Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202428Tuesday

ഇമ്രാൻ ഖാന്റെ ജയിൽ സുരക്ഷക്കായി പ്രതിമാസ ചെലവ് 12 ലക്ഷം രൂപ! സുരക്ഷാ ചെലവ് വെളിപ്പെടുത്തി ജയിൽ സൂപ്രണ്ട് ലഹോർ ഹൈക്കോടതിയിൽ

ഇമ്രാൻ ഖാന്റെ ജയിൽ സുരക്ഷക്കായി പ്രതിമാസ ചെലവ് 12 ലക്ഷം രൂപ! സുരക്ഷാ ചെലവ് വെളിപ്പെടുത്തി ജയിൽ സൂപ്രണ്ട് ലഹോർ ഹൈക്കോടതിയിൽ

മറുനാടൻ ഡെസ്‌ക്‌

ഇസ്‌ലാമാബാദ്: റാവൽപിണ്ടിയിലെ അഡിയാല ജയിലിൽ കഴിയുന്ന പാക്കിസ്ഥാൻ മുൻ പ്രധാനമന്ത്രി ഇമ്രാൻ ഖാന്റെ ജയിൽ സുരക്ഷാ നടപടികൾക്കായി പ്രതിമാസ ബില്ല് 12 ലക്ഷം പാക്കിസ്ഥാൻ രൂപയിലധികം ചെലവു വരുന്നതായി ജയിൽ സൂപ്രണ്ട് ലാഹോർ ഹൈക്കോടതിയിൽ റിപ്പോർട്ട് നൽകി. റാവൽപിണ്ടിയിലെ അഡിയാല ജയിലിൽ പ്രത്യേക സുരക്ഷാ നടപടികൾക്കായാണ് ഇത്രയും തുക ചെലവഴിക്കുന്നത്.

71 കാരനായ ഇമ്രാൻ ഖാന് നൽകിയിട്ടുള്ള സൗകര്യങ്ങളിൽ പ്രത്യേക സി.സി.ടി.വി കാമറ സംവിധാനവും സ്ഥാപിച്ചതായി വാർത്താ ഏജൻസിയായ പി.ടി.ഐ റിപ്പോർട്ട് ചെയ്യുന്നു. അദ്ദേഹത്തിന്റെ ഭക്ഷണം ഒരു അസിസ്റ്റന്റ് സൂപ്രണ്ടിന്റെ മേൽനോട്ടത്തിൽ പ്രത്യേക അടുക്കളയിലാണ് തയ്യാറാക്കുന്നത്. തുടർന്ന് മെഡിക്കൽ ഓഫീസറോ ഡെപ്യൂട്ടി സൂപ്രണ്ടോ വിളമ്പുന്നതിന് മുമ്പ് പരിശോധിക്കുകയും ചെയ്യുന്നതായും പാക്കിസ്ഥാൻ ദിനപത്രമായ ദി എക്സ്‌പ്രസ് ട്രിബ്യൂണിനെ ഉദ്ധരിച്ച് പി.ടി.ഐ റിപ്പോർട്ട് ചെയ്യുന്നു.

വാർത്താ ഏജൻസിയായ പി.ടി.ഐ റിപ്പോർട്ട് ചെയ്യുന്നതനുസരിച്ച് ഹോളി ഫാമിലി ഹോസ്പിറ്റലിലെ ഡോക്ടർമാരാണ് ഇമ്രാൻ ഖാന് വൈദ്യസഹായം നൽകുന്നത്. സൈഫർ, തോഷഖാന കേസുകളിൽ ശിക്ഷിക്കപ്പെട്ട് ഇമ്രാൻ ഖാൻ ജലിലിലാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP