Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ആറു മാസം കഴിഞ്ഞാണോ ഒമാനിലേക്ക് മടക്കം? എങ്കിൽ ഇതോർക്കുക; ഒമാനിലേക്കു മടങ്ങുന്നവർക്ക് എൻഒസി നിർബന്ധമാക്കുന്നു

ആറു മാസം കഴിഞ്ഞാണോ ഒമാനിലേക്ക് മടക്കം? എങ്കിൽ ഇതോർക്കുക; ഒമാനിലേക്കു മടങ്ങുന്നവർക്ക് എൻഒസി നിർബന്ധമാക്കുന്നു

സ്വന്തം ലേഖകൻ

മസ്‌കത്ത്: വിദേശ രാജ്യങ്ങളിൽ നിന്നും ആറു മാസത്തിനു ശേഷം ഒമാനിലേക്ക് മടങ്ങിയെത്തുന്ന ഒമാൻ റസിഡൻസ് വിസയുള്ളവർക്ക്  നിർബന്ധമാക്കുന്നു. കോവിഡ് ബാധിതമായതിനെ തുടർന്ന് വിമാന സർവ്വീസ് നിർത്തലാക്കിയ ഇന്ത്യയടക്കമുള്ള രാജ്യങ്ങളിൽ കുടുങ്ങിക്കിടക്കുന്നവരെ ബാധിക്കുന്നതാണ് എൻഒസി നിർബന്ധമാക്കുന്നുവെന്ന തീരുമാനം.

അതിനാൽ തന്നെ, ഒമാനിലേക്ക് മടങ്ങുവാൻ തയ്യാറെടുക്കുന്നുവർ എൻഒസി ലഭിക്കുവാൻ ഉടൻ തന്നെ അപേക്ഷിക്കേണ്ടതാണ്. ഇതിനാ.ി പാസ്പോർട്ട് ആൻഡ് റസിഡൻസ് ജനറൽ അഡ്‌മിനിസ്ട്രേഷനിലെ അഡ്‌മിനിസ്ട്രേറ്റീവ് ആൻഡ് ഫിനാൻഷ്യൽ അഫയേഴ്സ് ഡയറക്ടർക്ക് തൊഴിൽ ഉടമ അപേക്ഷ നൽകണം.

തൊഴിലാളിക്ക് സാധുവായ തൊഴിൽ വിസ ഉണ്ടായിരിക്കണം. തൊഴിലാളിയെ തിരിച്ചു കൊണ്ടുവരാൻ അനുവദിക്കണമെന്ന് ആവശ്യപ്പെട്ട് കമ്പനിയുടെ കത്ത്, പാസ്പോർട്ടിന്റെയും തിരിച്ചറയിൽ കാർഡിന്റെയും കോപ്പികൾ, കമ്പനി സിഗ്‌നേച്ചർ കോപ്പി, കമ്പനി കൊമേഴ്സ്യൽ രജിസ്ട്രേഷൻ കോപ്പി, 14 ദിവസം കാലാവധിയുള്ള വിമാന ടിക്കറ്റ് കോപ്പി എന്നിവയും അപേക്ഷയോടൊപ്പം സമർപ്പിക്കേണ്ടതാണ്.

ആറു മാസത്തിൽ അധികം രാജ്യത്തിന് പുറത്തുകഴിഞ്ഞ പ്രവാസികൾ മടങ്ങിവരുന്നതിന് എൻഒസി ആവശ്യമാണെന്ന് സാമൂഹിക മാധ്യമങ്ങളിൽ ചർച്ചകളുയർന്നിരുന്നു. ഈ പശ്ചാത്തലത്തിൽ പൊലീസിൽ നിന്ന് ഔദ്യോഗിക വിശദീകരണം ലഭിച്ചത് വിഷയത്തിൽ ആളുകൾക്ക് ആശ്വാസമാകും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP