Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

രാഹുൽ ഗാന്ധി മാപ്പ് പറയണമത്ര! അടിയന്തരാവസ്ഥക്കാലത്ത് മാപ്പ് പറഞ്ഞത് ആർഎസ്എസ് തലവൻ ദേവരസും വാജ്പേയിയുമാണ്; ജയിലിൽ അടയ്ക്കപ്പെട്ടതോടെ..മാപ്പ് മാപ്പ് മാപ്പ് ഇതായിരുന്നു മുറവിളി; മഹാരാഷ്ട്ര സർക്കാർ പ്രിന്റ് ചെയ്ത ഔദ്യോഗിക മാപ്പ് ഫോറവും തയ്യാറാക്കി; മാപ്പിന്റെ കാര്യം സവർക്കരിൽ ഒതുങ്ങുന്നില്ല; ടി ടി ശ്രീകുമാർ എഴുതുന്നു

രാഹുൽ ഗാന്ധി മാപ്പ് പറയണമത്ര! അടിയന്തരാവസ്ഥക്കാലത്ത് മാപ്പ് പറഞ്ഞത് ആർഎസ്എസ് തലവൻ ദേവരസും വാജ്പേയിയുമാണ്; ജയിലിൽ അടയ്ക്കപ്പെട്ടതോടെ..മാപ്പ് മാപ്പ് മാപ്പ് ഇതായിരുന്നു മുറവിളി; മഹാരാഷ്ട്ര സർക്കാർ പ്രിന്റ് ചെയ്ത ഔദ്യോഗിക മാപ്പ് ഫോറവും തയ്യാറാക്കി; മാപ്പിന്റെ കാര്യം സവർക്കരിൽ ഒതുങ്ങുന്നില്ല; ടി ടി ശ്രീകുമാർ എഴുതുന്നു

ടി ടി ശ്രീകുമാർ

 രാഹുൽ ഗാന്ധി മാപ്പ് പറയണമത്രെ. താൻ അതിനു രാഹുൽ സവർക്കർ അല്ല എന്നദ്ദേഹം മറുപടിയും നല്കി. എന്നാൽ മാപ്പിന്റെ കാര്യം പറയുമ്പോൾ ഓർക്കേണ്ടത് അത് കേവലം സവർക്കരിൽ ഒതുങ്ങുന്നില്ല എന്നതാണ്. അടിയന്തിരാവസ്ഥക്കാലത്ത് മാപ്പ് പറഞ്ഞത് ആർഎസ്എസ് തലവൻ ബാലസാഹബ് ദേവരസും വാജ്പെയിയുമാണ്. ഇത് ഞാൻ പറഞ്ഞതല്ല. ഹിന്ദുത്വ ഫാഷിസ്ടുകളുടെ കളിത്തോഴൻ സുബ്രമണ്യ സ്വാമി തന്നെ പറഞ്ഞതാണ്.

ആർഎസ്എസിന്റെ തേർവാഴ്ച ആയിരുന്നു ഇന്ത്യൻ തെരുവുകളിൽ അടിയന്തിരാവസ്ഥക്കു മുൻപുള്ള വർഷങ്ങളിൽ. ബാലാ സാഹബ് ദേവരസ് സംഘ ചാലകനായി വന്നപ്പോൾ ഇന്ത്യയുടെ രാഷ്ട്രായാധികാരം കയ്യടക്കുന്നതിനു വേണ്ടി ഒരു വലതു മുന്നണി രൂപീകരിച്ചു. അതിന്റെ നേതൃത്വത്തിൽ നടന്ന കലാപങ്ങളാണ് ഉത്തരേന്ത്യൻ സംസ്ഥാനങ്ങളിൽ അടിയന്തിരാവസ്ഥക്കു മുൻപ് തന്നെ ഹിന്ദുത്വ രാഷ്ട്രീയത്തിന് അടിത്തറ പാകിയത്. എന്നാൽ അടിയന്തിരാവസ്ഥ പ്രഖ്യാപിക്കുകയും ആർഎസ്എസ് നിരോധിക്കുകയും ദേവരസ് അടക്കം ജയിലിൽ ആവുകയും ചെയ്തതോടെ ആർ ആർഎസ്എസ്സിന്റെ നിലപാട് മാറി.

ജയിലിൽ നിന്ന് പുറത്തിറങ്ങാൻ ദേവരശും വാജ്പേയിയും അടക്കം പ്രയോഗിച്ചത് ആ പഴയ സവർകർ അടവ്. മാപ്പോട് മാപ്പ്. സുബ്രഹ്മണ്യ സ്വാമി പറയുന്നു: 'It is on the record in the Maharashtra Assembly proceedings that the then RSS chief, Balasaheb Deoras, wrote several apology letters to Indira Gandhi from inside the Yerawada jail in Pune disassociating the RSS from the JP-led movement and offering to work for the infamous 20-point programme.'

സുബ്രഹ്മണ്യ സ്വാമി തുടർന്ന് പറയുന്നു: 'Mr. Atal Behari Vajpayee also wrote apology letters to Indira Gandhi, and she had obliged him. In fact for most of the 20-month Emergency, Mr. Vajpayee was out on parole after having given a written assurance that he would not participate in any programmes against the Government.'

ഇതേക്കുറിച്ചും അടിയന്തിരാവസ്ഥയിൽ ഇന്ദിരാഗാന്ധിക്ക് മുൻപാകെയുള്ള ദേവരസ് അടക്കമുള്ള ആർഎസ്എസ് കാരുടെ മാപ്പുകളുടെ ചരിത്രത്തെ ക്കുറിച്ചും എ.ജി നൂറാനി എഴുതിയിട്ടുണ്ട്. എന്തിനു എല്ലാ ആർആർഎസ്എസുകാരും മാപ്പ് പറയാൻ തുടങ്ങിയതോടെ മഹാരാഷ്ട്ര സർക്കാർ അവർക്ക് വേണ്ടി പ്രിന്റ് ചെയ്ത ഒരു ഔദ്യോഗിക മാപ്പ് ഫോറം തയ്യാറാക്കി അയച്ചുകൊടുത്തു:

''PRO-FORMA OF UNDERTAKING
I, Shri...................... Detenu Class I ................. prisoner agree on affidavit that in case of my release I shall not do anything which is detrimental to internal security and public peace. Similarly, I shall not do anything which would hamper the distribution of essential goods. So also I shall not participate in any illegal activities. I shall not indulge in any activities which is prejudicial to the present emergency.'


ജയിലിൽ അടക്കപ്പെട്ടതോടെ അടിയന്തിരാവസ്ഥക്കു എതിരെ ഒരു വാക്ക് പോലും അവരിൽ നിന്ന് ഉണ്ടായില്ല. സംഘടനയുടെ നിരോധനം പിൻവലിക്കുക, ഞങ്ങളെ പുറത്തിറക്കുക. മാപ്പ് മാപ്പ് മാപ്പ്. ഇതായിരുന്നു മുറവിളി.

ഇന്ദിരാഗാന്ധി മാപ്പും കൊടുത്തില്ല നിരോധനവും നീക്കിയില്ല. അടിയന്തിരാവസ്ഥയിലേക്ക് നയിച്ച വലതുപക്ഷ പ്രതിലോമ സമരത്തിന് നേതൃത്വം കൊടുത്ത ആർഎസ്എസ്, നിരോധനവും അറസ്റ്റും വന്നപ്പോൾ പഴയ സവര്ക്കർ അടവിലേക്ക് ചുവടു മാറി. അടിയന്തിരാവസ്ഥയ്കെതിരെ ആർഎസ്എസ് ഒന്നും ചെയ്തിട്ടില്ല. അവരെ പിന്നാലെ ചെന്ന് ഇന്ദിരാ ഗാന്ധി പിടികൂടുക ആയിരുന്നു. പിടിയിലായപ്പോൾ ആവട്ടെ ചെറുത്ത് നില്ക്കു ന്നതിനു പകരം തങ്ങളുടെ പരമ്പരാഗത ആയുധമായ മാപ്പാണ് ആർഎസ്എസ് പുറത്തെടുത്തത്.

മാത്രമല്ല, ഇതേ കാര്യം പറഞ്ഞു ദേവരസ് വിനോഭ ഭാവക്കും കത്തെഴുതി. പുറത്തു വിട്ടാൽ സര്ക്കാരിന്റെ വികസന പരിപാടികളിൽ എല്ലാ ആർഎസ്എസ് വോളന്റിയര്മാരും സഹകരിക്കുമെന്ന് ഇന്ദിര ഗാന്ധിയെ ധരിപ്പിക്കാൻ അപേക്ഷിച്ചായിരുന്നു കത്ത്. ഇതാണ് അടിയന്തിരാവസ്ഥക്കു എതിരെ കാണിച്ച പോരാട്ടവീര്യം .

ഇന്ദിരാഗന്ധിയോടു മാത്രമല്ല, സഞ്ജയ് ഗാന്ധിയോട് വരെ മാപ്പ് പറഞ്ഞു കാണും. ഇവരാണ് രാഹുൽ ഗാന്ധിയോട് മാപ്പ് പറയാൻ ആവശ്യപ്പെടുന്നത്. . അല്ല സുഹൃത്തുക്കളെ, ഇനി ഈ മാപ്പ് ദേവരസ് നിങ്ങളുടെ അമ്മൂമ്മക്ക് കടം കൊടുത്തതാണ്, അത് നിങ്ങൾ തിരിച്ചു തരൂ എന്നോ മറ്റോ ആണോ ഇവർ രാഹുലിനോട് പറയുന്നത്?

( എഴുത്തുകാരനും പ്രഭാഷകനുമായ ലേഖകൻ ഫേസ്‌ബുക്കിൽ കുറിച്ചത്)

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP