Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202004Friday

സുഹൃത്തുക്കളെക്കുറിച്ച് ഇങ്ങനെയല്ല പ്രതികരിക്കേണ്ടത്; ട്രംപ് നടത്തിയ ഇന്ത്യാ വിരുദ്ധ പരാമർശനത്തിനെ വിമർശിച്ച് ഡോ ബൈഡൻ; ആഗോളപ്രശ്‌നങ്ങളെക്കുറിച്ച് ട്രംപിന് വലിയ ധാരണയില്ലെന്നും കുറ്റപ്പെടുത്തൽ; കമല മത്സരരംഗത്ത് എത്തിയതോടെ ട്രംപ് ഇന്ത്യയെ തള്ളിയെന്ന് എതിരാളികളും  

മറുനാടൻ ഡെസ്‌ക്‌

വാഷിങ്ടൺ: ട്രംപ് നടത്തിയ ഇന്ത്യാ വിരുദ്ധ പരാമർശനത്തിനെ വിമർശിച്ച് ഡോ ബൈഡൻ. ഇന്ത്യയുടെ വായു മലിനമാണെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വിമർശനത്തിനെതിരെയാണ് ഡെമോക്രാറ്റിക് പാർട്ടി സ്ഥാനാർത്ഥി ജോ ബൈഡൻ രംഗത്തെത്തിയത്.

സുഹൃത്തുക്കളെക്കുറിച്ച് ഇങ്ങനെയല്ല പ്രതികരിക്കേണ്ടിയിരുന്നതെന്നും ആഗോളപ്രശ്‌നങ്ങളെക്കുറിച്ച് ട്രംപിന് വലിയ ധാരണ ഇല്ലെന്നുമായിരുന്നു ട്വിറ്ററിലൂടെയുള്ള ബൈഡന്റെ പ്രതികരണം. ഇന്ത്യ- അമേരിക്ക സൗഹൃദത്തിന് കൂടുതൽ ശോഭനമായ ഭാവിയുണ്ടെന്ന ലേഖനം പങ്കുവച്ചുകൊണ്ടായിരുന്നു അദ്ദേഹത്തിന്റെ പ്രതികരണം. താൻ അധികാരത്തിൽ എത്തിയാൽ പാരീസ് ഉടമ്പടിയിൽ വീണ്ടും ചേരുമെന്നും അദ്ദേഹം പറഞ്ഞു.

പ്രസിഡന്റ് തിരഞ്ഞെടുപ്പിന് മുന്നോടിയായി നടന്ന അവസാനവട്ട സംവാദത്തിലാണ് ഇന്ത്യയെ ട്രംപ് വിമർശിച്ചത്. പാരീസ് കാലാവസ്ഥാ ഉടമ്പടിയിൽ നിന്ന് അമേരിക്ക പിൻവാങ്ങിയതിനെ ന്യായീകരിച്ചുകൊണ്ട് സംസാരിക്കവെ ഇന്ത്യയും ചൈനയും വായുമലിനീകരണം ഇല്ലാതാക്കാൻ ഒന്നും ചെയ്യുന്നില്ലെന്നും ഇന്ത്യയുടെയും ചൈനയുടെയും വായു മലിനമാണെന്നും ട്രംപ് പറഞ്ഞത്.ഇന്ത്യയും പ്രധാനമന്ത്രി നരേന്ദ്ര മോദിയും നല്ല സുഹൃത്തുക്കളാണെന്നാണ് ട്രംപ് എപ്പോഴും പറഞ്ഞിരുന്നത്.

എന്നാൽ തിരഞ്ഞെടുപ്പിൽ ഇന്ത്യൻ വംശജയായ കമലാ ഹാരിസ് ഡെമോക്രാറ്റിക് വൈസ് പ്രസിഡന്റ് സ്ഥാനാർത്ഥിയായതോടെയാണ് ഇന്ത്യയെ വിമർശിച്ച് തുടങ്ങിയത്. ഇന്ത്യൻ വംശജരുടെ വോട്ടുകളിൽ ലക്ഷ്യംവച്ചാണ് ട്രംപ് മോദിയെയും ഇന്ത്യയെയും പുകഴ്‌ത്തിയിരുന്നതെന്നും ഇന്ത്യക്കാരുടെ വോട്ട് കിട്ടില്ലെന്നായപ്പോഴാണ് ഇന്ത്യയെ വിമർശിക്കുന്നതെന്നുമാണ് എതിരാളികൾ പറയുന്നത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP