Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202022Thursday

അനേകം അഗ്‌നിപർവതങ്ങൾ പൊടുന്നനെ പൊട്ടാൻ ഒരുങ്ങുന്നു; ലോകമെമ്പാടുമായി ആയിരങ്ങൾ കൊല്ലപ്പെടും; 300 കൊല്ലത്തിന് ശേഷം ഉണ്ടാവുന്ന ഏറ്റവും വലിയ വൊൾക്കാനോ ഭീഷണി ഈ വർഷം

അനേകം അഗ്‌നിപർവതങ്ങൾ പൊടുന്നനെ പൊട്ടാൻ ഒരുങ്ങുന്നു; ലോകമെമ്പാടുമായി ആയിരങ്ങൾ കൊല്ലപ്പെടും; 300 കൊല്ലത്തിന് ശേഷം ഉണ്ടാവുന്ന ഏറ്റവും വലിയ വൊൾക്കാനോ ഭീഷണി ഈ വർഷം

ല കാലങ്ങളിൽ പല തരത്തിലുള്ള ലോകാവസാന മുന്നറിയിപ്പുമായി ശാസ്ത്രജ്ഞർ രംഗത്തെത്താറുണ്ട്. ഇപ്പോഴിതാ അഗ്‌നിപർവതങ്ങൾ കൂട്ടത്തോടെ പൊട്ടിത്തെറിക്കുന്നതിന്റെ ഫലമായി 2016ൽ ഭൂമിയിൽ കനത്ത നാശമുണ്ടുകമെന്ന മുന്നറിയിപ്പാണ് ശാസ്ത്രജ്ഞന്മാർ പുറപ്പെടുവിച്ചിരിക്കുന്നത്.ഭൂമിയിലെ വിവിധയിടങ്ങളിലുള്ള വലിയ അഗ്‌നിപർവതങ്ങൾ പൊട്ടിത്തെറിക്കാനുള്ള സാധ്യത ഇപ്പോൾ 10 ശതമാനം വർധിച്ചിരിക്കുകയാണെന്നാണ് റിപ്പോർട്ട്.ഇതിലൂടെ മില്യൺ കണക്കിന് മനുഷ്യർ നാമാവശേഷമാവുകയും ഭൂമിക്ക് കനത്ത നാശമുണ്ടാവുകയും ചെയ്‌തേക്കാം. അതായയ് 2016ൽ അനേകം അഗ്‌നിപർവതങ്ങൾ പൊട്ടാൻ ഒരുങ്ങുന്നുവെന്നതിന് ഗവേഷകർക്ക് വ്യക്തമായ തെളിവുകൾ ലഭിച്ചിട്ടുണ്ട്.300 കൊല്ലത്തിന് ശേഷമുള്ള ഏറ്റവും വലിയ വൊൾക്കാനോ ഭീഷണിയാണ് ഈ വർഷമെത്തിയിരിക്കുന്നത്.

ഇത്തരത്തിലുള്ള ഒരു ബൃഹത്തായ അഗ്‌നിപർവത സ്‌ഫോടനത്തിലൂടെ തന്നെ ലക്ഷക്കണക്കിന് പേർ കൊല്ലപ്പെടുമെന്നുറപ്പാണ്. വയോമിംഗിലെ യെല്ലോസ്‌റ്റോൺ നാഷണൽ പാർക്കിലുള്ള അഗ്‌നിപർവതം പോലുള്ളവ ഈ വർഷം പൊട്ടാൻ സാധ്യതയേറെയാണെന്നും അതുവഴി ഭൂമിക്ക് കടുത്ത ഭീഷണിയുണ്ടാവുകയും മില്യൺ കണക്കിന് പേർ കൊല്ലപ്പെടുമെന്നുമാണ് യൂറോപ്യൻ സയൻസ് ഫൗണ്ടേഷനിലെ വിദഗ്ദ്ധർ പ്രവചിക്കുന്നത്. ഉൽക്കകൾ, ഭൂകമ്പം, ന്യൂക്ലിയർ യുദ്ധം, ആഗോള താപനം എന്നിവയേക്കാൾ മനുഷ്യ ജീവന് ഇത് ഭീഷണിയുയർത്തുമെന്നും അവർ മുന്നറിയിപ്പേകുന്നു. ഈ അപകടകരമായ അവസ്ഥയെ നേരിടാൻ ചില അടിയന്തിര മാർഗങ്ങൾ സ്വീകരിച്ച് വരുന്നുണ്ട്. യെല്ലോസ്‌റ്റോണിന് പുറമെ ലോകത്തിലെ ഏറ്റവും അപകടകരമായ അഗ്‌നിപർവതങ്ങളുടെ പട്ടികയിൽ ഇറ്റലിയിലെ കാംപഗ്‌നിയയിലുള്ള മൗണ്ട് വെസുവിയുസ്, മെക്‌സിക്കോസിറ്റിയിലെ പോപോകാറ്റ്‌പെറ്റൽ തുടങ്ങിയവ ഉൾപ്പെടുന്നു.

ഇവയിൽ ഏതെങ്കിലുമൊന്ന് പൊട്ടുകയാണെങ്കിൽ മില്യൺ കണക്കിന് പേർ ഉടൻ മരിക്കുകയും ഭൂമിയുടെ അന്തരീക്ഷം ചാരത്താലും മറ്റ് വിഷവാതകങ്ങളാലും വിഷമയമായിത്തീർന്ന് തുടർന്ന് നിരവധി പേർ മരിക്കാനുമിടയാകുമെന്നും സൂചനയുണ്ട്. മനുഷ്യന്റ തത്വദീക്ഷയില്ലാത്ത പ്രവർത്തനം ആഗോള താപനം എന്നിവ മൂലം 1000 വർഷങ്ങൾക്ക് ശേഷം സംഭവിക്കാൻ സാധ്യതയുള്ള ദുരന്തങ്ങളേക്കാൾ ഭീകരമായിരിക്കും ഇത്തരത്തിലുള്ള ഒരു അഗ്‌നിപർവത ദുരന്തമെന്നും ഗവേഷകർ മുന്നറിയിപ്പേകുന്നു.ഇത്തരത്തിലുള്ള ഒരു വലിയ അഗ്‌നിപർവത സ്‌ഫോടനം അടുത്ത 80 വർഷങ്ങൾക്കുള്ളിൽ നിശ്ചയമായും സംഭവിക്കുമെന്നാണ് കണ്ടെത്തിയിരിക്കുന്നത്.യെല്ലോസ്‌റ്റോൺ അടുത്ത 70 വർഷങ്ങൾക്കുള്ളിൽ ഏത് സമയവും പൊട്ടുമെന്നാണ് പൊട്ടുമെന്നാണ് പ്രവചനം.തൽഫലമായി പടിഞ്ഞാറൻ യുഎസ്എ തുടച്ച് നീക്കപ്പെടുമെന്നും ലോകചരിത്രത്തെ തന്നെ മാറ്റി മറിക്കുമെന്നും മുന്നറിയിപ്പുണ്ട്. ഇത്തരം ദുരന്തങ്ങളെ നേരിടാൻ വിവിധ രാജ്യങ്ങളിലെ സർക്കാരുകൾ യാതൊരു വിധ നടപടികളും സ്വീരിച്ചിട്ടില്ലെന്നും ' എക്‌സ്ട്രീം ജിയോഹസാർഡ്‌സ്; റെഡ്യൂസിങ് ഡിസാസ്റ്റർ റിസ്‌ക് ആൻഡ് ഇൻക്രീസ് റെസിലിയൻസ്' എന്ന റിപ്പോർട്ട് മുന്നറിയിപ്പേകുന്നു.

കഴിഞ്ഞ ഏതാനും ദശാബ്ദങ്ങളിൽ ഭൂമിയിൽ സർവനാശം വിതച്ച് നിരവധി ജീവനെടുത്തത് പ്രധാനമായും ഭൂകമ്പങ്ങളായിരുന്നുവെന്നും എന്നാൽ അതിനേക്കാൾ ദുരന്തം വിതയ്ക്കാൻ വലിയ അഗ്‌നിപർവത സ്‌ഫോടനങ്ങൾക്ക് സാധിക്കുമെന്നും ഇപ്പോൾ ഈ ഭീഷണി വർധിച്ച് വരുകയാണെന്നും പ്രസ്തുത റിപ്പോർട്ട് ചൂണ്ടിക്കാട്ടുന്നു.കാലവസ്ഥയിലും ഭക്ഷ്യസുരക്ഷയിലും ട്രാൻസ്‌പോർട്ടേഷനിലും വിതരണശൃംഖലയിലും കാര്യമായ പ്രത്യാഘാതങ്ങൾ അഗ്‌നിപർവത സ്‌ഫോടനങ്ങളെ തുടർന്നുണ്ടാവുന്നതിനാലാണ് ദുരന്തത്തിന്റെ വ്യാപ്തിയേറുന്നതെന്നും റിപ്പോർട്ട് മുന്നറിയിപ്പേകുന്നു. ഇതിനെ നേരിടാനുള്ള ചെലവ് താങ്ങാൻ നിലവിൽ ഒരു രാജ്യത്തിനും സാധിക്കുകയുമില്ല.അഗ്‌നിപർവത സ്‌ഫോടനങ്ങൾക്ക് പുറമെ വരും വർഷങ്ങളിൽ കടുത്ത ഭൂകമ്പങ്ങൾ, വരൾച്ച, ആസ്‌ട്രോയ്ഡ് പതനം, സുനാമി,കൊടുങ്കാറ്റുകൾ, കാട്ടുതീ തുടങ്ങിയ ദുരന്തങ്ങളും ഭൂമിയെ പിടിച്ച് കുലുക്കുമെന്നും പ്രസ്തുത റിപ്പോർട്ട് പ്രവചിക്കുന്നുണ്ട്.

2000 വർഷങ്ങൾക്കിടെയുണ്ടാകകുന്ന ഏറ്റവും വലിയ ഭൂകമ്പങ്ങളും സുനാമികളുമായിരിക്കും സമീപവർഷങ്ങളിൽ ഭൂമിയെ വേട്ടയാടാനെത്തുന്നത്.ഇന്തോനേഷ്യയിലെ സംബാവയിലെ താബോരയിലുണ്ടായ അഗ്‌നിപർവത സ്‌ഫോടനത്തിന്റെ ദുരന്തചിത്രവും റിപ്പോർട്ടിൽ വരച്ചിട്ടിട്ടുണ്ട്. തൽഫലമായി ഒരു ലക്ഷം പേരാണ് ഇവിടെ മരിച്ച് വീണത്. കാലാവസ്ഥയിലുണ്ടായ മാറ്റം മൂലം തുടർന്നുള്ള വർഷത്തിൽ ഇവിടെ വേനൽക്കാലം പോലുമുണ്ടായതുമില്ല. വടക്കൻ അർധഗോളത്തിൽ നവംബർ മുതൽ ഏപ്രിൽ വരെയുള്ള കാലത്താണ് അഗ്‌നിപർവത സ്‌ഫോടനമുണ്ടാൻ സാധ്യതയേറെയെന്നും റിപ്പോർട്ട് മുന്നറിയിപ്പേകുന്നു. ഈ വർഷം അതിനുള്ള സാധ്യതയേറിയിരിക്കുകയുമാണ്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP