1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Jul / 2020
06
Monday

കെ സുരേന്ദ്രന് എവിടെ നിന്നാണ് മൂന്നരലക്ഷം വോട്ട് കിട്ടുക? ഞാനാ അസാധാരണത്വത്തെ 'അയ്യപ്പ തരംഗം' എന്നാണ് വിളിക്കുക; 'സുരേന്ദ്രൻ ജയിച്ചാൽ കൊള്ളാം' എന്ന് പറഞ്ഞ തട്ടമിട്ട പത്തനംതിട്ടക്കാരിയെയും നമ്മൾ കണ്ടതാണ്; രാഷ്ട്രീയത്തിന് അതീതമായി അയ്യപ്പ സ്വാമിയേ ഭജിക്കുന്ന സ്ത്രീകൾ തുണയാകും; ഓർത്തോഡോക്‌സ് സഭ വീണ ജോർജിനു പിന്തുണ പ്രഖ്യാപിച്ചതും തുണയാകും; പത്തനംതിട്ടയിൽ സുരേന്ദ്രൻ ജയിക്കുമെന്ന് വിവരിച്ച് ശങ്കു ടി ദാസ എഴുതുന്നു

May 22, 2019 | 09:12 PM IST | Permalink



കെ സുരേന്ദ്രന് എവിടെ നിന്നാണ് മൂന്നരലക്ഷം വോട്ട് കിട്ടുക? ഞാനാ അസാധാരണത്വത്തെ 'അയ്യപ്പ തരംഗം' എന്നാണ് വിളിക്കുക; 'സുരേന്ദ്രൻ ജയിച്ചാൽ കൊള്ളാം' എന്ന് പറഞ്ഞ തട്ടമിട്ട പത്തനംതിട്ടക്കാരിയെയും നമ്മൾ കണ്ടതാണ്; രാഷ്ട്രീയത്തിന് അതീതമായി അയ്യപ്പ സ്വാമിയേ ഭജിക്കുന്ന സ്ത്രീകൾ തുണയാകും; ഓർത്തോഡോക്‌സ് സഭ വീണ ജോർജിനു പിന്തുണ പ്രഖ്യാപിച്ചതും തുണയാകും; പത്തനംതിട്ടയിൽ സുരേന്ദ്രൻ ജയിക്കുമെന്ന് വിവരിച്ച് ശങ്കു ടി ദാസ എഴുതുന്നു

ശങ്കു ടി ദാസ്

 ഗ്രാമത്തിൽ മഴ പെയ്യാൻ വേണ്ടി വലിയ യാഗം നടത്തുന്നിടത്തേക്ക് എല്ലാവരും തൊഴു കയ്യുമായി പോവുമ്പോൾ ഒരു കുട്ടി മാത്രം തന്റെ കുഞ്ഞി കയ്യിൽ ഒരു കുട കരുതിയ കഥ കേട്ടിട്ടില്ലേ? വിശ്വാസ കാര്യത്തിൽ ആ കുടയെടുത്ത കുട്ടിയാണ് ഞാൻ. അതുകൊണ്ട് തന്നെ പത്തനംതിട്ടയിൽ കെ. സുരേന്ദ്രൻ ജയിക്കും എന്നാണ് ഞാനിപ്പോഴും ഉറച്ചു വിശ്വസിക്കുന്നത്. ജയിക്കില്ലെന്ന് മലയാളം ചാനലുകളുടെ എക്‌സിറ്റ് പോളുകൾ ഒക്കെ തറപ്പിച്ചു പറയുമ്പോൾ എന്റെയാ വിശ്വാസം ഇരട്ടിക്കുകയുമാണ്. പക്ഷെ അതെന്റെയൊരു വിശ്വാസം മാത്രമാണെങ്കിൽ നിങ്ങൾക്കത് കേൾക്കേണ്ട യാതൊരു ആവശ്യവുമില്ലല്ലോ.

നമുക്കെല്ലാവർക്കും അങ്ങനെ പലവിധ വ്യക്തിഗത വിശ്വാസങ്ങളും ഉണ്ട്. അതൊന്നും അവനവനല്ലാതെ മറ്റൊരാൾക്കും ബാധകവുമല്ല താനും.
എന്നാൽ ഇവിടെ, ആ വിശ്വാസത്തെ ബോധ്യമാക്കി മാറ്റുന്ന ചില തെളിവുകളും ന്യായങ്ങളും എന്റെ പക്കലുണ്ട്. എന്റെ മാത്രമൊരു സ്വകാര്യ വിശ്വാസം എന്നതിനപ്പുറം രണ്ടാമനും ബോധ്യപ്പെടുന്നൊരു സാധ്യത എന്ന തലത്തിലേക്ക് അത് എത്തുന്നതോെട അത് എല്ലാവർക്കും ശ്രവണാർഹമായ ഒരു നിരീക്ഷണമായി മാറുന്നുണ്ട് എന്നെനിക്ക് തോന്നുന്നു. ആ നിരീക്ഷണങ്ങളും സാധ്യതകളുമാണ് ഞാൻ നിങ്ങളോട് പങ്കുവെയ്ക്കാൻ ശ്രമിക്കുന്നത്.

നോക്കൂ.. മാതൃഭൂമിയുടെ എക്‌സിറ്റ് പോളിൽ ആന്റോ ആന്റണി ജയിക്കും എന്നാണ് പറഞ്ഞത്. അതേ സമയം കൈരളിയുടെ എക്‌സിറ്റ് പോളിൽ വീണാ ജോർജ്ജ് ആണ് ജയിക്കുന്നത്. സുരേന്ദ്രൻ തോൽക്കണമെങ്കിൽ ജയിക്കേണ്ടത് ആര് എന്ന കാര്യത്തിൽ മാധ്യമങ്ങൾക്ക് പോലും കൃത്യത ഇല്ല എന്നതാണ് അത് കാണിക്കുന്നത്. ആ ബദൽ ആരെന്ന കൃത്യത ഇല്ലായ്മ കെ.സുരേന്ദ്രന്റെ ജയ സാധ്യത തന്നെയാണ്.

ഇപ്പൊ, തിരുവനന്തപുരത്ത് കുമ്മനം രാജശേഖരനെ തോൽപ്പിക്കാൻ ആർക്കാണ് വോട്ട് കൊടുക്കേണ്ടത് എന്ന കാര്യത്തിൽ ഇടതു വലതു മുന്നണികൾക്ക് കൃത്യമായ ധാരണയുണ്ട്. അതുകൊണ്ടവിടെ അടിയുറച്ച സിപിഎമ്മുകാരന്റെ വോട്ട് പോലും ദിവാകരനല്ല, ശശി തരൂരിനാണ് കിട്ടുക. ബദൽ സ്ഥാനാർത്ഥി ആരെന്നു കൃത്യമായി നിശ്ചയിച്ചാൽ മാത്രം സാധിക്കുന്നതാണ് അത്തരം എൻബ്ലോക്ക് ക്രോസ്സ് വോട്ടിങ്. അത്തരത്തിൽ പൊതു ശത്രുവിനെ തോൽപ്പിക്കാൻ ഒന്നിച്ചു ജയിപ്പിക്കേണ്ട പൊതു ബദൽ സ്ഥാനാർത്ഥി ആരെന്ന് അവസാന നിമിഷം വരെയും ഉറപ്പിക്കാൻ ബിജെപി വിരുദ്ധർക്ക് ആയില്ലെന്നത് പത്തനംതിട്ടയിലും തൃശ്ശൂരിലും ബിജെപിക്ക് അനുകൂലമായ ഘടകമാണ്.

(ഇടതു വലതു മുന്നണികളും ഒന്നിച്ചു നിന്നാലും അതിനെ മറികടക്കാനുള്ള ജനപിന്തുണയും ശക്തിയും തിരുവനന്തപുരത്ത് ബിജെപി ഇതിനകം നേടി കഴിഞ്ഞതുകൊണ്ട് ആ അവിഹിത കൂട്ടുകെട്ടിനെ അതിജീവിച്ചു കുമ്മനം അവിടെ ഒറ്റയ്ക്ക് നിന്ന് ജയിച്ചേക്കാം. എന്നാൽ, അത്തരത്തിൽ ഹിന്ദു വോട്ട് കൊണ്ട് ഉറച്ച ബിജെപി കോട്ടകൾ ആയി മാറിയിട്ടില്ലാത്ത മണ്ഡലങ്ങളിൽ ഈ പൊതു സ്ഥാനാർത്ഥി ഫോർമുല എത്തരത്തിൽ ബിജെപിയുടെ ജയസാധ്യത ഇല്ലാതാക്കും എന്നാണ് പറഞ്ഞത്.)

മാതൃഭൂമിയും കൈരളിയും ഒരേ ശബ്ദത്തിൽ ആന്റോ ആന്റണി ജയിക്കും എന്ന് പറഞ്ഞിരുന്നെങ്കിൽ ഈ പ്രതീക്ഷയ്ക്ക് വകയുണ്ടാകുമായിരുന്നില്ല.
എന്നാൽ കൈരളി വീണാ ജോർജ്ജ് ജയിക്കും എന്ന് പറയുമ്പോൾ ഇടതു ക്യാമ്പിൽ ഇപ്പോൾ പോലും ജയപ്രതീക്ഷ ഉണ്ടെന്നാണ് കാണുന്നത്. ഈ മിസ്‌കാൽക്കുലേഷൻ ചാനൽ മുറികളിൽ മാത്രമല്ല, ഗ്രൗണ്ടിലെ വോട്ടർമാർക്കിടയിലും ഉണ്ടായിട്ടുണ്ട് എന്നതാണ് വസ്തുത. ഓർത്തോഡോക്‌സ് സഭ അവസാന ദിവസം വീണാ ജോർജ്ജിന് പിന്തുണ പ്രഖ്യാപിച്ച സംഭവം ഇടതു ക്യാമ്പിലെ ഈ ജയ പ്രതീക്ഷയെ വർദ്ധിപ്പിക്കുകയും ചെയ്തിരിക്കും.

സ്വാഭാവികമായും ക്രോസ്സ് വോട്ടിങ്ങിന്റെ സാധ്യത അടയുകയും മണ്ഡലത്തിൽ ത്രികോണ മത്സരം ഉണ്ടാവുകയും ചെയ്തിരിക്കണം. എന്നാൽ അങ്ങനെ വീണയെ ജയിപ്പിക്കാൻ ഇടതുപക്ഷവും വീണയ്ക്കാവും ആന്റോയെക്കാൾ സാധ്യത എന്ന് കരുതിയ മറ്റു ബിജെപി വിരുദ്ധരും അരിവാൾ ചുറ്റികയിൽ വോട്ട് കുത്തിയപ്പോൾ അവർ യഥാർത്ഥത്തിൽ കെ. സുരേന്ദ്രനെ ജയിപ്പിക്കുകയാണ് ചെയ്തത്. മൂന്നര ലക്ഷം വോട്ട് സ്വന്തം ചിഹ്നത്തിൽ നേടുക എന്നതിനൊപ്പം തന്നെ മൂന്ന് ലക്ഷം വോട്ടെങ്കിലും സിപിഎം നേടുക എന്നത് കൂടി കെ. സുരേന്ദ്രന്റെ ജയത്തിനു അനിവാര്യമായ സംഗതിയായിരുന്നു. ജയിക്കും എന്നൊരു ധാരണ അവസാന നിമിഷം വരെ നിലനിർത്തി സിപിഎമ്മും സഭയും കൂടി അത്രയും വോട്ട് വീണയ്ക്ക് പിടിച്ചു കൊടുത്തെങ്കിൽ സുരേന്ദ്രൻ ജയിച്ചു കഴിഞ്ഞു.

പക്ഷെ ഇങ്ങനെയൊക്കെയാണെങ്കിലും കെ. സുരേന്ദ്രന് എവിടെ നിന്നാണ് മൂന്നര ലക്ഷം വോട്ട് കിട്ടുക എന്നൊരു ചോദ്യം തീർച്ചയായും ഉണ്ട്. 2014 തിരഞ്ഞെടുപ്പിൽ 1.38 ലക്ഷം വോട്ട് മാത്രമാണ് ബിജെപിക്ക് പത്തനംതിട്ടയിൽ കിട്ടിയത് എന്നതൊരു യാഥാർഥ്യമാണ്. ആന്റോ ആന്റണിയെ മറികടക്കണമെങ്കിൽ 2.20 ലക്ഷം വോട്ട് കൂടി ബിജെപി നേടേണ്ടതായുണ്ട്. കഴിഞ്ഞ തിരഞ്ഞെടുപ്പിൽ നേടിയതിന്റെ സുമാർ മൂന്നിരട്ടി വോട്ടുകൾ നേടണം എന്നർത്ഥം. എത്ര കൃത്യമായ സംഘടനാ പ്രവർത്തനം നടന്നാലും എത്ര മികച്ച പ്രചാരണം നടത്തിയാലും സാധാരണ ഗതിയിൽ അസംഭവ്യം ആണത്.

പക്ഷെ ഇത്തവണ സാധാരണ ഗതിയല്ലല്ലോ. അസംഭവ്യമായതും സംഭവ്യമാകുന്ന ഒരു അസാധാരണ ഗതി ഉണ്ട് ഇത്തവണ പൊതുവിൽ കേരളത്തിലും വിശേഷിച്ച് പത്തനംതിട്ടയിലും. ഞാനാ അസാധാരണത്വത്തെ 'അയ്യപ്പ തരംഗം' എന്നാണ് വിളിക്കുക. ഇന്ത്യയിൽ ആകെ അലയടിക്കുന്ന മോദി തരംഗത്തേക്കാൾ ശക്തമാകും കേരളത്തിൽ അലയടിക്കുന്ന ആ അയ്യപ്പ തരംഗം. ആ തരംഗത്തെ പറ്റിയാവും വരും ദിവസങ്ങളിൽ കേരളം ഗൗരവമായി ചർച്ച ചെയ്യാൻ പോകുന്നത് എന്നതാണ് എന്റെ വിലയിരുത്തൽ. മാതൃഭൂമി ആയാലും കൈരളി ആയാലും എക്‌സിറ്റ് പോളുകൾ കെ. സുരേന്ദ്രന് 30% വോട്ട് ഷെയർ പ്രവചിക്കുന്നുണ്ട് എന്ന് ശ്രദ്ധിക്കണം.

പത്ത് ലക്ഷത്തിന് മുകളിൽ ആളുകൾ വോട്ട് ചെയ്ത മണ്ഡലത്തിൽ അപ്പോൾ സുരേന്ദ്രന് 3 ലക്ഷത്തിലധികം വോട്ട് കിട്ടുമെന്ന് ഇടത് ചാനൽ പോലും അംഗീകരിക്കുന്നുണ്ട്. എങ്ങനെയാണ് അത്രയധികം വോട്ട് വന്നത്? അത് തന്നെ അസ്വാഭാവികം അല്ലേ? പത്തനംതിട്ടയിൽ ആണ് ഇത്തവണ കേരളത്തിൽ ഏറ്റവും ഉയർന്ന പോളിങ് വർദ്ധനവ് ഉണ്ടായത്. 2014 തിരഞ്ഞെടുപ്പിനേക്കാൾ 8.17% വർദ്ധനയാണ് ഈ വട്ടം പത്തനംതിട്ടയിലെ പോളിങ് ശതമാനത്തിൽ സംഭവിച്ചത്. ഏതാണ്ട് ഒരു ലക്ഷത്തി പതിനായിരം വോട്ടിന്റെ വർദ്ധനയാണ് ഈ ശതമാനം സൂചിപ്പിക്കുന്നത് എന്നത് ശ്രദ്ധിക്കണം. എന്തുകൊണ്ടാണ് ഇങ്ങനെയൊരു ബംപ് ഇത്തവണ പത്തനംതിട്ടയിൽ ഉണ്ടായത്??

പത്തനംതിട്ടയിലെ വോട്ടർമാരിൽ പുരുഷന്മാരേക്കാൾ ഒരു ലക്ഷത്തിൽ അധികം സ്ത്രീകൾ ആയിരുന്നു എന്നും പോളിങ് ദിവസത്തെ ഒരു റിപ്പോർട്ടിൽ കണ്ടിരുന്നു. ഒരു സർവ്വെയിലും ഉള്ളിലിരുപ്പ് വെളിപ്പെടുത്താത്ത, ഒരു എക്‌സിറ്റ് പോളിനും പിടി കൊടുക്കാത്ത, നിശബ്ദ സ്ത്രീ വോട്ടർമാരാണ് മണ്ഡലത്തിലെ വിധി യഥാർത്ഥത്തിൽ നിർണ്ണയിക്കാൻ പോകുന്നത്. കെ. സുരേന്ദ്രന്റെ പ്രചാരണ പരിപാടികളിൽ ഒക്കെ വലിയ എണ്ണത്തിൽ പങ്കാളികൾ ആയ സ്ത്രീകളെ നമ്മൾ ധാരാളം കണ്ടിരുന്നു. ശബരിമലയിലെ ആചാര പദ്ധതികൾ അത് പോലെ നിലനിൽക്കണം എന്നാഗ്രഹിച്ച, ആചാര ലംഘനത്തിനുള്ള ശ്രമങ്ങൾ ഉണ്ടായപ്പോൾ മനസ്സ് വേദനിച്ച, അതിനെതിരെ നാമജപ ഘോഷയാത്രയുമായി തെരുവിൽ ഇറങ്ങിയ വിശ്വാസികളായ ഹിന്ദു സ്ത്രീകൾ തന്നെയാണത്. 56% ഹിന്ദു വോട്ട് ഉള്ള മണ്ഡലമാണ് പത്തനംതിട്ട. അതിൽ തന്നെ 53%വും രാഷ്ട്രീയത്തിന് അതീതമായി അയ്യപ്പ സ്വാമിയേ ഭജിക്കുന്ന സ്ത്രീകൾ ആണെന്നത് എങ്ങനെയായിരിക്കും പോളിങ്ങിനെ സ്വാധീനിച്ചിരിക്കുക?

പത്തനംതിട്ടയിലെ ഒരു ലക്ഷം മുസ്ലിം വോട്ടർമാരിൽ ഇരുപത്തിനായിരത്തിൽ ഏറെ പേർ സുന്നി പൗരോഹിത്യത്തിന് ഒരു സ്വാധീനവും ഇല്ലാത്ത ഷിയാ മുസ്ലീങ്ങൾ ആണെന്നത് മണ്ഡലത്തിൽ നേരിട്ട് പ്രചാരണത്തിന് പോയപ്പോൾ മാത്രമാണ് ഞാൻ അറിഞ്ഞത്. ദേശീയ തലത്തിൽ തന്നെ ബിജെപിയോട് അനുകൂല നിലപാട് സ്വീകരിക്കുന്ന മുസ്ലിം വിഭാഗമാണ് ഷിയാ മുസ്ലീങ്ങൾ. നരേന്ദ്ര മോദി സർക്കാരിലെ ഏക മുസ്ലിം മന്ത്രിയും യോഗി ആദിത്യനാഥ് സർക്കാരിലെ ഏക മുസ്ലിം മന്ത്രിയും ഷിയാ മുസ്ലിം ആണെന്നത് നിരീക്ഷിച്ചാൽ കാണുന്ന ഒരു കൗതുകമാണ്. ബിജെപി ഈ സാധ്യതയെ അല്പം കൂടി ഗൗരവമായി മനസിലാക്കണമായിരുന്നു എന്നും, മുക്താർ അബ്ബാസ് നഖ്വിയെ മണ്ഡലത്തിൽ പ്രചാരണത്തിന് എത്തിക്കണമായിരുന്നു എന്നും, അത് ശ്രദ്ധക്കുറവ് കൊണ്ട് നഷ്ടപ്പെടുത്തിയ മികച്ചൊരു രാഷ്ട്രീയ നീക്കമായിരുന്നു എന്നും വിമർശനമുള്ള അനുഭാവിയാണ് ഞാൻ.

എന്നാൽ മറ്റു രണ്ട് മുന്നണികളും പത്തനംതിട്ടയിലെ ഈ ഷിയാ സാന്നിധ്യത്തെ വേണ്ട വിധം മനസിലാക്കിയില്ല എന്നും അവരെ കൂടേ നിർത്താൻ പ്രത്യേകിച്ചൊന്നും ചെയ്തില്ല മുഖ്യമായും സുന്നി പ്രീണനത്തിലാണ് ഊർജ്ജം ചെലവാക്കിയത് എന്നും കാണുമ്പോൾ ആ വോട്ടുകൾ നഷ്ടപ്പെട്ടു എന്ന് പറയാനും വയ്യ. ചാനൽ ക്യാമറക്ക് മുന്നിൽ നിന്ന് മറയില്ലാതെ 'സുരേന്ദ്രൻ ജയിച്ചാൽ കൊള്ളാം' എന്ന് പറഞ്ഞ തട്ടമിട്ട പത്തനംതിട്ടക്കാരി പെൺകുട്ടിയെ നമ്മളൊക്കെ കണ്ടതാണ്. ആ വോട്ടുകൾ ഒക്കെ ആരാണ് നേടിയത്? ഒരു എക്‌സിറ്റ് പോളിനും പ്രവചിക്കാവുന്നതല്ല പത്തനംതിട്ടയിലെ ഈ ഘടകങ്ങൾ ഒന്നും. എല്ലാ ഊഹാപോഹങ്ങളെയും ആസ്ഥാനത്താക്കുന്ന തരം അസാധാരണമായ ഒരു തരംഗം അവിടെയുണ്ട് എന്നത് മാത്രമാണ് നമുക്കറിയുന്ന ഏക വസ്തുത.

ഒന്ന് നോക്കിയാൽ ഈ തിരഞ്ഞെടുപ്പിൽ മനുഷ്യന് പദ്ധതിയിട്ട് ശ്രമിച്ചാൽ പോലും നടപ്പാക്കാനാവാത്ത കാര്യങ്ങൾ ഒരായാസവും ഇല്ലാതെ സ്വമേധയാ സാധ്യമാക്കിയ ഒരു ദൈവീക ഇടപെടൽ ഉണ്ടായിട്ടുണ്ട് ഈ തിരഞ്ഞെടുപ്പിൽ എന്ന് പോലും സംശയിക്കാനുള്ള ന്യായങ്ങൾ ഉണ്ട്. രാഹുൽ ഗാന്ധിയുടെ വയനാട് സ്ഥാനാർത്ഥിത്വം കൊണ്ട് എല്ലാ അഡ്ജസ്റ്റ്‌മെന്റ് പരസ്പര ധാരണകളെയും അട്ടിമറിച്ചു ബിജെപി എന്ന പൊതുശത്രുവിനെ വിട്ട് കോൺഗ്രസ്സും സിപിഎമ്മും തമ്മിൽ നേരിട്ട് തന്നെ മത്സരവും, കോൺഗ്രസ്സിന് അനുകൂലമായ ന്യൂനപക്ഷ ധ്രുവീകരണവും, കേഡർ തലത്തിൽ പോലും പരസ്പര വൈരവും വാശിയും ഉണ്ടായത്..

ഒരു ഹിന്ദു സ്ഥാനാർത്ഥിക്ക് പകരം വീണാ ജോർജ്ജിനെ തന്നെ സിപിഎം പത്തനംതിട്ട സ്ഥാനാർത്ഥി ആയി നിശ്ചയിച്ചത്.. വയനാട് മത്സരത്തിന് പ്രതീക്ഷിക്കാത്ത ദേശീയ പ്രാധാന്യം വന്നതുകൊണ്ട് തുഷാർ വെള്ളാപ്പള്ളി അങ്ങോട്ട് മാറിയതും പകരം സുരേഷ് ഗോപി തൃശ്ശൂരിൽ സ്ഥാനാർത്ഥി ആയി വന്നതും.. അവസാന ദിവസം ഓർത്തോഡോക്‌സ് സഭ വീണ ജോർജിനും രാജാജി മാത്യൂസിനും പിന്തുണ പ്രഖ്യാപിക്കാൻ തീരുമാനിച്ചത്.. ഇതൊക്കെ ബിജെപിയേ സഹായിക്കുന്ന ഘടകങ്ങൾ ആയാണ് കലാശിച്ചത്. എന്നാൽ ഇതൊന്നും ബിജെപിക്ക് പ്ലാൻ ചെയ്തു നടപ്പാക്കാനാവുന്ന കാര്യങ്ങൾ ആയിരുന്നില്ല. ഇതൊക്കെയും ഒരു 'അയ്യപ്പൻ ഇഫക്ട്' ആണെന്ന് വിശ്വാസികൾ വാദിച്ചാൽ അവരെ കുറ്റം പറയാൻ ആർക്കും സാധിക്കുകയുമില്ല.

എന്തായാലും വലിയ തരംഗങ്ങൾ അലയടിക്കുന്ന തിരഞ്ഞെടുപ്പുകളിൽ ഒന്നും സ്വാഭാവിക അനുമാനങ്ങൾക്ക് യാതൊരു പ്രസക്തിയും ഇല്ല.
2014ലെ 1.38 ലക്ഷം എങ്ങനെ മൂന്നിരട്ടിയായി 3.50 ലക്ഷം ആവും എന്ന് യുക്തിപരമായി ചോദിക്കുമ്പോൾ, 2009ലെ 56000 എങ്ങനെ രണ്ടിരട്ടിയിൽ ഏറെയായി 2014 ആയപ്പോൾ 1.38 ലക്ഷമായി എന്നതിനും നമ്മൾ യുക്തിസഹമായി മറുപടി പറയേണ്ടി വരും. 2014ൽ മോദി തരംഗം ആഞ്ഞടിച്ചു എന്നത് മാത്രമാവും അതിന് പറയാവുന്ന ന്യായം. എങ്കിൽ അതിലും വലിയൊരു തരംഗം ഇപ്പോൾ ഇവിടെയുണ്ട് എന്നത് ഇതിനും ന്യായമാവും.

ഇത്രയങ് ഉറപ്പിച്ചു പറഞ്ഞിട്ട് ഒടുക്കം തോറ്റാൽ എന്ത് പറയും എന്ന് ഏട്ടൻ ചോദിക്കുന്നുണ്ട്. പക്ഷെ, ഇത്രയൊക്കെ പറഞ്ഞിട്ടും ചെയ്തിട്ടും ഒടുക്കം തോറ്റാൽ അപ്പോൾ എന്റെയൊരു പ്രവചനം മാത്രമല്ലല്ലോ അവിടെ തോൽക്കുന്നത്. എന്തൊക്കെ തോറ്റു അവിടെ
അല്ലെങ്കിൽ എല്ലാം തോറ്റല്ലോ അവിടെ അതിനിടയിൽ ഒരു പ്രവചനം തെറ്റിയതിലെ വ്യക്തിപരമായ നാണക്കേടും അപമാനവും ഒന്നും ഒരു വിഷയമേ ആവില്ല തന്നെ.. അതിനെ പറ്റി ആശങ്കപ്പെടുന്നത് വീടാകെ കത്തി പോയാൽ എന്റെ പുത്തൻ ഷർട്ടും അതിൽ പെട്ടു പോവുമല്ലോ എന്ന് പേടിക്കുന്നത് പോലെയാണ്.

അന്തിമ ഫലം വരാൻ മണിക്കൂറുകൾ മാത്രം ശേഷിക്കെ പ്രവചനത്തിനൊന്നും നിൽക്കാതെ ക്ഷമയോടെ കാത്തിരിക്കുക തന്നെയാണ് ബുദ്ധി എന്ന് എനിക്കും നന്നായി അറിയാം. പക്ഷെ അപായ സാധ്യത ഒഴിവാക്കാനുള്ള ആ സേഫ് സോൺ ബുദ്ധി ഞാൻ ഉപയോഗിക്കുമ്പോൾ എന്റെ വിശ്വാസത്തെ തന്നെയാവും ഞാൻ അവിടെ വഞ്ചിക്കുന്നത്. ആദ്യമേ പറഞ്ഞല്ലോ.. മഴ പെയ്യാനുള്ള യാഗം നടക്കുന്നിടത്തേക്ക് കുടയുമായി പോയ ആ കുട്ടിയാണ് ഞാൻ. പത്തനംതിട്ടയിൽ കെ. സുരേന്ദ്രൻ ജയിക്കുമെന്ന് ആ കുട്ടി നിങ്ങളോട് ഉറപ്പിച്ചു പറയുന്നു.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
ചിട്ടി കമ്പനി മുതലാളി റിയൽ എസ്റ്റേറ്റിലേക്ക് കാലെടുത്തു വച്ചപ്പോൾ കോടിപതിയായി; പാറ ഖനനവും ക്വാറിയും സജീവമായപ്പോൾ ഫിനിക്‌സ് പക്ഷിയേക്കാൾ വേഗത്തിൽ വളർച്ച; കാറുകൾക്ക് നാല് എന്ന നമ്പർ കിട്ടാൻ ലക്ഷങ്ങൾ ഒഴുക്കുന്ന വാഹനക്കമ്പം; അവശത പറഞ്ഞെത്തുന്നവരെ പിശുക്കില്ലാതെ സഹായിക്കുന്ന നല്ല മനസ്സും; തോണ്ടാൻ വരുന്നവരെ പച്ചത്തെറി വിളിക്കുന്ന 'ബ്ലാക്ക് റോയി'; ബെല്ലി ഡാൻസിൽ കുടുങ്ങുന്നത് കോതമംഗലത്തെ റോയി മുതലാളി; ചതുരംഗപ്പാറയിലെ 'കോവിഡ് ലംഘനത്തിന്റെ' ബിസിനസ്സ് കഥ
കോൺസുലേറ്റിലേക്കുള്ള പാഴ്‌സൽ തുറന്നു നോക്കാൻ കസ്റ്റംസ് കാട്ടിയത് അസാധാരണ ധൈര്യം; രാജ്യങ്ങൾക്കിടയിലെ നയതന്ത്ര ബന്ധങ്ങളെ പോലും ഉലയ്ക്കുമെന്നതിനാൽ സാധാരണ ഗതിയിൽ ഡിപ്രോമാറ്റിക് ബാഗേജിന് കിട്ടുക വിവിഐപി പരിഗണന; മണക്കാട്ടെ യുഎഇ കോൺസുലേറ്റിലേക്കുള്ള ബാഗേജിലുണ്ടായിരുന്നത് 35 കിലോ സ്വർണം; തിരുവനന്തപുരത്ത് നടന്നത് കേരളം ഇതുവരെ കണ്ട ഏറ്റവും വലിയ സ്വർണ്ണ വേട്ട; കോവിഡു കാലത്തും സ്വർണ്ണ മാഫിയ സജീവം; ഡിപ്ലോമോറ്റിക് കടത്തിൽ ഞെട്ടി കസ്റ്റംസ്
കടുത്ത പനിയും ശരീര വേദനയുമായി കോവിഡ് ഒപിയിൽ കാത്തിരുന്നത് മണിക്കൂറുകൾ; എനിക്ക് മനസിലാവുന്നില്ല; കേരളം കോവിഡ് കൈകാര്യം ചെയ്യുന്നതേക്കുറിച്ച് പൊതുവേ നല്ല മതിപ്പാണ്; പക്ഷേ റിയാലിറ്റി അങ്ങനെ അല്ലെന്ന് എനിക്കിന്നലെ മനസിലായി; ഇതാണ് അവസ്ഥ എങ്കിൽ വലിയ ദുരന്തം നമ്മെ കാത്തിരിക്കുന്നു എന്ന് പേടിക്കണം; സ്വന്തം അനുഭവം പങ്കുവെച്ച് സംവിധായകൻ സനൽകുമാർ ശശിധരൻ
പ്രധാനമന്ത്രി സ്ഥാനത്തുനിന്നും പാർട്ടി അധ്യക്ഷ പദത്തിൽനിന്നും നീക്കാൻ ഗൂഢാലോചന നടക്കുന്നു; പ്രസിഡന്റ് ബിദ്യ ദേവി ഭണ്ഡാരിയേയും താഴെയിറക്കാൻ പാർട്ടി അംഗങ്ങളിൽ ചിലർ ശ്രമിക്കുന്നുണ്ട്;തനിക്കെതിരായ നീക്കം വിജയിക്കില്ല; നേപ്പാൾ കമ്യൂണിസ്റ്റ് പാർട്ടിയിൽ കടുത്ത പ്രതിസന്ധി നിലനിൽക്കുന്നുവെന്ന് കെ.പി ശർമ ഒലി; ഇന്ത്യ വിരുദ്ധ സമീപനം സ്വീകരിച്ചതിന് പിന്നാലെ ഓലിക്ക് ഇത് കഷ്ടടകാലം
'പതിനൊന്നു മാസം കൂടിക്കഴിഞ്ഞ് അപ്പുറത്തേക്ക് വാ, ആ പതിനൊന്നു മാസത്തിനുള്ളിൽ ഇനി എന്തെല്ലാം വരാൻ പോകുന്നു; ഈ മൺസൂൺ കാലത്ത് ഒരു പ്രളയം വരും.. അതിന് ശേഷം വരൾച്ചയും സാമ്പത്തിക പ്രശ്നവും'; ഏഷ്യാനെറ്റ് സർവേ പിണറായിക്ക് തുടർഭരണം പ്രവചിച്ചപ്പോൾ തിരുവഞ്ചൂർ രാധാകൃഷ്ണൻ പ്രതീക്ഷ വെച്ചത് മൺസൂൺ കാലത്തെ പ്രളയത്തിൽ; സോഷ്യൽ മീഡിയയിൽ ട്രോൾ പ്രളയം
ലോകത്ത് ഏറ്റവും കൂടുതൽ കോവിഡ് ബാധിതരുള്ള രാജ്യങ്ങളുടെ പട്ടികയിൽ ഇന്ത്യ മൂന്നാമതെത്തി; 24 മണിക്കൂറിനിടെ രോ​ഗം സ്ഥിരീകരിച്ചത് 21,492 പേർക്ക്; രാജ്യത്തെ ആകെ കോവിഡ് ബാധിതരുടെ എണ്ണം 6,95,396 ആയി ഉയർന്നു; മുംബൈയും ചെന്നൈയും ഡൽഹിയും ഉൾപ്പെടെയുള്ള മഹാന​ഗരങ്ങളും മഹാമാരിക്ക് മുന്നിൽ പകച്ച് നിൽക്കുന്നു; ഇന്ന് രാജ്യത്ത് മരിച്ചത് 413കോവിഡ് രോ​ഗികൾ
വിവാഹം അടുത്തപ്പോൾ അനുഷ സന്തോഷവതിയായിരുന്നു; കല്യാണത്തിനായി വാങ്ങിയ സ്വർണം സമീപവാസികളെ കാണിക്കുകയും പുലർച്ചെ വരെ കൂട്ടുകാരുമായി സംസാരിക്കുകയും ചെയ്തു; വിവാഹ തലേന്ന് ആത്മഹത്യ ചെയ്തത് ഫോൺ എറിഞ്ഞു തകർത്തതിന് ശേഷം; മൃതദേഹം കണ്ടെത്തിയത് ഇയർഫോൺ കയ്യിൽ മുറുക്കി പിടിച്ച നിലയിലും; കടുംകൈ ചെയ്യാൻ പ്രേരിപ്പിച്ചത് ഫോൺ സംഭാഷണത്തിന് ഇടയിലെ സംഭവങ്ങളാകാമെന്ന് നിഗമനം; തൃശ്ശൂരിൽ പ്രതിശ്രുത വധു തൂങ്ങിമരിച്ച സംഭവത്തിൽ അന്വേഷണം ഊർജ്ജിതമാക്കി പൊലീസ്
ഭർത്താവ് ഉപേക്ഷിച്ച ലിജി; ഭാര്യമായി പിണങ്ങി കഴിയുന്ന അജയ്; അവിഹിത ബന്ധത്തിൽ കുട്ടി പിറന്നപ്പോൾ ഡി വൈ എഫ് ഐ നേതാവിനും കാമുകിക്കും നാണക്കേട്; ചോരക്കുഞ്ഞിനെ ഉപേക്ഷിച്ചത് അടൂർ മരുതിമൂട് പള്ളിക്ക് മുന്നിൽ: മിടുക്കരായ രണ്ടു പൊലീസുകാർ പിന്നാലെ കൂടിയപ്പോൾ സിസിടിവിയിൽ തെളിഞ്ഞത് ഒന്നും വ്യക്തമല്ലാത്ത ഓട്ടോ; പോസ്റ്റർ തേടിയുള്ള അന്വേഷണം കുടുക്കിയത് ക്രൂരയായ അമ്മയേയും കാമുകനേയും; നാൽപതുകാരിയും മുപ്പത്തിരണ്ടുകാരനും കുടുങ്ങുമ്പോൾ
കോവിഡ് ബാധിതനായ 62 കാരന്റെ ലിം​ഗം ഉദ്ധരിച്ച് നിന്നത് മണിക്കൂറുകളോളം; ഐസ് പാക്ക് വെച്ചിട്ടും പഠിച്ച പതിനെട്ടും നോക്കിയിട്ടും വഴങ്ങുന്നില്ല; നാല് മണിക്കൂറിന് ശേഷം പ്രശ്നം പരിഹരിച്ചത് രക്തധമനിയിൽ കുത്തിവയ്‌പ്പ് നൽകിയും; ലിം​ഗം മണിക്കൂറുകളോളം ഉദ്ധരിച്ച് നിന്നാൽ കോവിഡിന്റെ ലക്ഷണമാകാം എന്ന് ആരോ​ഗ്യ പ്രവർത്തകരും
രാജ്ഞി മുതൽ കൊട്ടാരം തൂപ്പുകാരിയെവരെ ഭോഗിച്ച വിടൻ; കുളിക്കുക പോലുമില്ലാത്ത ഇയാളുമായി ലൈംഗിക ബന്ധത്തിന് കാത്തുനിന്നത് പ്രഭ്വിമാർ അടക്കമുള്ള ആയിരങ്ങൾ; എത്രമേൽ പാപം ചെയ്യുന്നവോ അത്രമേൽ ദൈവത്തോട് അടുക്കുന്നുവെന്ന് പഠിപ്പിച്ച ഭ്രാന്തൻ സന്യാസി; തന്റെ മരണശേഷം ജനനേന്ദ്രിയം അച്ചാറിട്ട് സൂക്ഷിക്കണമെന്ന് നിർദ്ദേശിച്ച സൈക്കോ; റഷ്യൻവിപ്ലവത്തിന്വരെ ഇടയാക്കിയ അധികാര ദല്ലാൾ; നൂറ്റാണ്ടിനുശേഷം റഷ്യയിൽ ചരിത്രം ആവർത്തിക്കുന്നോ? പുടിൻ റാസ്പുട്ടിന്റെ പുനർജ്ജന്മമോ?
ശവങ്ങളുമായി രതിയിൽ ഏർപ്പെടുന്നത് മോക്ഷമാർഗമായി കരുതുന്നവർ; കത്തുന്ന ചിതയിൽനിന്ന് മനുഷ്യശരീരം തിന്നുന്നവർ; ചിലർ ആർത്തവ കാലത്തു മാത്രം സ്ത്രീകളുമായി ബന്ധപ്പെടുന്നവർ; മനുഷ്യ തലയോട്ടിയിൽ ചാരായവും ഭാംഗും നുകരുന്നവർ; കേക്കും ചത്തകുറക്കന്റെ ഇറച്ചിയും ഒരുപോലെ ദൈവാംശമായി കാണുന്നവർ; നഗ്നരായി ശ്മശാനങ്ങളിൽ കഴിയുന്ന അഘോരികൾക്കിടയിൽ കോവിഡ് പടർന്നാൽ എന്തുചെയ്യും? പുരാതന തീർത്ഥാടന കേന്ദ്രമായ വാരണാസിയിൽ ഭീതി
ആണിനും പെണ്ണിനും നൂൽബന്ധമില്ലാതെയും ഇവിടെ ജീവിക്കാം; മദ്യവും മയക്കുമരുന്നുമായി രാവേറെ നീളുന്ന സ്വതന്ത്ര രതിമേളകൾ; 93 റോൾസ് റോയ്‌സ് കാറുകളടക്കം 600 കോടി ഡോളറിന്റെ സ്വാമ്രാജ്യം; ഒടുവിൽ അമേരിക്കൻ ഭരണകൂടത്തിന് ഭീഷണിയായ ആത്മീയ അധോലോകമായി; മരിച്ചിട്ടും പുസ്‌കങ്ങളിലൂടെയും പ്രഭാഷണങ്ങളിലൂടെയും ഇന്നും 'സജീവം' ; ലോക്ഡൗൺ കാലത്ത് ലോകം ഏറ്റവുമധികം വായിച്ചത് ഈ ഇന്ത്യൻ ഫ്രീസെക്സ് ഗുരുവിനെ; പുനർജ്ജനിക്കുന്ന ഓഷോ കൾട്ടുകളുടെ ഭീതിയിൽ അമേരിക്ക
താൻ പണ്ട് വലിയ സംഭവം ആയിരുന്നു എന്ന് പറഞ്ഞ് പണിയെടുക്കാതെ ലക്ഷങ്ങൾ ശമ്പളം കൈപ്പറ്റിക്കൊണ്ടിരുന്നപ്പോൾ ലല്ലു മുതൽ അപർണ്ണ വരെയുള്ളവർ കരുതിയത് അംബാനി ഒന്നും അറിയില്ലെന്ന്;കോടികൾ മുടിച്ചു ഒരു ചാനലിനെ പരഗതിയില്ലാതാക്കിയതിന് ഒടുവിൽ ഉത്തരം തേടുമ്പോൾ മടിയന്മാർ പുറത്തേക്ക്;ന്യൂസ് 18 കേരള ഇനിയെങ്കിലും രക്ഷപ്പെടുമോ?
ലോകം ഇന്ന് അനുഭവിക്കുന്ന ആധുനിക ജീവിത സൗകര്യങ്ങളുടെ മുക്കാൽ പങ്കും സംഭാവന ചെയത ജനത; ഫേസ്‌ബുക്കും വാട്സാപ്പും തൊട്ട് റോക്കറ്റ് സയൻസു വരെ നമുക്ക് തന്ന രാജ്യം; 23 ട്രില്ല്യൺ ഡോളറിന്റെ കടവുമായി അമേരിക്ക തകർച്ചയിലേക്കോ? കോവിഡാനന്തരം ചൈനയും തീവ്ര ഇസ്ലാമിസ്റ്റുകളും നിയന്ത്രിക്കുന്ന ലോകക്രമം ആണോ വരിക? യുഎസ് തകരുകയാണെങ്കിൽ നഷ്ടം കനത്തത്; ട്രംപല്ല അമേരിക്ക ജനത; കമ്യൂണിസ്റ്റുകൾ പ്രചരിപ്പിച്ച അമേരിക്കൻ വെറിയുടെ മറുപുറം
കോൺസുലേറ്റിലേക്കുള്ള പാഴ്‌സൽ തുറന്നു നോക്കാൻ കസ്റ്റംസ് കാട്ടിയത് അസാധാരണ ധൈര്യം; രാജ്യങ്ങൾക്കിടയിലെ നയതന്ത്ര ബന്ധങ്ങളെ പോലും ഉലയ്ക്കുമെന്നതിനാൽ സാധാരണ ഗതിയിൽ ഡിപ്രോമാറ്റിക് ബാഗേജിന് കിട്ടുക വിവിഐപി പരിഗണന; മണക്കാട്ടെ യുഎഇ കോൺസുലേറ്റിലേക്കുള്ള ബാഗേജിലുണ്ടായിരുന്നത് 35 കിലോ സ്വർണം; തിരുവനന്തപുരത്ത് നടന്നത് കേരളം ഇതുവരെ കണ്ട ഏറ്റവും വലിയ സ്വർണ്ണ വേട്ട; കോവിഡു കാലത്തും സ്വർണ്ണ മാഫിയ സജീവം; ഡിപ്ലോമോറ്റിക് കടത്തിൽ ഞെട്ടി കസ്റ്റംസ്
നഗ്‌നതയും ലൈംഗികതയും അല്ലെങ്കിൽ ചുംബനം പോലും പോൺ സൈറ്റുകളിൽനിന്നും പഠിക്കേണ്ടിവരുന്ന സാഹചര്യമാണ്; നഗ്‌നത എന്തിനു തുറന്നു കാട്ടണം എന്ന ചോദ്യത്തിനു ഉത്തരം സ്ത്രീയുടെ നഗ്‌നത എന്തിനു നിർബന്ധമായും മൂടിവെക്കണം എന്ന ചോദ്യം തന്നെയാണ്; മക്കൾക്ക് ചിത്രം വരക്കാൻ ന​ഗ്നശരീരം വിട്ടുനൽകി രഹ്ന ഫാത്തിമ; വീഡിയോ കാണാം..
ഇവിടെ ഉഭയസമ്മതത്തോടെ ഏത് പുരുഷനും ഏത് സ്ത്രീയുമായി പരസ്യമായി ലൈംഗിക ബന്ധത്തിൽ ഏർപ്പെടാം; ജപസമയത്തും ആഹാര സമയത്തും സ്ത്രീപുരുഷന്മാർ പൂർണ്ണ നഗ്നരായിക്കും; പരസ്യമായി രതിയിൽ ഏർപ്പെടുന്നതിൽ ലജ്ജയോ അപമാനമോ തോന്നുന്നവരെ സമാജത്തിൽ നിന്നും ഒഴിവാക്കും; നഗ്നതയും ബോഡി ആർട്ടും വൻ വിവാദമാകുന്ന കേരളത്തിൽ ഇങ്ങനെയും ഒരു കമ്യൂൺ ഉണ്ടെന്ന് അറിയുക
നിങ്ങൾ വളർന്നു ശ്രീ മാലാ പാർവതി... പക്ഷേ നിങ്ങൾ നിങ്ങളുടെ മകനെ നന്നായി വളർത്താൻ മറന്നു പോയിരിക്കുന്നു......! കോവിഡിനെ തുരത്താൻ നാമെല്ലാവരും ഒറ്റക്കെട്ടായി സാമൂഹിക അകലം പാലിച്ച് നിൽക്കണമെന്ന ആശയവുമായി വരികൾ എഴുതിയത് അമ്മ; ഒന്നായിടും ലോകം എന്ന ഗാനത്തിന്റെ എഡിറ്റിംഗും സംവിധാനവും നിർവ്വഹിച്ച മകനും; സിനിമയിൽ താരമാകാൻ ആഗ്രഹിച്ച നടിയുടെ മകന്റെ അശ്ലീലത ചർച്ചയാക്കി സീമാ വിനീതും; മാലാ പാർവ്വതിയുടെ മകൻ അനന്തകൃഷ്ണൻ കുടുങ്ങുമ്പോൾ
പിണറായി വിജയന്റെ മകൾ വീണാ വിജയൻ വിവാഹിതയാകുന്നു; വരൻ ഡിവൈഎഫ്ഐ അഖിലേന്ത്യാ പ്രസിഡന്റ് മുഹമ്മദ് റിയാസ്; രണ്ടു പേരുടെയും വിവാഹത്തിന് വഴിയൊരുങ്ങിയത് രണ്ടു വർഷമായുള്ള അടുപ്പം; ചടങ്ങ് ഏറ്റവുമടുത്ത ബന്ധുക്കളെ മാത്രം പങ്കെടുപ്പിച്ച് ലളിതമായി; രജിസ്റ്റർ ഓഫീസിൽ നിന്നും സർട്ടിഫിക്കറ്റ് വാങ്ങുക ഈ മാസം 15ന്
ക്രൈമിന്റെ ഓഫീസിൽ ചാരമായ രേഖകൾ എത്രമാത്രം വിലപിടിപ്പുള്ളതായിരുന്നു എന്നതിന് ഇതിനപ്പുറം എന്ത് തെളിവാണ് വേണ്ടത്? നിർണായക ഘട്ടത്തിൽ സഹായിയായ റിയാസിന് ഇതിലും വലിയ എന്ത് പാരിതോഷികമാണ് ഒരു നേതാവിന് നൽകാൻ കഴിയുക? കാര്യം കഴിഞ്ഞാൽ കറിവേപ്പിലയാകുന്ന പതിവ് നേതാക്കളിൽ നിന്നും നിങ്ങൾ വ്യത്യസ്തനാവുന്നത് ഇങ്ങനെയാണ് സഖാവെ.. അഭിനന്ദനങ്ങൾ പിണറായി വിജയൻ.... മുഹമ്മദ് റിയാസ്; ക്രൈം പത്രാധിപർ ടിപി നന്ദകുമാറിന്റെ കുറിപ്പ് ചർച്ചയാകുമ്പോൾ
എസ് എഫ് ഐ സംസ്ഥാന കമ്മറ്റി അംഗമായിരിക്കെ ജില്ലാ കമ്മറ്റി അംഗമായ മുഹമ്മദ് റിയാസുമായി സമീഹയുടെ വിവാഹം; വിവാഹ ശേഷം രാഷ്ട്രീയം അവസാനിപ്പിക്കാൻ നിർബന്ധം പിടിച്ചു; ഡോക്ടറായിട്ടും പ്രാക്ടീസ് ചെയ്യാൻ അനുവദിച്ചില്ല; പൊന്നും പണവും ചോദിച്ച് ഭിത്തിയിൽ ചാരി നിർത്തി മർദ്ദനം; 50 രൂപ നൽകിയാൽ പാളയത്ത് പെണ്ണുങ്ങളെ കിട്ടുമെന്ന് പറഞ്ഞ് മൂത്ര തടസ്സം ഉണ്ടാക്കുന്ന ഉപദ്രവം; പിണറായിയുടെ മകളുമായി വിവാഹം ഉറപ്പിക്കുമ്പോൾ ഡിവൈഎഫ്‌ഐ ദേശീയ പ്രസിഡന്റിന്റെ മുൻ ഭാര്യ നൽകിയ പരാതി ചർച്ചയിൽ
ഞാൻ നഷ്ടപരിഹാരം ചോദിച്ചു എന്ന് നിങ്ങൾ പറയുന്നു എങ്കിൽ എനിക്ക് എന്റെ ആ വോയിസ് ഷെയർ ചെയ്യണം; ചുവടെ കൊടുക്കുന്ന സ്‌ക്രീൻ ഷോട്ട് അല്ലാതെ നിങ്ങൾ എന്റെ കാലുപിടിച്ചു മാപ്പ് പറയുന്ന 2.30 മിനിറ്റ് നിൽക്കുന്ന ഫോൺ റെക്കോർഡ് എന്റെ കയ്യിൽ ഉണ്ട്; മകനെ വ്യക്തിയായി കാണണം എങ്കിൽ എന്തെ അമ്മ എന്നെ വിളിച്ചു മാപ്പ് പറഞ്ഞു മകൻ പറയണം ആയിരുന്നു .... കഷ്ടം ! മാലാ പാർവ്വതിയുടെ വിലപേശൽ ആരോപണം പൊള്ളിച്ചടുക്കി സീമാ വിനീത്