Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202105Sunday

ഹജ്ജ് 2021; ബുക്ക് ചെയ്തവർക്ക് റദ്ദാക്കാൻ വേണ്ട നടപടികൾ പ്രഖ്യാപിച്ചു; പൂർത്തീകരിക്കേണ്ട അഞ്ചോളം നടപടികൾ അറിയാം

ഹജ്ജ് 2021; ബുക്ക് ചെയ്തവർക്ക് റദ്ദാക്കാൻ വേണ്ട നടപടികൾ പ്രഖ്യാപിച്ചു; പൂർത്തീകരിക്കേണ്ട അഞ്ചോളം നടപടികൾ അറിയാം

മറുനാടൻ മലയാളി ബ്യൂറോ

റിയാദ്: ഈ വർഷത്തെ ഹജ്ജിന് ബുക്ക് ചെയ്തത് റദ്ദാക്കാൻ സ്വീകരിക്കേണ്ട നടപടികൾ സൗദി ഹജ്ജ്, ഉംറ മന്ത്രാലയം പ്രഖ്യാപിച്ചു. പണമടച്ച ശേഷം ഹജ്ജ് പെർമിറ്റ് ഇഷ്യു ചെയ്യുന്നതിനു മുമ്പായി ബുക്കിങ് റദ്ദാക്കാൻ ഇ-ട്രാക്കിൽ പ്രവേശിച്ച് ആദ്യ പേജിലെ മെയിൻ ലിസ്റ്റിൽ നിന്ന് ബുക്കിങ് റദ്ദാക്കൽ ഐക്കൺ തെരഞ്ഞെടുക്കുകയാണ് വേണ്ടത്. തുടർന്ന് ബുക്കിങ് നമ്പറോ തിരിച്ചറിയൽ കാർഡ്, ഇഖാമ നമ്പറുകളോ നൽകണം. മൊബൈൽ ഫോണിൽ ലഭിക്കുന്ന ഒ.ടി.പി നമ്പർ നൽകുകയാണ് മൂന്നാമത്തെ നടപടി.

ഇതോടെ ബുക്കിങ് വിശദാംശങ്ങൾ പ്രത്യക്ഷപ്പെടും. ബുക്കിങ് റദ്ദാക്കൽ ഐക്കൺ വഴി ബുക്കിങ് പൂർണമായോ കൂട്ടത്തിൽപെട്ട ഒരാളെ മാത്രമായോ റദ്ദാക്കാൻ സാധിക്കും. പണമടച്ച് ഹജ്ജ് പെർമിറ്റ് ഇഷ്യു ചെയ്ത ശേഷം ബുക്കിങ് റദ്ദാക്കാൻ അഞ്ചു നടപടികൾ പൂർത്തിയാക്കണം. ഇ-ട്രാക്കിൽ പ്രവേശിച്ച് ഖിദ്മാത്തീ ഐക്കണിൽ നിന്ന് അബ്ശിർ പ്ലാറ്റ്ഫോമിലൂടെയുള്ള പെർമിറ്റ് റദ്ദാക്കൽ സേവനം തെരഞ്ഞെടുക്കുകയാണ് ആദ്യം വേണ്ടത്. ഇതോടെ ആദ്യ പേജിലെ മെയിൻ ലിസ്റ്റിൽ ബുക്കിങ് റദ്ദാക്കൽ ഐക്കൺ കാണാൻ കഴിയും.

ശേഷം ബുക്കിങ് നമ്പറോ തിരിച്ചറിയൽ കാർഡ്, ഇഖാമ നമ്പറുകളോ നൽകണം. ഇതോടെ മൊബൈൽ ഫോണിൽ ഒ.ടി.പി നമ്പർ ലഭിക്കും. ഈ നമ്പർ നൽകുന്നതോടെ ബുക്കിങ് വിശദാംശങ്ങൾ പ്രത്യക്ഷപ്പെടുകയും ബുക്കിങ് റദ്ദാക്കൽ ഐക്കൺ വഴി ബുക്കിങ് പൂർണമായോ കൂട്ടത്തിൽപെട്ട ഒരാളെ മാത്രമായോ റദ്ദാക്കാൻ സാധിക്കുമെന്നും ഹജ്ജ്, ഉംറ മന്ത്രാലയം വ്യക്തമാക്കി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP