Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202002Wednesday

കോടികളുടെ അഴിമതി നടത്തിയവരെ നമ്മൾ സിംഹാസനത്തിലിരുത്തി വാഴിക്കുന്നു; അതേ നമ്മൾ സജ്‌നാ ഷാജിമാരുടെ ചെറുപിഴവിനെ കീറി മുറിച്ച് വിചാരണ ചെയ്യുന്നു; സജ്‌നയ്ക്കായി മറ്റുള്ളവർ നല്കുന്ന ഔദാര്യത്തിൽ അസഹിഷ്ണുക്കളാകുന്ന നിങ്ങൾ സമൂഹത്തിൽ കൺമുന്നിൽ നടക്കുന്ന ചൂഷണങ്ങൾ കണ്ടില്ലെന്നു നടിക്കുന്നതിൽ എന്ത് നീതി? അഞ്ജു പാർവതി പ്രഭീഷ് എഴുതുന്നു

കോടികളുടെ അഴിമതി നടത്തിയവരെ നമ്മൾ സിംഹാസനത്തിലിരുത്തി വാഴിക്കുന്നു; അതേ നമ്മൾ സജ്‌നാ ഷാജിമാരുടെ ചെറുപിഴവിനെ കീറി മുറിച്ച് വിചാരണ ചെയ്യുന്നു; സജ്‌നയ്ക്കായി മറ്റുള്ളവർ നല്കുന്ന ഔദാര്യത്തിൽ അസഹിഷ്ണുക്കളാകുന്ന നിങ്ങൾ സമൂഹത്തിൽ കൺമുന്നിൽ നടക്കുന്ന ചൂഷണങ്ങൾ കണ്ടില്ലെന്നു നടിക്കുന്നതിൽ എന്ത് നീതി? അഞ്ജു പാർവതി പ്രഭീഷ് എഴുതുന്നു

അഞ്ജു പാർവതി പ്രഭീഷ്

ട്രാൻസ്‌ജെൻഡറായ സജ്‌നാ ഷാജിയുമായി ബന്ധപ്പെട്ട വിവാദമാണല്ലോ എങ്ങും. പതിവു പോലെ സോഷ്യൽമീഡിയയാകുന്ന നീതിനിർവ്വഹണക്കോടതിയിൽ മജിസ്‌ട്രേറ്റിന്റെ കുപ്പായമണിഞ്ഞ് വിധിയെഴുത്ത് തുടങ്ങികഴിഞ്ഞു സകലമാന മലയാളികളും. അതുപിന്നെയങ്ങനെയാണല്ലോ! ഭൂമിയിലെങ്ങാനും ഒരനീതി നടന്നാൽ സൂര്യനസ്തമിക്കുന്നതിനു മുന്നേ സ്റ്റാറ്റസിടുന്നത് ഇന്നിന്റെ നടപ്പുരീതിയാണല്ലോ. ഒരു കൈക്കൊകോടികളുടെ അഴിമതി നടത്തിയവരെ നമ്മൾ സിംഹാസനത്തിലിരുത്തി വാഴിക്കുന്നു; അതേ നമ്മൾ സജ്‌നാ ഷാജിമാരുടെ ചെറുപിഴവിനെ കീറി മുറിച്ച് വിചാരണ ചെയ്യുന്നു; സജ്‌നയ്ക്കായി മറ്റുള്ളവർ നല്കുന്ന ഔദാര്യത്തിൽ അസഹിഷ്ണുക്കളാകുന്ന നിങ്ങൾ സമൂഹത്തിൽ കൺമുന്നിൽ നടക്കുന്ന ചൂഷണങ്ങൾ കണ്ടില്ലെന്നു നടിക്കുന്നതിൽ എന്ത് നീതി? അഞ്ജു പാർവതി പ്രഭീഷ് എഴുതുന്നുണ്ട് വല്ലാതെ സ്‌നേഹിച്ച് തലോടി മറുകൈ കൊണ്ട് ചെവിക്കുറ്റിക്കടിക്കുന്ന പ്രവണത നമ്മൾ മലയാളികൾക്കിടയിലെ ഫാഷനാണ്. സജ്‌നയുടെ കാര്യത്തിൽ സംഭവിച്ചതും അതാണ്.

തന്നെ പോലുള്ള ട്രാൻസ്‌ജെൻഡറുകൾക്ക് മാന്യമായി തൊഴിലെടുത്ത് ജീവിക്കാൻ പോലും ഈ സമൂഹം അനുവദിക്കുന്നില്ലായെന്നും പറഞ്ഞ് കരഞ്ഞ് ലൈവിൽ വന്ന സജ്‌ന സമൂഹമനസാക്ഷിയെ നോവിച്ചുവെന്നത് നേര്.അതിനാൽതന്നെ അവരിൽ നിന്നും ഇലപൊതി ഊണും ബിരിയാണിയും വാങ്ങണമെന്ന തരത്തിലെ ക്യാമ്പയിൻ സോഷ്യൽമീഡിയയിൽ തരംഗമായി. അതോടൊപ്പം സുമനസ്സുള്ള ചിലർ അവരുടെ മുന്നോട്ടുള്ള സംരംഭത്തിന് സഹായഹസ്തവുമായി വരികയും ചെയ്തു. കഥ ശുഭപര്യവസായി അവിടെ തീരേണ്ടതാണ്. പക്ഷേ ചില ഓഡിയോ ക്ലിപ്പുകളുടെ ബലത്തിൽ സമൂഹത്തെ കമ്പളിപ്പിച്ച് അവർ നാടകം കളിച്ചുവെന്ന രീതിയിലായി പുതിയ വിവാദം. ഒടുക്കം അമിതമായി ഉറക്കഗുളിക കഴിച്ച് സജ്‌ന ആത്മഹത്യയ്ക്ക് ശ്രമിച്ച് ആശുപത്രിയിലുമായി.

ഇവിടെ ആരാണ് ശരി? ആരാണ് തെറ്റ്? ആ ലൈവ് വരുവാൻ കാരണമായ സംഭവം ഒരു നാടകമായിരുന്നോ? അല്ല! അന്നത്തെ വഴിയോരക്കച്ചവടത്തിൽ ബാക്കിയായ ബിരിയാണി പായ്ക്കറ്റുകളും സത്യമാണ്. അങ്ങനെയൊരു പ്രശ്‌നം അവർ നേരിട്ടപ്പോഴാണ് അവർ ലൈവ് വന്നത്. ആ ലൈവ് വൈറലായതോടെ പിന്തുണയും ലഭിച്ചു. ചിലപ്പോൾ ആ വീഡിയോ വൈറലാകാൻ വേണ്ടി കൂടുതൽ വൈകാരികമായി അവർ അഭിനയിച്ചിരിക്കാം. കൂടുതൽ ജനപിന്തുണ കിട്ടിയപ്പോൾ സ്വന്തമായി ഒരു വീട് കൂടെ കിട്ടുന്നെങ്കിൽ കിട്ടട്ടേയെന്നും ആഗ്രഹിച്ചിരിക്കാം. അത് മുതലാക്കാൻ ചില സോ കോൾഡ് നന്മമരങ്ങളും ശ്രമിച്ചിരിക്കാം. ഇതിൽ സുശാന്ത് നിലമ്പൂരിന്റെ ഇടപെടൽ തീർത്തും സംശയകരമാണ്. ആ ഇടപെടലും പതിനഞ്ചുലക്ഷം വാഗ്ദാനവുമാണ് സജ്‌നയെ കെണിയിൽ വീഴ്‌ത്തിയത്.

ട്രാൻസ്‌ജെൻഡറുകൾക്കിടയിൽ തന്നെ നല്ല രീതിയിൽ ചേരിപ്പോരുണ്ട്. അത് കഴിഞ്ഞ കുറേ നാളുകളായി നമ്മൾ സോഷ്യൽമീഡിയയിലൂടെയും മറ്റും കാണുന്നുമുണ്ട്. ഈ സജ്‌നയുടെ ഓഡിയോ ക്ലിപ്പ് പുറത്തായതിനുപിന്നിലും ഇതേ ചേരിപ്പോരു തന്നെയാണ്. ട്രാൻസ്‌ജെൻസറുകൾക്കിടയിൽ സെലിബ്രിറ്റി സ്റ്റാറ്റസ് പേറുന്നവരുണ്ട്; അതല്ലാതെ ഒരു നേരത്തെ ഭക്ഷണത്തിനായി ഭിക്ഷ യാചിക്കുന്നവരുമുണ്ട്. ഇന്ന് സിനിമാമേഖലയിൽ മേക്കപ്പ് ആർട്ടിസ്റ്റുകളായി തിളങ്ങി നില്ക്കുന്ന പലരും ഒരുകാലത്ത് നരകയാതന നേരിട്ട ട്രാൻസുകളാണ്. സിനിമാമേഖലയിലുള്ളവരുടെ, പ്രമുഖ താരങ്ങളുടെ അനുഭാവപൂർവ്വമായ ഇടപെടലുകളാണ് അവരെ മേക്കപ്പ് ആർട്ടിസ്റ്റുകളാക്കി മാറ്റിയതും ഇന്നവരനുഭവിക്കുന്ന സകല സേഫ് സോണുകൾക്കും കാരണവും.

അതേ അനുഭാവപൂർണ്ണമായ ഇടപെടലാണ് നടൻ ജയസൂര്യ സജ്‌നയ്ക്കായി നടത്തിയത്. അത് അവർക്ക് ഹോട്ടൽ തുടങ്ങാനുള്ള സഹായമാണ് താനും. ഇപ്പോൾ സജ്‌നയ്‌ക്കെതിരെ കടുത്ത ആരോപണവുമായി മുന്നിൽ നില്ക്കുന്നതും പ്രമുഖരായ ചില ട്രാൻസ് മേക്കപ്പ് ആർട്ടിസ്റ്റുകളാണ് എന്നതും ചേർത്തുവായിക്കണം. അപ്രഖ്യാപിത ആക്ടിവിസ്റ്റുകൾ കൂടിയാണവരിൽ പലരും. ട്രാൻസ് കമ്മ്യൂണിറ്റിക്ക് കിട്ടേണ്ടുന്ന അനുകൂല്യങ്ങൾ അവരുടെ കൈകളിൽ കൂടിയും അല്ലെങ്കിൽ അവർ ചെയ്തു കൊടുത്തതായി മാത്രമേ പൊതുസമൂഹം അറിയാവൂ എന്ന നിർബന്ധബുദ്ധിയുള്ളവർ. ചാനലുകളിലും നവോത്ഥാനറാലികളിലും കസേര അലങ്കരിക്കുന്ന ഇക്കൂട്ടർക്ക് വ്യക്തമായ പൊളിറ്റിക്കൽ അജണ്ടയും പ്ലാനുമുണ്ട്. ഇവർക്ക് മുകളിൽ കൂടി അതേ കമ്മ്യൂണിറ്റിയിലെ ആരും വലുതാവുന്നത് ഇഷ്ടമല്ലാത്തവർ. ഇവിടെയാണ് സീമാ വിനീതിനെപ്പോലുള്ള ഒറ്റയാൾപ്പോരാളികൾ വ്യത്യസ്തമാകുന്നത്.

അഭ്രപാളിയിലെ മേരിക്കുട്ടിയെ കണ്ട് സഹതാപം ചൊരിഞ്ഞവരാണ് നമ്മളിലേറിയ പങ്കും. എന്നാൽ യഥാർത്ഥ ജീവിതത്തിലെ മേരിക്കുട്ടിമാരെ കിട്ടുന്ന അവസരം മുതലാക്കി നന്നായി വേദനിപ്പിക്കുകയും ചെയ്യും. ഒരുപാട് പരാധീനതകൾക്കിടയിൽ, അപഹാസ്യങ്ങൾക്കിടയിൽ ജീവിച്ചുപ്പോരുന്ന യഥാർത്ഥ ട്രാൻസ്‌ജെൻഡറിന്റെ പ്രതീകമാണ് സജ്‌ന. തൊഴിലെടുത്ത് ജീവിക്കാനുള്ള അവസരത്തിനുവേണ്ടിയാണ് അവർ ലൈവ് വന്നതെങ്കിൽ കൂടി വെറുതെ സഹായിക്കണേയെന്നവർ പറഞ്ഞില്ല.അവരുടെ വഴിയോരക്കച്ചവടത്തിൽ ഒരു കൈതാങ്ങ് മാത്രമാണ് ആവശ്യപ്പെട്ടത്. ഇനി ഒരുപക്ഷേ വീഡിയോ ചെയ്തത് ആരെങ്കിലും ഉപദേശിച്ചിട്ട് തന്നെ ആയിരിക്കാം ; ആരെങ്കിലും പണം നൽകി സഹായിക്കും എന്നും പറഞ്ഞു കാണും. അതിനിത്രവലിയ സോഷ്യൻ ഓഡിറ്റിങ്ങിന്റെ ആവശ്യമുണ്ടോ? ഇത്ര വലിയ ജനകീയ വിചാരണ വേണമോ? തീർത്തും കാപട്യം അറിയാത്തതുകൊണ്ടായിരിക്കില്ലേ വിശ്വാസത്തോടെ തീർത്ഥയെന്ന ട്രാൻസിനോട് അത് കാര്യങ്ങളൊക്കെ ഫോണിൽ വിളിച്ച് സംസാരിച്ചത് .ആ ഫോൺ സംഭാഷണം പുറത്ത് വിട്ടവർക്ക് അതുകൊണ്ടെന്ത് കിട്ടി?

ഇവിടെ കൺമുന്നിൽ കോടികളുടെ അഴിമതി നടത്തിയവരെ നമ്മൾ സിംഹാസനത്തിലിരുത്തി വാഴിക്കുന്നു. സാധാരണക്കാരുടെ നികുതിപ്പണം വരെ വെട്ടിച്ച് കുംഭ വീർപ്പിക്കുന്നവരെ മുടങ്ങാതെ വോട്ടു ചെയ്ത് അധികാരത്തിലെത്തിക്കുന്നു. തൊട്ടതിനും പിടിച്ചതിനുമെല്ലാം ബക്കറ്റുപ്പിരിവു നടത്തി സ്വന്തം കീശ വീർപ്പിക്കുന്ന രാഷ്ട്രീയപ്രബുദ്ധതയെ അംഗീകരിക്കുന്നു. പ്രളയത്തിന്റെ പേരിൽ പോലും കാരുണ്യം വിറ്റ് കലാപരിപാടി നടത്തിയവർ നവോത്ഥാനനായകന്മാരായി അരങ്ങുവാഴുന്നു. രാഷ്ട്രീയലക്ഷ്യം മാത്രം വച്ച് നന്മമരമായി അരങ്ങുവാഴുന്ന ശുഭ്രവസ്ത്രധാരികൾ പി.ആർ വർക്കിലൂടെ സമർത്ഥമായി ജനങ്ങളെ പറ്റിക്കുന്നു. എങ്ങും ചോദ്യമില്ലാത്ത തൊമ്മിക്കുഞ്ഞുങ്ങളായി നില്ക്കുന്ന അതേ നമ്മൾ സജ്‌നാ ഷാജിമാരുടെ ചെറു പിഴവിനെ കീറി മുറിച്ച് വിചാരണചെയ്ത് ആത്മരതിയടയുന്നു.സജ്‌ന ചെറിയ തെറ്റാവാം; ഒരു പക്ഷേ ശരിയുമാവാം. അതിനെ അതിന്റെ വഴിക്ക് ജീവിക്കാൻ അനുവദിക്കുക. സജ്‌നയ്ക്കായി മറ്റുള്ളവർ നല്കുന്ന ഔദാര്യത്തിൽ അസഹിഷ്ണുക്കളാകുന്ന നിങ്ങൾ സമൂഹത്തിൽ കൺമുന്നിൽ നടക്കുന്ന ചൂഷണങ്ങൾ കണ്ടില്ലെന്നു നടിക്കുന്നതിൽ എന്ത് നീതി? എന്ത് ധാർമ്മികത?കാക്ക നെല്ല് തിന്നുന്നത് കോഴിക്ക് കണ്ടു കൂടായെന്നു പറയുന്നതുപോലെയാണ് സജ്‌നയ്‌ക്കെതിരെ വാളെടുക്കുന്നവരെന്ന് മനസ്സിലാക്കുക പൊതുസമൂഹമേ!

വളർത്തിയതും നീയേ ചാപ്പാ
കൊല്ലിക്കുന്നതും നീയേ ചാപ്പാ!

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP