Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202109Thursday

ബുർജ് ഖലീഫയ്ക്ക് സമീപം താഴ്ന്ന് പറന്നു; കാഴ്ചക്കാർക്ക് വിരുന്നായി 'എക്സ്പോ സ്പെഷ്യൽ' എമിറേറ്റ്സ് വിമാനം

ബുർജ് ഖലീഫയ്ക്ക് സമീപം താഴ്ന്ന് പറന്നു; കാഴ്ചക്കാർക്ക് വിരുന്നായി 'എക്സ്പോ സ്പെഷ്യൽ' എമിറേറ്റ്സ് വിമാനം

ന്യൂസ് ഡെസ്‌ക്‌

ദുബൈ: ദുബൈ എക്സ്പോ 2020ന്റെ പ്രചാരണത്തിനായി പ്രത്യേകം ഡിസൈൻ ചെയ്ത എമിറേറ്റ്സ് വിമാനം ബുർജ് ഖലീഫയ്ക്ക് സമീപം താഴ്ന്ന് പറന്നു. 11 നിറങ്ങളാണ് വിമാനത്തിൽ മനോഹരമായി സമന്വയിപ്പിച്ചിരിക്കുന്നത്. 16 ദിവസം കൊണ്ടാണ് വിമാനം പൂർണമായും പെയിന്റ് ചെയ്തത്.

പൊതുജനങ്ങൾക്ക് ചിത്രങ്ങളെടുക്കാനുള്ള അവസരം നൽകിയാണ് വിമാനം പറന്നത്. എമിറേറ്റ്സിന്റെ എ 380 വിമാനമാണ് എക്സ്പോ പ്രചാരണത്തിനായി പ്രത്യേകം ഡിസൈൻ ചെയ്തിട്ടുള്ളത്.

 

ശൈഖ് സായിദ് റോഡിന് സമീപത്തും ദുബൈ നഗരത്തിലും വിമാനം താഴ്ന്ന് പറക്കുമെന്ന് നേരത്തെ അറിയിച്ചിരുന്നു. 'സീ യു ദെയർ' എന്ന് എഴുതിയ, നീല നിറം പൂശിയ വിമാനത്തിന് പച്ച, ഓറഞ്ച്, പിങ്ക്, പർപ്പിൾ, ചുവപ്പ് എന്നിങ്ങനെ ആകർഷകമായ നിറങ്ങളും വിമാനത്തിന് നൽകിയിട്ടുണ്ട്. വിമാനത്തിന്റെ ചിറകുകൾക്ക് താഴെയുള്ള എഞ്ചിൻ കൗളുകളിൽ എക്സ്പോയുടെ തീയതിയും കുറിച്ചിട്ടുണ്ട്.

മൂന്ന് വിമാനങ്ങളാണ് എമിറേറ്റ്സ് എക്സ്പോയ്ക്കായി രൂപമാറ്റം വരുത്തിയത്. എമിറേറ്റ്സിന്റെ പ്രചാരണത്തിന് ബുർജ് ഖലീഫയുടെ മുകളിൽ ചിത്രീകരിച്ച വീഡിയോയിലെ എയർഹോസ്റ്റസിന്റെ ചിത്രവും വിമാനത്തിൽ പതിച്ചിട്ടുണ്ട്. ഈ വിമാനം ഡിസൈൻ ചെയ്തതും പെയിന്റ് ചെയ്തതുമെല്ലാം എമിറേറ്റ്സ് സംഘം തന്നെയാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP