1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
09
Sunday

ചോദ്യം കേട്ടു...മറുപടി അർഹിക്കാത്തതുകൊണ്ടാണ് പറയാത്തതെന്ന മുഖ്യമന്ത്രിയുടെ പ്രതികരണം വന്നത് സിപിഎം-ബിജെപി ബാന്ധവം എന്ന ആരോപണം വന്നപ്പോൾ; കോൺഗ്രസ് ആയുധത്തിന് മൂർച്ച കൂട്ടുമ്പോൾ കണ്ണ് ന്യൂനപക്ഷ വോട്ടിൽ; ലാവ്‌ലിൻ-സ്വർണക്കടത്ത് കേസുകൾ ബിജെപിയുടെ കൈയിലെ തുറുപ്പുചീട്ടുകളെങ്കിലും അവസാന ചിരി തങ്ങളുടേതാക്കാൻ തന്ത്രങ്ങൾ പയറ്റി ചെന്നിത്തലയും മുല്ലപ്പള്ളിയും; ബംഗാൾ മോഡൽ സിപിഎം-കോൺഗ്രസ് കൂട്ടുകെട്ട് കേരളത്തിലും എന്ന മറുതന്ത്രം പ്രയോഗിച്ച് ബിജെപിയും

August 01, 2020 | 10:41 PM IST | Permalink



ചോദ്യം കേട്ടു...മറുപടി അർഹിക്കാത്തതുകൊണ്ടാണ് പറയാത്തതെന്ന മുഖ്യമന്ത്രിയുടെ പ്രതികരണം വന്നത് സിപിഎം-ബിജെപി ബാന്ധവം എന്ന ആരോപണം വന്നപ്പോൾ; കോൺഗ്രസ് ആയുധത്തിന് മൂർച്ച കൂട്ടുമ്പോൾ കണ്ണ് ന്യൂനപക്ഷ വോട്ടിൽ; ലാവ്‌ലിൻ-സ്വർണക്കടത്ത് കേസുകൾ ബിജെപിയുടെ കൈയിലെ തുറുപ്പുചീട്ടുകളെങ്കിലും അവസാന ചിരി തങ്ങളുടേതാക്കാൻ തന്ത്രങ്ങൾ പയറ്റി ചെന്നിത്തലയും മുല്ലപ്പള്ളിയും; ബംഗാൾ മോഡൽ സിപിഎം-കോൺഗ്രസ് കൂട്ടുകെട്ട് കേരളത്തിലും എന്ന മറുതന്ത്രം പ്രയോഗിച്ച് ബിജെപിയും

എം മനോജ് കുമാർ

 തിരുവനന്തപുരം: കഴിഞ്ഞ ദിവസം മറുപടി അർഹിക്കാത്ത ചോദ്യം എന്ന് പറഞ്ഞു വാർത്താ സമ്മേളനത്തിൽ മുഖ്യമന്ത്രി പിണറായി വിജയൻ തള്ളിക്കളഞ്ഞ ഒരു ചോദ്യമുണ്ട്. സ്വർണ്ണക്കടത്തിന്റെ പശ്ചാത്തലത്തിൽ കേരളത്തിലെ സിപിഎം-ബിജെപി ബന്ധത്തെക്കുറിച്ചുള്ള ചോദ്യം. പ്രതിപക്ഷ നേതാവ് രമേശ് ചെന്നിത്തല ഉന്നയിച്ച സിപിഎം-ബിജെപി ബന്ധത്തെക്കുറിച്ച് സിഎമ്മിന്റെ പ്രതികരണം എന്ത് എന്ന ചോദ്യമാണ് മറുപടി അർഹിക്കാത്തത് എന്ന് പറഞ്ഞു മുഖ്യമന്ത്രി തള്ളിക്കളഞ്ഞത്. സ്വർണ്ണക്കടത്തിൽ കേരളത്തിന്റെ ഇടത് സർക്കാരിനു അസ്വാസ്ഥ്യകരമായി ഒന്നും വേണ്ടതില്ല എന്ന തീരുമാനം ഡൽഹിയിൽ നിന്നും ഉരുത്തിരിയുന്നുണ്ട് എന്ന് അഭ്യൂഹങ്ങൾ ശക്തമാണ്. ഇടത് സർക്കാരിനു തലവേദനയായി മാറിയ സ്വർണ്ണക്കടത്ത് കേന്ദ്ര ബിജെപി തിരഞ്ഞെടുപ്പിന് വേണ്ടി ഉപയോഗിക്കുകയാണ് എന്ന ആരോപണമാണ് രാഷ്ട്രീയ തലത്തിൽ ശക്തമാകുന്നത്.

മണിക്കൂറുകൾ തന്നെ എൻഐഎ ചോദ്യം ചെയ്തിട്ടും മുഖ്യമന്ത്രിയുടെ പ്രിൻസിപ്പൽ സെക്രട്ടറി ശിവശങ്കറിന്റെ അറസ്റ്റ് കേന്ദ്രം ഒഴിവാക്കാൻ തീരുമാനിച്ചത് തന്നെ ഇടത് സർക്കാരിനു അസ്വാസ്ഥ്യകരമായ ഒരു നീക്കം വേണ്ടെന്ന തീരുമാനത്തിന്റെ അടിസ്ഥാനത്തിലാണ് എന്നാണ് ഉയരുന്ന ആരോപണം. ഇതിനെ ഒന്നുകൂടി ബലപ്പെടുത്തുകയാണ് കെപിസിസി അധ്യക്ഷൻ മുല്ലപ്പള്ളി രാമചന്ദ്രന്റെ പ്രസ്താവന. കേരളത്തിൽ സിപിഎമ്മുമായി ധാരണയുണ്ടാക്കി തിരഞ്ഞെടുപ്പുനേട്ടമാണ് കേന്ദ്ര ബിജെപിയുടെ ലക്ഷ്യം. അമിത് ഷായുടെ ഈ ഓപ്പറേഷനിൽ ദേശീയ സുരക്ഷാ ഉപദേഷ്ടാവ് അജിത് ഡോവലും പങ്കാളിയാണ്. ഇതാണ് മുല്ലപ്പള്ളി നടത്തിയ പ്രസ്താവന. ലാവ്ലിൻ കേസ് അനിശ്ചിതമായി നീട്ടിക്കൊണ്ടുപോകുന്നത് അതുകൊണ്ടാണെന്നും മുല്ലപ്പള്ളി ചൂണ്ടിക്കാട്ടുന്നു. മുല്ലപ്പള്ളിയുടെ പ്രസ്താവനയുടെ രാഷ്ട്രീയാർത്ഥങ്ങൾ എന്ത് തന്നെയായാലും മുല്ലപ്പള്ളി പറഞ്ഞ രണ്ടു കേസുകളും സിപിഎമ്മിനും മുഖ്യമന്ത്രി പിണറായിക്കും തലവേദനയാണ്.

ലാവ്‌ലിൻ ഇടയ്ക്ക് ഇടയ്ക്ക് എടുത്തിട്ടു അലക്കുക കേന്ദ്ര ബിജെപിയുടെ വിനോദങ്ങളിൽ ഒന്നാണ്. ആ കേസ് വരുമ്പോൾ പിണറായിയുടെ ചങ്കിൽ ഒരു ഞെട്ടൽ സാധാരണവുമാണ്. സ്വർണ്ണക്കടത്തിൽ പ്രതിക്കൂട്ടിലായത് പിണറായിയുടെ സ്വന്തം പ്രിൻസിപ്പൽ സെക്രട്ടറികൂടിയാണ്. രണ്ടും കേന്ദ്ര ബിജെപിയുടെ കയ്യിലുള്ള തുറുപ്പ് ചീട്ടുമാണ്. സ്വർണ്ണക്കടത്തിൽ ശിവശങ്കർ അറസ്റ്റിലായാൽ മുഖ്യമന്ത്രി സ്ഥാനത്ത് നിന്നുള്ള രാജി പിണറായി വിജയന് ഒഴിവാക്കാനാവില്ല. ഈ രീതിയിൽ ഒരു സംഭവം ഒരുത്തിരിഞ്ഞാൽ പ്രതിപക്ഷ നേതാവ് ചെന്നിത്തല പിണറായിയുടെ രാജിയും കൊണ്ടേ പോകൂ. ചെന്നിത്തല ആഞ്ഞടിക്കാൻ പോവുക ഇടത് ധാർമികതയുടെ നിലവിലെ അവസ്ഥ ചൂണ്ടിക്കാട്ടിയാവും. ഇടത് ധാർമ്മികത പിണറായി മന്ത്രിസഭയിൽ എപ്പോഴും ചലനങ്ങൾ സൃഷ്ടിച്ചിട്ടുണ്ട്.

ധാർമ്മികത അടിസ്ഥാനമായപ്പോൾ രാജിവെച്ച ഒരു മന്ത്രി പിണറായി വിജയന്റെ തൊട്ടടുത്ത് ഇരിപ്പുമുണ്ട്. മന്ത്രി ഇ.പി.ജയരാജൻ. ബന്ധു നിയമനം വിവാദമായപ്പോഴാണ് പിന്നീട് തിരികെ വരാൻ കഴിഞ്ഞെങ്കിലും തത്ക്കാലം ജയരാജന് രാജി വയ്‌ക്കേണ്ടി വന്നു ശിവശങ്കർ അറസ്റ്റിലായാൽ മന്ത്രി ഇപി മുഖ്യമന്ത്രിയുടെ മുഖത്ത് നോക്കി ഒരു ചിരിചിരിച്ചാൽ സ്വാഭാവികമായും ഈ ചിരി എന്നെ ലക്ഷ്യം വെച്ചല്ലേ എന്നെ മാത്രം ലക്ഷ്യം വെച്ചല്ലേ എന്ന സംശയം മുഖ്യമന്ത്രിക്കുള്ളിൽ നിന്ന് തന്നെ ഉയരും. മറ്റൊരു ചിരി ഗതാഗത മന്ത്രി എൻ.കെ.ശശീന്ദ്രനും ഉയർത്തും. ഹണിട്രാപ്പീൽ കുരുങ്ങിയപ്പോൾ രാജി വെച്ച് പിന്നീട് തിരികെ വന്ന മന്ത്രിയാണ് ശശീന്ദ്രൻ. ശിവശങ്കറിന്റെ അറസ്റ്റ് എന്നെയും കൊണ്ടേ പോകൂ എന്ന് ഈ ചിരികൾ ഉയരുമ്പോൾ മുഖ്യമന്ത്രിക്ക് തന്നെ തീർച്ചപ്പെടുത്തേണ്ടി വരും.

രാഷ്ട്രീയ ധാർമ്മികത ഡെമോക്ലസിന്റെ വാളായി ഇടത് മന്ത്രി സഭയ്ക്ക് മുൻപിൽ തൂങ്ങുമ്പോൾ ഇതല്ലാതെ മുഖ്യമന്ത്രിക്ക് വേറെ വഴിയുമില്ല. പിണറായി മുഖ്യമന്ത്രിയായപ്പോൾ പാർട്ടിയും സർക്കാരും മുഖ്യമന്ത്രി തന്നെയാണ് എന്നാണ് അവസ്ഥ. ഈ ഘട്ടത്തിൽ മുഖ്യമന്ത്രി തന്നെ തീരുമാനം എടുക്കട്ടെയെന്നേ കോടിയേരിയും തീരുമാനിക്കൂ. കാര്യങ്ങൾ ഈ രീതിയിൽ പോകുമ്പോൾ കേന്ദ്രം സ്വർണ്ണക്കടത്തിലും ലാവ്‌ലിനും ബലപ്പെടുത്തിയാൽ ഇല്ലാ എന്ന് പറഞ്ഞാലും തെറിക്കുന്നത് മുഖ്യമന്ത്രി പിണറായി വിജയന്റെ മുഖ്യമന്ത്രി കസേര തന്നെയാണ്. കാര്യങ്ങൾ ഈ അവസ്ഥയിൽ എത്തി നിൽക്കുമ്പോഴാണ് പ്രതിപക്ഷം ആക്ഷേപിക്കുന്ന രീതിയിൽ വരുന്ന തിരഞ്ഞെടുപ്പിൽ സിപിഎം-ബിജെപി ധാരണയ്ക്ക് ഈ രണ്ടു പ്രശ്‌നങ്ങൾ ഉയർത്തി കേന്ദ്ര ബിജെപി ശ്രമിക്കില്ലേ എന്ന് ചോദ്യം വരുന്നത്.

സ്വർണ്ണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി അറസ്റ്റിലായാൽ തെറിക്കുക പിണറായി വിജയന്റെ മുഖ്യമന്ത്രി കസേര മാത്രമല്ല വരുന്ന തിരഞ്ഞെടുപ്പിൽ ലഭിക്കുമെന്ന് സിപിഎം കരുതുന്ന കേരള ഭരണത്തിലെ രണ്ടാം മൂഴം കൂടിയാണ്. ശിവശങ്കറിന്റെ അറസ്റ്റ് വേണോ, തുടർഭരണം വേണോ എന്നൊക്കെ ചോദ്യം വന്നാൽ നിലവിലെ സാഹചര്യത്തിൽ തുടർഭരണം വേണം എന്നെ സിപിഎം തീരുമാനിക്കൂ. കാരണം തീരുമാനം ഉരുത്തിരിയുന്നത് കേരളത്തിൽ അല്ല കേന്ദ്രത്തിലാണ്. ശിവശങ്കറിന്റെ അറസ്റ്റ്, ലാവ്‌ലിൻ കേസ് ഒക്കെ തീരുമാനിക്കുന്നത് കേരളത്തിലെ ബിജെപി നേതാക്കളല്ല ചൈനീസ് സംഘർഷത്തിൽ ഇന്ത്യൻ സേനയെ എവിടെ പ്ലേസ് ചെയ്യണമെന്നു തീരുമാനമെടുക്കുന്ന, ഇന്ത്യൻ സേനകൾ ഇതൊക്കെ ഇടങ്ങളിൽ പാക്കിസ്ഥാനെയും ചൈനയെയും പ്രതിരോധിക്കണം എന്നൊക്കെ തീരുമാനിക്കുന്ന അജിത് ഡോവലും അമിത് ഷായുമാണ്. ഇവർക്കൊക്കെ പിന്നിൽ പ്രധാനമന്ത്രി നരേന്ദ്ര മോദിയുണ്ട്.

ത്രിപുര ഭരണം പിടിക്കുകയും വർഷങ്ങൾ ബംഗാളിൽ അധികാരത്തിലിരുന്ന സിപിഎമ്മിനുള്ള അധീശത്വം ബിജെപി നേടുകയുമൊക്കെ ചെയ്യുമ്പോൾ മോദി-അമിത്ഷാ-ഡോവൽ ത്രിമൂർത്തികൾ കണ്ട സ്വപ്നം ഇതേ അവസ്ഥയിലുള്ള കേരളമായിരുന്നു. അമിത് ഷാ കേരളത്തിൽ വന്നു തലകുത്തി നിന്ന് പ്രചാരണം നയിച്ചിട്ടും കഴിഞ്ഞ നിയമസഭാ തിരഞ്ഞെടുപ്പിൽ ആകെ ഒരേയൊരു സീറ്റ് മാത്രമാണ് കേന്ദ്ര ബിജെപി നേതാക്കൾക്ക് നേടാൻ കഴിഞ്ഞത്. ഇതേ അമിത് ഷാ തലകുത്തി നിൽക്കാതെ തന്നെ ത്രിപുരയും ബിജെപി ഭാഷയിൽ പറഞ്ഞാലും ബംഗാളും പിടിച്ചു.

ബംഗാളിൽ വരുന്ന നിയമസഭാ തിരഞ്ഞെടുപ്പിൽ ബിജെപി അധികാരത്തിൽ വരുന്ന ലക്ഷണങ്ങൾ പ്രകടമാണ്. കാരണം ബംഗാളിലെ സിപിഎം മൊത്തത്തിൽ ബിജെപി ആയി മാറിക്കഴിഞ്ഞു. അപ്പോഴാണ് മോദി-ഷാ-ഡോവൽ സഖ്യം തന്നെ തിരഞ്ഞെടുപ്പ് നയിച്ച കേരളത്തിൽ ഫലം തലകുത്തനെ വന്നത്. ആകെയുള്ള ആശ്വാസം നേമത്ത് ഓ.രാജഗോപാലിലൂടെ നിയമസഭയിൽ അക്കൗണ്ട് തുറക്കാൻ കഴിഞ്ഞു എന്നത് മാത്രമാണ്. രാജഗോപാലിന്റെ എതിരാളിയായ വി.ശിവൻകുട്ടി നിയമസഭയിൽ സ്പീക്കറുടെ ചെയർ എടുത്ത് മറിച്ചിടുന്ന ആവേശോജ്വലമായ കാഴ്ച തിരഞ്ഞെടുപ്പ് സമയത്ത് വീണ്ടും വോട്ടർമാരുടെ മനോമുകുരത്തിൽ തിരനോട്ടം നടത്തിയതാണ് പൊതുവേ മാന്യമായ രാജഗോപാലിന് നറുക്ക് വീഴാൻ കാരണമായത്.

കേരളത്തിലെ തിരഞ്ഞെടുപ്പ് ഫലം എന്ന ജാള്യത മുന്നിൽ നിൽക്കെ തന്നെയാണ് പണ്ട് പിണറായിക്ക് നേരെ തോക്ക് ചൂണ്ടിയ പാരമ്പര്യമുള്ള അജിത് ഡോവൽ കേരളത്തിന്റെ കാര്യത്തിൽ കൂടുതൽ ശ്രദ്ധ വയ്ക്കുന്നത്. ബിജെപിക്ക് 17 നിയമസഭാ സീറ്റും സിപിഎമ്മിന് ഭരണതുടർച്ചയും എന്ന അവസ്ഥ വന്നാൽ എല്ലാത്തിലും അഭികാമ്യം ഈ നിർദ്ദേശം എന്ന് സിപിഎം കരുതിയാൽ അതിൽ ആരും കുഴപ്പവും കാണില്ല. 17 സീറ്റ് എന്നത് പത്തായാലും കേന്ദ്രം കുഴപ്പം കാണില്ല. തിരുവനന്തപുരം കോർപറേഷനിൽ എൽഡിഎഫ് കഴിഞ്ഞാൽ ഏറ്റവും കൂടുതൽ സീറ്റുള്ളത് ബിജെപിക്കാണ്. നിയമസഭാ സീറ്റ് ഒന്നേയുള്ളൂവെങ്കിലും തലസ്ഥാന നഗരിയിൽ ബിജെപി എംഎൽഎയുണ്ട്. സിപിഎമ്മിന് എംഎൽഎയില്ല. എംപിയുമില്ല.

സിപിഎം ഒന്ന് കണ്ണടച്ചാൽ ബിജെപിക്ക് കുറച്ച് നിയമസഭാ സീറ്റുകളും സിപിഎമ്മിന് തുടർഭരണവും ലഭിക്കും. ഇന്ത്യയിൽ ആകെ സിപിഎം ഭരിക്കുന്നത് കേരളത്തിൽ മാത്രമാണ്. അടുത്ത തിരഞ്ഞെടുപ്പിൽ യുഡിഎഫ് വന്നാൽ സിപിഎമ്മിന് ഇന്ത്യയിൽ എവിടെയും ഭരണമില്ലാത്ത അവസ്ഥയുമാകും. അതിനാൽ ശിവശങ്കറിന്റെ അറസ്റ്റ് സിപിഎമ്മിന്റെ മുന്നിലുള്ള ഒരു ഭയം തന്നെയാണ്. സിപിഎമ്മിന് വേണ്ടത് തുടർ ഭരണമാണ്. ശിവശങ്കറിന്റെ അറസ്റ്റും പിണറായിയുടെ രാജിയുമായി തിരഞ്ഞെടുപ്പിനെ നേരിട്ടാൽ യുഡിഎഫ് അധികാരത്തിൽ എന്ന കാര്യം തർക്കമില്ലാത്തതാണ് എന്ന് സിപിഎമ്മിനറിയാം. അപ്പോൾ തുടർ ഭരണം സിപിഎമ്മിന് ഏറ്റവും അനിവാര്യമാകുന്നു.

സിപിഎമ്മും കേന്ദ്ര ബിജെപിയും കണ്ണ് പൊത്തിക്കളിച്ചാൽ സ്ഥിതി ഭയങ്കരമാകും എന്ന തിരിച്ചറിവ് ഉള്ളതിനാൽ തന്നെയാണ് ചെന്നിത്തലയും മുല്ലപ്പള്ളിയും സിപിഎം-ബിജെപി ബാന്ധവം തിരിച്ചറിഞ്ഞു ആഞ്ഞടിക്കുന്നത്. കോൺഗ്രസിന്റെ കാര്യത്തിലും സ്ഥിതി ആശങ്കയിലാണ്. രണ്ടാമതും കേരളത്തിൽ തിരഞ്ഞെടുപ്പ് പരാജയം വന്നാൽ അത് കേരളത്തിൽ കോൺഗ്രസിന്റെ നിലപരിതാപകരമാകും. തലസ്ഥാനത്തെ തകർന്നടിഞ്ഞ തറവാട്ടിൽ കാലും നീട്ടിയിരിക്കുന്ന കാരണവരായാണ് സോഷ്യൽ മീഡിയ മുല്ലപ്പള്ളിയെയും കോൺഗ്രസിനെയും ചിത്രീകരിക്കുന്നത്. ചെന്നിത്തലയെപ്പോലെ ഊർജ്ജ്വസ്വലമായി നീങ്ങാൻ മുല്ലപ്പള്ളിക്ക് കഴിയാത്തതാണ് വിമർശനം ഉയരാനുള്ള പൊതുവായ കാരണം. പക്ഷെ ഭരണമില്ലാത്ത അവസ്ഥ കേരളത്തിൽ കോൺഗ്രസിന് കനത്ത പ്രതിസന്ധി സൃഷ്ടിക്കുന്നുണ്ട്. ഈ അവസ്ഥ കേന്ദ്ര ബിജെപിയും ചൂഷണം ചെയ്യും. കേരളത്തിൽ കോൺഗ്രസിന്റെ നേതാക്കളെ പൊക്കാൻ തക്കം പാർത്ത് നടക്കുകയാണ് കേന്ദ്ര നേതൃത്വം. കേരളത്തിൽ സിപിഎം-ബിജെപി ഭരണ പ്രതിപക്ഷമാണ് ബിജെപി മനസ്സിൽ കാണുന്നത്. അതിനു സിപിഎമ്മിന്റെ സഹകരണമാണ് അവർ തേടുന്നത്.

കോൺഗ്രസിന് സംസ്ഥാനങ്ങളിൽ അതിവേഗം ഭരണം നഷ്ടമാവുകയാണ്. മധ്യപ്രദേശ് നഷ്ടമായി, കർണാടക നഷ്ടമായി. ആകെ മുംബൈയിലെ കൂട്ട് കക്ഷി ഭരണവും രാജസ്ഥാനും മാത്രമേയുള്ളൂ. സച്ചിൻ പൈലറ്റ് ഉയർത്തിയ വിമത ഭീഷണിയെ തുടർന്ന് രാജസ്ഥാൻ ഭരണം എപ്പോൾ വേണമെങ്കിലും നഷ്ടമായേക്കും. പ്രതീക്ഷയുള്ള ഏക സംസ്ഥാനം കേരളം മാത്രമാണ്. അതിനാൽ കോൺഗ്രസിന് വരുന്ന നിയമസഭാ തിരഞ്ഞെടുപ്പിൽ കേരളത്തിൽ ഭരണം അനിവാര്യമാണ്. ഇതേ വരെ ഇടത്-വലത് മുന്നണി ഭരണം മാറി മാറി വരുകയാണ്.

ഈ അവസ്ഥയിൽ നിന്നുള്ള വ്യതിചലനം കോൺഗ്രസിന് പ്രശ്‌നങ്ങൾ സൃഷ്ടിക്കും. അതിനാൽ തന്ത്രപരമായാണ് ചെന്നിത്തലയും മുല്ലപ്പള്ളിയും സിപിഎം-ബിജെപി ബന്ധം സ്വർണ്ണക്കടത്ത്, ലാവ്‌ലിൻ കേസുകൾ ചൂണ്ടിക്കാട്ടി ഉന്നയിക്കുന്നത്. ബിജെപി ഭീതിയും വെറുപ്പും കാരണം ഈ പ്രസ്താവനകൾ ന്യൂനപക്ഷ വോട്ടിന്റെ കേന്ദ്രീകരണം സൃഷ്ടിക്കും. മോദി വീണ്ടും അധികാരത്തിൽ വരാതിരിക്കാനായി 20 ലോക്‌സഭാ സീറ്റുകളിൽ 19 സീറ്റിലും യുഡിഎഫിനെ ജയിപ്പിച്ച് വിട്ടതിൽ ന്യൂനപക്ഷ വോട്ടുകൾക്ക് വലിയ പങ്കുണ്ട്. ഈ രീതിയിൽ ഒരു വോട്ടു കേന്ദ്രീകരണം കൂടി കോൺഗ്രസിന് ആവശ്യമുണ്ട്. ചെന്നിത്തല മുഖ്യമന്ത്രിയാകണമെങ്കിൽ ഈ രീതിയിൽ ഒരു കേന്ദ്രീകരണം വേണം.

കേരളത്തിലെ ന്യൂനപക്ഷ വോട്ടുകളുടെ കേന്ദ്രീകരണം ബിജെപിയുടെ കേന്ദ്ര നേതൃത്വവും ശ്രദ്ധയിൽ എടുത്തിട്ടുണ്ട്. ഈ ന്യൂനപക്ഷ വോട്ടു കേന്ദ്രീകരണത്തിനു കഴിഞ്ഞ ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിലാണ് ബിജെപി നോക്കിക്കാണുന്നത്. ബിജെപിക്ക് ഒരു പണി നൽകിയ ഈ രാഷ്ട്രീയ തിരിച്ചടിക്ക് മറു തിരിച്ചടി ബിജെപിയുടെ ലക്ഷ്യം കൂടിയാണ്. അതിനാൽ അവർക്ക് പഥ്യം കോൺഗ്രസ് അല്ല സിപിഎമ്മാണ്. ഇത് മനസിലാക്കി തന്നെയാണ് യുഡിഎഫ് നേതൃത്വം സിപിഎം-ബിജെപി ബന്ധത്തിന്നെതിരെ ആഞ്ഞടിക്കുന്നത്. കേന്ദ്ര ബിജെപിയുടെ നീക്കങ്ങൾക്ക് ചുവട് പിടിച്ച് നീങ്ങുകയാണെങ്കിലും കേരളത്തിലെ ബിജെപി നേതാക്കളും എല്ലാം നോക്കിയും കണ്ടും സജീവമായി രംഗത്തുണ്ട്. ബംഗാളിൽ രൂപീകരിച്ച സിപിഎം-കോൺഗ്രസ് സഖ്യം കേരളത്തിലേക്കും വ്യാപിപ്പിക്കുകയാണെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രൻ തിരിച്ചടിക്കുന്നത്. സിപിഎം-ബിജെപി ബന്ധം കേരളത്തിൽ ബിജെപിക്ക് തിരിച്ചടിയായി മാറും എന്നുള്ളതുകൊണ്ടാണ് ബംഗാൾ മോഡൽ ചൂണ്ടിക്കാട്ടി വട്ടിയൂർക്കാവ്, മഞ്ചേശ്വരം രീതിയിലുള്ള പൊളിറ്റിക്കൽ അലയൻസാണ് സിപിഎമ്മും കോൺഗ്രസും തമ്മിൽ രൂപപ്പെടുന്നത് എന്നാണ് സുരേന്ദ്രൻ ചൂണ്ടിക്കാട്ടുന്നത്.

കഴിഞ്ഞ ലോക്‌സഭാ തിരഞ്ഞെടുപ്പ് റിസൽട്ട് മുന്നിൽ ഉള്ളതിനാൽ സിപിഎം-ബിജെപി ബന്ധം മുൻ നിർത്തിയുള്ള പ്രചാരണം വന്നാൽ വരുന്ന ന്യൂനപക്ഷ വോട്ടു ബാങ്കുകൾ നിയമസഭാ തിരഞ്ഞെടുപ്പിൽ യുഡിഎഫിനെ വിജയത്തിലേക്ക് നയിക്കും. സിപിഎമ്മിനെക്കാൾ നന്നായി രാഷ്ട്രീയം അറിയുകയും കളിക്കുകയും ചെയ്യുന്ന കോൺഗ്രസ് നിയമസഭാ തിരഞ്ഞെടുപ്പ് മുന്നിൽ കണ്ട് തിരഞ്ഞെടുപ്പ് ഗോദ സജീവമാക്കുകയാണ്. അതിനുള്ള ഒന്നാന്തരം ആയുധമാണ് സ്വർണ്ണക്കടത്ത് കേസും ലാവ്‌ലിനുമെല്ലാം. ഇതെല്ലാം പിടിച്ച് ചെന്നിത്തലാദികൾ ആഞ്ഞടിക്കുമ്പോൾ ഭരണത്തുടർച്ചയെന്ന ലക്ഷ്യത്തിലേക്ക് നീങ്ങുന്ന സിപിഎമ്മിന് മുന്നിൽ താത്ക്കാലത്തെക്കെങ്കിലും പ്രതിസന്ധികൾ രൂപം കൊള്ളുകയാണ്.

എം മനോജ് കുമാര്‍    
മറുനാടന്‍ മലയാളി സീനിയര്‍ സബ് എഡിറ്റര്‍.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
കൺസൾട്ടൻസി ഇല്ലാതെ പിണറായി സർക്കാരിന് എന്താഘോഷം? ലൈഫ് മിഷൻ പദ്ധതിയിൽ സ്വപ്‌ന സുരേഷ് ഒരു കോടി കമ്മീഷൻ അടിച്ചുമാറ്റി എന്ന രഹസ്യം പരസ്യമായതിന് പിന്നാലെ മറ്റൊരു രഹസ്യവും പുറത്ത്; ലൈഫ് മിഷന് വേണ്ടി പരസ്യം നൽകാനും കൺസൾട്ടൻസി; ബി വേൾഡ് കോർപ്പറേറ്റ് സൊല്യൂഷൻസിന് മാസം കൺസൾട്ടൻസി ഫീസായി ലക്ഷങ്ങൾ; പരസ്യം ചെയ്യാൻ പിആർഡി ഉണ്ടെങ്കിലും ഗമ പോരെന്ന് ഉദ്യോഗസ്ഥർ; പരസ്യം മാധ്യമങ്ങൾക്ക് വച്ച് നീട്ടുമ്പോൾ കമ്പനിക്ക് കമ്മീഷനും
കരിപ്പൂർ അപകടത്തിന് കാരണം വലിയ വിമാനങ്ങൾക്ക് പറന്നിറങ്ങാനുള്ള നിരോധനം നീക്കിയതോ? കഴിഞ്ഞവർഷം ജൂലൈയിൽ നിരോധനം നീക്കിയ കേന്ദ്ര വ്യോമയാനമന്ത്രി ഹർദീപ്‌സിങ് പുരിക്കെതിരെ വിമർശനവുമായി പ്രതിപക്ഷം; കനത്ത മഴയുള്ളപ്പോൾ മോശം റൺവേ ലൈറ്റിംഗും, ഗ്രൗണ്ട് അറസ്റ്ററും ഇല്ലാത്ത കരിപ്പൂരിൽ ലാൻഡിങ് പാടില്ലെന്ന മുന്നയിപ്പുകൾ അവഗണിച്ചെന്ന് ശശി തരൂർ; അപകടത്തിൽ പെട്ട ബോയിങ്-737-800 വലിയ വിമാനങ്ങളുടെ വിഭാഗത്തിൽ പെടുന്നതല്ലെന്ന് ഹർദീപ്‌സിങ് പുരി
തൃശൂരിൽ നിന്ന് തലസ്ഥാനത്തേക്ക് ഓട്ടോ സവാരി വിളിച്ചത് അമ്മ മരിച്ചു എന്ന് കള്ളം പറഞ്ഞ്; വാടക നൽകാതെ മുങ്ങിയ വിരുതനെ കസ്റ്റഡിയിൽ എടുത്ത് ചോദ്യം ചെയ്തപ്പോൾ ഒരു നടന്റെ മരണാനന്തര ചടങ്ങിൽ പോകാൻ ബസ് കയറാൻ നിന്നപ്പോഴാണ് ഓട്ടോക്കാരൻ നിർബന്ധിച്ച് കയറ്റിയതെന്നും മൊഴി; മറുനാടനിൽ വാർത്ത വന്നതോടെ പൊലീസ് ഗ്രില്ലിങ്ങിൽ മരിയാപുരത്തെ വില്ലൻ അറസ്റ്റിൽ; പ്രതി നിശാന്ത് റിമാൻഡിൽ
രണ്ട് ബോയിങ്ങ് വിമാനങ്ങൾ എയർപോർട്ടിൽ കൂട്ടിയിടിച്ചപ്പോൾ മരിച്ചത് 583പേർ; ടെനെർഫെ ദുരന്തത്തിന് ഇടയാക്കിയത് പൈലറ്റിന്റെ അക്ഷമ; ആകാശത്തു വെച്ച് വിമാനങ്ങൾ കൂട്ടിയടിച്ചുണ്ടായ ചാർഖി ദാധ്രി ദുരന്തത്തിൽ മരിച്ചത് 349പേർ; കാരണങ്ങളിലൊന്ന് ക്യാപ്റ്റനും റേഡിയോ ഓപ്പറേറ്റർക്കും ഇംഗ്ലീഷ് അറിയാഞ്ഞത്; മീറ്ററും നോട്ടിക്കൽ മൈലും തമ്മിലുള്ള കൺഫൂഷനും പ്രശ്നമാകുന്നു; മംഗലാപുരത്ത് പൈലറ്റ് ഉറങ്ങിപ്പോയതും പ്രശ്നമായി; ചെറിയ പിഴവുകൾക്ക് വലിയ വിലകൊടുക്കേണ്ട വിമാന ദുരന്തങ്ങളുടെ കഥ
ഇന്നത്തെ മുഖ്യമന്ത്രിയുടെ ഓഫീസ് പഴയ മുഖ്യമന്ത്രിയുടെ ഓഫീസ് പോലെയാണ്.. ഇന്നത്തെ മുഖ്യമന്ത്രി പഴയ മുഖ്യമന്ത്രി തന്നെയെന്ന് വരുത്തിത്തീർക്കണം; ഞാനെണ്ണിപ്പറയണോ പഴയ മുഖ്യമന്ത്രിയുടെ കാര്യങ്ങൾ; ഇടത് സർക്കാരിന്റെ യശസിൽ ചിലർക്ക് പൊള്ളൽ ഉണ്ടാകുന്നു; ഇതിനെ നേരിടാൻ കഴിയാത്തതുകൊണ്ട് ഉപജാപങ്ങളിലൂടെ നേരിടാനാണ് ശ്രമം; ഇയാളെ നോക്ക് അന്വേഷിക്ക് എന്ന് മാധ്യമങ്ങൾ ചൂണ്ടിക്കാണിക്കേണ്ടതല്ല; മാധ്യമങ്ങൾക്കെതിരെ വീണ്ടും മുഖ്യമന്ത്രി
ആളുകളെ സഹായിക്കാൻ എപ്പോഴും ആദ്യം ഓടി എത്തിയിരുന്നു അവൻ; പഠിപ്പിച്ച അദ്ധ്യാപകർക്ക് ഇപ്പോഴും പ്രിയങ്കരൻ: ദുരന്ത വാർത്ത താങ്ങാനാവാതെ കണ്ണീരൊഴുക്കി അമ്മ നീലം സാഥെ പറയുന്ന വാക്കുകൾ ശരി വയ്ക്കും ക്യാപ്റ്റൻ ദീപകിന്റെ സഹപ്രവർത്തകരും കൂട്ടുകാരും; ട്രക്കിങ്ങിൽ കമ്പക്കാരൻ; സഞ്ചാരകഥകൾ പറയുന്ന രസികൻ; മംഗലാപുരം കാലത്ത് ഉപ്പുമാവിനോടുള്ള പ്രിയം കാരണം കളിപ്പേര് കിട്ടിയത് ക്യാപ്റ്റൻ ഉപ്പുമാവ്; പുഞ്ചിരി മായാത്ത ആ നല്ല മനുഷ്യൻ ഇത്രവേഗം പോയല്ലോ എന്ന് സങ്കടപ്പെട്ട് കൂട്ടുകാരും
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
ലോറി ഡ്രൈവർമാർക്ക് 'ചരക്കുകളെ' എത്തിച്ചു കൊടുക്കുന്ന ലോട്ടറി കച്ചവടം; പൂനയിൽ നിന്ന് ലോറി എടുക്കുമ്പോൾ ഷാഫി ഓർഡർ ചെയ്തത് പ്രായം കുറഞ്ഞ ഇരയെ; ലക്ഷ്യമിട്ട പെൺകുട്ടി കൈയിൽ നിന്നും വഴുതിയപ്പോൾ റൂമിലേക്ക് ഉന്തിതള്ളി വിട്ടത് വൃദ്ധയെ; കാമഭ്രാന്തനെ പ്രതിരോധിച്ചപ്പോൾ ബ്ലൈഡു കൊണ്ടും ക്രൂരത; കണ്ടു വന്ന മകന് ഹാലിളകിയപ്പോൾ ലോറി ഡ്രൈവർക്കും അമ്മയ്ക്കും കിട്ടിയത് പൊതിരെ തല്ല്; എല്ലാം അനുഭവിച്ചത് 75-കാരി; കോലഞ്ചേരിയിലെ പീഡനത്തിൽ നിറയുന്നത് ഓമനയുടെ വാണിഭ കച്ചവടം
സ്വയം മരണത്തിലേക്ക് പറന്നിറങ്ങിയപ്പോഴും മനസ്സാന്നിധ്യത്തോടെ കൂടെയുള്ളവരുടെ ജീവനുകൾ കാത്ത ക്യാപ്റ്റന് സല്യൂട്ട്! ഗിയർ ബോക്‌സിലെ തകരാർ തിരിച്ചറിഞ്ഞതോടെ ആകാശത്ത് വട്ടമിട്ട് പറന്ന് ഇന്ധനം പരമാവധി ഒഴിവാക്കി; സാങ്കേതിക തകരാർ തിരിച്ചറിഞ്ഞ് നിലത്തിറക്കൽ; മഴയിൽ തെന്നിമാറിയപ്പോഴും പറന്നുയരാത്തത് ജനവാസ കേന്ദ്രം മുന്നിലെന്ന യാഥാർത്ഥ്യം തിരിച്ചറിഞ്ഞ്; കരിപ്പൂരിൽ വൻ ദുരന്തം ഒഴിവാക്കിയത് യുദ്ധവിമാനങ്ങളെ അടക്കം നിയന്ത്രിച്ച ക്യാപ്ടൻ ഡിവി സാഥെ; വലിയ ദുരന്തം ഒഴിവാക്കിയത് ഈ മനക്കരുത്ത്
രാഷ്ട്രീയമില്ല, കുട്ടികളുടെ പരിപാടിയാണ് എന്നുപറഞ്ഞാണ് എന്നെ ക്ഷണിച്ചത്; കോൺഗ്രസിലെ ഒരു നേതാവിന് മാത്രമാണ് എതിർപ്പുണ്ടായിരുന്നത്; രാഹുൽ ഗാന്ധിയെ എതിർക്കുന്ന ആളെ വേണ്ടെന്നത് ആ നേതാവിന്റെ നിർബന്ധബുദ്ധിയായിരുന്നു; ചെന്നിത്തല എന്നോട് സംഭവത്തിൽ ഖേദം പ്രകടിപ്പിച്ചു; ചെന്നിത്തലയെ സംഘിയാക്കിയ നാട്ടിൽ എന്നെ സംഘിയാക്കുന്നതിൽ അത്ഭുതമില്ല; വിവാദത്തിൽ മറുനാടനോട് പ്രതികരിച്ച് ശ്രീജിത്ത് പണിക്കർ
സംശയ നിഴലിലുള്ളത് കേരള അഡ്‌മിനീസ്‌ട്രെറ്റീവ് ട്രിബ്യുണൽ ചെയർമാനാക്കാൻ പിണറായി സർക്കാർ മുന്തിയ പരിഗണന കൊടുത്ത ജഡ്ജി; വ്യവസായ പ്രമുഖന്റെ ശുപാർശയിൽ നിയമന നടപടികൾ പുരോഗമിക്കുന്നതിനിടെ സ്വപ്‌നാ സുരേഷിന്റെ സ്വർണ്ണ കടത്തിൽ സംശയ നിഴലിൽ; നെടുമ്പാശേരിയിലെ 2000 കിലോയുടെ സ്വർണ്ണ കടത്ത് പരിഗണിക്കുന്നതിൽ നിന്ന് മറ്റൊരു ജഡ്ജിയുടെ പിന്മാറ്റത്തിന് കാരണവും പരിശോധനകളിൽ; 100 കോടി പിഴ വാങ്ങി 2000 കിലോ സ്വർണം വിട്ടതും സംശയകരം; എൻഐഎ കണ്ണ് എല്ലായിടത്തേക്കും
ജഡ്ജിയും നേതാവുമായി അടുത്ത ബന്ധം; ഖുറാൻ വാഹനമെത്തി സിആപ്റ്റിലും ബന്ധുവിന്റെ സാന്നിധ്യം; എൻഐഎ നിരീക്ഷണത്തിലൂള്ളത് സ്വപ്നയുടെ സഹോദരന്റെ വിവാഹത്തിൽ പങ്കെടുത്ത ഏക നേതാവ്; സർക്കാരിൽ ഉന്നത സ്വാധീനമുള്ള നേതാവിനെ ചോദ്യം ചെയ്യുന്നത് എല്ലാ തെളിവുകളും സൂക്ഷ്മമായി വിലയിരുത്തിയ ശേഷം മാത്രം; സ്വപ്‌നയുടെ മൊഴിയെ സാധൂകരിക്കുന്ന തെളിവുകൾ കിട്ടിയാൽ ഉടൻ നേതാവിന് നോട്ടീസ് നൽകും; സ്വർണ്ണ കടത്തിൽ വിഐപി മൂന്നാമാനിലേക്ക് അന്വേഷണം
മദ്യത്തിന് അടിമയായതിനൊപ്പം ലൈംഗിക വൈകൃതവും; പ്രകൃതിവിരുദ്ധ ലൈംഗിക ബന്ധത്തിനടക്കം നിർബന്ധിക്കുക പതിവ്; എതിര് പറഞ്ഞാൽ ക്രൂരമർദ്ദനവും; പീഡനത്തിൽ സഹികെട്ട ഭാര്യ എൻജിനീയറായ ഭർത്താവിനെ ഒഴിവാക്കിയതുകൊലപ്പെടുത്തി; സ്വകാര്യഭാഗങ്ങളിൽ മർദ്ദിച്ചു; അദ്ധ്യാപികയായ ഭാര്യ അറസ്റ്റിലായത് യുവാവിന്റെ സ്വകാര്യഭാഗങ്ങളിൽ അടക്കം പരിക്കുകൾ കണ്ടതിനെ തുടർന്ന് നടത്തിയ അന്വേഷണത്തിൽ
ഏഷ്യാനെറ്റ് ന്യൂസിന്റെ 'പണി കിട്ടിയവർ' പരമ്പര ഏറ്റുതുടങ്ങി! സർക്കാർ വകുപ്പുകളിൽ പിൻവാതിൽ നിയമനങ്ങൾ കൊഴുക്കുമ്പോൾ പിഎസ്.സി റാങ്ക് ലിസ്റ്റുകാരുടെ രോഷം സിപിഎമ്മിനെ വിറപ്പിക്കുന്നു; സിപിഎം കേരളയുടെ ഒഫീഷ്യൽ യുട്യൂബ് പേജിൽ പിഎസ് സി നിയമന വിവാദം വിശദീകരിക്കാൻ എത്തിയ എം ബി രാജേഷിന് പൊങ്കാലയുമായി റാങ്ക് ഹോൾഡേഴ്‌സ്; ന്യായീകരണ വീഡിയോയിൽ ലൈക്കിനേക്കാൾ കൂടുതൽ ഡിസ് ലൈക്കുകൾ; പോരാളി ഷാജിമാർ പോലും പാർട്ടിക്കെതിരെ തിരിയുന്ന അപൂർവ്വ പ്രതിസന്ധി
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
'പിണറായിയുടെ നെറ്റിക്കു നേരെ അജിത് ഡോവൽ റിവോൾവർ ചൂണ്ടി; കുതറി ഓടാൻ ശ്രമിച്ച വിജയനെ ഡോവൽ കീഴടക്കിയത് സാഹസികമായി; മുട്ടുവിറച്ച് വിജയൻ മാപ്പു പറഞ്ഞു'; സ്വർണക്കടത്ത് കേസ് എൻഐഎ ഏറ്റെടുക്കുമ്പോൾ മുഖ്യമന്ത്രിയെ ഭയപ്പെടുത്തുന്നത് ഭൂതകാല അനുഭവമെന്ന് കോൺഗ്രസ് മുഖപത്രമായ വീക്ഷണം; സോഷ്യൽ മീഡിയയിൽ പൊരിഞ്ഞ കോൺഗ്രസ്- സിപിഎം പോര്; സ്വർണക്കടത്തിന്റെ വേരറുക്കാൻ ഇന്ത്യൻ ജെയിംസ് ബോണ്ടിന് ആവുമോ?
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി