Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202113Thursday

കാണാതായ സ്ത്രീയെ അന്വേഷിക്കാൻ മൈസൂരിലെത്തിയ പൊലീസ് സംഘം സഞ്ചരിച്ച വാഹനം അപകടത്തിൽ പെട്ടു; ചികിത്സയിൽ കഴിയവേ വനിതാ പൊലീസുകാരിക്ക് അന്ത്യം; മരിച്ചത് പരപ്പനങ്ങാടി പൊലീസ് സ്റ്റേഷനിലെ രാജാമണി

കാണാതായ സ്ത്രീയെ അന്വേഷിക്കാൻ മൈസൂരിലെത്തിയ പൊലീസ് സംഘം സഞ്ചരിച്ച വാഹനം അപകടത്തിൽ പെട്ടു; ചികിത്സയിൽ കഴിയവേ വനിതാ പൊലീസുകാരിക്ക് അന്ത്യം; മരിച്ചത് പരപ്പനങ്ങാടി പൊലീസ് സ്റ്റേഷനിലെ രാജാമണി

ജംഷാദ് മലപ്പുറം

മലപ്പുറം: കാണാതായ സ്ത്രീയെ അന്വേഷിക്കാൻ പോയി മൈസൂരിനടുത്തു അപകടത്തിൽപെട്ടു ഗുരുതരമായി പരുക്കേറ്റ പരപ്പനങ്ങാടി പൊലീസ് സ്റ്റേഷനിലെ വനിതാ പൊലീസ് രാജാമണി(46) കോഴിക്കോട് സ്വകാര്യ ആശുപത്രിയിൽ മരിച്ചു. ഒരു സ്ത്രീയെ കാണാതായത് സംബന്ധിച്ച് പരപ്പനങ്ങാടി പൊലീസ് സ്റ്റേഷനിൽ രജിസ്റ്റർ ചെയ്ത കേസ് അന്വേഷണത്തിനായി ബാംഗ്ലൂരിൽ പോയി തിരിച്ചു വരുന്നതിനിടെ മൈസൂരിനടുത്തുവച്ചാണ് ഞായറാഴ്ച വൈകുന്നേരം 7 മണിയോടെ പരപ്പനങ്ങാടി പൊലീസ് സംഘം സഞ്ചരിച്ച സ്വകാര്യ വാഹനം അപകടത്തിൽപെട്ടത്.

കാണാതായ സ്ത്രീ അടക്കം നാലു പേരാണ് അന്വേഷണം സംഘം സഞ്ചരിച്ച ഇന്നോവ കാറിൽ ഉണ്ടായിരുന്നത്. എസ്‌ഐ സുരേഷ്, ഷൈജേഷ്, രാജമണി എന്നീ പൊലീസുകാർ സംഘത്തിൽ ഉണ്ടായിരുന്നെങ്കിലും രാജാമണിക്കു മാത്രമാണ് തലക്ക് സാരമായി പരുക്കേറ്റത്. മസ്തിഷ്‌ക മരണം സംഭവിച്ച ഇവർ വെന്റിലേറ്ററിലായിരുന്നു. ഇന്നലെ വൈകിട്ട് മൂന്നു മണിയോടെയാണ് അന്ത്യം സംഭവിച്ചത്.

നെടുവ പൂവത്താൻ കുന്നിലെ താഴത്തേതിൽ രമേശന്റെ ഭാര്യയാണ് മരിച്ച രാജമണി മക്കൾ :രാഹുൽ, രോഹിത്. ചേളാരി പാണക്കാട് - വെള്ളായിപ്പാടത്തെ പരേതനായ മണ്ണഞ്ചേരി ഇമ്പിച്ചിക്കുട്ടനാണ് പിതാവ്. അമ്മ- അമ്മുണ്ണി. സഹോദരങ്ങൾ: ബാലൻ, ചന്ദ്രൻ, കൃഷ്ണൻ, സുനിൽ, കോമള, രജിത, രഞ്ജിത.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP