Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202230Friday

തർക്കത്തിനിടെ ഭർത്താവിന്റെ തലയ്ക്കടിച്ച് മുറിവേൽപ്പിച്ചു; ഭാര്യയ്ക്ക് ജയിൽ ശിക്ഷ

തർക്കത്തിനിടെ ഭർത്താവിന്റെ തലയ്ക്കടിച്ച് മുറിവേൽപ്പിച്ചു; ഭാര്യയ്ക്ക് ജയിൽ ശിക്ഷ

ന്യൂസ് ഡെസ്‌ക്‌

റിയാദ്: സൗദി അറേബ്യയിൽ ഭർത്താവിന്റെ തലയ്ക്കടിച്ച് മുറിവേൽപ്പിച്ച ഭാര്യയ്ക്ക് ജയിൽ ശിക്ഷ. കുടുംബ കലഹത്തിനിടെയുണ്ടായ അടിപിടിയിലായിരുന്നു സംഭവം. അടിയേറ്റ ഭർത്താവിന്റെ തലയിൽ പത്ത് തുന്നലുകൾ വേണ്ടിവന്നുവെന്നും അഭിഭാഷകൻ നവാഫ് അൽ നബാതി പറഞ്ഞു.

കൂട്ടുകാരി ഒരുക്കിയ വിരുന്നിൽ പങ്കെടുക്കാൻ ഒരു ഓൺലൈൻ ടാക്‌സിയിൽ പോകാൻ ഒരുങ്ങിയ ഭാര്യയെ, യുവാവ് വിലക്കിയതാണ് സംഭവങ്ങളുടെ തുടക്കം. ഭർത്താവിന്റെ നിർബന്ധം കാരണം ടാക്‌സിയിൽ നിന്ന് യുവതിക്ക് പുറത്തിറങ്ങേണ്ടി വന്നു.

തിരികെ വീട്ടിൽ കയറിയ അവർ, മുന്നിൽ കണ്ട ഗ്ലാസ് എടുത്ത് ഭർത്താവിന്റെ തലയ്ക്കടിക്കുകയായിരുന്നു. അടിയുടെ ആഘാതത്തിൽ ആഴത്തിലുള്ള മുറിവുണ്ടായെന്നും അത് ഭേദമാക്കാനായി 10 തുന്നലുകൾ ഇടേണ്ടിവന്നുവെന്നും 15 ദിവസത്തിലേറെ സമയമെടുത്തുവെന്നും ഭർത്താവിന്റെ അഭിഭാഷകൻ കോടതിയിൽ വാദിച്ചു.

കേസ് അന്വേഷണത്തിനിടെ ചോദ്യം ചെയ്തപ്പോൾ യുവതി കുറ്റം സമ്മതിച്ചു. തർക്കത്തിനിടെയാണ് ഇത്തരമൊരു സംഭവമുണ്ടാതെന്നായിരുന്നു യുവതിയുടെ വാദം. വിചാരണയ്ക്കിടെ കോടതിയിൽ വെച്ചും ഇവർ കുറ്റസമ്മതം നടത്തി. കേസ് അനുരഞ്ജനത്തിലെത്തിക്കാമെന്ന് ജഡ്ജി നിർദേശിച്ചെങ്കിലും ഭർത്താവ് വഴങ്ങിയില്ല. ഇതേ തുടർന്നാണ് ഇവരെ ആറ് ദിവസത്തെ ജയിൽ ശിക്ഷയ്ക്ക് വിധിച്ചത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP