Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202113Thursday

അച്ഛനും മക്കളും തമ്മിലെ സ്നേഹത്തെ കുറിച്ച് പുസ്തകമെഴുതി മേഗൻ മാർക്കെൽ; സ്വന്തം അച്ഛനെ തള്ളുകയും ഹാരിയെ പിതാവിൽ നിന്നകറ്റുകയും ചെയ്ത മേഗന്റെ പുസ്തകത്തെ ട്രോളി വായനക്കാർ

അച്ഛനും മക്കളും തമ്മിലെ സ്നേഹത്തെ കുറിച്ച് പുസ്തകമെഴുതി മേഗൻ മാർക്കെൽ; സ്വന്തം അച്ഛനെ തള്ളുകയും ഹാരിയെ പിതാവിൽ നിന്നകറ്റുകയും ചെയ്ത മേഗന്റെ പുസ്തകത്തെ ട്രോളി വായനക്കാർ

മറുനാടൻ ഡെസ്‌ക്‌

ലണ്ടൻ: അഭിനയത്തിൽ നിന്നും പുസ്തക രചനയിലേക്ക് കടക്കുകയാണ് മേഗൻ മാർക്കൽ. ഹാരിയും പുത്രൻ ആർച്ചിയും തമ്മിലുള്ള ബന്ധത്തിൽ നിന്നും പ്രചോദനം കൊണ്ടാണത്രെ തന്റെ പുതിയ പുസ്തകമായ ''ദി ബെഞ്ച്'' എന്നതിന്റെ രചന നിർവഹിച്ചിരിക്കുന്നത്. ബാലസാഹിത്യ വിഭാഗത്തിൽ പെടുന്ന ഈ പുസ്തകത്തിന്റെ വില 18.99 ഡോളറായിരിക്കും എന്നും അവർ പറഞ്ഞു. ആർച്ചി ജനിച്ച് ഒരു മാസം കഴിഞ്ഞ് എത്തിയ പിതൃദിനത്തിൽ ഹാരിക്കായി ഒരു കവിത എഴുതിക്കൊണ്ടായിരുന്നു സാഹിത്യലോകത്തേക്ക് പ്രവേശിച്ചതെന്നും മേഗൻ പറയുന്നു.

ഈ കവിത തന്നെയാൺ' ഈ പുസ്തകത്തിനു പിന്നെലെ ആദ്യ പ്രചോദനം. പിന്നീട് ഹാരിക്കും മകനുമിടയിൽ വളർന്നുവരുന്ന സ്നേഹബന്ധം കൂടുതൽ പ്രചോദനമേകി.ബ്രിട്ടനിലും അമേരിക്കയിലും ഒരേസമയം ഈ പുസ്തകം പ്രകാശനം ചെയ്യുമെന്നും അവർ പറഞ്ഞു. അച്ഛനും മകനും തമ്മിലുള്ള ബന്ധം ഒരു അമ്മയുടെ കണ്ണിലൂടെ നോക്കിക്കാണുകയാണ് ഈ പുസ്തകത്തിൽ.

റാൻഡം ഹൗസ് ചിൽഡ്രൻസ് ബുക്ക്സ്, ഈ വരുന്ന ജൂൺ 8 ന് പ്രസിദ്ധീകരിക്കാനിരിക്കുന്ന ഈ പുസ്തകത്തിലെ ചിത്രങ്ങൾ വരച്ചിരിക്കുന്നത് പ്രശസ്ത കാലിഫോർണിയൻ ചിത്രകാരനായ ക്രിസ്റ്റ്യൻ റോബിൻസൺ ആണ്. തികച്ചും വ്യത്യസ്തരായ ഒരു കൂട്ടം അച്ഛന്മാരുടെയും മക്കളുടെയും കഥകളിലൂടെയാണ് രചന പുരോഗമിക്കുന്നത്. ഈ പുസ്തകത്തോടൊപ്പം മേഗന്റെ ഒരു ഓഡിയോ പുസ്തകവും നൽകുന്നുണ്ട്. ഇതിന് 4.99 ഡോളറാണ് വിലയിട്ടിരിക്കുന്നത്. ഈ ഗ്രന്ഥത്തിനെയും ഓഡിയോ ബുക്കിന്റെയും വില്പനയിലൂടെ ലക്ഷങ്ങൾ നേടാനാകും എന്ന പ്രതീക്ഷയിലാണ് മേഗൻ.

അമേരിക്കൻ സൈന്യത്തിന്റെ തൊപ്പി ധരിച്ചിരിക്കുന്ന ഒരു ചെമ്പൻ മുടിക്കാരൻ തന്റെ കുഞ്ഞിനെ എടുത്തുകൊണ്ട് നിൽക്കുന്നതും അത് പുറകിലെ ജാലകത്തിലൂടെ ഒരു സ്ത്രീ വീക്ഷിക്കുന്നതുമായ ഒരു ചിത്രമാണ് ഇപ്പോൾ ഈ പുസ്തകത്തിന്റെ വാർത്തയ്ക്കൊപ്പം നൽകിയിരിക്കുന്നത്. അഫ്ഗാനിസ്ഥാനിൽ സൈനിക സേവനം നടത്തിയിരുന്ന ഹാരിയെ പ്രതീകവത്ക്കരിക്കുകയാണ് ഈ ചിത്രത്തിലൂടെ എന്നാണ് നിരൂപകർ ഇതിനെ കുറിച്ച് പറയുന്നത്. ''ഇത് നിങ്ങളുടെ ബെഞ്ച്, ഇവിടെ നിന്നാണ് അങ്ങയുടെയും നമ്മുടെ കുഞ്ഞിന്റെയും ജീവിതം ആരംഭിക്കുന്നത്'' എന്നൊരു അടിക്കുറിപ്പും ഈ ചിത്രത്തിന് നൽകിയിട്ടുണ്ട്.

ഒരു പിതൃദിനത്തിൽ ഹരിക്കായി എഴുതിയ ദി ബെഞ്ച് എന്ന കവിതയുടെ വിപുലീകരണമാൺ! ഈ കഥ എന്നാണ് മേഗൻ പറയുന്നത്. കഥയുടെ ആത്മാവ് ഒട്ടും ചോരാതെ ക്രിസ്റ്റ്യൻ അതിന് വരമൊഴിയിലൂടെ മറ്റൊരു ഭാഷ്യം കൂടി തീർത്തു എന്നും അവർ പറയുന്നു. ലക്ഷക്കണക്കിന് കുടുംബങ്ങൾ ഈ പുസ്തകത്തെ ഇരുകൈയും നീട്ടി സ്വീകരിക്കും എന്നും മേഗൻ പ്രതീക്ഷിക്കുന്നു. ഈ പുസ്തക രചനയ്ക്കായി മേഗന് മുൻകൂർ പണം ലഭിച്ചോ എന്നും അതിൽ ഒരു ഭാഗം ജീവകാരുണ്യ പ്രവർത്തനങ്ങൾക്കായി നീക്കിവച്ചോ എന്നും വ്യക്തമല്ല. എന്നാൽ, മേഗന്റെ ആദ്യ പുസ്തകം പ്രസിദ്ധീകരിക്കുവാനായി, പ്രസാധകർക്കിടയിൽ കടുത്ത മത്സരം നടന്നു എന്നും മേഗന് മുൻകൂറായി ചുരുങ്ങിയത് 5 ലക്ഷം പൗണ്ടെങ്കിലും ലഭിച്ചു കാണും എന്നുമാണ് വിപണിയിലെ ചില കേന്ദ്രങ്ങൾ സൂചിപ്പിക്കുന്നത്.

നേരത്തേ, ബ്രിട്ടീഷ് രാജകുടുംബത്തിലെ സാറാ രാജകുമാരി കുട്ടികൾക്ക് വേണ്ടി പുസ്തകങ്ങളുടെ ഒരു സീരീസ് തന്നെ എഴുതിയിരുന്നു. വിപണിയിൽ ചൂടപ്പം പോലെ വിറ്റഴിഞ്ഞ ഈ പുസ്തക സീരീസായിരിക്കും മേഗന് യഥാർത്ഥത്തിൽ പ്രചോദനമായിട്ടുണ്ടാവുക എന്നാണ് വിമർശകർ പറയുന്നത്. ചാൾസ് രാജകുമാരനും കുട്ടികൾക്കായുള്ള ഒരു പുസ്തകം രചിച്ചിട്ടുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP