Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202221Friday

ബെൽജിയത്തിന് പിന്നാലെ ഒമിക്രോൺ ജർമനിയിലും സ്ഥിരീകരിച്ചു; രോഗബാധ കണ്ടെത്തിയത് ദക്ഷിണാഫ്രിക്കയിൽ നിന്നെത്തിയ യാത്രക്കാരനിൽ; ഏഷ്യൻ രാജ്യങ്ങൾക്ക് മുന്നറിയിപ്പ്

ബെൽജിയത്തിന് പിന്നാലെ ഒമിക്രോൺ ജർമനിയിലും സ്ഥിരീകരിച്ചു; രോഗബാധ കണ്ടെത്തിയത് ദക്ഷിണാഫ്രിക്കയിൽ നിന്നെത്തിയ യാത്രക്കാരനിൽ; ഏഷ്യൻ രാജ്യങ്ങൾക്ക് മുന്നറിയിപ്പ്

ന്യൂസ് ഡെസ്‌ക്‌

ബെർലിൻ: കോവിഡിന്റെ പുതിയ വകഭേദമായ ഒമിക്രോൺ യൂറോപ്യൻ രാജ്യമായ ജർമനിയിലും സ്ഥിരീകരിച്ചു. ദക്ഷിണാഫ്രിക്കയിൽനിന്നെത്തിയ യാത്രക്കാരനിലാണ് വൈറസ് സ്ഥിരീകരിച്ചതെന്ന് ഹെസ്സെയുടെ സാമൂഹ്യകാര്യ വകുപ്പ് മന്ത്രി കയ് ക്ലോസെ ട്വീറ്റ് ചെയ്തു. നേരത്തെ ബെൽജിയത്തിൽ പുതിയ കോവിഡ് വകഭേദം സ്ഥിരീകരിച്ചിരുന്നു.

ഒമിക്രോൺ സ്ഥിരീകരിക്കുന്ന രണ്ടാമത്തെ യൂറോപ്യൻ രാജ്യമാണ് ജർമനി. യാത്രക്കാരൻ നിലവിൽ ഐസൊലേഷനിലാണെന്നും കൂടുതൽ പരിശോധനകൾക്ക് വിധേയമാക്കുമെന്നും ക്ലോസെ വ്യക്തമാക്കി. കഴിഞ്ഞ കുറച്ചു ആഴ്ചകൾക്കിടയിൽ ദക്ഷിണാഫ്രിക്കയിൽനിന്ന് വന്നവർ ആളുകളുമായി ഇടപഴകുന്നത് കുറയ്ക്കണമെന്നും കോവിഡ് ടെസ്റ്റിന് വിധേയമാകണമെന്നും മന്ത്രി നിർദേശിച്ചു.

ഒമിക്രോൺ വകഭേദം യൂറോപ്പിലുമെത്തിയതോടെ ഏഷ്യൻ രാജ്യങ്ങൾക്ക് ലോകാരോഗ്യ സംഘടന മുന്നറിയിപ്പ് നൽകി. നിരീക്ഷണവും ജാഗ്രതയും മുൻകരുതലും ശക്തമാക്കണമെന്നാണ് ലോകാരോഗ്യ സംഘടനയുടെ മുന്നറിയിപ്പ്.

കോവിഡ് വകഭേദമായ ഒമിക്രോണിനെ നേരിടാൻ വാക്സിൻ വികസിപ്പിക്കാൻ കഴിയുമെന്ന് ബയോ ഫാർമസ്യൂട്ടിക്കൽ കമ്പനിയായ ആസ്ട്രാസെനക്ക വ്യക്തമാക്കി. ഈ വാക്സിൻ വേഗത്തിൽ വികസിപ്പിക്കാൻ കഴിയുമെന്നും ആസ്ട്രാസെനക്ക ഗവേഷണ വിഭാഗം അവകാശപ്പെടുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP