാനൽ ചർച്ചകളിൽ സജീവ സാന്നിധ്യമായ സിപിഐയുടെ വി എസ് സുനിൽ കുമാർ ആണ്. അദ്ദേഹം എവിടെയും നിറഞ്ഞു നിൽക്കുന്ന ആളുമാണ്. ബിജെപി സ്ഥാനാർത്ഥിയും കേമനാണ്. അഡ്വ. ബി ഗോപാലകൃഷ്ണൻ. ഇദ്ദേഹവും നാട് ഇളക്കി വോട്ടു പിടിക്കാനുള്ള ശ്രമത്തിലാണ്. ഇവിടെ ഒരു സ്വീകാര്യത കിട്ടുമോ എന്ന് പത്മജ ശ്രമിച്ചുകൊണ്ടിരിക്കുകയാണ്. വാശിയേറിയ മത്സരമാണ് തൃശൂരിൽ നടക്കുന്നത് ആത്യന്തികമായി പറഞ്ഞാൽ ബിജെപി സ്ഥാനാർത്ഥി ഗോപാലകൃഷ്ണൻ ഭിന്നിപ്പിക്കുന്ന വോട്ടുകൾ ആയിരിക്കും ഇവിടെ ഗതി നിർണയിക്കുന്നത്.

പുതുക്കാട് വിജയം സിപിമ്മിനൊപ്പം

പുതുക്കാട് സിപിഐ(എം) സ്ഥാനാർത്ഥി പ്രൊഫ രവീന്ദ്രനാഥാണ്. ഇദ്ദേഹത്തിന്റെ ജയം ഇവിടെ സുനിശ്ചിതമാണ് എന്നു തന്നെ പറയാം. യുഡിഎഫ് സ്ഥാനാർത്ഥിയായി ഇവിടെ മത്സരിക്കുന്നത് സുന്ദരൻ കുന്നത്തുള്ളിയാണ്. ബിജെപിക്ക് വേണ്ടി എ നാഗേഷും മത്സരിക്കുന്നു. ബിജെപി മത്സരിക്കുന്ന ശക്തമായ മണ്ഡലമാണ് പുതുക്കാട്. ജയം രവീന്ദ്രനാഥിന് ഒപ്പമായിരിക്കും. കാരണം ഇദ്ദേഹം കേരളത്തിലെ തന്നെ മാതൃക യാക്കാവുന്ന ഒരു എംഎൽഎയും പുത്തൻ വികസന കാഴ്ചപ്പാടുള്ള ആളുമാണ്. സുന്ദരൻ കുന്നത്തുളി നല്ല സ്ഥാനാർത്ഥി അല്ലാത്തതു കൊണ്ട് ബിജെപി സ്ഥാനാർത്ഥി നാഗേഷ് ഇവിടെ രണ്ടാം സ്ഥാനത്ത് എത്തുവാനും സാധ്യതയുണ്ട്.

നാട്ടികയിൽ ഗീതാ ഗോപിക്ക് നേരിയ മുൻതൂക്കം

നാട്ടിക ജില്ലയിലെ സംവരണ സീറ്റാണ്. 2011 ലെ തിരഞ്ഞെടുപ്പ് മുതലാണ് ഇത് പട്ടികജാതി സീറ്റായി മാറിയത്. അതിനു മുൻപ് ടി എൻ പ്രതാപൻ മത്സരിച്ചുകൊണ്ടിരുന്ന മണ്ഡലമാണ് നാട്ടിക. പിന്നീട് സിപിഐയുടെ സ്ഥാനാർത്ഥി ഗീത ഗോപി 2011 ൽ ജയിച്ചു. ഗീത ഗോപി തന്നെയാണ് ഇക്കുറിയും എൽഡിഎഫ് സ്ഥാനാർത്ഥി. കോൺഗ്രസ് സ്ഥാനാർത്ഥിയായി കെ വി ദാസനാണ് മത്സരിക്കുന്നത്. അവിടെ കെപിഎംസിന്റെ പ്രസിഡന്റും നാട്ടുകാരനുമായ ടി വി ബാബു ബിഡിജെഎസ് സ്ഥാനാർത്ഥി ആയി മത്സരിക്കുന്നു എന്നതാണ് പ്രത്യേകത. ഇദ്ദേഹം ബിഡിജെഎസിന്റെ അഖിലേന്ത്യാ ജനറൽ സെക്രട്ടറി കൂടിയാണ്. ഗീത ഗോപിക്കാണ് സാധ്യത. വികസനങ്ങൾ മണ്ഡലങ്ങളിൽ കടമാണ് എന്നാലും സിപിഐക്കു കൊണ്ട് നടക്കാൻ പറ്റിയ സ്ഥാനാർത്ഥിയും ഇവിടെ നടന്ന സമരങ്ങളിലും മറ്റും ഒപ്പം നിന്ന് പ്രവർത്തിക്കുന്ന ആളുമാണ് ഗീത. ദാസൻ യുഡിഎഫ് ന്റെ നല്ല സ്ഥാനർത്ഥിയാണ്. എന്നാലും ഗീത ഗോപിക്ക് ഇവിടെ നേരിയ ഒരു സാധ്യതയുണ്ട് എന്ന് തന്നെ പറയാം.

കലങ്ങിത്തെളിഞ്ഞ കയ്പമംഗലത്ത് ഇടതു വിജയം സുനിശ്ചിതം

കയ്പമംഗലത്തിന്റെ ഒരു പ്രത്യേകത പഴയ നാട്ടികയുടെയും പഴയ കൊടുങ്ങല്ലൂരിന്റെയും ചെറിയ ഭാഗങ്ങൾ ചേർന്ന ഒരു ചുവപ്പൻ മണ്ഡലമാണ് എന്നതാണ്. 2009 ലെ പാർലമെന്റ് തിരഞ്ഞെടുപ്പിൽ കോൺഗ്രസ് സ്ഥാനാർത്ഥി കെപി ധനപാലൻ മറ്റിടങ്ങളിൽ ലീഡ് ചെയ്തപ്പോഴും താഴെപോയ മണ്ഡലം കയ്പമംഗലമാണ്. കഴിഞ്ഞ പാർലമെന്റ് ഇലക്ഷണിൽ ഇവിടെ നിന്ന് കിട്ടിയ വോട്ടാണ് ഇന്നസെന്റ് ജയിക്കാൻ കാരണം. വി എസ് സുനിൽ കുമാർ ആയിരുന്നു ഇവിടെ കഴിഞ്ഞ തവണ ജയിച്ചത്. സുനിൽ കുമാർ തൃശൂർക്കു പോയതുകൊണ്ട് ടൈസൺ മാസ്റ്റർ ആണ് ഇക്കുറി ഇവിടെ എൽഡിഎഫ് സ്ഥാനാർത്ഥി. തീരപ്രദേശത്തെ കുറിച്ച് നല്ല അറിവുള്ള വ്യക്തിയാണ് ടൈസൺ. കോൺഗ്രസിന് അവിടെ ജയിക്കാവുന്ന സ്ഥാനാർത്ഥിയായിരുന്നു ടിഎൻ പ്രതാപൻ. പക്ഷെ, പ്രതാപൻ പിന്മാറുന്നു എന്ന് ആദ്യം പറഞ്ഞു, പിന്നീട് എവിടെ നിന്നോ ഒരു പയ്യനെ ആണ് ഇപ്പോൾ ആർഎസ്‌പി ക്കു വേണ്ടി യുഡിഎഫ് ഇറക്കുമതി ചെയ്തിരിക്കുന്നത്. അയാൾക്കു കയ്പമംഗലത്തിന്റെ നീളവും വീതിയും അറിയാത്ത ഒരാളാണ്. മുഹമ്മദ് നഹാസ് എന്നാണ് ഇദ്ദേഹത്തിന്റെ പേര്. ഒപ്പം തൃശൂർ ജില്ലയിൽ ബിജെപി - ബിഡിജെഎസ് ശക്തമായ ഒരു മത്സരം കാഴ്ചവെക്കുന്ന മണ്ഡലം കൂടിയാണ് കയ്പമംഗലം. ഇവിടെ ഉണ്ണികൃഷ്ണനാണ് സ്ഥാനാർത്ഥി. കയ്പമംഗലം-കൊടുങ്ങലൂർ ഏരിയ ബിജെപിക്കു വളരെ സ്വധീനമുള്ള ഏരിയ കൂടിയാണ്. ഒപ്പം ഉണ്ണിക്കൃഷ്ണൻ എസ്എൻഡിപി യിലും വളരെ സ്വാധീനമുള്ള ആളാണ്. യുഡിഎഫ് സ്ഥാനാർത്ഥി ദുർബലൻ ആണ് എന്നതുകൊണ്ടും ബാക്കിഘടകങ്ങൾ അനുകൂലമായി നിൽക്കുന്നതുകൊണ്ടും ബിജെപി -ബിഡിജെഎസ് സ്ഥാനാർത്ഥി നന്നായി വോട്ടുകൾ പിടിക്കാൻ സാദ്ധ്യതകൾ ഉണ്ട്.

കോൺഗ്രസ് സ്വാധീന കൊടുങ്ങല്ലൂർ കടുത്ത മത്സരം

പഴയ മാളയാണ് ഇപ്പോഴത്തെ കൊടുങ്ങല്ലൂർ. പഴയ മാള ഒരു വലിയ കോൺഗ്രസ് കോട്ടയായിരുന്നു. കാർഷിക മേഖലയുമാണ്. മാളയോട് കൊടുങ്ങാലൂർ മുനിസിപ്പലിറ്റി കൂടി കുട്ടിച്ചേർത്തപ്പോൾ പുതിയ കൊടുങ്ങല്ലൂർ മണ്ഡലമായി. ഇപ്പോൾ ഇതൊരു ഇടതു -വലതു സ്വാധീനമുള്ള സ്ഥലമാണ്. എന്നാലും, കോൺഗ്രസിന് ചെറിയ ഒരു സ്വാധീനം കൂടുതലാണ്. കാരണം അത് ലീഡർ കരുണാകരന്റെ മണ്ഡലം അയതുകൊണ്ടാവാം. ടിഎൻ പ്രതാപന്റെ മണ്ഡലമാണിത്. ഇക്കുറി പ്രതാപൻ ഇവിടെ മത്സരിക്കുന്നില്ല. സിപിഐയുടെ സീറ്റാണ്. പഴയ മന്ത്രി വിആർ രാജന്റെ മകൻ വികെ സുനിൽ കുമാർ ആണ് ഇവിടെ എൽഡിഎഫ് സ്ഥാനാർത്ഥി. കോൺഗ്രസിന്റെ സ്ഥാനാർത്ഥി കെപി ധനപാലനാണ്. ധനപാലൻ മാളക്കാരനോ, കൊടുങ്ങല്ലൂർകാരനോ അല്ല പറവൂരുകാരാണ്.

കഴിഞ്ഞ തവണ പാർലമെന്റ് ഇലക്ഷനിൽ ഇദ്ദേഹം തോറ്റുപോയി. അതിന്റെ ഒരു പ്രായശ്ചിത്തം എന്നതു പോലെ ഇവിടെ സീറ്റു കിട്ടിയിട്ടുണ്ട്. സ്ഥലം പരിചയമുള്ള ആളുമാണ് ധനപാലൻ. കടുത്ത മത്സരം ഉണ്ടാകും. ഇവിടെ സംഗീത വിശ്വനാഥൻ എന്ന് പറയുന്ന ബിഡിജെഎസ് സ്ഥാനാർത്ഥിയാണ് എൻഡിഎക്കു വേണ്ടി മത്സരിക്കുന്നത്. കുറെ വോട്ടുകൾ പിടിക്കും എന്നതിൽ സംശയമില്ല. തദ്ദേശ സ്വയംഭരണ തിരഞ്ഞെടുപ്പിൽ ബിജെപി നല്ല പ്രകടനം കാഴ്ചവച്ച സ്ഥലവും, ധാരാളം ബിജെപിക്കാർ ഉള്ള സ്ഥലവുമാണ് കൊടുങ്ങല്ലൂർ. പക്ഷെ ബിജെപിക്കൊരു ക്ഷീണം പറ്റിയതു എന്താണെന്നു വച്ചാൽ പുനർവിഭജനത്തിൽ ബിജെപി ശക്തി കേന്ദ്രങ്ങളുടെ ഒരു നല്ല ഭാഗം കയ്പാമംഗലത്തേക്ക് വിഭജിച്ചു പോയി എന്നതാണ്. അതുകൊണ്ടു അട്ടിമറികൾ നടക്കില്ല. യഥാർത്ഥ മത്സരം ഇരുമുന്നണികൾ തമ്മിലാണ്.

ഗുരുവായൂരിൽ അബ്ദുൾ ഖാദറിന് തന്നെ മുൻതൂക്കം, ഗുരുവായൂരപ്പന്റെ പേരിൽ വോട്ടുപിടിക്കാൻ ബിജെപി

ഗുരുവായൂരിൽ സാധാരണയായി ഇപ്പോഴും ഇരു മുന്നണികളും മുസ്ലിം സ്ഥാനാർത്ഥികളെയാണ് മത്സരിപ്പിക്കുന്നത്. മുസ്ലിം ലീഗിന്റെ സീറ്റാണ് ഗുരുവായൂർ. ഇടക്കാലം കൊണ്ട് സിനിമ സംവിധായകൻ ആയ കുഞ്ഞുമുഹമ്മദ് ഒരു ബൈ ഇലക്ഷനിൽ ഇവിടെ സിപിഐ(എം) സ്ഥാനാർത്ഥി ആയി മത്സരിച്ചു ജയിച്ചു. 1996ലോ മറ്റോ ഇദ്ദേഹം തോറ്റിട്ടുണ്ട്. എങ്കിലും പിന്നീട് എൽഡിഎഫ് ഗുരുവായൂർ പിടിച്ചെടുത്തു. ഗുരുവായൂർ സിറ്റിങ് എംഎൽഎയായ കെവി അബ്ദുൽ ഖാദർ ആണ് ഇവിടെ സിപിഐ(എം) സ്ഥാനാർത്ഥി. യുഡിഎഫ് ജില്ലയിൽ മുസ്ലിം ലീഗിന് കൊടുത്ത സീറ്റും ഗുരുവായൂരാണ് ലീഗ് സ്ഥാനാർത്ഥിക്ക് വേണ്ടി ആലോചിച്ചു ഒരു ഇറക്കുമതി സ്ഥാനാർത്ഥിയെയാണ് നിർത്തിയിരിക്കുന്നത്. യൂത്ത് ലീഗിന്റെ പി എം സാദിഖ് അലി. സാദിഖ് അലി ഇവിടെ മത്സരിക്കുന്നു എന്നേയുള്ളൂ.

വിജയം അബ്ദുൾ ഖാദറിന് ആയിരിക്കും ഇവിടെ എന്നതാണ്. ഇവിടെ എൻഡിഎ സ്ഥാനാർത്ഥിയായി മത്സരിക്കുന്നത് അഡ്വ നിവേദിത സുബ്രമണ്യമാണ്. നല്ല പ്രചാരണം ഇവർ നടത്തുന്നുണ്ട്. ഇവിടെ അബ്ദുൾ ഖാദർ ജയിക്കും ഒപ്പം സാദിഖ് അലിയെ ഇവിടെ സ്ഥാനാർത്ഥി ആക്കിയതിൽ ലോക്കൽ ലീഗുകാർക്ക് ചില അസ്വാരസ്യങ്ങളുണ്ട്. അതും എൽഡിഎഫിനു അനുകൂലമാണ്. ഒപ്പം രണ്ടു മുസ്ലിം സ്ഥാനാർത്ഥികൾ നിൽക്കുന്നത് എന്നതുകൊണ്ട് എൻഡിഎ സ്ഥാനാർത്ഥി ഇവിടെ കുറച്ച് വോട്ട് പിടിക്കും. ഗുരുവായൂരപ്പന്റെ പേരിൽ വോട്ടുകൾ ബിജെപി ഇവിടെ പിടിക്കുമെങ്കിലും എങ്കിലും രണ്ടാം സ്ഥാനാത്തിന് സാധ്യത കുറവാണ്.

പാലിശ്ശേരി വേലവച്ചിങ്കിൽ കുന്നംകുളത്ത് സിപിഐ(എം) വിജയം

എവിടെ എൽഡിഎഫ് സിപിഐ(എം) സിറ്റിങ് എംഎൽഎ യായ ബാബു എം പാലിശ്ശേരി ക്കു ഇക്കുറി പാർട്ടി സീറ്റു കൊടുത്തില്ല. കഴിഞ്ഞ തവണ ഇദ്ദേഹം നേരിയ ഭൂരിപക്ഷത്തിലാണ് ഇവിടെ ജയിച്ചത്. പക്ഷെ ഇദ്ദേഹം ഇവിടെ ഒരു ലോക്കൽ തോക്കാണ്. ഇദ്ദേഹത്തിന്റെ കുടുംബ പ്രശ്‌നങ്ങളെ തുടർന്നു പാർട്ടി ഇതിൽ ഇടപെട്ടു നടപടികൾ എടുത്തു. അതിനാൽ ആണ് സീറ്റു ഇക്കുറി നിഷേധിക്കപ്പെട്ടത്. സിപിഐ(എം) ജില്ലാ സെക്രട്ടറിയായ എ സി മൊയ്തീനാണ് സിപിഐ(എം) പാർട്ടി ജില്ലാ സെക്രട്ടറി. ഇതൊരു ഇടതുപക്ഷ മണ്ഡലമാണ്. കഴിഞ്ഞ തവണ മത്സരിച്ചു തോറ്റുപോയ സി പി ജോൺ ആണ് യുഡിഎഫ് സ്ഥാനാർത്ഥി. കഴിഞ്ഞ തവണ ഓർത്തഡോക്‌സ് സഭക്കാർ ബാബു പാലിശ്ശേരിക്കു അനുകൂലമായി വോട്ടു ചെയ്തതുകൊണ്ടാണ് ഇദ്ദേഹം ഇവിടെ തോറ്റത്. പക്ഷേ, അഞ്ചു വർഷമായി ഇവിടെ പ്രചാരണം നടത്തുന്ന ആളാണ് ജോൺ.

ബാബു എം പാലിശ്ശേരിയുടെ ആളുകൾ വേല വച്ചില്ലെക്കിൽ ഇവിടെ മൊയ്തീനു ജയിക്കാം. ഒപ്പം രണ്ടു പേരും ശക്തരായ സ്ഥാനാർത്ഥികളാണ്. ബിജെപിക്കു കാര്യമായി വോട്ടുകൾ ഉള്ള ഏരിയയാണ് കുന്നംകുളവും മണലൂരും. കെ കെ അനീഷ് കുമാർ ആണ് ഇവിടെ ബിജെപി സ്ഥാനാർത്ഥി. അനീഷ് കുമാർ ആദ്യം തന്നെ ഇവിടെ ഫ്‌ലെക്‌സും പോസ്റ്ററുകളുമായി പ്രചാരണ പരിപാടികൾ തുടങ്ങിയിരുന്നു. അവസാനത്തെ വോട്ടുകൾ എണ്ണി കഴിഞ്ഞാലേ ജോണോ മൊയ്തീനോ ആണെന്ന് പറയാൻ കഴിയുകയുള്ളു. ബിജെപി സ്ഥാനാർത്ഥിക്ക് ശ്രമിച്ചാൽ ജാമ്യ സംഖ്യ തിരിച്ചു പിടിക്കാം. ഇവിടെ ഇന്നലത്തെ രണ്ടാം സ്ഥാനം കിട്ടില്ല.

മണലൂർ മുരളി പെരുന്നെല്ലിക്ക് മുൻതൂക്കം

കോൺഗ്രസിലെ പി എ മാധവൻ ആയിരുന്നു ഇവിടെ കഴിഞ്ഞ തവണ മത്സരിച്ചു ജയിച്ചത്. ഈ പ്രാവിശ്യം മാധവേട്ടന് സീറ്റു നിഷേധിച്ചു. കാരണം എന്താണെന്ന് അറിയില്ല. മാധവനോടൊപ്പം ജില്ലയിലെ തലമുതിർന്ന കോൺഗ്രസ് മൂപ്പന്മാരായ സിഎൻ ബാലകൃഷ്ണനും, തേറമ്പിലിനും ഇക്കുറി സീറ്റില്ല. ഇവർ മൂന്ന് പേരും നല്ല നീരസത്തിലാണ്. മാധവനെ മാറ്റി ഒ അബ്ദുൽ റഹ്മാൻ കുട്ടിയാണ് ഇവിടെ കോൺഗ്രസ് സ്ഥാനാർത്ഥി. അദ്ദേഹത്തിന്റെ പേരിലെ വട്ടപ്പൂജ്യം തന്നെ ആയിരിക്കും തിരഞ്ഞെടുപ്പിൽ ഉണ്ടാകുക. ഇവിടെ മുരളി പെരുനെല്ലിയെന്ന ശകതനായ സ്ഥാനാർത്ഥിയാണ് എൽഡിഎഫ് ഇവിടെ നിർത്തിയിരിക്കുന്നത്.

ബിജെപിക്ക് നല്ല വോട്ടുള്ള പ്രദേശമാണ് മണലൂർ മണ്ഡലം. എറണാകുളത്ത് നിന്നു എ എൻ രാധാകൃഷ്ണനെ കൊണ്ടുവന്നു. ഇവിടെ നിർത്തിയിരിക്കുന്നതും അതുകൊണ്ടാണ്. ഇവിടെ ബിജെപി ആഞ്ഞു പിടിക്കുന്നുണ്ട്. ടി വി ചാനലിൽ നിറഞ്ഞു നിൽക്കുന്ന ആഗോള പ്രതിഭ ആയതുകൊണ്ട് രാധാകൃഷ്ണനെ എല്ലാവർക്കും അറിയാം. വോട്ടുകൾ നേടും. പക്ഷെ മണലൂർ ഒരു വലിയ കോൺഗ്രസ് മണ്ഡലമാണ്, കാർഷിക മണ്ഡലമാണ്. മുരളി ക്കാണ് ഇവിടെ സാധ്യത.

ചാലക്കുടിയിൽ ബിഡി ദേവസി ഒരു പണത്തൂക്കം മുന്നിൽ

എറണാകുളം ജില്ലയിലെ അങ്കമാലി പോലെ വലിയ കോൺഗ്രസ് മണ്ഡലമാണ് ചാലക്കുടി. പക്ഷെ ഒരു വിഭാഗം കോൺഗ്രസ്സുകാർ ഇവിടെ ഇടഞ്ഞു നിൽക്കുകയാണ്. നിലവിൽ ഇവിടെ എംഎൽഎ ബി ഡി ദേവസിയാണ്. ഇക്കുറി കോൺഗ്രസ് ടി യു രാധാകൃഷ്ണൻ എന്ന ശക്തനായ സ്ഥാനാർത്ഥിയെ കൊണ്ട് വന്നിട്ടുണ്ട്. ചാലക്കുടിയിൽ ആളുകൾക്ക് അറിയാവുന്ന ആളുമാണ് രാധാകൃഷ്ണൻ. പക്ഷെ ദേവസി വളരെ ജനകീയനും വികസന പ്രവർത്തനങ്ങൾ ഒരുപാടു ചെയ്ത ആളുമാണ്. നല്ല മത്സരമാണ് ഇവിടെ നടക്കുന്നത് എങ്കിലും ദേവസി ഒരു പണത്തൂക്കം മുൻപിലാണ്. എസ്എൻഡിപിയുടെ നേതാവായ കെ എ ഉണ്ണിക്കൃഷ്ണൻ ആണ് ഇവിടെ ബീഡിജെസ് സ്ഥാനാർത്ഥി. ബിജെപിക്ക് പൊതുവേ വോട്ടു കുറവാണ് ചാലക്കുടിയിൽ.

ഒല്ലൂരിൽ എൽഡിഎഫിന് മുൻതൂക്കം

ഒല്ലൂർ ഒരു വലിയ മണ്ഡലമാണ്. കുടിയേറ്റക്കാർ കൂടുതലുള്ള മണ്ഡലമാണിത്. എംഎൽഎ എ പി വിൻസെന്റ് ആണ് ഇത്തവണയും കോൺഗ്രസ് സ്ഥാനാർത്ഥി. സിപിഐക്കാണ് എൽഡിഎഫ് സീറ്റു കൊടുത്തിരിക്കുന്നത്. കെ രാജൻ ആണ് ഇവരുടെ സ്ഥാനാർത്ഥി. ഇപ്പോറൾ ഇതൊരു ഇടതുപക്ഷ മണ്ഡലമാണ്. വിൻസെന്റിന് അത്ര അനുകൂലമല്ല ഇപ്പോൾ ഉള്ളത്. കെ രാജനാണ് ഇവിടെ സാധ്യത. ഇവിടെയും ബിഡിജെസ് ആണ് മത്സരിക്കുന്നത്. പികെ സന്തോഷ് ആണ് ഇവരുടെ സ്ഥാനാർത്ഥി. ഈഴവ വോട്ടുകൾ കൂടുതലുള്ള ഏരിയ ആയതിനാലാണ് എത്ര വോട്ടുകൾ കിട്ടും എന്നുള്ളത് തിരഞ്ഞെടുപ്പ് കഴിഞ്ഞേ പറയാൻ സാധിക്കൂ.

വടക്കാഞ്ചേരിയിൽ മത്സരം കടുകട്ടി, ഫലം പ്രവചനാതീതം

കോൺഗ്രസ് മണ്ഡലമാണ് വടക്കാഞ്ചേരി. കോൺഗ്രസിന്റെ സ്വന്തം സീറ്റ് ആയ വടക്കാഞ്ചേരിയിൽ എ സി മൊയ്തീൻ 2004 ൽ ഉപതിരഞ്ഞെടുപ്പിൽ മുരളീധരനെ തോൽപ്പിച്ചു എംഎൽഎ ആയി. 2006 ലും മൊയ്തീൻ ജയിച്ചു. 2011 ൽ മൊയ്തീന് ഇവിടെ നിന്നും മാറ്റി എൻ ആർ ബാലനെ കൊണ്ടുപോയി നിർത്തി. എന്നാൽ ഇവിടെ ബാലനെ ദയനീയമായി തോൽപ്പിച്ച് സിഎൻ ബാലകൃഷ്ണൻ ജയിച്ചു സഹകരണ വകുപ്പ് മന്ത്രിയായി.

ഇക്കുറി വടക്കഞ്ചേരിയിൽ സിപിഐ(എം) ആദ്യം തന്നെ സ്ഥാനാർത്ഥിയായി കെപിഎസി ലാളിതയെ പ്രഖ്യാപിച്ചു. ഇതറിഞ്ഞ ഇവിടുത്തെ ചില കുലം കുത്തികൾ ലളിത വേണ്ട എന്ന് പറഞ്ഞു ജാഥകൾ നടത്തി പോസ്റ്റർ ഒട്ടിച്ചു. സേവ്യർ എന്നയാളെ സ്ഥാനാർത്ഥി ആക്കണം എന്നായിരുന്നു ഇവരുടെ ആവശ്യം. അവസാനം ലളിത പിന്മാറി. സ്ഥാനാർത്ഥി വനിതാ ആകണമെന്നുള്ള കേന്ദ്ര കമ്മിറ്റിയുടെ ആവശ്യം പരിഗണിച്ചു ജില്ലാ പഞ്ചായത്തു അംഗം ഒരു മേരി തോമസിനെയാണ് ഇപ്പോൾ സ്ഥാനാർത്ഥി ആക്കിയിരിക്കുന്നത്. കോൺഗ്രസ് സ്ഥാനാർത്ഥി മുൻ അടാട്ട് പഞ്ചായത്ത് പ്രസിഡന്റ് ആയിരുന്ന അനിൽ അക്കരയാണ്. ഇദ്ദേഹം പൊക്കാളി കൃഷി പോലുള്ള സംഭവങ്ങൾ പഞ്ചായത്തിൽ നടത്തി ഒരുപാടു ശ്രദ്ധ നേടിയ ആളാണ്. പക്ഷെ അടുത്തിടെ ഉണ്ടായ പുഴക്കൽ പാടം വിവാദങ്ങൾ ഇദ്ദേഹത്തിന് ഇതിരെ വന്നിട്ടുണ്ട്. അഡ്വ ആർ ഉല്ലാസ് ആണ് ബിജെപി സ്ഥാനാർത്ഥി. വലിയ വോട്ടു ബാങ്കുകൾ ഇവിടെ ബിജെപിക്കു ഇല്ല, എന്നാലും കുറെ വോട്ടുകൾ പിടിക്കാം. നല്ല മത്സരമാണ് ഇവിടെ നടക്കുന്നത് ആരു ജയിക്കും എന്നു പറയാൻ പറ്റില്ല.

ഇരിങ്ങാലക്കുടയിൽ ഉണ്ണിയാട ചരിതം ആവർത്തിക്കും

വലിയ ഒരു ഇടതുപക്ഷ മണ്ഡലമാണ് ഇരിങ്ങാലക്കുട, പക്ഷെ ഇവിടെ ജയിക്കുന്നത് യുഡിഎഫ് ആണ്. കാരണം നല്ലൊരു സ്ഥാനാർത്ഥിയെ മുന്നോട്ടു കൊണ്ടുവരാൻ കഴിയാത്തതാണ് പ്രശ്‌നം. തോമസ് ഉണ്ണിയാടൻ ആണ് അഞ്ചാമതും യുഡിഎഫ് സ്ഥാനാർത്ഥി. ഇദ്ദേഹം വൈക്കം കാരനാണ്. രാഷ്ട്രീയത്തിന് അതീതമായി ബന്ധങ്ങൾ കാത്തു സൂക്ഷിക്കുന്ന ആളുമാണ് ഇദ്ദേഹം. കോൺഗ്രസുകാർ അല്ലാതെ മാണി ഗ്രൂപ്പിന് യാതൊരു സ്വാധീനവും ഇല്ലാത്ത മേഖലയാണ് ഇരിങ്ങാലക്കുട. ആകെയുള്ള മാണി ഗ്രൂപ്പുകാരൻ ഉണ്ണിയാടൻ മാത്രമാണെന്ന് പറയാം. ഉണ്ണിയാടൻ ഇരിങ്ങാലക്കുടയിൽ ആദ്യം വരുന്നത് ലോനപ്പൻ നമ്പാടനോട് വീര്യമൃത്യു വരിക്കാനാണ്. അന്ന് അങ്ങനെ ഇവിടെ തോറ്റു. പക്ഷെ ഇദ്ദേഹം വൈക്കത്തേക്ക് തിരിച്ചു പോയില്ല. 2011 ലെ ഇലക്ഷനിൽ വീണ്ടും സ്ഥാനാർത്ഥിയായി അന്ന് നമ്പാടൻ അല്ലായിരുന്നു എൽഡിഎഫ് സ്ഥാനാർത്ഥി. അന്ന് സിപിഐ(എം) ഒരു അതിബുദ്ധി കാണിച്ചു നമ്പാടനെ കൊടകരക്കു വിട്ടു ഇവിടെ പി ശശിധരന് കൊടുത്തു. അന്ന് ശശിധരനെ തോൽപ്പിച്ചു ഉണ്ണിയാടൻ ജയിച്ചു പിന്നീട് ഉണ്ണിയാടൻ 2006 ലും 2011 ലും ജയിച്ചു ഇക്കുറി നാലാമത്തെ വിജയത്തിനായി ഉണ്ണിയാടൻ സ്ഥാനാർത്ഥി ആയി നിൽക്കുന്നു. ഇവിടെ കെ യു അരുണൻ ആണ് മാർക്‌സിസ്റ്റ് സ്ഥാനാർത്ഥി. നല്ല സ്ഥാനാർത്ഥിയാണ് അരുണൻ. എങ്കിലും ഉണ്ണിയാടനാണ് ഇവിടെ സാധ്യത. എസ്എൻഡിപി നേതാവായ സന്തോഷ് ആണ് ഇവിടെ ബിഡിജെഎസ് സ്ഥാനാർത്ഥി. ബിജെപി ഇവിടെ അത്ര വലിയ ശക്തിയില്ല എന്നാലും കുറച്ചു വോട്ടുകൾ പിടിക്കാം.

ചേലക്കരയിൽ ഇടതു വിജയം ആവർത്തിക്കും

കേരളം തുടങ്ങിയപ്പോൾ മുതൽ പട്ടികജാതി സംവരണ സീറ്റാണ് ചേലക്കര. വികസനം എത്തി നോക്കാത്ത സ്ഥലമാണ് ചേലക്കര. സത്യൻ അന്തിക്കാട് സിനിമയിലെ പോലെ ഗ്രാമീണ അന്തരീക്ഷമുള്ള മണ്ഡലമാണ്. യാതൊരു വികസനവും എത്താത്ത ചേലക്കരയിൽ സിപിഐ(എം) ആണ് ജയിക്കാറുള്ളത്. യു ആർ പ്രദീപ് ആണ് ഇവിടെ സിപിഐ(എം) സ്ഥാനാർത്ഥി. കെ ഇ തുളസി യുഡിഎഫ് സ്ഥാനാർത്ഥി. എത്ര ദാരിദ്ര്യമുള്ള ആളുകൾ ആണെങ്കിലും അരിവാൾ ചുറ്റിക്ക് വോട്ടു കുത്തുന്ന രീതിയാണ് ഇവിടെയുള്ളത്. അതുകൊണ്ട് പ്രദീപിനാണ് ഇവിടെ സാധ്യത. ബിജെപി സ്ഥാനാർത്ഥി ഇവിടെ ഷാജുമോൻ വടക്കേകാട് ആണ്. ബിജെപി വലിയ പ്രസക്തമല്ലാത്ത മണ്ഡലമാണ് ചേലക്കര.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
ആ 130കോടി ജനങ്ങളിൽ ഞാനില്ല'; 130 കോടി ജനങ്ങളുടെ ആഗ്രഹമാണ് രാമക്ഷേത്ര നിർമ്മാണം എന്ന പ്രധാനമന്ത്രി മോദിയുടെ പ്രസ്താവനക്ക് പിന്നാലെ ഞങ്ങളെ ഒഴിവാക്കാൻ ആവശ്യപ്പെട്ട് മലയാളികളുടെ ക്യാമ്പയിൻ; വാട്‌സ് ആപ്പിലും, ഫേസ്‌ബുക്കിലും നിറഞ്ഞ ക്യാമ്പയിനുമായി മലയാളികൾ; ഏറ്റെടുത്തവരിൽ സംവിധായകൻ ആഷിഖ് അബു മുതൽ രാഷ്ട്രീയ സാംസ്‌കാരിക രംഗത്തെ പ്രമുഖർ വരെ
തൃശൂരിൽ നിന്നും തിരുവനന്തപുരത്തേക്ക് ഓട്ടം വിളിച്ചു കാശു കൊടുക്കാതെ മുങ്ങിയ ആളെ മറുനാടന്റെ അന്വേഷണത്തിൽ കണ്ടെത്തി; ദിലീപിന്റെ അസിസ്റ്റന്റ് ആണെന്നും അമ്മ മരിച്ചു എന്ന് കള്ളം പറഞ്ഞ് രേവത് ബാബുവിന്റെ ഓട്ടോറിക്ഷ വിളിച്ചത് നെയ്യാറ്റിൻകര മരിയാപുരം സ്വദേശി നിശാന്ത്; പ്ലംബിങ് തൊഴിലാളിയായ നിശാന്ത് സിനിമകളിൽ ശ്രദ്ദിക്കപ്പെടാത്ത വേഷങ്ങൾ ചെയ്തയാൾ; അളിയൻ പണംതരും എന്നു പറഞ്ഞ് മുങ്ങിയ യുവാവ് ഇപ്പോൾ കീഴാറിലെ വാടക വീട്ടിൽ ക്വാറന്റൈനിൽ
രേവതിന്റെ നിഷ്‌ക്കളങ്കതയും സഹായ മനസ്‌കതയും അറിഞ്ഞ് സഹായ ഹസ്തവുമായി കേരളാ ഹോട്ടൽ ഉടമ മനോജ് മനോഹരൻ; രേവതിന്റെ കഥയറിഞ്ഞ് അയ്യായിരം രൂപ ബാങ്ക് വഴി അയച്ചു കൊടുത്തു; കേസ് തുടരാനുള്ള എല്ലാ നിയമ സഹായവും വാഗ്ദാനം ചെയ്തു കെ.എച്ച് ഹോട്ടലിന്റെ ഫെയ്സ് ബുക്ക് കൂട്ടായ്മ; സഹായിച്ചത് പാവപ്പെട്ട ഓട്ടോഡ്രൈവറെ കബളിപ്പിച്ചു കടന്നത് തിരുവനന്തപുരകാരനായ വ്യക്തി ആയെന്ന വേദനയിലെന്ന് മനോജ്
ജഡ്ജിയും നേതാവുമായി അടുത്ത ബന്ധം; ഖുറാൻ വാഹനമെത്തി സിആപ്റ്റിലും ബന്ധുവിന്റെ സാന്നിധ്യം; എൻഐഎ നിരീക്ഷണത്തിലൂള്ളത് സ്വപ്നയുടെ സഹോദരന്റെ വിവാഹത്തിൽ പങ്കെടുത്ത ഏക നേതാവ്; സർക്കാരിൽ ഉന്നത സ്വാധീനമുള്ള നേതാവിനെ ചോദ്യം ചെയ്യുന്നത് എല്ലാ തെളിവുകളും സൂക്ഷ്മമായി വിലയിരുത്തിയ ശേഷം മാത്രം; സ്വപ്‌നയുടെ മൊഴിയെ സാധൂകരിക്കുന്ന തെളിവുകൾ കിട്ടിയാൽ ഉടൻ നേതാവിന് നോട്ടീസ് നൽകും; സ്വർണ്ണ കടത്തിൽ വിഐപി മൂന്നാമാനിലേക്ക് അന്വേഷണം
രൂപമാറ്റം വരുത്തിയ അടിപൊളി ബൈക്കിൽ പെൺകുട്ടിയുടെ സൂപ്പർ സഞ്ചാരം! ഹെൽമറ്റു ധരിക്കാതെയുള്ള ബൈക്ക് യാത്രയുടെ വീഡിയോ സോഷ്യൽ മീഡിയയിലും വൈറൽ; പ്രായപൂർത്തിയാകാത്ത പെൺകുട്ടിയുടെ സഞ്ചാരമെന്ന പരാതിയും; പരിശോധിക്കാൻ മോട്ടോർ വാഹന വകുപ്പ് ഉദ്യോഗസ്ഥരും എത്തിയതോടെ കണ്ടെത്തിയത് യമഹ ബൈക്കിൽ രൂപമാറ്റം നടത്തിയത്; ഗിയറുള്ള ബൈക്ക് ഓടിക്കാൻ ലൈസൻസ് ഇല്ലെന്നും കണ്ടെത്തി; 20,500 രൂപ പിഴ ചുമത്തി അധികൃതർ; വീഡിയോ ചിത്രീകരിക്കാൻ മാത്രമാണ് ഹെൽമറ്റൂരി വാഹനമോടിച്ചതെന്ന് ബൈക്കുടമ
19ാം നൂറ്റാണ്ടു മുതൽ നടന്നത് ചെറുതും വലുതുമായ നാൽപ്പതോളം കലാപങ്ങൾ; കൊല്ലപ്പെട്ടത് ആയിരങ്ങൾ; ഷബാനുകേസിന് പരിഹാരമായി കോൺഗ്രസിന്റെ ഹൈന്ദവ പ്രീണനം കാര്യങ്ങൾ വഷളാക്കി; രഥയാത്രയും കർസേവയും വെടിവെപ്പുമൊക്കെയായി എത്രയെത്ര പ്രശ്‌നങ്ങൾ; വെറും രണ്ടു സീറ്റിൽ നിന്ന് ബിജെപിയുടെ വളർച്ച ഈ കാമ്പയിന് ഒപ്പം; തുടക്കം കുറിച്ചത് ഹിന്ദുരാഷ്ട്രത്തിന്റെ നിർമ്മാണത്തിനോ? അയോധ്യയിലെ രാമക്ഷേത്രത്തിന്റെ സംഘർഷഭരിതമായ വഴിത്താരകളിലൂടെ
'ഇസ്താംബൂളിലെ സോഫിയ പള്ളിയുടെ അനുഭവം ഓർക്കുക; ഇന്ന് കഅബ നിലനിൽക്കുന്ന സ്ഥലം പോലും ബഹുദൈവ വിശ്വാസത്തിന്റെയും വിഗ്രഹാരാധനയുടെയും കേന്ദ്രമായിരുന്നു; പള്ളിയുടെ ഭൂമിയിൽ ക്ഷേത്രം പണിയുന്നതും കണ്ട് രാജ്യത്തെ മുസ്ലീങ്ങൾ നിരുത്സാഹപ്പെടുരുത്; ബാബറി മസ്ജിദ് ഇന്നലെ ഒരു പള്ളിയായിരുന്നു, ഇന്നും പള്ളിയാണ്, ഇൻഷാ അള്ളാ ഭാവിയിലും അങ്ങനെ ആയിരിക്കും'; വിവാദ പ്രസ്താവനയുമായി മുസ്ലിം വ്യക്തിനിയമ ബോർഡ്
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
ഭർത്താവിന്റെ വ്യക്തിഗത സന്ദേശങ്ങളെയും ഫോട്ടോകളെയും കുറിച്ച് വ്യാകുലപ്പെട്ട മെറിൻ ജോയ് ജൂലൈ 19 ന് കോറൽ സ്പ്രിങ്‌സ് പൊലീസിനെ വിളിച്ചത് മരണ ഭീതിയിൽ; കേസെടുക്കാനൊന്നുമില്ലെന്നും വിവാഹ മോചനത്തിന് അഭിഭാഷകനെ കാണാനും ഉപദേശിച്ച പൊലീസിനും നെവിന്റെ മനസ്സിലെ ക്രൂരത തിരിച്ചറിയാനായില്ല; ജോലി സ്ഥലം വിട്ട് ഓടിയൊളിക്കാൻ മലയാളി നേഴ്‌സ് ആഗ്രഹിച്ചതും ജീവിക്കാനുള്ള മോഹം കൊണ്ട്; മെറിൻ ജോയിയുടെ കൊലപാതകത്തിന് പിന്നിൽ ഫിലിപ്പ് മാത്യുവിന്റെ ഈഗോ തന്നെ
ഉറക്കം വന്നപ്പോൾ പമ്പിന് സമീപം വണ്ടിയൊതുക്കി; മൂന്നരയോടെ വലിയ ശബ്ദം കേട്ട് ഞെട്ടിയുണർന്നപ്പോൾ കണ്ടത് സ്‌കോർപ്പിയോയിൽ ക്വട്ടേഷൻ സംഘം വന്നിറങ്ങുന്നത്; പിന്നാലെ നീല ഇന്നോവ എത്തി; കാറിന്റെ ഗ്ലാസ് അടിച്ചു തകർത്ത് ബാലുവിനെ അടിച്ചു കൊന്നു; മരണ മൊഴിയെന്ന് പറഞ്ഞ് കലാഭവൻ സോബി റിക്കോർഡ് ചെയ്ത വീഡിയോ പുറത്ത്; ബാലുവിനെ കൊന്നതാണ് കൊന്നതാണ് കൊന്നതാണ് എന്ന് വെളിപ്പെടുത്തൽ; ബാലഭാസ്‌കറിനെ പള്ളിപ്പുറത്ത് വകവരുത്തിയത് സ്വർണ്ണ കടത്ത് ഗ്യാങോ? സിബിഐയ്ക്ക് മുന്നിൽ ചോദ്യങ്ങൾ ഏറെ
ലോറി ഡ്രൈവർമാർക്ക് 'ചരക്കുകളെ' എത്തിച്ചു കൊടുക്കുന്ന ലോട്ടറി കച്ചവടം; പൂനയിൽ നിന്ന് ലോറി എടുക്കുമ്പോൾ ഷാഫി ഓർഡർ ചെയ്തത് പ്രായം കുറഞ്ഞ ഇരയെ; ലക്ഷ്യമിട്ട പെൺകുട്ടി കൈയിൽ നിന്നും വഴുതിയപ്പോൾ റൂമിലേക്ക് ഉന്തിതള്ളി വിട്ടത് വൃദ്ധയെ; കാമഭ്രാന്തനെ പ്രതിരോധിച്ചപ്പോൾ ബ്ലൈഡു കൊണ്ടും ക്രൂരത; കണ്ടു വന്ന മകന് ഹാലിളകിയപ്പോൾ ലോറി ഡ്രൈവർക്കും അമ്മയ്ക്കും കിട്ടിയത് പൊതിരെ തല്ല്; എല്ലാം അനുഭവിച്ചത് 75-കാരി; കോലഞ്ചേരിയിലെ പീഡനത്തിൽ നിറയുന്നത് ഓമനയുടെ വാണിഭ കച്ചവടം
ലക്ഷ്മിയെ തേടിയുള്ള അന്വേഷണം ചെന്നു നിൽക്കുന്നത് തിട്ടമംഗലത്തെ വീട്ടിൽ; ദുബായിൽ പോയെന്നും കൊച്ചിയിലുണ്ടെന്നും ബംഗളൂരുവിലേക്ക് താമസം മാറിയെന്നും പറയുന്നത് പച്ചക്കള്ളം; ഭർത്താവിന്റേയും മകളുടേയും വേർപാടിൽ വിവാദങ്ങൾ ചർച്ചയാകുമ്പോൾ ഒന്നും മിണ്ടാതെ മാറി നിൽക്കുന്ന ദൃക്സാക്ഷി; ബാലഭാസ്‌കറിനെ കൊന്നു തള്ളിയെന്ന് കലാഭവൻ സോബി വെളിപ്പെടുത്തിയിട്ടും മിണ്ടാട്ടമില്ല; നേരറിയാൻ സിബിഐ ആദ്യമെത്തുക ലക്ഷ്മിക്ക് അരികിൽ; വയലിനിസ്റ്റിന്റെ മരണത്തിൽ ഭാര്യ പറയുന്നത് അതിനിർണ്ണായകം
'എന്റെ വ്യക്തിപരമായ ജീവിതത്തിൽ നഴ്‌സുമാർ ചില പ്രശ്‌നമൊക്കെ ഉണ്ടാക്കിയിട്ടുണ്ട്..അവരെ ഉദ്ദേശിച്ച് പറഞ്ഞതാണ്; പറഞ്ഞപ്പോ..അങ്ങനെ ആയി പോയി; അതല്ലാതെ ലോകത്തുള്ള എല്ലാ നഴ്‌സുമാരെയും കുറിച്ചല്ല പറഞ്ഞത്..എനിക്ക് ഒരുപാട് വിഷമമുണ്ട്..നഴ്‌സുമാരുടെ ജോലിയുടെ മഹത്വം എന്തെന്ന് അറിയില്ലായിരുന്നു..മാപ്പ്': പൊട്ടിക്കരഞ്ഞുകൊണ്ട് ക്ഷമാപണവുമായി സോഷ്യൽ മീഡിയയിൽ നഴ്‌സുമാരെ അധിക്ഷേപിച്ച കണ്ണൻ.സി.അമേരിക്ക
നേഴ്സുമാർ ഡോക്ടരുടെ കുറിപ്പടി നോക്കി മരുന്ന് എടുത്ത് നൽകുന്ന ഹെൽപ്പർമാർ; അവർ ശാസ്ത്രത്തിന്റെ അങ്ങേയറ്റം വരെ പഠിച്ച തമ്പുരാട്ടിമാരോ തമ്പുരാന്മാരോ അല്ല; ലാബ് ടെക്നീഷ്യന്റെ വിചാരം ജനിതക ശാസ്ത്രജ്ഞന്മാരെന്നും; ചർദ്ദിൽ വാരുന്ന അറ്റൻഡർമാരുടെ ഭാവം ഐഎഎസുകാരെന്നും; പാവാട വിസ മോഹിച്ച് നേഴ്സുമാരെ കെട്ടുന്ന ഭർത്താക്കന്മാരും; ആരോഗ്യ പ്രവർത്തകരേയും കുടുംബത്തേയും അപമാനിച്ച് വീഡിയോ; നേഴ്‌സുമാരെ അപമാനിച്ച് ലൈവിട്ട യുവാവിനെതിരെ പരാതി പ്രവാഹവും പൊങ്കാലയും
'അവർ വെളുത്ത വേശ്യകളാണ്; വെളുത്ത പെൺകുട്ടികൾ ഒരു മുസ്ലിം പുരുഷനെ കണ്ണിൽ നോക്കിയാൽ അതിനർഥം ലൈംഗിക ബന്ധത്തിൽ ഏർപ്പെടാൻ ആവശ്യപ്പെടുന്നുവെന്നാണ്; ഇത് വംശീയമായും മതപരമായും വഷളാക്കിയ ബലാത്സംഗങ്ങൾ'; യുകെയിൽ അമുസ്ലിം യുവതികളെ ബലാത്സംഗം ചെയ്യാൻ പാക്കിസ്ഥാനികളുടെ ഗ്രൂമിങ് ഗ്യാങ്; 5 ലക്ഷം പെൺകുട്ടികൾ ഇരകളായി; ഞെട്ടിക്കുന്ന വെളിപ്പെടുത്തലുമായി യുവതി; യൂറോപ്പിൽ ചർച്ചയായ പുതിയ വിവാദം ഇങ്ങനെ
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
'പിണറായിയുടെ നെറ്റിക്കു നേരെ അജിത് ഡോവൽ റിവോൾവർ ചൂണ്ടി; കുതറി ഓടാൻ ശ്രമിച്ച വിജയനെ ഡോവൽ കീഴടക്കിയത് സാഹസികമായി; മുട്ടുവിറച്ച് വിജയൻ മാപ്പു പറഞ്ഞു'; സ്വർണക്കടത്ത് കേസ് എൻഐഎ ഏറ്റെടുക്കുമ്പോൾ മുഖ്യമന്ത്രിയെ ഭയപ്പെടുത്തുന്നത് ഭൂതകാല അനുഭവമെന്ന് കോൺഗ്രസ് മുഖപത്രമായ വീക്ഷണം; സോഷ്യൽ മീഡിയയിൽ പൊരിഞ്ഞ കോൺഗ്രസ്- സിപിഎം പോര്; സ്വർണക്കടത്തിന്റെ വേരറുക്കാൻ ഇന്ത്യൻ ജെയിംസ് ബോണ്ടിന് ആവുമോ?
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
മൂന്ന് വർഷത്തിനിടെ ഡൽഹിയിൽ നിന്ന് ദുബായിലേക്ക് പറന്നത് അമ്പതിൽ അധികം തവണ; എല്ലാം വിദേശകാര്യ വകുപ്പിന്റെ അനുമതിയില്ലാത്ത സ്‌പോൺസേർഡ് യാത്രകൾ; ഇദ്ദേഹത്തിന് സ്ത്രീ ദുർബലയെന്ന് ഐബി റിപ്പോർട്ട് ചെയ്തത് അന്വേഷണത്തിന് വഴിയൊരുക്കി; അസ്വാഭാവികത തിരിച്ചറിഞ്ഞ് സിപിഎം ഉന്നതനെതിരെ അന്വേഷണത്തിന് നിർദ്ദേശം കൊടുത്തത് ഡോവൽ; സ്വർണ്ണ കടത്തിൽ പിണറായി സർക്കാരിനെ പ്രതിസന്ധിയിലാക്കാൻ വിദേശയാത്രാ വിവാദവും