Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

നല്ല അടിവസ്ത്രങ്ങൾ ആവശ്യത്തിന് മറക്കാതെ എടുക്കുക; ഐസിസിൽ ചേരാൻ ആഗ്രഹിക്കുന്ന പെൺകുട്ടികൾക്കുള്ള ഗൈഡ് പുറത്തിറക്കി ബ്രിട്ടനിൽ നിന്നും ഇറാഖിലെത്തിയ പെൺകുട്ടി

നല്ല അടിവസ്ത്രങ്ങൾ ആവശ്യത്തിന് മറക്കാതെ എടുക്കുക; ഐസിസിൽ ചേരാൻ ആഗ്രഹിക്കുന്ന പെൺകുട്ടികൾക്കുള്ള ഗൈഡ് പുറത്തിറക്കി ബ്രിട്ടനിൽ നിന്നും ഇറാഖിലെത്തിയ പെൺകുട്ടി

നിങ്ങൾ ഐസിസിൽ ചേരാൻ ആഗ്രഹിക്കുന്ന പെൺകുട്ടികളിലൊരാളാണോ...? എന്നാൽ യാത്രയ്‌ക്കൊരുങ്ങുന്നതിന് മുമ്പ് ചില ്അത്യാവശ്യസാധനങ്ങളടങ്ങിയ സ്യൂട്ട് കേസ് തയ്യാറാക്കണമെന്ന നിർദ്ദേശവുമായി രംഗത്തെത്തിയിരിക്കുകയാണ് ജിഹാദികളുടെ പാളയത്തിലെത്തിയ ഗ്ലാസ്‌കോയിലെ ഒരു പെൺകുട്ടി. ഇത്തരക്കാർ പാലിക്കേണ്ട സംഗതികളെ പറ്റി ഈ പെൺകുട്ടി ഒരു ഗൈഡ് തന്നെ പുറത്തിറക്കിയിട്ടുണ്ടെന്നാണ് റിപ്പോർട്ട്. നല്ല അടിവസ്ത്രങ്ങൾ ആവശ്യത്തിന് മറക്കാതെയെടുക്കണമെന്നാണീ പെൺകുട്ടി നിർദ്ദേശിക്കുന്നത്. ഗ്ലാസ്‌കോയിൽ നിന്നും ഐസിസിൽ ചേരാൻ വേണ്ടി ഇറാഖിലെത്തിയ അക്‌സ മഹ് മൂദെന്ന പെൺകുട്ടിയാണ് ഇത്തരത്തിൽ പെൺകുട്ടികൾക്കായി ഒരു സ്യൂട്ട്‌കേസ് ചെക്ക്‌ലിസ്റ്റ് പുറത്തിറക്കിയിരിക്കുന്നത്. ജിഹാദി പാളയത്തിലേക്ക് പുറപ്പെടാനിരിക്കുന്ന പെൺകുട്ടികളുടെ സ്യൂട്ട് കേസിൽ നിർബന്ധമായും ഉൾപ്പെടുത്തിയിരിക്കേണ്ടുന്ന ചില സാധനങ്ങളാണ് ഈ ചെക്ക്‌ലിസ്റ്റിലുള്ളത്.

തീവ്രവാദി സംഘവുമായി ചേർന്ന് പുതിയൊരു ജീവിതം കെട്ടിപ്പടുക്കാനാണീ 21 കാരി ഗ്ലാസ്‌കോയിൽ നിന്നും പലായനം ചെയ്ത് ഇറാഖിലെത്തിയത്. ജിഹാദികളാകാൻ പുറപ്പെട്ടിറങ്ങുന്ന പെൺകുട്ടികൾ പാലിക്കേണ്ടുന്ന ഒരു സ്റ്റെപ്പ് ബൈ സ്റ്റെപ്പ് ഗൈഡാണ് അക്‌സ പുറത്തിറക്കിയിരിക്കുന്നത്.തങ്ങളുടെ പുതിയ ജിഹാദി ഭർത്താക്കന്മാർക്കായി ചില പ്രത്യേക സാധനങ്ങൾ നിർബന്ധമായും ആ പെട്ടിയിൽ ഉൾപ്പെടുത്തണമെന്നാണ് പെൺകുട്ടി നിർദ്ദേശിച്ചിരിക്കുന്നത്. നിരവധി ബ്രിട്ടീഷ് പെൺകുട്ടികൾ ഐസിസ് ഭീകരരെ വിവാഹം കഴിക്കാൻ വേണ്ടി ഇറാഖിലേക്കും സിറിയയിലേക്കും പലായനം ചെയ്യുന്നതിന്റെ പശ്ചാത്തലത്തിലാണ് അക്‌സ ഗൈഡുമായി രംഗത്തെത്തിയിരിക്കുന്നത്. ഇത്തരക്കാർ വൃത്തിയതുള്ളതും ഗുണമേന്മയുള്ളതുമായ അടിവസ്ത്രങ്ങൾ നിർബന്ധമായും സ്യൂട്ട്‌കേസിൽ കരുതണമെന്നാണ് ഗൈഡിലെ പ്രധാന നിർദ്ദേശം.

വേനൽക്കാലത്തും തണുപ്പുകാലത്തും ധരിക്കാനുള്ള വിവിധതരം വസ്ത്രങ്ങളും കരുതണമെന്നും നിർദ്ദേശമുണ്ട്. തങ്ങളുടെ ഭർത്താക്കന്മാർക്ക് കൂടി ധരിക്കാൻ കഴിയുന്ന വസ്ത്രങ്ങളായാൽ കൂടുതൽ അഭികാമ്യമെന്നും നിർദ്ദേശമുണ്ട്. എന്നാൽ ഇറക്കം കുറഞ്ഞ വസ്ത്രങ്ങൾ എടുക്കുന്നത് അനുയോജ്യമല്ലെന്നും അക്‌സ ഉപദേശിക്കുന്നു. ഈ സ്യൂട്ട്‌കേസിൽ കരുതേണ്ടുന്ന സൗന്ദര്യ വർധക വസ്തുക്കളുടെയും ഇലക്ട്രോണിക് ഉപകരണങ്ങളുടെയും ലിസ്റ്റും ഈ ഗൈഡിലുണ്ട്. ഗർഭിണികൾ അവർക്കാവശ്യമുള്ള മരുന്നുകളും കരുതണം. ടംബ്ലർസൈറ്റിലാണീ ലിസ്റ്റ് പ്രസിദ്ധീകരിച്ചിരിക്കുന്നതെന്നാണ് ഡെയിലി റെക്കോർഡ് റിപ്പോർട്ട് ചെയ്യുന്നത്.

സിറിയയിലേക്കും ഇറാഖിലേക്കും പലായനം ചെയ്യുന്ന പെൺകുട്ടികൾ പിടിക്കപ്പെടാതിരിക്കാനുള്ള നിർദ്ദേശങ്ങളും അക്‌സ നൽകുന്നുണ്ട്. അതിനാൽ സംശയിക്കത്ത വിധത്തിലുള്ള ഓൺലൈൻ പ്രവർത്തനങ്ങളൊന്നും ഇത്തരം പെൺകുട്ടികൾ നടത്തരുതെന്നും നിർദ്ദേശമുണ്ട്.അതിനാൽ തീവ്രവാദവുമായി ബന്ധമുള്ളതൊന്നും വീട്ടിലെ വൈഫൈയിലുടെയും ഉപകരണങ്ങളിലൂടെയും സെർച്ച് ചെയ്യരുതെന്നും അക്‌സ നിർദ്ദേശിക്കുന്നു.തങ്ങളുടെ യാത്രയെക്കുറിച്ച് അവിടെ എത്തുന്നത് വരെ ആരോടും പറയരുതെന്നും ലക്ഷ്യത്തിലെത്തിയിട്ട് മാത്രമെ കുടുംബത്തെ പോലും ഇക്കാര്യം അറിയിക്കാവൂ എന്നും അക്‌സ നിർദ്ദേശിക്കുന്നു. 2013 നവംബറിലാണ് അക്‌സ സ്‌കോട്ട്‌ലൻഡിൽ നിന്നും പലായനം ചെയ്തത്. തുർക്കി അതിർത്തിയിൽ നിന്നും സിറിയയിലേക്ക് കടക്കാനിരിക്കുമ്പോൾ മാത്രമാണ് അക്‌സ തന്റെ കുടുംബത്തെ പോലും ഇക്കാര്യം അറിയിച്ചിരുന്നത്. കഴിഞ്ഞ മാസം 27ന് അൽ മുഹാജിരാത് എന്ന യൂസറാണ് അക്‌സയുടെ ലിസ്റ്റ് പോസ്റ്റ് ചെയ്തിരിക്കുന്നത്. നിരവധി പേർ ഇതിന് ലൈക്കടിക്കുകയും ഷെയർ ചെയ്യുകയുമുണ്ടായിട്ടുണ്ട്. ഐസിസിന് വേണ്ടി പെൺകുട്ടികളെ റിക്രൂട്ട് ചെയ്യുന്നതിന് ചുക്കാൻ പിടിക്കുന്ന വനിതയാണ് അക്‌സ. ട്വിറ്റർ, ടംബ്ലർ, തുടങ്ങിയ സോഷ്യൽ മീഡിയയിലൂടെയാണ് അവൾ പെൺകുട്ടികളെ ഐസിസിലേക്ക് ആകർഷിക്കുന്നത്. ഐസിസിസിൽ ചേർന്ന 600 ബ്രിട്ടീഷ് മുസ്ലീങ്ങളിൽ 60 ഉം വനിതകളാണെന്നാണ് സുരക്ഷാ സേനകൾ പറയുന്നത്.

വിശദമായ ലിസ്റ്റാണ് അക്‌സ പെൺകുട്ടികൾക്കായി തയ്യാറാക്കിയിരിക്കുന്നത്. തണുപ്പു കാലത്ത് ധരിക്കാനായി വിന്റർ ജാക്കറ്റ്, വാട്ടർപ്രൂഫ് വാം ബൂട്ടുകൾ, ഫ്‌ലീൻസ് പൈജാമകൾ, തിക്ക് സോക്‌സുകൾ, തെർമൽ ടോപ്പും ബോട്ടവും, ഹാറ്റും തിക്ക് സ്‌കാർഫും തുടങ്ങിയവയാണിതിലുള്ളത്. എന്നാൽ വേനൽക്കാലത്തേക്ക് ധരിക്കാനായി ലൈറ്റ് പാന്റ്‌സുകൾ, ബേസിക് ടാങ്ക് ടോപ്‌സ്, മാക്‌സി ഡ്രസുകൾ, സ്‌കർട്ടുകൾ, നല്ല ക്വാളിറ്റിയുള്ള റണ്ണിങ് ഷൂസുകൾ, തുടങ്ങിയവ കരുതണമെന്നാണ് നിർദ്ദേശം. ജലദേഷത്തെ തടയാനായി ടൈനോൽ, അല്ലെങ്കിൽ പാനഡോൾ എന്നീ മരുന്നുകളും കരുതണം. ഇതിന് പുറമെ ബെനഡ്രൈൽ അലർജി ക്രീം, ഫസ്റ്റ് എയ്ഡ് കിറ്റ്, മോസ്‌കിറ്റോ ആഫ്റ്റര് ബൈറ്റ് ക്രീം ആൻഡ് സ്‌പ്രേ  എന്നിവയും മരുന്നുകളുടെ കൂട്ടത്തിൽ കരുതണമെന്ന് അക്‌സ നിർദ്ദേശിക്കുന്നു. ആൻഡ്രോയ്ഡ് ഫോൺ കരുതണം. ആപ്പിൾ ഐഫോണുകൾ, ഐപാഡുകൾ, മാക്‌സ് തുടങ്ങിയവ ഇവിടെ അനുവദനീയമല്ലെന്നും അക്‌സ നിർദ്ദേശിക്കുുന്നു. നല്ല ഗുണമേന്മയുള്ള്ള ഇയർഫോണുകൾ, ചാർജർ തുടങ്ങിയ ഇലക്ട്രോണിക് ഉപകരണങ്ങളും കരുതണമെന്ന് അക്‌സ നിർദ്ദേശിക്കുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP