Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202026Saturday

വിദേശ ടൂറിന് പോകുമ്പോൾ സ്ത്രീവേശ്യകളുമായി കിടക്ക പങ്ക് വച്ചിട്ടുണ്ട്; തുറന്ന് പറച്ചിലുമായി ലോകപ്രശസ്ത പോപ്പ് ഗായിക ലില്ലി അലെൻ; പോപ്പ് മ്യൂസിക്ക് ലോകത്തെ പുത്തൻ അരാജകവിശേഷങ്ങളിൽ ഞെട്ടി സംഗീത പ്രേമികൾ

വിദേശ ടൂറിന് പോകുമ്പോൾ സ്ത്രീവേശ്യകളുമായി കിടക്ക പങ്ക് വച്ചിട്ടുണ്ട്; തുറന്ന് പറച്ചിലുമായി ലോകപ്രശസ്ത പോപ്പ് ഗായിക ലില്ലി അലെൻ; പോപ്പ് മ്യൂസിക്ക് ലോകത്തെ പുത്തൻ അരാജകവിശേഷങ്ങളിൽ ഞെട്ടി സംഗീത പ്രേമികൾ

മറുനാടൻ ഡെസ്‌ക്‌

ന്യൂയോർക്ക്:പോപ്പ് മ്യൂസിക് രംഗത്തെ ഇതിഹാസമായ മൈക്കൽ ജാക്സനടക്കം നിരവധി പ്രതിഭകൾ മയക്കുമരുന്നിനും ലൈംഗിക അരാജകത്വത്തിനും അടിമകളായിരുന്നുവെന്നത് ഏവർക്കും അറിയാവുന്ന കാര്യമാണ്. ഇപ്പോഴിതാ പോപ്പ് മ്യൂസിക് രംഗത്തെ പുതിയൊരു അരാജകവാർത്ത പുറത്ത് വന്നിരിക്കുകയാണ്. ലോക പ്രശസ്ത പോപ്പ് മ്യൂസിക് ഗായിക ലില്ലി അലെനാണ് തന്റെ ലൈംഗിക അരാജകത്വത്തിന്റെ രഹസ്യങ്ങൾ യാതൊരു സങ്കോചവുമില്ലാതെ പുറത്ത് വിട്ടിരിക്കുന്നത്. താൻ വിദേശടൂറിന് പോകുമ്പോൾ സ്ത്രീ വേശ്യകളുമായി കിടക്ക പങ്കിട്ടുണ്ടെന്നാണ് ലില്ലി വെളിപ്പെടുത്തി ആരാധകരെ സ്തംബ്ധരാക്കിയിരിക്കുന്നത്.

തന്റെ വിവാഹബന്ധം താറുമാറായതിനെ തുടർന്ന് തനിക്കുണ്ടായ നഷ്ടബോധവും ഏകാന്തതയും അതിജീവിക്കാനാണ് വേശ്യകളെ അഭയം പ്രാപിച്ചിരുന്നതെന്നും ലില്ലി തന്റെ പ്രവൃത്തിയെ ന്യായീകരിക്കുന്നു. തന്റെ ഈ പ്രവൃത്തിയിൽ അഭിമാനമൊന്നും തോന്നുന്നില്ലെന്നും എന്നാൽ താൻ ചെയ്തിരിക്കുന്നത് ലജ്ജാകരമായ പ്രവൃത്തിയല്ലെന്നും ലില്ലി വെട്ടിത്തുറന്ന് പറയുന്നു. ഇത്തരം സംഭവങ്ങളെക്കുറിച്ച് അടുത്ത് തന്നെ പുറത്തിറങ്ങാനിരിക്കുന്ന ഓർമക്കുറിപ്പുകളായ ' ഐ തോട്ട് എക്സാക്ട്ലി' യിൽ വിവരിച്ചിട്ടുണ്ടെന്നും ലില്ലി വെളിപ്പെടുത്തുന്നു.

തന്റെ ഒമ്പത് ലക്ഷത്തിനടുത്ത് വരുന്ന ഫോളോവേഴ്സിനോട് ഇൻസ്റ്റാഗ്രാമിലൂടെയും തന്റെ വേശ്യാ സമ്പർക്കത്തെക്കുറിച്ച് ലില്ലി തുറന്ന് വെളിപ്പെടുത്തിയിട്ടുണ്ട്. തന്റെ ആൽബം ഷീസുസ് റിലീസ് ചെയ്ത സമയത്ത് അതായത് 2014ൽലാണ് താൻ വേശ്യകളുമായി കിടക്ക പങ്കിടാൻ തുടങ്ങിയതെന്ന് ഗായിക പറയുന്നു. ഭർത്താവുമായുള്ള പ്രശ്നങ്ങളും അതിന് ഒരു വർഷം മുമ്പ് തന്റെ രണ്ടാമത്തെ കുഞ്ഞ് മാർനി പിറന്നതിനെ തുടർന്നുള്ള മാനസിക സമ്മർദത്തെയും അതിജീവിക്കാനായിരുന്നു ഈ ദുശീലത്തിലേക്ക് വഴുതി വീണത്. അഞ്ച് വർഷത്തെ വിവാഹജീവിതത്തിന് ശേഷം ബിസിനസുകാരനായ സാം കൂപ്പറുമായുള്ള ബന്ധം 2016ൽ ലില്ലി പിരിയുകയും ചെയ്തു.

ആ വേളയിൽ തന്റെ യുക്തിബോധവും വ്യക്തിത്വവും നഷ്ടപ്പെട്ടുവെന്നും താനൊരു മോശപ്പെട്ട അമ്മയായി മാറിയെന്നും അടുത്തിടെ നൽകിയ ഒരു അഭിമുഖത്തിൽ ലില്ലി വെളിപ്പെടുത്തിയിരുന്നു. ആ അവസരത്തിൽ താൻ മ്യൂസിക് പ്രഫഷനിലും പുറകോട്ട് പോയിരുന്നുവെന്ന് ലില്ലി വേദനയോടെ ഓർക്കുന്നു. അന്ന് മക്കൾക്ക് വേണ്ടി മാത്രം ജീവിക്കാൻ ശ്രമിച്ചിരുന്നുവെന്നും പണമൊന്നും ഉണ്ടാക്കിയിരുന്നില്ലെന്നും ഗായിക പറയുന്നു.

ലില്ലിയുടെ അച്ഛനമ്മമാരായ കെയ്ത്ത് അല്ലെനും സിനിമാനിർമ്മാതാവായ അലിസൻ ഓവനും ലില്ലിക്ക് വെറും നാല് വയസുള്ളപ്പോഴായിരുന്നു വേർപിരിഞ്ഞിരുന്നത്. വളരെ ഏകാന്തമായ ബാല്യമായിരുന്നു മദ്യപാനിയായ പിതാവിനൊപ്പം കഴിയേണ്ടി വന്നപ്പോൾ താൻ അനുഭവിച്ചിരുന്നതെന്ന് ലില്ലി വേദനയോടെ ഓർക്കുന്നു.

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP