Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

വെള്ളക്കാർക്ക് വേണ്ടി ഫിലിപ്പിൻസിൽ വെബ്കാം പെൺവാണിഭം; എട്ടും പത്തും വയസ്സുള്ള പെൺകുട്ടികൾ ദുരുപയോഗം ചെയ്യപ്പെടുന്നത് കാണിക്കുന്നത് പ്രത്യേക നിരക്ക് ഈടാക്കി

വെള്ളക്കാർക്ക് വേണ്ടി ഫിലിപ്പിൻസിൽ വെബ്കാം പെൺവാണിഭം; എട്ടും പത്തും വയസ്സുള്ള പെൺകുട്ടികൾ ദുരുപയോഗം ചെയ്യപ്പെടുന്നത് കാണിക്കുന്നത് പ്രത്യേക നിരക്ക് ഈടാക്കി

ട്ടും പത്തും വയസ്സുള്ള കുരുന്ന് പെൺകുട്ടികളെ ദുരുപയോഗം ചെയ്യുന്ന വെബ്കാം ദൃശ്യങ്ങൾ ഓൺലൈനിലൂടെ വിറ്റഴിക്കുന്നതായി കണ്ടെത്തി. ഫിലിപ്പിൻസിലെ രഹസ്യ കേന്ദ്രങ്ങളിൽനിന്നാണ് കുരുന്നുകളെ ലൈംഗികമായി പീഡിപ്പിക്കുന്നതിന്റെ വെബ്കാം ദൃശ്യങ്ങൾ പ്രത്യേക നിരക്ക് ഈടാക്കി വെബ്‌സൈറ്റുകളിലൂടെ വിതരണം ചെയ്യുന്നത്.

വെബ്‌സൈറ്റിലെത്തുന്നവർക്ക് വെബ്കാമിലൂടെ ഇഷ്ടപ്പെട്ട പെൺകുട്ടിയെ തിരഞ്ഞെടുക്കാം. പിന്നീട് ആ പെൺകുട്ടിയെ ലൈംഗികപീഡനം നടത്തുന്ന ദൃശ്യങ്ങൾ തത്സമയം കാണാനാകും. ഇത്തരം പെൺകുട്ടികളെ തേടി സായിപ്പന്മാർ ഫിലിപ്പിൻസിലെ ചേരികളിലെത്തുന്നതായും അന്വേഷണത്തിൽ കണ്ടെത്തി.

ബെൽജിയംകാരനായ പത്രപ്രവർത്തകൻ പീറ്റർ ബ്രിഡ്ജാണ് (പേര് യഥാർഥമല്ല) ഞെട്ടിപ്പിക്കുന്ന വിവരങ്ങൾ കണ്ടെത്തിയത്. ഓൺലൈനിലൂടെയുള്ള ലൈംഗിക വ്യാപാരത്തെക്കുറിച്ച് അന്വേഷിക്കുന്നതിന് രണ്ടുവർഷത്തോളമാണ് ചെലവിട്ടത്. ഉപഭോക്താക്കൾക്കായി ഫിലിപ്പിൻസിൽനിന്ന് ബാലരതിയുടെ വെബ്കാം ദൃശ്യങ്ങൾ നൽകുന്ന ശൃംഖലയെ പുറത്തുകൊണ്ടാവരാൻ അദ്ദേഹത്തിനായി.

ഫിലിപ്പിൻസ് നാഷണൽ പൊലീസിന്റെ വനിതാ ശിശു സംരക്ഷണ സമിതിയുമായി ചേർന്ന് പ്രവർത്തിച്ചാണ് പീറ്റർ ബ്രിഡ്ജ് അന്വേഷണം നടത്തിയത്. അമേരിക്കൻ സന്നദ്ധ സംഘടനയായ ജസ്റ്റിസ് മിഷനും ഇതിന്റെ ഭാഗമായി പ്രവർത്തിച്ചിരുന്നു. ബാലരതിയിൽ താത്പര്യമുള്ളയാൾ എന്ന വ്യാജേനയാണ് ഈ ശൃംഖലയിലേക്ക് പീറ്റർ നുഴഞ്ഞുകയറിയത്.

അന്വേഷണത്തിന്റെ ഭാഗമായി ഫിലിപ്പിൻസിലെ ഒരു കേന്ദ്രത്തിലെത്തിയ പീറ്ററിന് മുന്നിൽ 17 മുതൽ താഴേയ്ക്ക് വിവിധ പ്രായത്തിലുള്ള പെൺകുട്ടികളം നിരത്തി നിർത്തി തിരഞ്ഞെടുക്കാൻ ആവശ്യപ്പെട്ടു. ചെറിയ പ്രായത്തിലുള്ള രണ്ട് പെൺകുട്ടികളെയാണ് വേണ്ടതെന്ന് പറഞ്ഞപ്പോൾ അവർ അംഗീകരിച്ചതായും പീറ്റർ പറയുന്നു.

12 വയസ്സുള്ള പെൺകുട്ടികൾ പോലും തന്നെക്കാൾ ചെറിയ പെൺകുട്ടികളെ ഈ രംഗത്തേയ്ക്ക് കൊണ്ടുവരാൻ ശ്രമിക്കുന്നുണ്ടെന്ന നടുക്കുന്ന യാഥാർഥ്യവും പീറ്റർ കണ്ടെത്തി. രഹസ്യമായി കാര്യങ്ങൾ ചെയ്യാൻ പരിശീലനം സിദ്ധിച്ച രീതിയിലാണ് ചെറിയ പെൺകുട്ടികൾ പ്രവർത്തിച്ചതെന്നും അദ്ദേഹം പറയുന്നു.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP