Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202107Friday

വാക്സിൻ സ്വീകരിക്കാത്തവർ വിദേശത്തേയ്ക്ക് പോകേണ്ട; കോവിഡ് വ്യാപനം തടയാൻ വിലക്കുമായി കുവൈത്ത് സർക്കാർ

വാക്സിൻ സ്വീകരിക്കാത്തവർ വിദേശത്തേയ്ക്ക് പോകേണ്ട; കോവിഡ് വ്യാപനം തടയാൻ വിലക്കുമായി കുവൈത്ത് സർക്കാർ

മറുനാടൻ ഡെസ്‌ക്‌

കുവൈത്ത് സിറ്റി: രാജ്യത്ത് വാക്സിൻ സ്വീകരിക്കാത്ത താമസക്കാർക്ക് വിദേശരാജ്യങ്ങളിലേക്ക് യാത്ര ചെയ്യുന്നതിന് വിലക്ക് ഏർപ്പെടുത്തി കുവൈത്ത്.കോവിഡ് വ്യാപനം തടയുന്നതിന്റെ ഭാഗമായാണ് നടപടി. വിലക്ക് ഇന്ത്യ പോലെ നിരവധി പ്രവാസികൾ ഉള്ള രാജ്യങ്ങൾക്ക് തിരിച്ചടിയാകും. യാത്രാനിരോധനം ഈ മാസം 22 മുതൽ പ്രാബല്യത്തിൽ വരും.

മന്ത്രിസഭാ യോഗത്തിലാണ് തീരുമാനം. രണ്ടാം ഡോസ് വാക്സിൻ വിതരണത്തിന് വാക്സിൻ ക്ഷാമം നേരിടുന്നതായി ആരോഗ്യവകുപ്പ് മുന്നറിയിപ്പ് നൽകിയിരുന്നു. ഇതിന് പിന്നാലെയാണ് താമസക്കാർക്ക് വിദേശരാജ്യങ്ങളിലേക്ക് യാത്ര ചെയ്യുന്നതിന് കുവൈത്ത് യാത്രാവിലക്ക് ഏർപ്പെടുത്തിയത്. യാത്രാവിലക്ക് താമസക്കാരുടെ ഇടയിൽ ആശയക്കുഴപ്പം സൃഷ്ടിച്ചതായാണ് റിപ്പോർട്ടുകൾ.

ഫൈസറിന്റെ ആദ്യ ഡോസ് എടുത്തവർക്ക് രണ്ടാം ഡോസിന് ആറാഴ്ച വരെ കാത്തിരിക്കണം. ആസ്ട്രാസെനേക്ക വാക്സിൻ എടുത്തവർക്ക് നാല് മാസം വരെ കാത്തിരിക്കണം. ഏതെങ്കിലും കാരണത്താൽ രണ്ടാമത്തെ ഡോസ് കിട്ടാതെ വരുന്നവർക്ക് വിലക്ക് ബാധകമല്ലെന്നും സർക്കാർ അറിയിച്ചു. നിലവിൽ രാജ്യത്തേയ്ക്ക് പ്രവേശിക്കുന്നതിന് പ്രവാസികൾക്ക് വിലക്ക് ഏർപ്പെടുത്തിയിട്ടുണ്ട്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP