1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Jul / 2020
02
Thursday

കെഎസ്ആർടിസി ലാഭത്തിലാക്കാൻ ചെയ്യാവുന്നത്

September 02, 2014 | 05:27 PM IST | Permalink



കെഎസ്ആർടിസി ലാഭത്തിലാക്കാൻ ചെയ്യാവുന്നത്

കഴിഞ്ഞ നാലു പതിറ്റാണ്ടിനുള്ളിൽ കെഎസ്ആർടിസി പോലെ ഇത്രയേറെ പഴികേട്ട മറ്റൊരു പബ്ലിക് സെക്റ്റർ സ്ഥാപനം നമ്മുടെ നാട്ടിലുണ്ടെന്നു തോന്നുന്നില്ല. സ്ഥാപനത്തിന്റെ അമ്പതാം വാർഷികം അടുത്തുവരുന്ന സാഹചര്യത്തിൽ കെഎസ്ആർടിസിയുടെ നിലനില്പ് തന്നെ സംശയത്തിലായിരിക്കുകയാണിപ്പോൾ. കെടുകാര്യസ്ഥത കൊണ്ടും ഉത്തരവാദിത്തമില്ലായ്മ കൊണ്ടും ഒരു സ്ഥാപനം എങ്ങനെ മുടിപ്പിക്കാം എന്നുള്ളതിന്റെ ഉത്തമ ഉദാഹണമാണ് കെഎസ്ആർടിസി. കാലാകാലങ്ങളായി കോർപ്പറേഷൻ ഭരിച്ചിരുന്നവരും മാറി മാറി വന്ന സർക്കാരുകളിൽ ട്രാൻസ്‌പോർട്ട് വകുപ്പ് കൈകാര്യം ചെയ്തിരുന്നവരും യാത്രക്കാരോട് യാതൊരു ഉത്തരവാദിത്വവുമില്ലാതെ പെരുമാറിയിട്ടുള്ള (ഇപ്പോഴും) ജീവനക്കാരും എല്ലാം ഇന്നത്തെ സ്ഥിതിവിശേഷത്തിന് ഉത്തരവാദികളാണെന്ന് നിസ്സംശയം പറയാൻ കഴിയും.

ദിനംപ്രതി വർധിച്ചുവരുന്ന പെട്രോളിയം ഉത്പന്നങ്ങളുടെ വില കേരളത്തെ പോലൊരു ഉപഭോക്തൃ സംസ്ഥാനത്തിന് താങ്ങാവുന്നതിൽ ഏറെയാണെന്ന് പ്രത്യേകിച്ചു പറയേണ്ടതില്ലല്ലോ. ആയതിനാൽ ഇത്ര ഭീമമായ വിലയിൽ ഇന്ധനം വാങ്ങി വണ്ടിയോടിക്കുന്ന ഒരു സ്ഥാപനവും ഒരു കാലത്തും ലാഭത്തിൽ എത്തില്ല എന്നും എല്ലാവർക്കും അറിവുള്ള കാര്യമാണ്. എന്നാൽ കാര്യങ്ങൾ വേണ്ട രീതിയിൽ കാണുന്ന ഒരു മാനേജ്‌മെന്റിന് വേണമെന്ന് വച്ചാൽ നഷ്ടം തീർച്ചയായും നന്നായി കുറയ്ക്കുവാൻ സാധിക്കും. നിർഭാഗ്യമെന്നു പറയട്ടെ, കെഎസ്ആർടിസിയിൽ അതിനുള്ള സാഹചര്യം ഇന്ന് നിലവിലുണ്ടെന്ന് തോന്നുന്നില്ല.

തീവ്രവും അമിതവുമായ ട്രേഡ് യൂണിയൻ സംസ്‌കാരവും യാത്രക്കാരോട് മുഖം തിരിച്ചു നിൽക്കുന്ന മാനേജ്‌മെന്റും ജോലിക്കാരും പ്രവർത്തനത്തിൽ പ്രൊഫഷണലിസത്തിന്റെ അലംഭാവവും ഒക്കെ കെഎസ്ആർടിസിയെ ഒരു പൂട്ടലിന്റെ വക്കത്തെത്തിച്ചിരിക്കുന്നു. കാലാകാലങ്ങളിൽ കൊണ്ടുവരേണ്ടിയിരുന്ന മാറ്റങ്ങൾ കൊണ്ടുവരാതിരുന്നതും ദീർഘവീക്ഷണത്തോടെ കാര്യങ്ങൾ കാണാതിരുന്നവർ നായകസ്ഥാനങ്ങളിൽ ഇരുന്നതും കെഎസ്ആർടിസിയുടെ പ്രവർത്തനത്തെ മറ്റേതൊരു പ്രസ്ഥാനത്തേക്കാളും കൂടുതലായി ബാധിച്ചിട്ടുണ്ട്. അയൽ സംസ്ഥാനങ്ങളിലെ ട്രാൻസ്‌പോർട്ട് കോർപ്പറേഷനുകളിൽ നിന്നും പഠിക്കാമായിരുന്ന പലതും കെഎസ്ആർടിസിയും അതിന്റെ തലപ്പത്തുള്ളവരും പഠിക്കാതെ പോയതാണ് ഇന്നുള്ള ഗുരുതരമായ പ്രതിസന്ധിക്ക് മുഖ്യ കാരണം.

അൻപതുവർഷം മുൻപേ 1965ൽ കെഎസ്ആർടിസി തുടങ്ങിയ കാലഘട്ടം മുതൽ തന്നെ കാട്ടിലെ തടി തേവരുടെ ആന എന്ന നയമാണ് സ്ഥാപനത്തിൽ തുടർന്നുകൊണ്ടിരുന്നത്. ആയതിനാൽ ആർക്കും കൈയിട്ടുവാരാം എന്ന അവസ്ഥ നിലവിൽ വരികയും അത് സ്ഥാപനത്തെ ഇന്നത്തെ പരിതാപകരമായ അവസ്ഥയിലേക്ക് എത്തിക്കുകയും ചെയ്തു.

കെഎസ്ആർടിസിയിലെ ജോലിക്കാരുടെ അനുപാതം തന്നെ എടുക്കാം. പെൻഷൻ പറ്റിയവരുടെ അടക്കമുള്ള കണക്ക് എടുക്കുകയാണെങ്കിൽ ഇപ്പോഴും ഒരു വണ്ടിക്കു പത്തിന് മീതെ ജോലിക്കാർ ഇന്നും കോർപ്പറേഷനിൽ ഉണ്ട്. ലോകത്തിൽ ഏതെങ്കിലും ഒരു ട്രാൻസ്‌പോർട്ട് കോർപ്പറേഷനിൽ ഇത്ര വലിയ അനുപാതം നിലനിൽക്കുന്നുണ്ടോ എന്ന് ഒരു ഗവേഷണം തന്നെ നടത്താവുന്നതാണ്. ഭാരതത്തിൽ പൊതുഗതാഗത രംഗത്തുള്ള ഒരു സ്ഥാപനം പോലും ലാഭത്തിലല്ല എന്നുള്ളത് നഗ്നസത്യമാണ്. എന്നാൽ മോശമായ പ്രകടനം കൊണ്ട് ഇത്രയേറെ ദോഷപ്പേര് ഉണ്ടാക്കിയ മറ്റൊരു ട്രാൻസ്‌പോർട്ട് കോർപ്പറേഷൻ ഭാരതത്തിൽ എന്നല്ല, ലോകത്തൊരിടത്തും കാണാൻ ഇടയില്ല.

ഓരോ ദിവസവും ഒരു കോടിയിൽ പരം രൂപയുടെ നഷ്ടത്തിൽ ഓടുന്ന ഒരു സ്ഥാപനം നിലനിർത്താൻ സർക്കാർ പണം ഇത്രയേറെ കൊടുക്കേണ്ടതുണ്ടോ എന്ന് അധികാരികൾ ആലോചിക്കേണ്ട സമയം അതിക്രമിച്ചിരിക്കുന്നു. വൻതുകകൾ കടമെടുത്ത് ശമ്പളം കൊടുക്കുന്നത് നിരുത്തരവാദിത്വത്തിന്റെ ഉത്തമ ഉദാഹരണമാണ്. എത്രനാൾ ഇത്തരം ക്രൂരതമാശകൾ പൊതുജനം കണ്ടുകൊണ്ടിരിക്കും? നികുതിദായകരുടെ പണം ഇത്തരത്തിൽ ദുർവിനിയോഗം ചെയ്യുവാൻ എത്ര നാൾ സർക്കാരുകൾക്ക് കഴിയും? മറ്റു വികസന പ്രവർത്തികൾക്ക് ചെലവഴിക്കേണ്ട പണമാണ് ഒരു പൊതുസ്ഥാപനം നിലനിർത്താനായി സർക്കാരുകൾ ധൂർത്തടിക്കുന്നത്.

കാര്യങ്ങൾ ഇത്ര ഗുരുതരമായി തുടരുമ്പോഴും അന്നന്നത്തെ പ്രവർത്തനത്തിനായി എങ്ങനെയെങ്കിലും കൂടുതൽ പൈസ കടമെടുക്കാനാണ് മാനേജ്‌മെന്റ് ഇപ്പോഴും ശ്രമിക്കുന്നത്. എത്രകാലം ഇങ്ങനെ മുന്നോട്ടുപോകാൻ കഴിയും? കാലാകാലങ്ങളായി കെഎസ്ആർടിസി വകുപ്പ് കൈകാര്യം ചെയ്ത മന്ത്രിമാരൊക്കെ സ്ഥാപനം നിലനിർത്തുന്നതിനെക്കാൾ കൂടുതൽ തങ്ങളുടെ നിയോജക മണ്ഡലങ്ങളിൽ എന്ത് ചെയ്യാൻ സാധിക്കും എന്ന് കാട്ടാനാണ് കൂടുതൽ താല്പര്യം കാണിച്ചിട്ടുള്ളത്.

അങ്കമാലി, തിരുവല്ല മുതലായ സ്ഥലങ്ങളിൽ ഭീമമായ തുക മുടക്കി ഇത്ര വലിയ വ്യാപാര സമുച്ചയങ്ങൾ പണിതത് ശരിയായ നടപടി ആയിരുന്നോ എന്ന് അതിനു നേതൃത്വം നൽകിയവർ ആലോചിക്കുന്നത് നന്നായിരിക്കും. അങ്കമാലിയിലെ സമുച്ചയത്തിൽ നിന്നും കിട്ടികൊണ്ടിരിക്കുന്ന വാർഷികവാടക, വാർഷികപ്പലിശ അടയ്ക്കാൻ പോലും ഇപ്പോഴും തികയുന്നില്ല. കേട്ടത് ശരിയെങ്കിൽ ഒരു വർഷം 8 കോടി രൂപയോളം പലിശയും മുതലും അടയ്ക്കേണ്ട സ്ഥാനത്ത് അതിന്റെ പത്തിലൊന്ന് പോലും തിരിച്ചടയ്ക്കാൻ അത് നിർമ്മിച്ചവർക്കാകുന്നില്ല. തിരുവല്ലയിൽ പണിതുടങ്ങി അഞ്ചാം വർഷത്തിലും 20% പോലും ബുക്കിങ് ഇതുവരെ കിട്ടിയിട്ടില്ല എന്നാണറിയുവാൻ കഴിഞ്ഞത്.

മറ്റുള്ള സ്ഥലങ്ങളിലെ സമുച്ചയങ്ങളെക്കുറിച്ച് കൂടുതൽ പറയാതിരിക്കുകയാകും ഭേദം. വൻ പലിശയ്ക്ക് കടമെടുത്തു പണിത ഇത്തരം സമുച്ചയങ്ങൾ നിർമ്മിക്കുന്നതിനു മുൻപേ എതെങ്കില്ലും തരത്തിലുള്ള സാധ്യതാ പഠനം നടത്തിയതായി അറിയില്ല. ഇത്തരം വമ്പൻ സമുച്ചയങ്ങൾ പണിയുന്നതിൽ കുഴപ്പമില്ല. എന്നാൽ പണിയേണ്ട സ്ഥലങ്ങളിൽ പണിതിട്ടുമില്ല. പ്രതിസന്ധി മൂർഛിച്ചു നിൽക്കുന്ന ഈ സാഹചര്യത്തിൽ പോലും കെഎസ്ആർടിസി ഇത്തരം മണ്ടത്തരങ്ങളിൽ നിന്നും ഒന്നും പഠിച്ചിട്ടില്ല എന്നുള്ളതിന്റെ ഉത്തമ ഉദാഹരണമാണ് മധ്യ തിരുവിതാംകൂറിലെ 25000 ത്തിൽ താഴെ മാത്രം ജനസംഖ്യയുള്ള ഒരു ചെറുപട്ടണത്തിൽ 60 കോടിയിൽ ഏറെ രൂപ മുടക്കി മറ്റൊരു വ്യാപാര സമുച്ചയം നിർമ്മിക്കാൻ ഒരുങ്ങുന്നത്.

ഇത്രയെല്ലാം നിരുത്തരവാദപരമായി നടത്തുന്ന പ്രസ്ഥാനമാണെങ്കിലും നഷ്ടം കുറയ്ക്കാൻ കുറെ ഒക്കെ കാര്യങ്ങൾ കാര്യക്ഷമതയോടെ ചെയ്താൽ തീർച്ചയായും കെഎസ്ആർടിസിക്ക് ഇനിയും സാധിച്ചുകൂടായ്ക ഇല്ല. ലാഭത്തെക്കുറിച്ചോർക്കാതെ പ്രവർത്തനനഷ്ടം കുറയ്ക്കാനാണ് കെഎസ്ആർടിസി ശ്രമിക്കേണ്ടത്. കേരള സർക്കാർ വകുപ്പുകളുടേതായി, പ്രത്യേകിച്ചും പൊലീസ് വകുപ്പിനുമാത്രം ആയിരക്കണക്കിന് വാഹനങ്ങളുണ്ട്. തദേശ സ്വയംഭരണ സ്ഥാപനങ്ങളുടെ വാഹനങ്ങൾ വേറെയും. ഇവയെല്ലാം അതിലെ തലപ്പത്തിരിക്കുന്നവരുടെ സൗകര്യത്തിനനുസരിച്ച് അവർക്ക് താല്പര്യമുള്ള ആളുകളുടെ സ്വകാര്യ വർക്‌ഷോപ്പുകളിൽ നിന്ന് സകല അറ്റകുറ്റപ്പണികളും നടത്തുന്നുണ്ട്. അങ്ങനെ ഓരോ വർഷവും കോടിക്കണക്കിന് രൂപയല്ലേ സ്വകാര്യ വർക്‌ഷോപ്പുകളിലേക്ക് പോകുന്നത്. കെഎസ്ആർടിസിയുടെ ഗാരേജുകൾ ആധുനികവൽക്കരിക്കുകയും ഇത്തരം വാഹനങ്ങളുടെ സകല അറ്റകുറ്റപ്പണികളും ഏറ്റെടുക്കാൻ സജ്ജമാക്കുകയും ചെയ്താൽ ഓരോ വർഷവും കോടിക്കണക്കിന് രൂപ കെഎസ്ആർടിസിക്ക് ലഭിക്കാനിടയുണ്ട്. ഇത്രയും കാലം ഭരിച്ച മേലധികാരികൾ ഈ ഒരു സാധ്യതയെ കുറിച്ച് എന്നെങ്കിലും ആലോചിച്ചിട്ടുണ്ടോ? പ്രാപ്തരായ അഭ്യസ്തവിദ്യരായ വർക്ക്ഷോപ്പ് ജീവനക്കാരെ ജോലിക്കെടുക്കുന്നതുകൊണ്ട് സ്ഥാപനത്തിന്റെ വരുമാനം കൂടുകയേ ഉള്ളു. നല്ല രീതിയിൽ വർക്ക് ഷോപ്പുകൾ പ്രവർത്തിപ്പിച്ചാൽ പുറമേ നിന്നുള്ള സ്വകാര്യ അറ്റകുറ്റപ്പണികളുടെ കരാറും ഭാവിയിൽ കിട്ടിക്കൂടായ്ക ഇല്ല. കൊച്ചി കപ്പൽ നിർമ്മാണ കേന്ദ്രം തന്നെ ഇതിന് ഉദാഹരണം. പുറമേ നിന്നുള്ള ജോലികൾ വന്നതിനു ശേഷമാണ് സ്ഥാപനം നേരെ നിൽക്കാൻ തുടങ്ങിയത്.

ജിസിസി രാജ്യങ്ങളടക്കം നിരവധി രാജ്യങ്ങളിൽ സ്വകാര്യ സ്‌കൂളുകളിലെ വിദ്യാർത്ഥികളുടെയും അദ്ധ്യാപകരുടെയും യാത്രാ സൗകര്യം അതാത് നാടുകളിലെ ട്രാൻസ്‌പോർട്ട് കമ്പനികളാണ് വഹിക്കുന്നത്. ഉന്നത തലങ്ങളിൽ സ്വകാര്യ വിദ്യാഭ്യാസ സ്ഥാപനങ്ങൾ വർധിച്ചുകൊണ്ടിരിക്കുന്ന സാഹചര്യത്തിൽ കേരളത്തിലും കെഎസ്ആർടിസിക്ക് ഇത് മനസ് വച്ചാൽ നന്നായി നിർവഹിക്കാൻ കഴിയും. ഇതിനുവേണ്ടി ഒരു കമ്പനി രൂപീകരിക്കുന്നതിനെക്കുറിച്ച് ആലോചിക്കാവുന്നതേയുള്ളൂ. ഇപ്പോൾ ബഹുഭൂരിപക്ഷം സ്വാശ്രയ വിദ്യാഭ്യാസ സ്ഥാപനങ്ങളും വൻ ഫീസ് ഈടാക്കുന്നതിന് കാരണമായി പറയുന്നത് വിദ്യാർത്ഥികളുടെ യാത്രാസൗകര്യം ഒരുക്കുന്നതിനായി വാഹനങ്ങൾ വാങ്ങുന്നതിനുള്ള ചെലവാണ്. എന്നാൽ ഉന്നത വിദ്യാഭ്യാസ സ്ഥാപനങ്ങളുടെ ബസുകൾ മിക്കവയും ദിവസം 3 അല്ലെങ്കിൽ 4 മണിക്കൂർ മാത്രമാണ് ഉപയോഗിക്കുന്നത്. ബാക്കി സമയങ്ങളിൽ ഈ വാഹനങ്ങൾ ഉപയോഗരഹിതമാണ്. കേവലം 3 അല്ലെങ്കിൽ 4 മണിക്കൂറിനായി അത്തരം സ്ഥാപനങ്ങൾ അവരുടെ വണ്ടികൾക്കായി ജോലിക്കാരെ നിയമിക്കേണ്ടതായി വരുന്നു. കെഎസ്ആർടിസി ഈ ഒരു മേഖലയിൽ ഉന്നതതരം ബസുകളുമായി നന്നായി പ്രവർത്തിച്ചാൽ ഇടയ്ക്കുള്ള സമയം റൂട്ട് ഓടുകയും രാവിലെയും വൈകുന്നേരവും ഇത്തരം വിദ്യാർത്ഥികളുടെ യാത്രയ്ക്കായി ഉപയോഗിക്കുകയും ചെയ്ത് അധിക വരുമാനം നേടുക മാത്രമല്ല കോർപ്പറേഷന്റെ നഷ്ടം വളരെ ഏറെ കുറയ്ക്കാനും സാധിക്കും. ഉദാഹരണത്തിന് എറണാകുളത്തുള്ള ചില സ്വകാര്യ സ്വാശ്രയ കോളേജുകളുടെ ബസുകൾ മുവാറ്റുപുഴ വരെ ദിവസവും പോയി വിദ്യാർത്ഥികളെ എടുക്കുന്നുണ്ട്. അത്തരം ബസുകൾ മൂവാറ്റുപുഴയിൽ സ്റ്റേ ചെയ്യുകയും രാവിലെ ഒന്നര മണിക്കൂറിലധികം ഓടി എറണാകുളത്തു വന്നു വൈകുന്നേരം വരെ വെറുതെ കിടക്കുകയുമാണ്. ഈ ഇടയ്ക്കുള്ള സമയത്ത് എറണാകുളം മുതൽ ഈ ബസ് വരുന്ന റൂട്ടിലൂടെ പെർമിറ്റ് സർവീസായി 2 തവണയെങ്കിലും റൂട്ട് നടത്താൻ ഇത്തരം ബസുകൾക്ക് കഴിയും. അതിനോടൊപ്പം അധികവരുമാനം നേടാനും സാധിക്കും. ഇതിനായി പ്രത്യേകം ഉന്നതതരം ബസുകൾ സജ്ജീകരിക്കുകയാണ് വേണ്ടത്. ഇത് നന്നായി നടക്കുവാൻ സ്വാശ്രയ വിദ്യാഭ്യാസ സ്ഥാപനങ്ങളുമായി ഒരു കരാർ ഉണ്ടാക്കാം.

മറ്റൊരു മേഖല പരസ്യ വരുമാനം വർധിപ്പിക്കുകയാണ്. കാര്യങ്ങൾ കുറെ കൂടി പ്രൊഫഷണലായി കൈകാര്യം ചെയ്താൽ കേരളത്തിലും അന്യസംസംസ്ഥാനങ്ങളിലും വ്യാപിച്ചു കിടക്കുന്ന റൂട്ടുള്ള, ശൃംഖലയുള്ള കെഎസ്ആർടിസിയുടെ പരസ്യങ്ങളിൽ നിന്നുള്ള വരുമാനം നിരവധി തവണ വർധിപ്പിക്കാൻ സാധിക്കും. ബസ്സുകൾ പോലെ ഇത്രമാത്രം വിസിബിലിറ്റി ലഭിക്കുന്ന ഒരു പരസ്യ മാദ്ധ്യമം വേറെ ഇല്ല എന്ന് തന്നെ പറയാം. ബസുകൾ ഓടുന്ന വഴിയിൽ എല്ലാം ആളുകൾ പരസ്യങ്ങൾ തീർച്ചയായും ശ്രദ്ധിക്കുക തന്നെ ചെയ്യും. പ്രത്യേകിച്ചും തിരക്കിൽ പെട്ട് ബ്ലോക്കിൽ കിടക്കുന്ന സമയങ്ങളിൽ പിന്നിൽ ഉള്ള പരസ്യങ്ങൾക്ക് ലഭിക്കുന്ന ശ്രദ്ധ മറ്റൊരു മാദ്ധ്യമ മേഖലയിലും ലഭിക്കില്ല. ഇത് ശാസ്ത്രീയമായി തെളിയിച്ചിട്ടുള്ളതാണ്. കേരളത്തിന്നു വെളിയിലേക്ക് പോകുന്ന വണ്ടികളിൽ സംസ്ഥാനത്തെ പ്രമുഖ ഉല്പന്നങ്ങളുടെ പരസ്യങ്ങൾ ഇട്ടാൽ കിട്ടുന്ന സ്വീകാര്യതയും ശ്രദ്ധയും മറ്റെന്തിനെക്കാളും വലുതായിരിക്കും.

പരസ്യ വരുമാനം വർധിപ്പിക്കാനുള്ള മറ്റൊരു വഴി ദീർഘദൂര റൂട്ടുകളിൽ ഓടുന്ന വണ്ടികൾ ഓരോ പ്രത്യേക ബ്രാൻഡുകളുടെ പരസ്യവാഹനമാവുക എന്നതാണ്. ബ്രാൻഡിങ് റൈറ്റ് ലേലം ചെയ്ത് ആ ബ്രാൻഡിന്റെ പേരിൽ ബസ് ഓടിക്കുകയാണ് ചെയ്യേണ്ടത്. കോണ്ട്രാക്റ്റ് കാലാവധിയിൽ ഉടനീളം ആ ബസുകൾ ആ ബ്രാൻഡുകളുടെ ഡിസൈനിലും കളറിലും സർവ്വീസ് നടത്താവുന്നതാണ്. കെഎസ്ആർടിസിയുടെ വരുമാനം വർധിക്കുന്നതോടൊപ്പം ആ ബ്രാൻഡുകൾക്ക് വേണ്ടവണ്ണം വിസിബിലിറ്റിയും ശ്രദ്ധയും ലഭിക്കുകയും ചെയ്യും. അന്തർ സംസ്ഥാന സർവ്വീസുകൾ അടക്കം ഒരു 200 ബസുകളെങ്കിലും ഇത്തരത്തിൽ ബ്രാൻഡ് ചെയ്യാവുന്നതാണ്. ഇങ്ങനെ ലഭിക്കുന്ന വരുമാനം കെഎസ്ആർടിസിയുടെ നഷ്ടം കുറയ്ക്കാൻ തീർച്ചയായും സഹായകരമാകും. പണ്ട് ലാലു പ്രസാദ് യാദവ് മന്ത്രി ആയിരുന്ന സമയത്ത് ഇന്ത്യൻ റെയിൽവേയിൽ ഇത്തരം പരീക്ഷണങ്ങൾ പല സോണുകളിലും വിജയകരമായി പരീക്ഷിച്ചിരുന്നു. പല വികസിത രാജ്യങ്ങളിലും ഉള്ളത് പോലെ തിരക്കുള്ള സമയങ്ങളിൽ കൂടുതൽ യാത്രാക്കൂലിയും തിരക്ക് കുറഞ്ഞ സമയങ്ങളിൽ കുറഞ്ഞ കൂലിയും നടപ്പാക്കണം. ഇതിന്റെ ഗുണമെന്തെന്നാൽ തിരക്ക് കുറഞ്ഞ സമയങ്ങളിൽ സ്വകാര്യ വാഹനങ്ങളിൽ യാത്ര ചെയ്യുന്ന പലരും ബസുകളിലേക്ക് യാത്ര മാറ്റാനിടയാകും. ഓഫ് പീക്ക് സമയമായി രാവിലെ 10 മണി മുതൽ 2 വരെയുള്ള സമയം എടുക്കാം. ഞായറാഴ്ചകളിൽ രാവിലെ മുതൽ 3 മണി വരെയുള്ള സമയവും ഓഫ്പീക്ക് സമയമായി എടുക്കാം.

ഇതോടൊപ്പം ടിക്കറ്റ് എടുത്ത് യാത്ര ചെയ്യുന്ന ആളുകളെ പ്രോത്സാഹിപ്പിക്കാനായി പ്രമുഖ കമ്പനികളും സ്ഥാപനങ്ങളുമായി ചേർന്ന് സ്ഥിരമായി സമ്മാനങ്ങൾ ഏർപ്പെടുത്തണം. ഇതിനായി ടിക്കറ്റിന്റെ രൂപവും ഭാവവും മാറ്റുന്നതിനോടൊപ്പം ടിക്കറ്റുകളിൽ സമ്മാനങ്ങൾ സ്‌പോൺസർ ചെയ്യുന്ന കമ്പനികളുടെ പരസ്യവും പ്രിന്റ് ചെയ്യണം. അങ്ങനെ സമ്മാനങ്ങൾ ഉണ്ടെങ്കിൽ യാത്രക്കാർ ടിക്കറ്റുകൾ സൂക്ഷിച്ചു വയ്ക്കുകയും പരസ്യം തരുന്നവരുടെ പേരുകൾക്ക് ശ്രദ്ധ കിട്ടുകയും ചെയ്യും. പരസ്യക്കാർക്ക് അവർ പ്രതീക്ഷിക്കുന്നതിനെക്കാൾ ഏറെ മൈലേജ് കിട്ടുന്നതിനാൽ സ്ഥിരമായി സമ്മാനങ്ങൾ സ്‌പോൺസർ ചെയ്യാൻ കമ്പനികൾ മുന്നോട്ടു വരും. ഇതിൽ നിന്നൊക്കെ നല്ല വരുമാനം ന്യായമായും പ്രതീക്ഷിക്കാം.

ടിക്കറ്റുകളിലെ പരസ്യത്തോടൊപ്പം ഡ്യൂട്ടി ഡ്രൈവർമാരുടെയും കണ്ടക്റ്റർമാരുടെയും യൂണിഫോമുകളിൽ വിവിധ തരം ബ്രാൻഡുകളുമായി സഹകരിച്ച് അവരുടെ ലോഗോയും പരസ്യങ്ങളും ഇടാവുന്നതാണ്. ഇത്തരം പരസ്യങ്ങളൊക്കെ വികസിത രാജ്യങ്ങളിലെ ട്രാൻസ്‌പോർട്ട് മേഖലയിൽ സർവ്വസാധാരണമാണ്. ഇതെല്ലാം കെഎസ്ആർടിസിയുടെ വരുമാനം വർദ്ധിപ്പിക്കാൻ സഹായിക്കും.

പരസ്യ വരുമാനം വർധിപിക്കാൻ കെഎസ്ആർടിസിക്കുള്ളിൽ തന്നെ ഒരു പ്രത്യേക വിഭാഗം സ്ഥാപിച്ചാൽ പുറത്തു പരസ്യം ടെണ്ടർ ചെയ്യുന്നതിനെക്കാൾ വരുമാനം തീർച്ചയായും ട്രാൻസ്‌പോർട്ട് കോർപ്പറേഷന് ലഭിക്കും. ഇതിനായി ഒരു സ്‌പെഷ്യലിസ്റ്റ് മാർക്കറ്റിങ് ടീം തന്നെ നിലവിൽ വരണം.

ഈ വക കാര്യങ്ങൾ ഒക്കെ കെഎസ്ആർടിസിയിൽ വിജയകരമായി പരീക്ഷിക്കണമെങ്കിൽ ജോലിക്കാരുടെ അകമഴിഞ്ഞ സഹായം കിട്ടിയേ തീരു. സ്ഥാപനം നിലനിൽക്കണമെങ്കിൽ ഇത്തരം പൊടിക്കൈകൾ ചെയ്താലേ അത് സാധിക്കൂ എന്ന് ജോലിക്കാർ മനസിലാക്കിയേ തീരൂ. അല്ലാതെ എന്നും സർക്കാരിനൊരു തീരാബാധ്യതയായി, പിച്ചപ്പാത്രവുമായി ധനകാര്യ വകുപ്പിന്റെ മുൻപിൽ യാചിക്കുകയല്ല വേണ്ടത്. ധനകാര്യ വകുപ്പ് കോർപ്പറേഷൻ നിലനിർത്താനായി ഇപ്പോഴും കൊടുക്കുന്ന ധനസഹായം നിർത്തിയേ തീരു. അല്ലെങ്കിൽ മറ്റ് വികസന പ്രവർത്തനങ്ങൾക്ക് ഒരിക്കലും പണം തികയുകയുമില്ല.

കെഎസ്ആർടിസി വൻ വ്യാപാര സമുച്ചയങ്ങൾ പണിതു വെറുതെ വേക്കന്റ് ആയി വർഷങ്ങളിട്ടു നശിപ്പിക്കുന്നതിനു പകരം സ്വകാര്യ- പൊതുപങ്കാളിത്തമുള്ള സംരംഭങ്ങളായി അത്തരം സമുച്ചയങ്ങൾ നിർമ്മിച്ച് ലാഭം പങ്കിടുകയാണ് വേണ്ടത്. അങ്ങനെ വന്നാൽ അത്തരം സമുച്ചയങ്ങൾ മാർക്കറ്റ് ചെയ്യാൻ പണം മുടക്കിയിരിക്കുന്നവർക്കും താല്പര്യം കാണും. വൻ സമുച്ചയങ്ങൾ മാർക്കറ്റ് ചെയ്യാൻ പ്രൊഫഷണൽ റിയൽ എസ്റ്റേറ്റ് കമ്പനികളുടെ സഹായം തേടാവുന്നതാണ്. വൻ നഗരങ്ങളിലുള്ള അത്തരം മാർക്കറ്റിങ് ശൈലിയും തന്ത്രങ്ങളും എന്ത് കൊണ്ട് കെഎസ്ആർടിസിക്ക് പരീക്ഷിച്ചു കൂടാ? അല്ലാതെ വമ്പൻ സമുച്ചയങ്ങൾ മാർക്കറ്റ് ചെയ്യാൻ അവ സ്ഥിതിചെയ്യുന്ന സ്ഥലങ്ങളിലുള്ള ഡിടിഒ-മാരെ എല്പിക്കുകയല്ല വേണ്ടത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
രണ്ട് സ്‌ക്വയർ കിലോമീറ്റർ വിസ്തൃതിയിൽ 10 ലക്ഷം പേർ താമസിച്ചിട്ടും ധാരാവിയെ എന്തുകൊണ്ട് കൊറോണ വിഴുങ്ങിയില്ല? മുംബൈയിൽ ആയിരങ്ങൾ മരിച്ച് വീഴുമ്പോഴും ധാരാവിയിലെ മരണം 82 ൽ ഒതുങ്ങിയത് എങ്ങനെ? ലോകത്തെ ഏറ്റവും വലിയ ചേരിയിൽ കോവിഡ് പ്രതിരോധം ചർച്ചയാക്കി ലോക മാധ്യമങ്ങൾ; സാമൂഹിക അകലം പാലിക്കലും വീടുകളിലെ ഐസൊലേഷനും ലോക മാതൃക; കൊറോണയുടെ മടക്ക യാത്രയിൽ ധാരാവി ചർച്ചയാവുമ്പോൾ
'നേപ്പാളിലെ ചൈനീസ് ഏംബസി പ്രധാനമന്ത്രി കെ.പി.ശർമ ഒലിയെ ഹണിട്രാപ്പിൽ കുടുക്കി; ഒലിയുടെ വീഡിയോകൾ ചൈനീസ് ഏംബസിയുടെ പക്കലുണ്ട്; അതുകൊണ്ടാണ് ചൈന നേപ്പാൾ ഗ്രാമങ്ങളെ വിഴുങ്ങുമ്പോൾ ഒലി ഒന്നും മിണ്ടാത്തത്': കാഠ്മണ്ഡുവിലെ ചൈനീസ് അംബാസഡർ ഹോ യാൻക്വിയുടെ ചിത്രം ട്വീറ്റ് ചെയ്തു കൊണ്ട് മേജർ ഗൗരവ് ആര്യയുടെ ട്വീറ്റ്; ഇന്ത്യൻ സംസ്‌കാരത്തിൽ നിന്നും നേപ്പാളിനെ അകറ്റി ബീജിങ്ങിലേക്ക് അടുപ്പിക്കുന്നത് ഹോ യാൻക്വിയെന്നും മാധ്യമങ്ങൾ; യാൻക്വിയുടെ പ്രശസ്തിയും കുതിക്കുന്നു
ജോസ് കെ മാണിയുടെ പുറത്തേക്കുള്ള പോക്കിന് ചുക്കാൻ പിടിച്ചത് രമേശ് ചെന്നിത്തല; അതിവിശ്വസ്തനായ ജോസഫ് വാഴക്കന്റെ പാലാ മോഹം പ്രധാന കാരണമായി; എ ഗ്രൂപ്പ് നേതാക്കൾക്ക് പൂഞ്ഞാർ മുതൽ കാഞ്ഞിരപ്പള്ളി വരെ നോട്ടമെത്തിയപ്പോൾ സംഗതി എളുപ്പമായി; കൂട്ടത്തിൽ ഉമ്മൻ ചാണ്ടിയുടെ ഭൂരിപക്ഷത്തിൽ വൻ ഇടിവുണ്ടാകുമെന്നും കരുതിയപ്പോൾ ജോസ് കെ മാണി പുറത്ത്; കേരളാ കോൺഗ്രസിനെ പടിക്ക് പുറത്താക്കിയതിന് പിന്നിൽ കോൺഗ്രസിലെ ഐ രാഷ്ട്രീയം
'മദ്രാസിലെ മോൻ വരുമെന്ന് അമ്മച്ചി പറഞ്ഞാരുന്നു': തലേന്ന് ജോലി കഴിഞ്ഞ് മടങ്ങുമ്പോൾ റേച്ചൽ അമ്മച്ചി പറഞ്ഞ കാര്യം നിഷ്‌ക്കളങ്കമായി പറയുമ്പോൾ ഗൗരിയമ്മ അറിഞ്ഞില്ല താൻ പ്രധാന സാക്ഷിയാകുമെന്ന്; കരിക്കൻ വില്ല കൊലപാതകക്കേസിൽ പ്രതികളെ കുടുക്കിയ സുപ്രധാനമൊഴി നൽകിയ ഗൗരിയമ്മ ഓർമയായി; മരണം 98 ാം വയസിൽ തിരുവല്ലയിലെ കൊച്ചുമകളുടെ വസതിയിൽ
രാജ്ഞി മുതൽ കൊട്ടാരം തൂപ്പുകാരിയെവരെ ഭോഗിച്ച വിടൻ; കുളിക്കുക പോലുമില്ലാത്ത ഇയാളുമായി ലൈംഗിക ബന്ധത്തിന് കാത്തുനിന്നത് പ്രഭ്വിമാർ അടക്കമുള്ള ആയിരങ്ങൾ; എത്രമേൽ പാപം ചെയ്യുന്നവോ അത്രമേൽ ദൈവത്തോട് അടുക്കുന്നുവെന്ന് പഠിപ്പിച്ച ഭ്രാന്തൻ സന്യാസി; തന്റെ മരണശേഷം ജനനേന്ദ്രിയം അച്ചാറിട്ട് സൂക്ഷിക്കണമെന്ന് നിർദ്ദേശിച്ച സൈക്കോ; റഷ്യൻവിപ്ലവത്തിന്വരെ ഇടയാക്കിയ അധികാര ദല്ലാൾ; നൂറ്റാണ്ടിനുശേഷം റഷ്യയിൽ ചരിത്രം ആവർത്തിക്കുന്നോ? പുടിൻ റാസ്പുട്ടിന്റെ പുനർജ്ജന്മമോ?
'കപ്പേള'യിൽ പിമ്പായ വിഷ്ണുവിനെ ചുവന്ന കുറിയിടുന്ന, കൈയിൽ ചുവന്ന ചരട് കെട്ടുന്ന വിഷ്ണുവായി അവതരിപ്പിക്കപ്പെടുന്നതാണ് അരാജകത്വത്തിന്റെ രാഷ്ട്രീയം; ഇത്തരത്തിലെ ട്രെന്റ് സെറ്റിങ് ഒട്ടും നിഷ്‌കളങ്കമല്ല; അത് വ്യക്തമായ അജണ്ടയോടെയാണ് താനും ! സിനിമയ്ക്കുള്ളിലെ രാഷ്ട്രീയം: അഞ്ജു പാർവതി പ്രഭീഷ് എഴുതുന്നു
ആക്രമണ പ്രത്യാക്രമണമറിയാതെ കാറോടിച്ചെത്തിയ അയാദിന്റെ മുത്തച്ഛൻ വെടിയൊച്ച കേട്ട് പകച്ചു പോയി; വണ്ടിനിർത്തി ചെറുമകനുമായി ഇറങ്ങിയോടി; വെടിയേറ്റ് ബഷീർ അഹമ്മദ് ഖാൻ വീണപ്പോൾ പേടിച്ചുപോയ കുട്ടി മുത്തച്ഛനെ വിട്ടുപോകാതെ അടുത്തിരുന്നു; മുത്തച്ഛന്റെ നെഞ്ചിൽ കയറിയിരുന്ന അവന്റെ ഷർട്ടിന്റെ കൈയിലും ചോര പുരണ്ടിരുന്നു; പിന്നെ സംഭവിച്ചതെല്ലാം ഇന്ത്യൻ സൈന്യത്തിന്റെ മനസ്സിന്റെ കരുത്ത്; ഭീകരാക്രമണത്തിൽ നിന്നും മൂന്ന് വയസ്സുകാരനെ കാശ്മീരിൽ രക്ഷിച്ചെടുത്ത കഥ
അബോർഷൻ ആയ വേദനയിൽ ഞാൻ കിടക്കുമ്പോൾ അങ്ങോട്ട് കിടക്കെടീ ഇങ്ങോട്ട് തിരിയെടീ എന്നൊക്കെ നഴ്‌സുമാരുടെ തെറി; പിന്നീട് നടന്നത് എങ്ങനെ പറയും! എന്റെ മുമ്പിൽ വച്ച് എന്റെ പൊന്നുകുഞ്ഞുങ്ങളെ എവിടെ കളയും എന്ന മന:സാക്ഷിയില്ലാത്ത ചർച്ച; ഒരു തവണ മാത്രമാണ് ഒരു ബോക്‌സിൽ എന്റെ ഇരട്ടക്കുട്ടികളുടെ മുഖം ഞാൻ കണ്ടത്; കോവിഡ് പരിശോധനയുടെ പേരിൽ മഞ്ചേരി മെഡിക്കൽ കോളേജിൽ ഗർഭിണിയോട് കാട്ടിയ ക്രൂരതയുടെ വിശദാംശങ്ങൾ പുറത്ത്
ബേക്കറിയിലെ സഹായി യുവതിയെ സ്വന്തമാക്കിയത് ഭർത്താവിനെ കഞ്ചാവ് ലഹരിയിൽ കള്ളക്കേസിൽ കുടുക്കി; കമ്പളിക്കണ്ടം തോമാച്ചന്റെ വലംകൈയായി കൊച്ചിയിൽ എത്തി; ഗോഡ്ഫാദറുടെ അപ്രതീക്ഷിത മരണത്തോടെ കച്ചവടമെല്ലാം നേരിട്ടായി; പിടിക്കപ്പെടാതിരിക്കാൻ സ്വാമിക്ക് ആശ്രമം കെട്ടിക്കൊടുത്തത് അന്ധവിശ്വാസത്തിന് അടിമപ്പെട്ട്; നക്‌സലുകളേയും മാവോയിസ്റ്റുകളേയും ഒപ്പം നിർത്തി കൊടുകാട്ടിൽ കഞ്ചാവ് വളർത്തലും ഹാഷിഷ് നിർമ്മാണവും; അടിമാലിയിലെ ഓട്ടോക്കാരൻ 'മൂർഖൻ ഷാജി' ആയ ക്രുരതകളുടെ കഥ
ഇവിടെ ഉഭയസമ്മതത്തോടെ ഏത് പുരുഷനും ഏത് സ്ത്രീയുമായി പരസ്യമായി ലൈംഗിക ബന്ധത്തിൽ ഏർപ്പെടാം; ജപസമയത്തും ആഹാര സമയത്തും സ്ത്രീപുരുഷന്മാർ പൂർണ്ണ നഗ്നരായിക്കും; പരസ്യമായി രതിയിൽ ഏർപ്പെടുന്നതിൽ ലജ്ജയോ അപമാനമോ തോന്നുന്നവരെ സമാജത്തിൽ നിന്നും ഒഴിവാക്കും; നഗ്നതയും ബോഡി ആർട്ടും വൻ വിവാദമാകുന്ന കേരളത്തിൽ ഇങ്ങനെയും ഒരു കമ്യൂൺ ഉണ്ടെന്ന് അറിയുക
യുവതി ഭർത്താവിനെ ക്രൂരമായി മർദ്ദിച്ചത് കേട്ടാലറയ്ക്കുന്ന തെറി വിളിച്ച്; കഴിഞ്ഞ നാല് വർഷമായി പീഡനം സഹിക്കുന്നെന്ന് 33കാരൻ; ആദ്യം കേസ് നൽകിയെങ്കിലും പൊലീസ് തിരിച്ചയച്ചത് നിയമം സ്ത്രീക്ക് അനുകൂലമാണെന്ന് പറഞ്ഞ്; എഫ്ഐആർ രജിസ്റ്റർ ചെയ്തത് ദൃശ്യങ്ങൾ പുറത്ത് വന്നതോടെ; യുവതിയുടെ ക്രൂരമർദ്ദനത്തിന്റെ വീഡിയോ കാണാം..
രാജ്ഞി മുതൽ കൊട്ടാരം തൂപ്പുകാരിയെവരെ ഭോഗിച്ച വിടൻ; കുളിക്കുക പോലുമില്ലാത്ത ഇയാളുമായി ലൈംഗിക ബന്ധത്തിന് കാത്തുനിന്നത് പ്രഭ്വിമാർ അടക്കമുള്ള ആയിരങ്ങൾ; എത്രമേൽ പാപം ചെയ്യുന്നവോ അത്രമേൽ ദൈവത്തോട് അടുക്കുന്നുവെന്ന് പഠിപ്പിച്ച ഭ്രാന്തൻ സന്യാസി; തന്റെ മരണശേഷം ജനനേന്ദ്രിയം അച്ചാറിട്ട് സൂക്ഷിക്കണമെന്ന് നിർദ്ദേശിച്ച സൈക്കോ; റഷ്യൻവിപ്ലവത്തിന്വരെ ഇടയാക്കിയ അധികാര ദല്ലാൾ; നൂറ്റാണ്ടിനുശേഷം റഷ്യയിൽ ചരിത്രം ആവർത്തിക്കുന്നോ? പുടിൻ റാസ്പുട്ടിന്റെ പുനർജ്ജന്മമോ?
ബന്ധം ഒഴിയാൻ ചോദിച്ചത് പതിനഞ്ച് ലക്ഷവും വീടും; പറ്റില്ലെന്ന് പറഞ്ഞപ്പോൾ പത്ത് ലക്ഷത്തിൽ ഒത്തുതീർപ്പ്; അത് അംഗീകരിച്ച് കൃഷ്ണനുണ്ണി വിവാഹ മോചനം നേടി; അമ്മായി അമ്മയ്‌ക്കെതിരായ തല്ലു കേസ് ഉൾപ്പെട്ടെ എല്ലാം പിൻവലിച്ചു; വീട്ടിലുള്ള അവകാശവും വിട്ട് സപ്ലൈകോ ജീവനക്കാരി പോയത് പെരിന്തൽമണ്ണയിലെ ഫ്‌ളാറ്റിൽ; പുലർച്ചെ ഗണപതി ഹോമത്തോടെ സ്വന്തം വീട്ടിൽ തിരിച്ചു കയറി കനകദുർഗയുടെ മുൻ ഭർത്താവും അമ്മയും ഇരട്ട മക്കളും; ശബരിമലയിലെ വിപ്ലവ നായിക ഇനി വിവാഹ മോചിത
അമ്മയുടെ ശസ്ത്രക്രിയയ്ക്കായി കൊച്ചിയിലെ സ്വകാര്യ ആശുപത്രിയിൽ ചികിത്സയ്‌ക്കെത്തിയത് 10,000 രൂപയുമായി; 19 ലക്ഷം രൂപ കെട്ടിവയ്ക്കണമെന്ന് അറിഞ്ഞതോടെ നിസ്സഹായായി ടിക്ക്‌ടോക്കിലെത്തി പൊട്ടിക്കരഞ്ഞ് യുവതി; തളിപറമ്പുകാരി വർഷയുടെ കണ്ണീരിൽ സ്വാന്തനവുമായി മലയാളികളും; 18 മണിക്കൂറിനുള്ളിൽ അക്കൗണ്ടിൽ എത്തിയത് 50 ലക്ഷം രൂപ; മലയാളി പൊളിയല്ലേ!
ശവങ്ങളുമായി രതിയിൽ ഏർപ്പെടുന്നത് മോക്ഷമാർഗമായി കരുതുന്നവർ; കത്തുന്ന ചിതയിൽനിന്ന് മനുഷ്യശരീരം തിന്നുന്നവർ; ചിലർ ആർത്തവ കാലത്തു മാത്രം സ്ത്രീകളുമായി ബന്ധപ്പെടുന്നവർ; മനുഷ്യ തലയോട്ടിയിൽ ചാരായവും ഭാംഗും നുകരുന്നവർ; കേക്കും ചത്തകുറക്കന്റെ ഇറച്ചിയും ഒരുപോലെ ദൈവാംശമായി കാണുന്നവർ; നഗ്നരായി ശ്മശാനങ്ങളിൽ കഴിയുന്ന അഘോരികൾക്കിടയിൽ കോവിഡ് പടർന്നാൽ എന്തുചെയ്യും? പുരാതന തീർത്ഥാടന കേന്ദ്രമായ വാരണാസിയിൽ ഭീതി
ആണിനും പെണ്ണിനും നൂൽബന്ധമില്ലാതെയും ഇവിടെ ജീവിക്കാം; മദ്യവും മയക്കുമരുന്നുമായി രാവേറെ നീളുന്ന സ്വതന്ത്ര രതിമേളകൾ; 93 റോൾസ് റോയ്‌സ് കാറുകളടക്കം 600 കോടി ഡോളറിന്റെ സ്വാമ്രാജ്യം; ഒടുവിൽ അമേരിക്കൻ ഭരണകൂടത്തിന് ഭീഷണിയായ ആത്മീയ അധോലോകമായി; മരിച്ചിട്ടും പുസ്‌കങ്ങളിലൂടെയും പ്രഭാഷണങ്ങളിലൂടെയും ഇന്നും 'സജീവം' ; ലോക്ഡൗൺ കാലത്ത് ലോകം ഏറ്റവുമധികം വായിച്ചത് ഈ ഇന്ത്യൻ ഫ്രീസെക്സ് ഗുരുവിനെ; പുനർജ്ജനിക്കുന്ന ഓഷോ കൾട്ടുകളുടെ ഭീതിയിൽ അമേരിക്ക
മീൻ വറുത്തതും കൂട്ടി ഉച്ചയൂണിന് 100 രൂപ; അമിത വിലയെന്ന് ഹോട്ടലുടമയായ വനിതയോട് തട്ടികയറലും ഫെയ്സ് ബുക്ക് ലൈവും; ട്രോളിങ് സമയത്ത് മീനിന്റെ വില കൂടുതലായതിനാലാണെന്ന് ഹോട്ടലുടമയുടെ മറുപടി; സോഷ്യൽ മീഡിയയിൽ പ്രതിഷേധം കനത്തതോടെ പോസ്റ്റും ഡിലീറ്റ് ചെയ്ത് കണ്ടംവഴി ഓടി മനുഷ്യാവകാശ പ്രവർത്തകൻ; ഇന്റർനാഷണൽ കൗൺസിൽ ഓഫ് ഹ്യൂമൻ റൈറ്റ്സ് നേതാവ് അനിൽകുമാറിന് പണികിട്ടിയത് ഇങ്ങനെ
നഗ്‌നതയും ലൈംഗികതയും അല്ലെങ്കിൽ ചുംബനം പോലും പോൺ സൈറ്റുകളിൽനിന്നും പഠിക്കേണ്ടിവരുന്ന സാഹചര്യമാണ്; നഗ്‌നത എന്തിനു തുറന്നു കാട്ടണം എന്ന ചോദ്യത്തിനു ഉത്തരം സ്ത്രീയുടെ നഗ്‌നത എന്തിനു നിർബന്ധമായും മൂടിവെക്കണം എന്ന ചോദ്യം തന്നെയാണ്; മക്കൾക്ക് ചിത്രം വരക്കാൻ ന​ഗ്നശരീരം വിട്ടുനൽകി രഹ്ന ഫാത്തിമ; വീഡിയോ കാണാം..
ഇവിടെ ഉഭയസമ്മതത്തോടെ ഏത് പുരുഷനും ഏത് സ്ത്രീയുമായി പരസ്യമായി ലൈംഗിക ബന്ധത്തിൽ ഏർപ്പെടാം; ജപസമയത്തും ആഹാര സമയത്തും സ്ത്രീപുരുഷന്മാർ പൂർണ്ണ നഗ്നരായിക്കും; പരസ്യമായി രതിയിൽ ഏർപ്പെടുന്നതിൽ ലജ്ജയോ അപമാനമോ തോന്നുന്നവരെ സമാജത്തിൽ നിന്നും ഒഴിവാക്കും; നഗ്നതയും ബോഡി ആർട്ടും വൻ വിവാദമാകുന്ന കേരളത്തിൽ ഇങ്ങനെയും ഒരു കമ്യൂൺ ഉണ്ടെന്ന് അറിയുക
അബുദാബിയിൽ ഒന്നരമാസമായി തെരുവോരത്ത് അന്തിയുറങ്ങുന്ന മലയാളികൾ അടക്കമുള്ള തൊഴിലാളികൾ പട്ടിണിയിൽ എന്ന് വാർത്ത; ഫേക് ന്യൂസിന്റെ പേരിൽ ദുബായിൽ ഏഷ്യാനെറ്റ് ന്യൂസ് സംഘം അറസ്റ്റിൽ; സംഘത്തിനൊപ്പം കസ്റ്റഡിയിലായത് സിപിഎം അനുകൂല പ്രവാസി സംഘടന ശക്തി തിയറ്റേഴ്‌സ് ഭാരവാഹികളും; മോചനത്തിന് സമ്മർദ്ദം ചെലുത്തി രാജീവ് ചന്ദ്രശേഖറും പ്രമുഖ പ്രവാസി വ്യവസായിയും
നിങ്ങൾ വളർന്നു ശ്രീ മാലാ പാർവതി... പക്ഷേ നിങ്ങൾ നിങ്ങളുടെ മകനെ നന്നായി വളർത്താൻ മറന്നു പോയിരിക്കുന്നു......! കോവിഡിനെ തുരത്താൻ നാമെല്ലാവരും ഒറ്റക്കെട്ടായി സാമൂഹിക അകലം പാലിച്ച് നിൽക്കണമെന്ന ആശയവുമായി വരികൾ എഴുതിയത് അമ്മ; ഒന്നായിടും ലോകം എന്ന ഗാനത്തിന്റെ എഡിറ്റിംഗും സംവിധാനവും നിർവ്വഹിച്ച മകനും; സിനിമയിൽ താരമാകാൻ ആഗ്രഹിച്ച നടിയുടെ മകന്റെ അശ്ലീലത ചർച്ചയാക്കി സീമാ വിനീതും; മാലാ പാർവ്വതിയുടെ മകൻ അനന്തകൃഷ്ണൻ കുടുങ്ങുമ്പോൾ
പിണറായി വിജയന്റെ മകൾ വീണാ വിജയൻ വിവാഹിതയാകുന്നു; വരൻ ഡിവൈഎഫ്ഐ അഖിലേന്ത്യാ പ്രസിഡന്റ് മുഹമ്മദ് റിയാസ്; രണ്ടു പേരുടെയും വിവാഹത്തിന് വഴിയൊരുങ്ങിയത് രണ്ടു വർഷമായുള്ള അടുപ്പം; ചടങ്ങ് ഏറ്റവുമടുത്ത ബന്ധുക്കളെ മാത്രം പങ്കെടുപ്പിച്ച് ലളിതമായി; രജിസ്റ്റർ ഓഫീസിൽ നിന്നും സർട്ടിഫിക്കറ്റ് വാങ്ങുക ഈ മാസം 15ന്
അതിരുവിട്ട് ബന്ധം വളർന്നത് വാട്‌സാപ്പ് ചാറ്റിലൂടെ; ബിസിനസ് ആവശ്യത്തിനെന്ന് പറഞ്ഞ് പുറത്ത് കാറിൽ കറക്കം; വിലക്കിയിട്ടും ഫലമില്ലാതെ വന്നതോടെ വീട്ടുവഴക്കുകൾ; മകളുടെ മരണത്തിന് മുമ്പ് മരുമകളുടെ ഫോണിലേക്ക് നിരവധി കോളുകൾ; പൊലീസിൽ പരാതി നൽകിയതോടെ പെട്രോൾ ഒഴിച്ചുകത്തിക്കുമെന്ന് മരുമകന്റെ ഭീഷണി; കരുനാഗപ്പള്ളിയിൽ മരുമക്കൾ തമ്മിലുള്ള അവിഹിത ബന്ധത്തെ ചൊല്ലി മകൾ ആത്മഹത്യ ചെയ്ത സംഭവത്തിൽ മാതാപിതാക്കളുടെ പരാതിയിൽ എങ്ങുമെത്താതെ അന്വേഷണം
ക്രൈമിന്റെ ഓഫീസിൽ ചാരമായ രേഖകൾ എത്രമാത്രം വിലപിടിപ്പുള്ളതായിരുന്നു എന്നതിന് ഇതിനപ്പുറം എന്ത് തെളിവാണ് വേണ്ടത്? നിർണായക ഘട്ടത്തിൽ സഹായിയായ റിയാസിന് ഇതിലും വലിയ എന്ത് പാരിതോഷികമാണ് ഒരു നേതാവിന് നൽകാൻ കഴിയുക? കാര്യം കഴിഞ്ഞാൽ കറിവേപ്പിലയാകുന്ന പതിവ് നേതാക്കളിൽ നിന്നും നിങ്ങൾ വ്യത്യസ്തനാവുന്നത് ഇങ്ങനെയാണ് സഖാവെ.. അഭിനന്ദനങ്ങൾ പിണറായി വിജയൻ.... മുഹമ്മദ് റിയാസ്; ക്രൈം പത്രാധിപർ ടിപി നന്ദകുമാറിന്റെ കുറിപ്പ് ചർച്ചയാകുമ്പോൾ