Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202416Tuesday
ഹോം വാർത്ത ലോകം

ഹോട്ടൽ റുവാണ്ടയുടെ നായകനായ പോൾ റസെസബാഗിന ജയിൽ മോചിതനായി; മോചനത്തിന് വഴിയൊരുക്കിയത് ഖത്തറിന്റെ മധ്യസ്ഥത: ഉടൻ യുഎസിലുള്ള കുടുംബത്തിനൊപ്പം ചേരും

March 29, 202306:43 AM IST Permalink
ഹോട്ടൽ റുവാണ്ടയുടെ നായകനായ പോൾ റസെസബാഗിന ജയിൽ മോചിതനായി; മോചനത്തിന് വഴിയൊരുക്കിയത് ഖത്തറിന്റെ മധ്യസ്ഥത: ഉടൻ യുഎസിലുള്ള കുടുംബത്തിനൊപ്പം ചേരും

സ്വന്തം ലേഖകൻ

ദോഹ: പ്രശസ്ത ഹോളിവുഡ് ചിത്രമായ ഹോട്ടൽ റുവാണ്ടയ്ക്ക് പ്രചോദനമായ മനുഷ്യാവകാശ പ്രവർത്തകൻ പോൾ റസെസബാഗിന (68) ജയിൽ മോചിതനായി. ഖത്തറിന്റെ മധ്യസ്ഥതയെ തുടർന്നാണ് റസെസബാഗിനയുടെ ജയിൽ മോചനം സാധ്യമായത്. വെള്ളിയാഴ്ച മോചന നടപടികൾ പൂർത്തിയാക്കി തിങ്കളാഴ്ചയോടെ അദ്ദേഹം ഖത്തറിലെത്തി. ഉടൻ യുഎസിലുള്ള കുടുംബത്തിനടുത്തേക്കു തിരിക്കും.

മനുഷ്യാവകാശ പ്രവർത്തകനായ റസെസബാഗിനയെ തീവ്രവാദബന്ധം ആരോപിച്ച് 2020 ഓഗസ്റ്റിലാണ് റുവാണ്ടൻ സർക്കാർ ഖത്തറിൽ നിന്നും അറസ്റ്റ് ചെയ്തു കൊണ്ടുപോകുന്നത്. അദ്ദേഹത്തിന് 25 വർഷം തടവാണു വിധിച്ചിരുന്നത്. റുവാണ്ടയിലെ ഹോട്ടൽ മാനേജരായിരുന്നു അദ്ദേഹം. 1994 ൽ ഇരുവിഭാഗങ്ങൾ തമ്മിലുണ്ടായ പോരും വംശഹത്യയും റുവാണ്ടയെ ചോരക്കളമാക്കി. ആ സമയത്ത് ആയിരത്തിലേറെ ടുത്‌സി വിഭാഗക്കാർക്ക് അഭയം കൊടുത്തു രക്ഷിച്ചതിനെ തുടർന്നാണ്, ഹുട്ടു വിഭാഗക്കാരനായ റസെസബാഗിന പ്രശസ്തനായത്. ഈ സംഭവം പ്രമേയമാക്കിയ സിനിമ 'ഹോട്ടൽ റുവാണ്ട'യ്ക്ക് (2004) ഓസ്‌കർ നാമനിർദ്ദേശം ലഭിച്ചിരുന്നു.

ഇതോടെ റുവാണ്ടൻ ഭരണകൂടത്തിന്റെ ശത്രുവായി റസെസബാഗിന മാറി. അദ്ദേഹം ബൽജിയത്തിൽ അഭയം തേടിയെങ്കിലും സർക്കാർ ഏജന്റുമാർ പിന്തുടർന്നതിനെ തുടർന്ന് യുഎസ് പൗരത്വം നേടി അവിടേക്കു പോയി. 2020 ൽ വിദേശ യാത്രയ്ക്കിടെ ദുബായിലെത്തിയ അദ്ദേഹം അവിടെ നിന്നാണ് അപ്രത്യക്ഷനായത്. റുവാണ്ടയിലെ പോൾ കഗമെ ഭരണകൂടം അറസ്റ്റ് ചെയ്തുകൊണ്ടുപോയതാണെന്നു പിന്നീടു തെളിഞ്ഞു. പല തലങ്ങളിൽ യുഎസും ഇടപെട്ടെങ്കിലും മോചനം വൈകി. മാസങ്ങൾ നീണ്ട ചർച്ചകളെ തുടർന്നാണ് മോചനം സാധ്യമായത്. 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP