Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202109Tuesday

ദൂബായിയിൽ ഏഷ്യൻ തൊഴിലാളികൾക്ക് മർദ്ദനം; അറബ് യുവാക്കളെ അറസ്റ്റ് ചെയ്യാൻ ഉത്തരവ്; നടപടി മർദ്ദന ദൃശ്യം പുറത്തായതോടെ

ദൂബായിയിൽ ഏഷ്യൻ തൊഴിലാളികൾക്ക് മർദ്ദനം; അറബ് യുവാക്കളെ അറസ്റ്റ് ചെയ്യാൻ ഉത്തരവ്; നടപടി മർദ്ദന ദൃശ്യം പുറത്തായതോടെ

സ്വന്തം ലേഖകൻ

ദുബായ്: ഏഷ്യൻ തൊഴിലാളികളെ ഉപദ്രവിച്ച് രസിക്കുകയും അത് വിഡിയോയിൽ പകർത്തുകയും ചെയ്ത സംഭവത്തിൽ നാല് അറബ് യുവാക്കളെ അറസ്റ്റ് ചെയ്യാൻ ഉത്തരവ്. ദുബായ് പബ്ലിക് പ്രോസിക്യൂഷനാണ് നടപടിക്ക് ഉത്തരവിട്ടിരിക്കുന്നത്. ഏഷ്യൻ തൊഴിലാളികളോട് മനുഷ്യത്വഹീനമായി പെരുമാറുന്നതാണ് വിഡിയോയിലുള്ളത്.ഈ വിഡിയോ സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു. ഇതേ തുടർന്നായിരുന്നു പ്രോസിക്യൂഷൻ നടപടി സ്വീകരിച്ചത്.

തിരക്കേറിയ തെരുവിൽ കടകളോട് ചേർന്ന് നിൽക്കുന്ന തൊഴിലാളികളെ ചവിട്ടുകയും തള്ളുകയും കളിയാക്കി ചിരിക്കുകയും ചെയ്യുന്നു.എന്നാൽ തൊഴിലാളികൾ പീഡനം നിസ്സഹായതയോടെ സഹിക്കുന്നതല്ലാതെ പ്രതികരിക്കുന്നില്ല.ഇതാണ് വീഡിയോയിലുള്ളത്.

നാല് പേരെയും അറസ്റ്റ് ചെയ്ത് കസ്റ്റഡിയിൽ വയ്ക്കനാണ് ഉത്തരവ്.വിവര സാങ്കേതിക വിദ്യ ഉപയോഗിച്ച് മറ്റുള്ളവരുടെ സ്വകാര്യതയിലേയ്ക്ക് കടന്നുകയറിയതായും വ്യക്തമാക്കി. വിവരസാങ്കേതിക വിദ്യയോ കംപ്യൂട്ടറോ ഉപയോഗിച്ച് മറ്റുള്ളവരുടെ സ്വകാര്യതയ്ക്ക് ഭംഗം വരുന്ന രീതിയിൽ പ്രവർത്തിച്ചാലും ഉപദ്രവിച്ചാലും 5 ലക്ഷം ദിർഹം വരെ പിഴയാണ് യുഎഇ നിയമമനുസരിച്ചുള്ള ശിക്ഷ. അനുമതിയില്ലാതെ മറ്റാളുകളുടെ പടങ്ങൾ പോസ്റ്റ് ചെയ്താലും ഇതേ ശിക്ഷ തന്നെ ലഭിക്കും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP