Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202116Saturday

സിഡ്‌നിയിലെ മൈതാനത്ത് പോരാട്ടച്ചൂട്; ഗാലറിയിൽ പ്രണയമഴ; കഥാനായകൻ ഇന്ത്യൻ ആരാധകൻ; നായിക ഓസ്‌ട്രേലിയൻ ആരാധിക; രണ്ടാം ഏകദിനത്തിനിടെ ഒരു ഇന്ത്യൻ പ്രണയ വിജയഗാഥ

സിഡ്‌നിയിലെ മൈതാനത്ത് പോരാട്ടച്ചൂട്; ഗാലറിയിൽ പ്രണയമഴ; കഥാനായകൻ ഇന്ത്യൻ ആരാധകൻ; നായിക ഓസ്‌ട്രേലിയൻ ആരാധിക; രണ്ടാം ഏകദിനത്തിനിടെ ഒരു ഇന്ത്യൻ പ്രണയ വിജയഗാഥ

ന്യൂസ് ഡെസ്‌ക്‌

സിഡ്‌നി: ഇന്ത്യ - ഓസ്‌ട്രേലിയ രണ്ടാം ഏകദിന ക്രിക്കറ്റ് മത്സരത്തിനിടെ കൗതുകം പകർന്ന് ഗാലറിയിൽ ഒരു വിവാഹ അഭ്യർത്ഥന. ഓസിസിനെതിരെ ഇന്ത്യ കൂറ്റൻ വിജയലക്ഷ്യം പിന്തുടരുന്നതിനിടെയാണ് ക്രിക്കറ്റ് ആരാധകർക്ക് വിരുന്നായി ആ കാഴ്ച എത്തിയത്. വിവാഹ അഭ്യർത്ഥന നടത്തിയത് ഇന്ത്യക്കാരനായ യുവാവ്. കഥാനായിക ഓസിസ് ആരാധിക.

ഇന്ത്യൻ ഇന്നിങ്‌സ് ഇരുപതാം ഓവർ പിന്നിടുന്നതിനിടെയാണ് രസകരമായ രംഗം അരങ്ങേറിയത്.  ഓസീസ് ആരാധികയ്ക്കു മുന്നിലെത്തിയ ഇന്ത്യൻ ആരാധകൻ മുട്ടുകുട്ടിനിന്ന് വിവാഹമോതിരം നീട്ടി. ഓസ്‌ട്രേലിയൻ ആരാധിക ആഹ്ലാദത്തോടെ സ്വീകരിച്ചതോടെ ഗാലറിയിൽ കരഘോഷം. കോവിഡ് വ്യാപനത്തിന്റെ പശ്ചാത്തലത്തിൽ നിയന്ത്രണങ്ങളോടെ മത്സരം കാണാൻ ഓസ്‌ട്രേലിയയിൽ ആരാധകർക്ക് അനുമതി നൽകിയിരുന്നത്. സ്‌റ്റേഡിയത്തിൽ ഉൾക്കൊള്ളാവുന്നതിന്റെ പകുതിയോളം കാണികൾക്കാണ് അനുമതി ഉണ്ടായിരുന്നത്.

ക്രിക്കറ്റിന്റെ ആവേശച്ചൂടിനിടെ അരങ്ങേറിയ വിവാഹ അഭ്യർത്ഥനയുടെ വിഡിയോ ക്രിക്കറ്റ് ഓസ്‌ട്രേലിയ ട്വീറ്റ് ചെയ്തതോടെ സംഭവം വൈറലായി. ഇന്ത്യൻ വംശജയായ യുവതിയെ ജീവിത പങ്കാളിയാക്കിയ ഓസ്‌ട്രേലിയൻ താരം ഗ്ലെൻ മാക്‌സ്‌വെൽ, ഗാലറിയിലെ ഈ ഇന്ത്യ ഓസീസ് പ്രണയരംഗം കണ്ട് ഗ്രൗണ്ടിൽ കയ്യടിക്കുന്നതും വിഡിയോയിൽ കാണാം.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP