Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ആൺ സുഹൃത്തുക്കളുമായി അടുത്തിടപഴകിയതിന് കൗമാരക്കാരായ രണ്ട് പെൺമക്കളെ കൊലപ്പെടുത്തിയ സംഭവം; 12 വർഷത്തിന് ശേഷം പിടിയിലായ പിതാവിന്റെ വിചാരണ ആരംഭിച്ചു

ആൺ സുഹൃത്തുക്കളുമായി അടുത്തിടപഴകിയതിന് കൗമാരക്കാരായ രണ്ട് പെൺമക്കളെ കൊലപ്പെടുത്തിയ സംഭവം; 12 വർഷത്തിന് ശേഷം പിടിയിലായ പിതാവിന്റെ വിചാരണ ആരംഭിച്ചു

സ്വന്തം ലേഖകൻ

ഡാലസ്: കൗമാരക്കാരായ രണ്ടു പെൺമക്കളെ കൊലപ്പെടുത്തിയ കേസിൽ അറസ്റ്റിലായ പിതാവിന്റെ വിചാരണ ഡാലസ് കൗണ്ടി കോടതിയിൽ ആരംഭിച്ചു. ദുരഭിമാനത്തിന്റെ പേരിൽ 2008 ജനുവരി ഒന്നിനാണ് പിതാവ് രണ്ടു മക്കളെയും കാറിൽ വച്ചു കൊലപ്പെടുത്തിയത്. കൃതൃത്തിന് ശേഷം രക്ഷപ്പെട്ട പിതാവിനെ 2020 ലാണ് പൊലീസ് പിടികൂടിയത്. പ്രതിക്കുവേണ്ടി പൊലീസും എഫ്ബിഐയും 12 വർഷം നടത്തിയ തിരച്ചിലിനൊടുവിലാണ് ഇയാൾ അറസ്റ്റിലായത്.

പെൺകുട്ടികൾ ആൺ സുഹൃത്തുക്കളുമായി അടുത്തിടപഴകിയതാണ് പിതാവ് യാസറിനെ പ്രകോപിപ്പിച്ചത്. ദുരഭിമാനത്തിന്റെ പേരിൽ കുടുംബത്തിന്റെ മാനം കാക്കാൻ ഇയാൾ രണ്ട് പെൺമക്കളേയും അതിക്രൂരമായി കൊലപ്പെടുത്തുകയായിരുന്നു. ഈജിപ്റ്റിൽ ജനിച്ച യാസർ അബ്ദെൽ, അമേരിക്കയിൽ എത്തി ഡാലസിൽ ടാക്‌സി ഡ്രൈവറായി ജോലി ചെയ്തുവരുന്നതിനിടയിലാണ് കൊല നടത്തിയത്. ഡാലസ് ലൂയിസ് വില്ല ഹൈസ്‌ക്കൂൾ വിദ്യാർത്ഥികളായിരുന്നു കൊല്ലപ്പെട്ട സാറ യാസറും (17), അമിനാ യാസറും (18).

അറസ്്റ്റിലായ പ്രതി കുടുംബത്തിന്റെ മാനം രക്ഷിക്കാനാണ് കൊലപാതകം നടത്തിയതെന്ന് സമ്മതിച്ചുവെങ്കിലും, കോടതിയിൽ കുറ്റം നിഷേധിച്ചു. ഇർവിങ്ങിലുള്ള ഒരു ഹോട്ടലിനു മുന്നിൽ പാർക്കു ചെയ്തിരുന്ന കാറിലാണ് വെടിയേറ്റ ഇരുവരുടെയും മൃതദേഹം കണ്ടത്. 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP