Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202020Tuesday

സ്വർണക്കടത്ത് കേസിൽ മുഖ്യപ്രതി സ്വപ്ന സുരേഷിന് ഒളിമ്പ്യൻ ബോബി അലോഷ്യസുമായി ബന്ധമെന്ത്? ട്വന്റി ഫോർ ന്യൂസ് പടച്ചുവിട്ട കസ്റ്റംസ് ഉദ്യോഗസ്ഥയ്ക്കെതിരായ വാർത്ത ശ്രീകണ്ഠൻ നായരുടെ പ്രതികാര ബുദ്ധിയോ? ഫ്ളവേഴ്സ് ടിവിയെ വിമർശിച്ച മറുനാടനെതിരെ വ്യാജ വാർത്ത നൽകി ബ്രേക്കിങ് സൃഷ്ടിക്കുന്ന വികടമാധ്യമബുദ്ധിയോ ? ബോബി അലോഷ്യസ് വിവാദത്തിൽ മറുനാടൻ പത്രാധിപരുടെ മറുപടി

മറുനാടൻ ഡെസ്‌ക്‌

തിരുവനന്തപുരം: തിരുവനന്തപുരം വിമാനത്താവളത്തിലെ സ്വർണക്കള്ളക്കടത്ത് കേസിലെ രണ്ടാംപ്രതി സ്വപ്ന സുരേഷ് അറസ്റ്റിലായതിന് പിന്നാലെ 24 ന്യൂസ് ചാനലിലൂടെ പുറത്ത് വിട്ട വാർത്ത പ്രമുഖ ഒളിമ്പ്യനായ കസ്റ്റംസ് ഉദ്യോഗസ്ഥയുമായി സ്വപ്നയ്ക്ക് ബന്ധം ഉണ്ട് എന്ന തരത്തിലായിരുന്നു. കേരളത്തിലെ ഏറ്റവും മഹത്തായ ന്യൂസ് ചാനലെന്ന് മന്ത്രി തോമസ് ഐസക്ക് പോലും സർട്ടിഫിക്കറ്റ് കൊടുത്ത ചാനലിലെ ഇന്നലത്തെ പ്രധാനപ്പെട്ട വാർത്ത സ്വപ്നയെ എൻ.ഐ.എ അറസ്റ്റ് ചെയ്തുകൊണ്ടുവന്നതായിരുന്നില്ല.

കഴിഞ്ഞ ദിവസം ട്വന്റി ഫോർ റിപ്പോർട്ട് ചെയ്ത വാർത്ത കസ്റ്റംസ് ഓഫീസറും കേരള സ്പോർട്സ് കൗൺസിലിന്റെ ടെക്‌നിക്കൽ ഡയറക്ടറുമായ മുൻ കായികതാരത്തിനെതിരായ വിജിലൻസ് കേസ് സ്വപ്ന ഇടപെട്ട് ഇല്ലാതാക്കി എന്നായിരുന്നു. വിജിലൻസ് കണ്ടെത്തി ശിക്ഷിക്കാൻ തീരുമാനിച്ചു, പിന്നീട് ഈ കേസ് സിബിഐ ഏറ്റെടുക്കാൻ തീരുമാനിച്ചു, അന്താരാഷ്ട്ര ബന്ധങ്ങൾ ഇവർക്കുണ്ട് എന്ന തരത്തിലായിരുന്നു വാർത്ത. വാർത്തയിൽ പ്രധാനമായി നൽകിയിരിക്കുന്നത് ഈ കേസ് സ്വപ്ന ഇടപെട്ട് അട്ടിമറിച്ചു എന്ന തരത്തിലുള്ള നിഗമനമാണ്.

ഈ കായികതാരത്തിന്റ പേര് പറയാതെയായിരുന്നു വാർത്ത സംപ്രേഷണം ചെയ്തത്. മറുനാടൻ മലയാളി പത്രാധിപരുടെ ഭാര്യയായ ഒളിമ്പ്യൻ ബോബി അലോഷ്യസിനെ കുറിച്ച് പരോക്ഷ സൂചന നൽകുന്നതായിരുന്നു ഈ വാർത്ത. എന്നാൽ, വാർത്ത അബദ്ധ ജഡിലം ആയിരുന്നു. സ്വർണക്കടത്ത് കേസിലെ പ്രതി സ്വപ്നയുടെ ഓഡിയോ സന്ദേശം ശ്രീകണ്്ഠൻ നായരുടെ ട്വന്റിഫോർ ന്യൂസ് ചാനലിൽ ബ്രേക്ക് ചെയ്തതിന് പിന്നാലെ ഇതിനെ പരാമർശിച്ച് മറുനാടൻ വാർത്ത നൽകിയിരുന്നു.

ഈ വാർത്ത നൽകിയതിന് പിന്നാലെ പ്രതികാര നടപടിയെന്ന രീതിയിൽ മറുനാടൻ മലയാളി പത്രാധിപരുടെ ഭാര്യയെ ട്വന്റി ഫോർ ന്യൂസ് വാർത്തയിലേക്ക് വലിച്ചിഴയ്ക്കുകയായിരുന്നു. ഇതിന്റെ ചുവട് പിടിച്ച് സൈബർലോകത്തെ ഇടത് അനുഭാവികൾ മറുനാടനെ വിമർശിച്ച് രംഗത്തെത്തുകയും ചെയ്തു. ശ്രീകണ്ഠൻ നായരെ കുറിച്ച് വാർത്ത നൽകിയതിന് പിന്നാലെയാണ് മറുനാടൻ മലയാളി പത്രാധിപരുടെ ഭാര്യയെ സ്വർണക്കടത്ത് കേസിലെ പ്രതിയുമായി ബന്ധപ്പെടുത്തി വാർത്ത ട്വന്റി ഫോർ ന്യൂസ് നൽകിയത്.

വ്യാജ വാർത്തകളെ നിരന്തരം പ്രോത്സാഹിപ്പിക്കുന്ന ശ്രീകണ്ഠൻ നായരെ സംബന്ധിച്ചിടത്തോളം ശൂന്യതയിൽ നിന്ന് പോലും വാർത്തകൾ എത്തും. ഫ്ളവേഴ്സ് ചാനലിന്റെ റേറ്റിങ് കുറഞ്ഞ വാർത്ത മറുനാടൻ പ്രസിദ്ധീകരിച്ചതിന് പിന്നാലെ മറുനാടൻ പത്രാധിപരുടെ കുടുംബത്തെ വേട്ടയാടിയാണ് ആദ്യം ട്വന്റി ഫോർ ന്യൂസ് ചാനൽ വാർത്ത പടച്ചുവിട്ടത്. പത്രാധിപരുടെ സഹോദരൻ 600 കോടിയുടെ അനധികൃത സ്വത്ത് സമ്പാദിച്ചു എന്ന തെറ്റിദ്ധരിപ്പിക്കുന്ന വാർത്ത നൽകിയാണ് ട്വന്റി ഫോർ ആദ്യം രംഗത്തെത്തിയത്. ഈ കേസിൽ നാളിതുവരെ ഇൻകം ടാക്സ് അന്വേഷണം പോയിട്ട് പെറ്റി കേസ് പോലും എടുത്തിട്ടില്ല. ഈ വാർത്തയുടെ ചുവട് പിടിച്ചാണ് മറുനാടൻ വിരോധികൾ വാർത്ത ഷെയർ ചെയ്ത് ആഘോഷിച്ചത്.

ഇപ്പോൾ ട്വന്റി ഫോർ ന്യൂസ് ഉയർത്തുന്ന ആക്ഷേപം നാല് വർഷങ്ങൾക്ക് മുൻപ്, കൃത്യമായി പറഞ്ഞാൽ, 2016 ജൂലൈ നാലിന് ഏഷ്യാനെറ്റും മാതൃഭൂമിയും ബുള്ളറ്റിൽ നൽകിയ വാർത്തയായിരുന്നു. ബോബി അലോഷ്യസിനെതിരായ അന്നത്തെ വാർത്തയ്ക്ക് പിന്നിൽ തിരുവനന്തപുരം പ്രസ് ക്ലബിനെതിരെ മറുനാടൻ നൽകിയ വാർത്തയുടെ പേരിലുള്ള പകവീട്ടലായിരുന്നു. വാസ്തവ വിരുദ്ധമായ ഈ വാർത്ത പൊടിതട്ടിയെടുത്താണ് ഇപ്പോൾ സ്വപ്നയെ കൂട്ടിയിണക്കി ശ്രീകണ്ഠൻ നായരുടെ ചാനൽ ബ്ലേക്കിങ് ന്യൂസ് നൽകിയത്. സ്വപ്നയുമായി മറുനാടൻ പത്രാധിപരുടെ ഭാര്യയ്ക്ക് ബന്ധമുണ്ടെങ്കിൽ ഒരിക്കലും മറുനാടൻ മലയാളി പത്രത്തിൽ സ്വപ്നയ്ക്ക് എതിരായി വാർത്തകൾ വരില്ല എന്നത് വ്യാജ വാർത്ത പടച്ചുവിടുന്നവർ മനസിലാക്കണം.

സ്വപ്നയുടെ ഓഡിയോ ക്ലിപ്പ് ന്യായീകരിച്ച് വാർത്ത നൽകാനും നിർബന്ധബുദ്ധി കാട്ടിയിട്ടില്ല. സ്വപ്നയുടെ ചിത്രം അടക്കം വാർത്ത ആദ്യം പ്രസിദ്ധീകരിച്ചത് മറുനാടൻ മലയാളിയാണെന്ന് പ്രിയപ്പെട്ട വായനക്കാർ മനസിലാക്കണം. ബോബി അലോഷ്യസ് എന്ന കസ്റ്റംസ് ഉദ്യോഗസ്ഥയെ വലിച്ചിഴയ്ക്കുന്നത് മറുനാടനോടുള്ള പ്രതികാര നടപടിയാണ്. യു.കെയിൽ മറുനാടൻ മലയാളിക്കെതിരെ കേസ് എന്ന നിലയിൽ പഴയവാർത്ത ഇടയ്ക്കിടെ കുത്തിപ്പൊക്കിയാണ് സൈബർ ഇടങ്ങൾ നിറഞ്ഞിരുന്നത്.

കേന്ദ്ര സർക്കാരിന്റെ ഫണ്ടോട് കൂടിയാണ് ബോബി അലോഷ്യസ് കായിക പരിശീലനത്തിന് പോയത്. അന്താരാഷ്ട്ര നിലവാരത്തിലേക്ക് ഉയരുന്ന കായികതാരങ്ങൾക്ക് കേന്ദ്ര ഫണ്ടോട് കൂടി പരിശീലനങ്ങൾ രാജ്യത്ത് നടപ്പിലുള്ളതാണ്. ഫിൻലൻഡ്, റഷ്യ, ബ്രിട്ടൻ എന്നിവിടങ്ങളിലാണ് മൂന്ന് ഘട്ടമായി പരിശീലനം നടത്തിയത്. ഇതിന്റെ കണക്കും കേന്ദ്രത്തിൽ നൽകിയിട്ടുള്ളതാണ്.

2003ൽ കേന്ദ്രത്തിന്റെ ഫണ്ടോട് കൂടി പരിശീലനത്തിന് പോകുന്നത് കേരള സർക്കാരിനെ കത്തിലൂടെ അറിയിക്കുകയും ഇതേ അവസരത്തിൽ തന്നെ സ്പോർട്സ്‌
സയൻസ് പഠിക്കാൻ ആഗ്രഹം പ്രകടിപ്പിച്ചതിന്റെ അടിസ്ഥാനത്തിൽ കേരള സ്പോർട്സ് കൗൺസിൽ ഗ്രാൻഡ് അനുവദിക്കുകയായിരുന്നു. തിരിച്ച് വന്ന് കേരള സ്പോർടിസിന് എന്തെങ്കിലും ചെയ്യണം എന്നതായിരുന്നു കരാർ. ഇതിനായി ബോബി അലോഷ്യസ് നൽകിയ അപേക്ഷാഫോറം അടക്കം ചൂണ്ടിക്കാട്ടിയാണ് ട്വന്റി ഫോർ വാർത്ത നൽകിയിരിക്കുന്നത്. പഠിച്ച് തിരിച്ചുവന്നതിന് ശേഷം കേരള സ്പോർട്ട്സ് കൗൺസിലിൽ മൂന്ന് വർഷം ജോലിയും ചെയ്തു. കരാറും പൂർത്തായാക്കി. ഇതിന്റെ പേരിൽ ഒരു കേസ് പോലും നിലവില്ല. വിജിലൻസ് അന്വേഷണം ആവശ്യപ്പെട്ട് ബോബി അലോഷ്യസും പരാതി നൽകിയിട്ടുണ്ട്
. വിഷയത്തിൽ മറുനാടൻ പത്രാധിപർ ഷാജൻ സ്‌കറിയയുടെ പ്രതികരണം കാണാം. ( വീഡിയോ മുകളിൽ)

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP