Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202118Tuesday

പൊലീസിനെ കണ്ട് ഭയന്നോടിയ പതിമൂന്നുകാരനെ വെടിവെച്ച് കൊന്ന് അമേരിക്കൻ പൊലീസ്; തോക്കിൻ മുനയിൽ ഇരുകൈകളും ഉയർത്തിയ ബാലന്റെ നെഞ്ചത്ത് വെടിവെച്ച് കണ്ണില്ലാ ക്രൂരത: വീഡിയോ പുറത്ത് വന്നതിന് പിന്നാലെ ഷിക്കാഗോയിൽ ജനരോഷം ഇരമ്പുന്നു

പൊലീസിനെ കണ്ട് ഭയന്നോടിയ പതിമൂന്നുകാരനെ വെടിവെച്ച് കൊന്ന് അമേരിക്കൻ പൊലീസ്; തോക്കിൻ മുനയിൽ ഇരുകൈകളും ഉയർത്തിയ ബാലന്റെ നെഞ്ചത്ത് വെടിവെച്ച് കണ്ണില്ലാ ക്രൂരത: വീഡിയോ പുറത്ത് വന്നതിന് പിന്നാലെ ഷിക്കാഗോയിൽ ജനരോഷം ഇരമ്പുന്നു

സ്വന്തം ലേഖകൻ

ഷിക്കാഗോ: പൊലീസിനെ കണ്ട് ഭയന്നോടിയ പതിമൂന്നുകാരനെ അമേരിക്കൻ പൊലീസ് വെടിവെച്ചു കൊന്നു. തോക്കിൻ മുനയിൽ ഭയന്നു വിറത്ത് ഇരുകയ്യുകളും ഉയർത്തി നിന്ന കൗമാരക്കാരനായ ആഡം ടൊലേഡൊയെ ആണ് പൊലീസ് ഞൊടിയിടയിൽ വെടിവെച്ചിട്ടത്. നെഞ്ചിൽ വെടിയേറ്റ കുട്ടി സംഭവ സ്ഥലത്ത് തന്നെ മരിച്ചു. പൊലീസിന്റെ കണ്ണില്ലാ ക്രൂരതയുടെ വീഡിയോ പുറത്ത് വന്നതിന്് പിന്നാലെ ഷിക്കാഗോയിൽ ജനരോഷം പുകയുകയാണ്.

ജനങ്ങളോട് ശാന്തരാകണമെന്ന് ഷിക്കാഗോ മേയർ ലോറി ലൈറ്റ് ഫുട്ട് പറഞ്ഞു. ആഡമിന്റെ കയ്യിൽ നിന്നും ഹാൻഡ് ഗൺ കണ്ടെടുത്തതായാണ് പൊലീസ് പറയുന്നത്. എന്നാൽ പുറത്ത് വന്ന വീഡിയോയിൽ ഈ കുട്ടി ഓടുന്നത് കാണാം. കയ്യിൽ ഒന്നും തന്നെ ഇല്ലെന്നും വീഡിയോയിൽ വ്യക്തമാണ്. എന്നാല്ഡ പൊലീസുകാരന്റെ കൊലവിളിയിൽ ഇരുകൈകളും ഉയർത്തി നിന്ന കുട്ടിയുടെ നെഞ്ചിലേക്ക് വെടിയുതിർക്കുക ആയിരുന്നു. മാർച്ച് 29ന് രാവിലെയാണ് സംഭവം നടക്കുന്നത്.

കുട്ടിയുടെ കയ്യിൽ ആ ദിവസം രാവിലെ തോക്ക് കണ്ടിരുന്നതായാണ് പൊലീസിന്റെ വാദം. കൊല്ലപ്പെടുന്നതിന് മുമ്പായുള്ള വീഡിയോ ഫൂട്ടേജിൽ കുട്ടിയുടെ കയ്യിൽ തോക്ക് ഇരുന്നതിന്റെ ദൃശ്യം കാണാം. പൊലീസ് എത്തിയപ്പോൾ ഇത് വലിച്ചെറിയുകയും ചെയ്തതായി പറയുന്നു. എന്നാൽ തോക്ക് കയ്യിലിരുന്നതിന്റെ പേരിൽ കുട്ടിയെ വെടിവെച്ച് കൊന്നതിൽ രാജ്യത്ത് രോഷം പുകയുകയാണ്. ജോർജ് ഫ്‌ളോയിഡിനെ കൊലപ്പെടുത്തിയതിന്റെ പ്രതിഷേധം തീരും മുന്നേയാണ് അമേരിക്കയിൽ നിന്നും അടുത്ത കൊലപാതകത്തിന്റെ ദൃശ്യങ്ങൾ പുറത്ത് വന്നിരിക്കുന്നത്. അതും ഒരു കൊച്ചു ബാലകന്റേത്. ഇതോടെ ജനങ്ങൾ കടുത്ത പ്രതിഷേധത്തിലാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP