1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
15
Saturday

രൂപീകരണവും പ്രവർത്തനവും സമുദായ സംഘടന എന്ന നിലയിൽ; രജിസ്റ്റർ ചെയ്തിരിക്കുന്നത് കമ്പനി നിയമപ്രകാരവും; ഡൽഹി ഹൈക്കോടതി വിശദീകരണം തേടിയപ്പോൾ കേരളത്തിലെ നോൺ ട്രേഡിങ് കമ്പനിയെന്ന് മറുപടി; 2017-ൽ കടലാസ് കമ്പനികളുടെ രജിസ്‌ട്രേഷൻ നഷ്ടമായപ്പോൾ ഉള്ള രജിസ്‌ട്രേഷനും നഷ്ടമായി; കാലത്തിനു യോജിക്കുന്ന ഭരണഘടന വേണമെന്ന കേസിൽ എസ്എൻഡിപിക്കെതിരായ വാദം കേൾക്കാൻ ഒരുങ്ങി ഹൈക്കോടതി; വെള്ളാപ്പള്ളിക്ക് തിരിച്ചടിയായി പഴയ യോഗം ഭാരവാഹികൾ നൽകിയ കേസും

September 03, 2019 | 10:50 AM IST | Permalink



രൂപീകരണവും പ്രവർത്തനവും സമുദായ സംഘടന എന്ന നിലയിൽ; രജിസ്റ്റർ ചെയ്തിരിക്കുന്നത് കമ്പനി നിയമപ്രകാരവും; ഡൽഹി ഹൈക്കോടതി വിശദീകരണം തേടിയപ്പോൾ കേരളത്തിലെ നോൺ ട്രേഡിങ് കമ്പനിയെന്ന് മറുപടി; 2017-ൽ കടലാസ് കമ്പനികളുടെ രജിസ്‌ട്രേഷൻ നഷ്ടമായപ്പോൾ ഉള്ള രജിസ്‌ട്രേഷനും നഷ്ടമായി; കാലത്തിനു യോജിക്കുന്ന ഭരണഘടന വേണമെന്ന കേസിൽ എസ്എൻഡിപിക്കെതിരായ വാദം കേൾക്കാൻ ഒരുങ്ങി ഹൈക്കോടതി; വെള്ളാപ്പള്ളിക്ക് തിരിച്ചടിയായി പഴയ യോഗം ഭാരവാഹികൾ നൽകിയ കേസും

എം മനോജ് കുമാർ

തിരുവനന്തപുരം: ഒരു വ്യവസ്ഥയും വെള്ളിയാഴ്ചയും ഇല്ലാതെ മുന്നോട്ടു പോകുന്ന എസ്എൻഡിപി യോഗത്തിന്റെ രീതികൾക്ക് മൂക്കുകയറിടലായി നിലവിലെ ഹൈക്കോടതിയിലെ കേസ് മാറുമോ? ഇപ്പോൾ ഹൈക്കോടതി പരിഗണനയ്ക്ക് എടുക്കാൻ പോകുന്ന എസ്എൻഡിപിക്ക് പുതിയ ഭരണഘടന ആവശ്യമെന്ന കേസ് എസ്എൻഡിപിയോഗത്തിനും സർവ പ്രതാപിയായ ഇപ്പോൾ യോഗത്തിനെ നയിക്കുന്ന വെള്ളാപ്പള്ളി നടേശനും പരമപ്രധാനമായി മാറുകയാണ്. അതുകൊണ്ട് തന്നെ എസ്എൻഡിപിയെ സ്‌നേഹിക്കുന്നവരും അഭ്യുദയകാംക്ഷികളും ഈ കേസിൽ ഹൈക്കോടതി എന്ത് നിലപാട് സ്വീകരിക്കും എന്നതിനെ ഉറ്റു നോക്കുകയാണ്. എസ്എൻഡിപി വൈസ് ചെയർമാൻ തുഷാർ വെള്ളാപ്പള്ളി യുഎഇയിൽ ചെക്ക് കേസിൽ അകപ്പെട്ടതോടെ പെട്ടിരിക്കുന്ന വെള്ളാപ്പള്ളിക്ക് മറ്റൊരു തിരിച്ചടിയായി ഹൈക്കോടതിയിലെ ഈ കേസ് മാറിയേക്കും എന്നാണ് എൻഡിപിയിൽ നിന്നും വരുന്ന സൂചനകൾ.

എസ്എൻഡിപിയിൽ തുടരുന്ന സ്വേച്ഛാധിപത്യപരമായ നിലപാടുകൾ അവസാനിപ്പിക്കണമെന്നും കാലത്തിനു അനുയോജ്യമായ ഭരണഘടന എസ്എൻഡിപിക്ക് ആവശ്യമാണെന്ന കേസിലാണ് ഹൈക്കോടതി വാദം കേൾക്കാൻ പോകുന്നത്. അതേസമയം ഒരു സമുദായ സംഘടന എന്ന നിലയിൽ പ്രവർത്തിക്കുന്ന എസ്എൻഡിപി കമ്പനി രീതിയിൽ രജിസ്റ്റർ ചെയ്തിട്ടുണ്ടോ അതോ നോൺ ട്രേഡിങ് രീതിയിലാണോ രജിസ്‌ട്രേഷൻ എന്നും വെള്ളാപ്പള്ളി വ്യക്തമാക്കേണ്ടിയും വന്നേക്കും എന്നതാണ് കേസിനെ സംബന്ധിച്ച് വെള്ളാപ്പള്ളി നേരിടുന്ന മറ്റൊരു തലവേദന. 2017-ൽ കണക്കു കൊടുക്കാത്ത കടലാസ് കമ്പനികളുടെ രജിസ്‌ട്രേഷൻ നഷ്ടമായപ്പോൾ ഇതിനൊപ്പം എസ്എൻഡിപി യോഗത്തിന്റെ രജിസ്‌ട്രേഷൻ കൂടി നഷ്ടമായിട്ടുണ്ട്. ഈ കാര്യത്തിൽ ഒരു വ്യക്തത ഇതുവരെ വന്നിട്ടില്ല. കടലാസ് കമ്പനി രീതിയിലാണോ നോൺ ട്രേഡിങ് രീതിയിലാണോ എസ്എൻഡിപിയുടെ രജിസ്‌ട്രേഷൻ എന്ന കാര്യത്തിൽ ഉരുണ്ടുകളിക്കുന്ന നിലപാടാണ് വെള്ളാപ്പള്ളി ഇതേവരെ സ്വീകരിച്ചിട്ടുമുള്ളത്. അതുകൊണ്ട് കേസിന്റെ വാദം നടക്കുമ്പോൾ ഇത്തരം കാര്യങ്ങൾ മുഴുവൻ പൊന്തിവരുകയും യോഗത്തിനു ഹൈക്കോടതി മുൻപാകെ വിശദീകരണം നൽകേണ്ടിയും വന്നേക്കും.

എസ്എൻഡിപിക്ക് കാലത്തിനു യോജിക്കുന്ന ഭരണഘടന വേണം

1999 കാലത്ത് നൽകുകയും ഇപ്പോൾ ഹൈക്കോടതിയിൽ തുടരുകയും ചെയ്യുന്ന ഒരു കേസാണ് വെള്ളാപ്പള്ളിക്ക് കുരുക്കായി മാറുന്നത്. യോഗത്തിന്റെ നേതാക്കളും സജീവ പ്രവർത്തകരും ആയിരുന്നവ അഞ്ചു യോഗം നേതാക്കൾ നൽകിയ കേസിലാണ് ഹൈക്കോടതി ഇപ്പോൾ വാദം കേൾക്കാൻ ഒരുങ്ങുന്നത്. എസ്എൻഡിപിക്ക് ഒരു ഭരണഘടന ഉണ്ടാക്കണം എന്നാണ് ഇവർ കൊച്ചി ജില്ലാ കോടതിയിൽ ആവശ്യമുന്നയിച്ചത്. മുൻപുണ്ടായിരുന്ന യോഗം സെക്രട്ടറിമാരിൽ മിക്കവരും ജനാധിപത്യ മര്യാദകളും നീതി ബോധവും ഉള്ള വ്യക്തികൾ ആയതുകൊണ്ട് അന്ന് കുഴപ്പമുണ്ടായിരുന്നില്ല. പക്ഷെ ഇപ്പോൾ ഉള്ളവർ ഇത്തരം ജനാധിപത്യ മര്യാദകൾ പാലിക്കുന്നവരല്ല. അതിനാൽ പുതിയ ബൈലോ വേണം. കാലത്തിനു അനുയോജ്യമായ രീതിയിലാണ് ഈ ബൈലോ വേണ്ടത്. യോഗം ഭാരവാഹികളുടെയും കീഴ്ഘടകങ്ങളുടെയും അധികാരം സംരക്ഷിക്കുന്ന വിധത്തില് ഉള്ളതാവണം ഈ ഭരണഘടന. നിലവിലെ ഭരണഘടന ജനാധിപത്യ രീതികളെ തീരെ പരിപോഷിപ്പിക്കുന്നില്ല. ജനാധിപത്യ സംസ്‌കാരമില്ലാത്ത ആളുകൾ ഭരണത്തിൽ വന്നാൽ വളരെ ഏകാധിപത്യപരമായി കൊണ്ട് നടക്കാൻ കഴിയുന്ന വിധത്തിലുള്ള ഭരണഘടനയാണ് നിലവിലുള്ളത്. ശ്രീനാരായണ ഗുരുവായിരുന്നു ആദ്യം സ്ഥിരം അധ്യക്ഷൻ. കാര്യങ്ങളിൽ അദ്ദേഹം ഇടപെട്ടിരുന്നില്ല. സെക്രട്ടറിമാരാണ് കാര്യങ്ങൾ നടത്തിയത്. അതിനാൽ സെക്രട്ടറി കേന്ദ്രീകൃതമായ വ്യവസ്ഥകളാണ് ഭരണഘടനയിൽ നിലനിൽക്കുന്നത്.

അതിനാൽ സെക്രട്ടറിക്കാണ് പരമപ്രധാനമായ അധികാരം. ഗുരുദേവൻ ഉള്ള കാലത്ത് തുടങ്ങിയ കാര്യങ്ങളാണ് നിലവിലും പിന്തുടരുന്നത്. രീതികളിൽ മാറ്റം വേണം. ഈ ആവശ്യം മുൻ നിർത്തിയാണ് അന്ന് ഇവർ ജില്ലാ കോടതിയിൽ സ്യൂട്ട് ഫയൽ ചെയ്തത്. 2008-ൽ ഈ കേസിൽ കോടതി വാദി ഭാഗത്തിന് അനുകൂലമായി വിധിച്ചു. ഭരണഘടന അനിവാര്യം എന്നാണ് എറണാകുളം ജില്ലാ കോടതി വിധിച്ചത്. അത് പ്രാരംഭ വിധിയായിരുന്നു പ്രാരംഭ വിധിയെ ചലഞ്ച് ചെയ്ത് ഹൈക്കോടതിയിൽ എസ്എൻഡിപി ഹർജി ഫയൽ ചെയ്തു. ഫൈനൽ വിധി പാസാക്കുന്നത് ഹൈക്കോടതി സ്റ്റേ ചെയ്തു. 2009 മുതൽ ഹൈക്കോടതിയുടെ ഈ സ്റ്റേ തുടരുകയാണ്. ഈ സ്റ്റേ മാറ്റാനും അപ്പീലിൽ ഫൈനൽ ആയി വാദം കേൾക്കുകയും വേണമെന്ന ആവശ്യത്തിന്മേൽ വാദം കേൾക്കാൻ ഹൈക്കോടതി ഇപ്പോൾ തയ്യാറായിട്ടുണ്ട്.

ബൈലോ കാറ്റിൽ പറത്തിയുള്ള ഭരണമാണ് നിലവിൽ യോഗത്തിൽ നടക്കുന്നത് എന്ന വാദമാണ് ഹൈക്കോടതിയിൽ ഉയരുക. അതുകൊണ്ട് തന്നെ വാദി ഭാഗത്തിന്റെ വാദങ്ങൾ ഹൈക്കോടതി പരിശോധിക്കും. ഓണം വെക്കേഷന് മുൻപോ ശേഷമോ ഈ കേസ് ഹൈക്കോടതി വീണ്ടും പരിഗണിക്കാൻ പോവുകയാണ്. കാലഘട്ടത്തിന് അനുയോജ്യമായ ഒരു ബൈലോ എസ്എൻഡിപി യോഗത്തിനു ആവശ്യമുണ്ടോ എന്നാണ് ഹൈക്കോടതി പരിശോധിക്കുക. ഈ വാദവേളയിൽ തന്നെ എസ്എൻഡിപിയുടെ കമ്പനി രജിസ്‌ട്രേഷൻ കാര്യങ്ങളും ഒപ്പം പൊന്തി വരും. എസ്എൻഡിപിയെ സംബന്ധിച്ച് നിലവിലെ കാര്യങ്ങൾ സമഗ്രമായി തന്നെ പരിശോധിക്കപ്പെടുന്ന വാദമാണ് ഹൈക്കോടതിയിൽ നിന്നും ഉയരാൻ ഇടയാകുക. 'ഈ കേസ് യോഗത്തിന്റെ നല്ല കാലത്തിന്റെ ഒരു തുടക്കമാകും. എസ്എൻഡിപിയെ സംബന്ധിച്ച് നിലവിലുള്ള എല്ലാ സംശയങ്ങളും ദുരീകരിക്കാൻ ഹൈക്കോടതിയിലെ ഈ വാദങ്ങൾക്കും കേസിനും കഴിയും-എസ്എൻഡിപി യോഗത്തിന്റെ മുൻ പ്രസിഡന്റ് സി.കെ. വിദ്യാസാഗർ മറുനാടൻ മലയാളിയോട് പറഞ്ഞു.

എസ്എൻഡിപിയുടെ രജിസ്‌ട്രേഷൻ റദ്ദായിട്ടുണ്ടോ?

എസ്എൻഡിപിയുടെ രജിസ്‌ട്രേഷൻ നിലവിൽ റദ്ദായിട്ടുണ്ടോ? എസ്എൻഡിപി യോഗം രജിസ്‌ട്രേഷൻ നിലവിൽ റദ്ദായിട്ടുണ്ടെന്നാണ് എസ്എൻഡിപി യോഗം സമരസമിതി സംസ്ഥാന കമ്മിറ്റി ചെയർമാൻ ആർ.അരുൺ മയ്യനാട് ആരോപിക്കുന്നത്. ഇപ്പോൾ കമ്പനി രീതിയിൽ രജിസ്റ്റർ ചെയ്ത ശേഷം കമ്പനിയുമായി ബന്ധപ്പെട്ട കണക്കുകൾ നൽകാതിരുന്നത് കാരണം എസ്എൻഡിപി യോഗത്തിന്റെ കമ്പനി രജിസ്‌ട്രേഷൻ റദ്ദായിട്ടുണ്ട് എന്നാണ് അരുൺ മറുനാടനോട് പറഞ്ഞത്. എസ്എൻഡിപി യോഗം രജിസ്റ്റർ ചെയ്തിരിക്കുന്നത് കമ്പനിയായാണ്. തിരുവിതാംകൂറിലെ കമ്പനി നിയമപ്രകാരം രജിസ്റ്റർ ചെയ്തതാണ് എസ്എൻഡിപി യോഗം. ഇന്ത്യൻ കമ്പനി ആക്റ്റ് വന്നതോടെ എസ്എൻഡിപിയും കമ്പനികളുടെ കൂട്ടത്തിൽപ്പെട്ടു. 1956 ലെ ഇന്ത്യൻ കമ്പനി ആക്ടിലെ വ്യവസ്ഥകൾ പ്രകാരമാണ് എസ്എൻഡിപി യോഗത്തിന്റെ കാര്യങ്ങളും മുന്നോട്ടു പോയത്.

ഡൽഹി ഹൈക്കോടതിയിൽ എസ്എൻഡിപി യോഗവുമായി ബന്ധപ്പെട്ടു കേസ് വന്നപ്പോൾ ഈ പ്രശ്‌നം ഹൈക്കോടതിയുടെ മുൻപിൽ വന്നിരുന്നു. അപ്പോൾ എസ്എൻഡിപി യോഗം ഭാരവാഹികൾ പറഞ്ഞത് കേരളത്തിലെ നോൺ കമ്പനി ആക്റ്റ് പ്രകാരമാണ് രജിസ്റ്റർ ചെയ്തതെന്നാണ് ഡൽഹി ഹൈക്കോടതിയിൽ പറഞ്ഞത്. കമ്പനി നിയമപ്രകാരം വ്യവഹാരം നടത്തണമെങ്കിൽ ഷെയർ ഹോൾഡെഴ്‌സിന്റെ ഇത്ര ശതമാനം പേർ ഒരുമിച്ച് നിൽക്കണം. എന്നിട്ട് ജോയിന്റ് ആയി കേസ് നൽകണം. ആ രീതിയിൽ കേസ് നൽകാൻ പ്രയാസമാണ്. അതിനാൽ കേസ് നൽകാനുള്ള ഒരു വഴി കേന്ദ്ര കമ്പനി മന്ത്രാലയത്തിന്റെ അനുമതി വാങ്ങി കേസ് നൽകാം എന്നാണ്. എസ്എൻഡിപിക്ക് എതിരെ കേസ് നൽകിയ സുജാതൻ ഇതിനായി കേസ് നൽകാൻ വേണ്ടി കേന്ദ്ര കമ്പനി മന്ത്രാലയത്തിൽ അപേക്ഷ നൽകിയിരുന്നു. എന്നാൽ അനുമതി നിഷേധിക്കപ്പെട്ടു. കേരളത്തിലെ നോൺ ട്രേഡിങ് കമ്പനി ആക്റ്റ് പ്രകാരമാണ് എസ്എൻഡിപി രജിസ്‌ട്രേഷൻ എന്നാണു എസ്എൻഡിപി എതിർവാദം ഉന്നയിച്ചത്. ഇതിനെ തുടർന്ന് മാവേലിക്കര സ്വദേശി സുജാതൻ ഡൽഹി ഹൈക്കോടതിയിൽ റിട്ട് ഹർജി നൽകിയിരുന്നു.

എസ്എൻഡിപി കമ്പനി ആയതിനാൽ കമ്പനിക്കെതിരെ കേസ് നൽകാൻ തനിക്ക് കമ്പനി കാര്യമന്ത്രാലയം അനുമതി നൽകേണ്ടതായിരുന്നുവെന്നാണ് ഹർജിയിൽ പറഞ്ഞത്. ആ കേസിൽ എസ്എൻഡിപി യോഗത്തിന്റെ ഭാഗത്ത് നിന്നും ഒരു തർക്കം വന്നു. എസ്എൻഡിപി കേരളത്തിൽ ഒതുങ്ങി നിൽക്കുന്ന കമ്പനിയാണ്. കേരളത്തിലാണ് രജിസ്റ്റർ ചെയ്തത് എന്നാണ് പറഞ്ഞത്. അങ്ങിനെയെങ്കിൽ കേരളത്തിലെ രജിസ്‌ട്രേഷൻ ഐജിയുടെ ഓഫീസിൽ കണക്കുകളും കാര്യങ്ങളും അവതരിപ്പിക്കേണ്ടതായിരുന്നു. പക്ഷെ കേരളത്തിലും ഒരു കണക്കുകളും അവതരിപ്പിക്കപ്പെട്ടിട്ടില്ല. കമ്പനി രജിസ്ട്രാറുടെ മുന്നിലും കൊടുക്കുന്നില്ല. കേരളത്തിലെ രജിസ്‌ട്രേഷൻ ഐജിയുടെ മുന്നിലും സമർപ്പിക്കപ്പെടുന്നില്ല. അതുകൊണ്ട് തന്നെ ഹൈക്കോടതിയിൽ നില നിൽക്കുന്ന കേസിൽ എസ്എൻഡിപിയുടെ രജിസ്‌ട്രേഷൻ സംബന്ധിച്ച വസ്തുതകൾ കേസിന്റെ വാദത്തിന്നിടെ യോഗത്തിനു കേരളാ ഹൈക്കോടതിയിൽ വ്യക്തമാക്കേണ്ടതായും വരും.

യോഗത്തിന്റെ തണലിൽ വളർന്നു പന്തലിച്ചത് വെള്ളാപ്പള്ളിയുടെ വംശവൃക്ഷം മാത്രം

സമുദായ സംഘടന എന്ന രീതിയിൽ വളർന്നു വികസിച്ച എസ്എൻഡിപി കുറെക്കാലമായി യോഗം ജനറൽ സെക്രട്ടറിയായ വെള്ളാപ്പള്ളി നടേശന്റെ പോക്കറ്റ് സംഘടന എന്ന നിലയിലാണ് മുന്നോട്ടു പോകുന്നത്. എസ്എൻഡിപിയേയും എസ്എൻട്രസ്റ്റിനേയും ചൂഴ്ന്നു നിൽക്കുന്ന അഴിമതിയാണ് പൊതു ദൃഷ്ടിയിൽ യോഗത്തിനെ മോശക്കാരാക്കുന്നത്. എസ്എൻ ട്രസ്റ്റിന്റെയും യോഗത്തിന്റെയും കീഴിലുള്ള വിദ്യാഭ്യാസ സ്ഥാപനങ്ങളിൽ നടക്കുന്ന അഴിമതിയാണ് ഒരു പ്രധാന വിഷയം. അഴിമതി ചൂണ്ടിക്കാണിച്ചാണ് എസ്എൻഡിപി യോഗം സമരസമിതി സംസ്ഥാന കമ്മിറ്റി ചെയർമാൻ ആർ.അരുൺ മയ്യനാടിനെ പോലുള്ളവർ യോഗത്തിന്റെ ജനറൽ സെക്രട്ടറിയായ വെള്ളാപ്പള്ളി നടേശനെതിരെ കുരിശു യുദ്ധം നടത്തുന്നത്. അതിനായി അരുൺ മറുനാടനോട് ചൂണ്ടിക്കാണിക്കുന്ന വസ്തുതകൾ ഇപ്രകാരമാണ്. ആർ.ശങ്കർ എന്ന സമുദായ നേതാവ് അൻപത് വർഷം മുൻപ് ഈഴവ സമുദായത്തിന്റെ എല്ലാത്തരത്തിലും ഉള്ള വളർച്ചക്കുവേണ്ടി വിദ്യാഭ്യാസ /ആതുരശുശ്രുഷ കാര്യങ്ങൾക്കായി തിരുവനന്തപുരം മുതൽ കണ്ണൂർ വരെ കോളേജ് /ഹോസ്പിറ്റൽ സംവിധാനങ്ങൾ പടുത്തുയർത്തി. 50വർഷം കഴിഞ്ഞ് ഇന്നും നിലനിൽക്കുന്നത് ഇതേ സംരംഭങ്ങളാണ്. അതിനേക്കാൾ മെച്ചപ്പെട്ട ഒരു സംരംഭവും അതിനു ശേഷം യോഗത്തിനുണ്ടായിട്ടില്ല. കഴിഞ്ഞ 25 വർഷങ്ങളായി വെള്ളാപ്പള്ളി നടേശൻ ആണ് യോഗ നേതൃത്വത്തിന്റെ തലപ്പത്തുള്ളത്. പക്ഷെ എസ്എൻഡിപി യോഗത്തിന്റെ സ്വത്തുക്കൾ സ്വന്തം കുടുംബത്തിനു വേണ്ടി ഉപയോഗിക്കുക എന്നല്ലാതെ ഒരു വളർച്ചയും യോഗത്തിനു വന്നിട്ടില്ല. അഴിമതി സമഗ്ര തലത്തിൽ യോഗത്തിലും എസ്എൻ ട്രസ്റ്റിലും പിടിമുറുക്കുകയും ചെയ്തു-അരുൺ ആരോപിക്കുന്നു.

അടുത്തിടെ സിഡിഎസ് പുറത്ത് വിട്ട കണക്കുകൾ പ്രകാരം കേരളത്തിലെ മെച്ചപ്പെട്ട ജീവിത നിലവാരം അടിസ്ഥാനമാക്കി പുറത്ത് വിട്ട റിപ്പോർട്ടിൽ ആകെ 18 സമുദായങ്ങളിൽ ഈഴവരുടെ സ്ഥാനം പതിനഞ്ചാമതാണ്. ആർ. ശങ്കറിന്റെ കാലത്തെ വികാസം തുടർന്നിരുന്നുവെങ്കിൽ എത്തേണ്ടി ഈഴവർ വലിയ കുതിപ്പ് കേരളത്തിൽ സൃഷ്ടിക്കുമായിരുന്നു. നിലവിൽ ഈഴവരുടെ കേരളത്തിലെ അവസ്ഥ പരമ ദയനീയമാണ്. എസ്എൻഡിപി യോഗത്തിനെയും ട്രസ്റ്റിനെയും കുടുംബസ്വത്തായി കൊണ്ട് നടന്നു വെള്ളാപ്പള്ളി സൃഷ്ടിക്കുന്ന അഴിമതികൾ തന്നെയാണ് സമുദായത്തിന്റെ അധോഗതിക്ക് കാരണമാകുന്നത്. വെള്ളാപ്പള്ളിയും തുഷാറും കുടുംബവുമൊക്കെ അനുദിനം സമ്പന്നരാകുക എന്നതല്ലാതെ സമുദായത്തിനു എസ്എൻഡിപികൊണ്ട് ഒരു ഗുണവുമില്ല. അല്ലെങ്കിൽ സിഡിഎസ് പോലുള്ള ആധികാരിക ഏജൻസി പുറത്തു വിടുന്ന കണക്കുകൾ ഈഴവന്റെ ഈ രീതിയിലുള്ള തകർച്ചയുടെ ചിത്രം വരച്ചു കാട്ടുന്നത് ആകുമായിരുന്നില്ല. ഒപ്പം എസ്എൻഡിപി യോഗത്തിന്റെയും ട്രസ്റ്റിന്റെയും അഴിമതികളിലേക്കും അരുൺ വിരൽ ചൂണ്ടുകയും ചെയ്യുന്നു. സമുദായത്തിന്റെ ക്ഷേമത്തിനായി തുടങ്ങിയ കോളേജ് /സ്‌കൂൾകളിൽ നിന്നും കഴിഞ്ഞ 25വർഷം വാരിക്കൂട്ടിയ പണം എല്ലാം വെള്ളാപ്പള്ളി കുടുംബത്തിന്റെ കൈകളിലേക്കാണ് എത്തിയിരിക്കുന്നത്. അതിനായി യോഗം നടത്തിയ നിയമനങ്ങളിലെക്ക് അരുൺ വിരൽ ചൂണ്ടുന്നു.

എസ്എൻഡിപിയോഗവും ട്രസ്റ്റും കഴിഞ്ഞ കാൽ നൂറ്റാണ്ടിൽ ഏതാണ്ട് അഞ്ചു തവണകളായി നൂറു അദ്ധ്യാപകരെ വീതം നിയമിച്ചിട്ടുണ്ട്. അതായത് മൊത്തം 500 അദ്ധ്യാപകരെ. ഇവരെ നിയമിച്ചത് കോളെജുകളിലാണ്. അതിൽ തൊണ്ണൂറു ശതമാനം പേരിൽ നിന്നും കോഴ വാങ്ങിയിട്ടുണ്ട്. അങ്ങനെ 450 പേരിൽ നിന്ന് മിനിമം ഇരുപത്തിയഞ്ച് ലക്ഷം രൂപ വെച്ച് നോക്കിയാൽ ഏതാണ്ട് 1125 കോടി രൂപ ജനറൽ സെക്രട്ടറി എന്ന നിലയിൽ വെള്ളാപ്പള്ളി നടേശൻ നിയമനങ്ങൾക്കായി കോളേജ് അദ്ധ്യാപക നിയമനത്തിൽ മാത്രം വാങ്ങിയിട്ടുണ്ട് . സ്‌കൂൾ,പ്ലസ് ടു ഇനത്തിൽ 500 കോടി രൂപയെങ്കിലും വേറെയും വാങ്ങിയിട്ടുണ്ടാകും. ഇങ്ങിനെ കോളേജ് /സ്‌കൂൾ അഡ്‌മിഷൻ ഇനത്തിൽ കാൽ നൂറ്റാണ്ട് കാലം ഏതാണ്ട് 1000 കോടി മറിഞ്ഞിട്ടുണ്ട്. കണക്കുകൾ പ്രകാരം ഇങ്ങിനെ വാങ്ങിയ കോഴ 3000 കോടി രൂപയെങ്കിലും ആവും.
.
ഇതിൽ നിന്നും ലഭിച്ച അൻപത് ശതമാനം തുകയെങ്കിലും സമുദായത്തിനും അതിന്റെ സ്ഥാപനങ്ങൾക്ക് വേണ്ടിയും ചിലവഴിച്ചെങ്കിൽ സിഡിഎസ് പുറത്ത് വിട്ട കണക്കുകൾ പ്രകാരം മെച്ചപ്പെട്ട ജീവിത നിലവാരത്തിന്റെ അടിസ്ഥാനത്തിൽ കേരളത്തിലെ 18 സമുദായങ്ങളിൽ ഈഴവരുടെ സ്ഥാനം പതിനഞ്ചാമത് ആകില്ലായിരുന്നു. ഇതിന്റെ പഴി യോഗ നേതൃത്വം കഴിഞ്ഞ കാൽ നൂറ്റാണ്ട് അടക്കി ഭരിക്കുന്ന വെള്ളാപ്പള്ളിക്ക് മാത്രം അവകാശപ്പെട്ടതാണ്. എസ്എൻഡിപി സ്ഥാപനങ്ങളിൽ നിന്നുള്ള വരുമാനം ഉപയോഗിച്ച് നടേശനും കുടുംബവും 7സ്റ്റാർ ഹോട്ടലും മറ്റ് വസ്തുവകകളും കേരളത്തിലും വിദേശത്തുമൊക്കെ വാങ്ങിക്കൂട്ടുകയായിരുന്നു. സമുദായത്തെ മറന്നു കൊണ്ടുള്ള കളികൾ തന്നെയാണ് ഇത്രയും കാലം വെള്ളാപ്പള്ളിയും കുടുംബവും കളിച്ചത്-അരുൺ പറയുന്നു.

ഇത്തരം കാര്യങ്ങൾ മുന്നിൽ നിൽക്കുന്നതുകൊണ്ട് തന്നെയാണ് വെള്ളാപ്പള്ളിയുടെ രീതികൾക്ക് എതിരെ എസ്എൻഡിപി യോഗം സമരസമിതിയും യോഗം മുൻ പ്രസിഡന്റ് സി.കെ.വിദ്യാസാഗർ ഉൾപ്പെടെയുള്ള ഒരു പാട് യോഗം നേതാക്കൾ ഒരുമിക്കുകയും എസഎൻ ഡിപിയെ വെള്ളാപ്പള്ളിയുടെ കുടുംബ ആധിപത്യത്തിൽ നിന്നും മോചിപ്പിക്കാനുമുള്ള ശ്രമങ്ങൾ നടത്തുകയും ചെയ്യുന്നത്. നിലവിലെ ഹൈക്കോടതിയിലെ കേസ് തന്നെയാണ് എസ്എൻഡിപി വിമത നേതാക്കൾ ഇപ്പോൾ ഉറ്റുനോക്കുന്നത്.

എം മനോജ് കുമാര്‍    
മറുനാടന്‍ മലയാളി സീനിയര്‍ സബ് എഡിറ്റര്‍.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
സർക്കിൾ ഇൻസ്‌പെക്ടർ സ്മാർട്ട് വിജയനരികിൽ സഹായം അഭ്യർത്ഥിച്ച് എത്തിയ മറിയം റഷീദ എന്ന സുന്ദരിയായ യുവതി അയാളുമായി കിടക്ക പങ്കിടാൻ സമ്മതിക്കാത്തതിന്റെ പേരിൽ ദേശാഭിമാനിയും സ്മാർട്ട് വിജയനും ചേർന്ന് ഗൂഢാലോചന നടത്തി സൃഷ്ടിച്ചെടുത്തതല്ലേ ചാരക്കേസ്? ചാരക്കേസ് സൃഷ്ടിച്ചത് ദേശാഭിമാനി ആണെന്ന സത്യം വിളിച്ചുപറഞ്ഞ ജോമോൻ പുത്തൻപുരയ്ക്കൽ മാപ്പുപറയണം: പരിഹാസവുമായി ക്രൈം നന്ദകുമാറിന്റെ പോസ്റ്റ്
ഫേസ്‌ബുക്കിലൂടെ പരിചയം തുടങ്ങി; ചാറ്റിങ് അമിതമായപ്പോൾ പ്രണയവും; കൊച്ചിയിലേക്ക് കൂട്ടിക്കൊണ്ടു വന്ന് റീഗേറ്റ് ഹോട്ടലിൽ റൂമെടുത്തത് ഐഡി കാർഡ് ഉൾപ്പെടെ നൽകി; രക്തസ്രാവം തുടങ്ങിയപ്പോൾ റിസപ്ഷനിസ്റ്റിന്റെ സഹായത്തോടെ ഓട്ടോയിൽ പെൺകുട്ടിയെ എത്തിച്ചത് മെഡിക്കൽ ട്രസ്റ്റ് ആശുപത്രിയിൽ; മരണം ഉറപ്പായപ്പോൾ മുങ്ങിയ കാമുകനെ പൊലീസ് പൊക്കിയത് ചടുല നീക്കങ്ങളിലൂടെ; അഭിമുഖത്തിന് എന്ന് പറഞ്ഞ് വീട്ടിൽ നിന്ന് ഇറങ്ങിയ പെൺകുട്ടിയുടേത് മനപ്പൂർവ്വമല്ലാത്ത നരഹത്യ; കാവുങ്കൽ ഗോകുൽ അറസ്റ്റിൽ
2005ൽ സിവിൽ പൊലീസ് ഓഫീസർ; 2018ൽ ടെസ്റ്റ് എഴുതി എസ് ഐയായ പുത്തൂരുകാരൻ; ബളാലിൽ പിടികൂടിയത് ക്രൂര മനസ്സുള്ള കുട്ടിക്കുറ്റവാളിയെ; നിർണ്ണായകമായത് ബന്ധുവീട്ടിൽ വച്ച് ഫോൺ പരിശോധിച്ചപ്പോൾ വാൾ പേപ്പറായി കണ്ട 'വെനം' സിനിമയുടെ പോസ്റ്റർ; അശ്ലീല സൈറ്റുകളും വിഷം തിരഞ്ഞ ഗൂഗിൾ ഹിസ്റ്ററിയും തുണയായി; ആൻ മേരിയുടെ അരും കൊലയിൽ സഹോദരനെ കുടുക്കിയത് വെള്ളരിക്കുണ്ട് എസ് ഐ; കേരളാ പൊലീസിന്റെ അന്വേഷണ തൊപ്പിയിൽ പൊൻതൂവൽ സമ്മാനിച്ച് ശ്രീദാസും
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച പോക്‌സോ കേസിലെ പ്രതി; ജയിലിൽ നിന്നിറങ്ങി അതേ പെൺകുട്ടിയെ ജീവിത സഖിയാക്കിയ നാലു മാസം മാത്രം നീണ്ട ദാമ്പത്യം; സ്വഭാവ ദൂഷ്യം മൂലം ഭാര്യ ഉപേക്ഷിച്ചതോടെ ഫുൾടൈം മൊബൈലിൽ ചുറ്റി തിരിയൽ തുടങ്ങി; വല്ലപ്പോഴും കടലിൽ പോയി മീൻ പിടിക്കും; 19കാരിയെ വളച്ചെടുത്തത് ഫേസ്‌ബുക്കിലൂടെ; ഹോട്ടൽ റീഗേറ്റ് ഇന്നിലെ ക്രൂരത മറച്ചുവക്കാനുള്ള വ്യഗ്രത യുവതിയുടെ ജീവനെടുത്തു; കാവുങ്കൽ ഗോകുൽ ചില്ലറക്കാരനല്ല
86ൽ പ്രവാചകനുമായി യാതൊരു ബന്ധവുമില്ലാത്ത മുഹമ്മദ് എന്ന് കഥയുടെ പേരിൽ കൊല്ലപ്പെട്ടത് 16 പേർ; 1994 ൽ ഉർദു വാർത്തയുടെ പേരിലും ജീവൻ നഷ്ടമായത് 25പേർക്ക്; 91ലെ കാവേരി കലാപത്തിൽ കൊല്ലപ്പെട്ടത് 20 പേർ; 2016 ലെ രണ്ടാം കാവേരി കലാപത്തിലും ഒരു മരണവും ലക്ഷങ്ങളുടെ നഷ്ടവും; സദ്ദാം ഹുസൈന്റെ പേരിലും രാജ്കുമാറിന്റെ മരണത്തിലും ഇവിടെ കലാപം; എസ്ഡിപിഐയെ നിരോധിക്കാൻ കർണ്ണാടക സർക്കാർ; ആവർത്തിക്കുന്ന കലാപങ്ങളിൽ നടുങ്ങി ബംഗലൂരു
രാജ്യത്തിന്റെ എഴുപത്തിനാലാമത് സ്വാതന്ത്ര്യദിനാഘോഷങ്ങൾക്കായി ഒരുങ്ങി ചെങ്കോട്ട; എൻഎസ്ജി സ്‌നൈപ്പേഴ്‌സും സ്വാറ്റ് കമാൻഡോകളും കാവൽ നിൽക്കുന്ന സുരക്ഷാവലയം; ദേശീയ പതാക ഉയർത്തൽ ചടങ്ങിൽ പ്രധാനമന്ത്രിയെ അനുഗമിക്കാൻ ഇത്തവണ വനിതാ സൈനിക ഓഫീസർ; ദൗത്യം ഏൽപിച്ചിരിക്കുന്നത് ഫ്‌ളാഗ് ഓഫീസർ മേജർ ശ്വേത പാണ്ഡെയെ; കോവിഡ് മുൻകരുതലുകൾ ഉണ്ടെങ്കിലും ചടങ്ങുകൾ ദേശീയ ആഘോഷത്തിന്റെ പവിത്രതയും അന്തസ്സും കാത്തുകൊണ്ടെന്ന് പ്രതിരോധ മന്ത്രാലയം
സ്വർണക്കള്ളക്കടത്ത് കേസിൽ നാല് പേർ കൂടി അറസ്റ്റിൽ; പിടിയിലായത് സ്വർണക്കടത്തിലെ ഗൂഢാലോചനയിൽ പങ്കാളികളായവർ; അറസ്റ്റിലായത് മലപ്പുറം കോഴിക്കോട് സ്വദേശികളായ മുഹമ്മദ് അൻവർ, ഹംസത്ത് അബ്ദുൾ സലാം, ടി എം സജു, ഹംജത്ത് അലി എന്നിവർ; നാൽവർ സംഘം സ്വർണം എത്തിക്കാനും കടത്താനും ഫണ്ട് സമാഹരിക്കുന്നവർ; ആകെ 20 പേർ അറസ്റ്റിലെന്ന് എൻഐഎ
കോവിഡ് ബാധിച്ച എസ്‌പി.ബാലസുബ്രഹ്മണ്യത്തിന്റെ നില ഗുരുതരം; ഗായകനെ ഐസിയുവിലേക്ക് മാറ്റി; വെന്റിലേറ്ററിൽ കഴിയുന്ന എസ്‌പിബിയെ നിരന്തരം നിരീക്ഷിച്ചുകൊണ്ടിരിക്കുന്നുവെന്ന് ചെന്നൈ എംജിഎം ഹെൽത്ത് കെയർ ആശുപത്രി മെഡിക്കൽ ബുള്ളറ്റിൻ; ആരോഗ്യനില വഷളായത് ഇന്നലെ അർദ്ധരാത്രിയോടെ; ആശുപത്രിയിൽ പ്രവേശിപ്പിച്ചത് ഓഗസ്റ്റ് 5ന്
ജസ്നയുള്ളത് ചെന്നൈയിലെ മതപഠന കേന്ദ്രത്തിലോ? നിർണായക കണ്ടെത്തൽ നടത്തിയത് പത്തനംതിട്ട എസ്‌പി കെജി സൈമൺ; രഹസ്യമാക്കി വയ്ക്കേണ്ട വിവരം പരസ്യമാക്കിയത് ക്രൈംബ്രാഞ്ച് ഡയറക്ടർ ടോമിൻ തച്ചങ്കരി; സൂചന കിട്ടിയിട്ടും ആളെ കണ്ടെത്താൻ കഴിയാതെ അന്വേഷണ സംഘം; റിട്ടയർമെന്റിന് മുമ്പായി കേസ് തെളിയിക്കുമെന്ന വാശിയിൽ കൂടത്തായി ഹീറോയും; ജസ്‌നയെ കാണാതായത് രണ്ടുവർഷം മുമ്പ് മുക്കൂട്ടുതറയിൽ നിന്ന്
അരക്കോടിയുടെ കുഴൽപ്പണവുമായി കോൺഗ്രസ് പ്രാദേശിക നേതാവും കൂട്ടാളിയും പിടിയിൽ; കറൻസി ഒളിപ്പിച്ച് കടത്തിയത് വാഹനത്തിൽ പച്ചക്കറി ചാക്കുകൾക്കിടയിൽ; അറസ്റ്റിലായത് ഐഎൻടിയുസി മോട്ടോർ തൊഴിലാളി യൂണിയൻ ജില്ലാ സെക്രട്ടറി അഷറഫ്; പണം എത്തിച്ചത് കൂട്ടാളിയായ കൊടുവള്ളി സ്വദേശിയെന്ന് സംശയം; സ്വർണ്ണക്കടത്ത് അന്വേഷണത്തിനിടയിലും കൊടുവള്ളി കുഴൽപ്പണ ലോബി സജീവം
ഫേസ്‌ബുക്കിലൂടെ പരിചയം തുടങ്ങി; ചാറ്റിങ് അമിതമായപ്പോൾ പ്രണയവും; കൊച്ചിയിലേക്ക് കൂട്ടിക്കൊണ്ടു വന്ന് റീഗേറ്റ് ഹോട്ടലിൽ റൂമെടുത്തത് ഐഡി കാർഡ് ഉൾപ്പെടെ നൽകി; രക്തസ്രാവം തുടങ്ങിയപ്പോൾ റിസപ്ഷനിസ്റ്റിന്റെ സഹായത്തോടെ ഓട്ടോയിൽ പെൺകുട്ടിയെ എത്തിച്ചത് മെഡിക്കൽ ട്രസ്റ്റ് ആശുപത്രിയിൽ; മരണം ഉറപ്പായപ്പോൾ മുങ്ങിയ കാമുകനെ പൊലീസ് പൊക്കിയത് ചടുല നീക്കങ്ങളിലൂടെ; അഭിമുഖത്തിന് എന്ന് പറഞ്ഞ് വീട്ടിൽ നിന്ന് ഇറങ്ങിയ പെൺകുട്ടിയുടേത് മനപ്പൂർവ്വമല്ലാത്ത നരഹത്യ; കാവുങ്കൽ ഗോകുൽ അറസ്റ്റിൽ
ജോലിക്കായുള്ള അഭിമുഖത്തിനായി പുലർച്ചെ കൊച്ചിയിലെത്തി; ഉച്ചയ്ക്ക് രണ്ടുമണിയോടെ ഓട്ടോയിൽ മെഡിക്കൽ ട്രസ്റ്റ് ആശുപത്രിയിൽ എത്തിച്ചപ്പോൾ മരിച്ച നിലയിൽ; ആശുപത്രിയിൽ എത്തിച്ചത് അമിതരക്തസ്രാവത്തെ തുടർന്ന്; ഒപ്പമുണ്ടായിരുന്ന യുവാവ് മുങ്ങിയെങ്കിലും മൊബൈൽ കേന്ദ്രീകരിച്ചുള്ള അന്വേഷണത്തിൽ പിടിയിൽ; എഴുപുന്ന സ്വദേശിനിയായ 19 കാരി സാന്ദ്രയുടെ മരണത്തിൽ ദുരൂഹത
ഭർത്താവിനോട് പോലും നീതി പുലർത്താത്ത, കള്ളം പറയുന്ന ഉത്തമനായ പുരുഷന്റെ മകൾ വിവാഹ മോചനം നേടാൻ പോകുന്നു......; കാരണം..... തെറ്റ് ചെയ്യാത്തവർ ആരും ഇല്ല എന്ന് ഭർത്താവിനോട് പറഞ്ഞതിനാൽ; മനോരമ വാർത്താ അവതാരകയ്ക്കെതിരെ സ്ത്രീ വിരുദ്ധത നിറച്ച് ദേശാഭിമാനിക്കാരന്റെ വ്യാജ ആരോപണ പോസ്റ്റ്; നിഷാ പുരുഷോത്തമനെതിരെ അതിക്രമം കാട്ടിയ സഖാവിനെതിരെ ഒരക്ഷരം മിണ്ടാതെ പത്രപ്രവർത്തക യൂണിയനും സ്ത്രീ സമത്വ വാദികളും; മനോരമ നിലപാട് കടുപ്പിച്ചപ്പോൾ പോസ്റ്റ് ഡിലീറ്റ് ചെയ്ത് തടിതപ്പൽ
ജസ്നയുള്ളത് ചെന്നൈയിലെ മതപഠന കേന്ദ്രത്തിലോ? നിർണായക കണ്ടെത്തൽ നടത്തിയത് പത്തനംതിട്ട എസ്‌പി കെജി സൈമൺ; രഹസ്യമാക്കി വയ്ക്കേണ്ട വിവരം പരസ്യമാക്കിയത് ക്രൈംബ്രാഞ്ച് ഡയറക്ടർ ടോമിൻ തച്ചങ്കരി; സൂചന കിട്ടിയിട്ടും ആളെ കണ്ടെത്താൻ കഴിയാതെ അന്വേഷണ സംഘം; റിട്ടയർമെന്റിന് മുമ്പായി കേസ് തെളിയിക്കുമെന്ന വാശിയിൽ കൂടത്തായി ഹീറോയും; ജസ്‌നയെ കാണാതായത് രണ്ടുവർഷം മുമ്പ് മുക്കൂട്ടുതറയിൽ നിന്ന്
സ്വയം മരണത്തിലേക്ക് പറന്നിറങ്ങിയപ്പോഴും മനസ്സാന്നിധ്യത്തോടെ കൂടെയുള്ളവരുടെ ജീവനുകൾ കാത്ത ക്യാപ്റ്റന് സല്യൂട്ട്! ഗിയർ ബോക്‌സിലെ തകരാർ തിരിച്ചറിഞ്ഞതോടെ ആകാശത്ത് വട്ടമിട്ട് പറന്ന് ഇന്ധനം പരമാവധി ഒഴിവാക്കി; സാങ്കേതിക തകരാർ തിരിച്ചറിഞ്ഞ് നിലത്തിറക്കൽ; മഴയിൽ തെന്നിമാറിയപ്പോഴും പറന്നുയരാത്തത് ജനവാസ കേന്ദ്രം മുന്നിലെന്ന യാഥാർത്ഥ്യം തിരിച്ചറിഞ്ഞ്; കരിപ്പൂരിൽ വൻ ദുരന്തം ഒഴിവാക്കിയത് യുദ്ധവിമാനങ്ങളെ അടക്കം നിയന്ത്രിച്ച ക്യാപ്ടൻ ഡിവി സാഥെ; വലിയ ദുരന്തം ഒഴിവാക്കിയത് ഈ മനക്കരുത്ത്
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച പോക്‌സോ കേസിലെ പ്രതി; ജയിലിൽ നിന്നിറങ്ങി അതേ പെൺകുട്ടിയെ ജീവിത സഖിയാക്കിയ നാലു മാസം മാത്രം നീണ്ട ദാമ്പത്യം; സ്വഭാവ ദൂഷ്യം മൂലം ഭാര്യ ഉപേക്ഷിച്ചതോടെ ഫുൾടൈം മൊബൈലിൽ ചുറ്റി തിരിയൽ തുടങ്ങി; വല്ലപ്പോഴും കടലിൽ പോയി മീൻ പിടിക്കും; 19കാരിയെ വളച്ചെടുത്തത് ഫേസ്‌ബുക്കിലൂടെ; ഹോട്ടൽ റീഗേറ്റ് ഇന്നിലെ ക്രൂരത മറച്ചുവക്കാനുള്ള വ്യഗ്രത യുവതിയുടെ ജീവനെടുത്തു; കാവുങ്കൽ ഗോകുൽ ചില്ലറക്കാരനല്ല
കള്ളും കഞ്ചാവും ശീലമായ ആൽബിൻ വിഷം കലർത്തിയ ഐസ്‌ക്രീം തയ്യാറാക്കിയത് കുടുംബത്തെ മുഴുവൻ വകവരുത്താൻ തന്നെ; ദളിത് യുവതിയെ പ്രണയിച്ചതിലെ വീട്ടുകാരുടെ എതിർപ്പ് പകയായി; സഹോദരിയോട് മോശമായി പെരുമാറിയത് വീട്ടുകാരോട് പറയും എന്ന ഭയവും കൊലയ്ക്ക് കാരണമായി ; കാസർകോട് 16കാരിയുടെ മരണത്തിന് പിന്നിൽ സഹോദരൻ; എല്ലാ കുറ്റവും പൊലീസിനോട് ഏറ്റുപറഞ്ഞ് ആൽബിൻ; കുടുംബത്തെ മുഴുവൻ വകവരുത്താനൊരുങ്ങിയത് നന്തൻകോട്ടെ കേഡലിന് സമാനമായി
ഒറ്റയ്ക്ക് പോകാൻ ധൈര്യമില്ല; നേരോടെയുമല്ല.. നിർഭയവുമല്ല... നിരന്തരം മര്യാദകെട്ട്...! ഏഷ്യാനെറ്റിനെ കളിയാക്കി പോസ്റ്റ്; പാർട്ടി അടിമയെ പോലെ മുഖ്യമന്ത്രിയുടെ പ്രസ് സെക്രട്ടറി പെരുമാറരുതെന്ന് വിനു വി ജോൺ; മര്യാദ കെട്ടവരുമായി കൂട്ടു വേണ്ടാന്നു വെക്കാനുള്ള സ്വാതന്ത്ര്യം കവർന്നെടുക്കാനുള്ള അധികാരം ഒരു ചാനൽ ജഡ്ജിക്കും ആരും നൽകിയിട്ടുമില്ല... കുഞ്ഞ് പോയി തരത്തിൽ കളിക്ക്...! പിഎം മനോജിന്റെ പരിഹാസത്തിൽ പത്രപ്രവർത്തക യൂണിയന് മൗനം; ചോദ്യം ചെയ്യലുകൾ മുഖ്യമന്ത്രിയെ അലോസരപ്പെടുത്തുമ്പോൾ
30 രൂപ പോക്കറ്റിലിട്ട് തോക്കെടുത്ത അയാൾക്ക് 30 വർഷത്തെ ക്രിമിനൽ ജീവിതത്തിന് ശേഷം ആസ്തി 30,000 കോടി; പതിനൊന്ന് ലക്ഷ്വറി കാറുകൾ; ഒരു പത്രത്തിന്റെ മുഴവൻ പേജിലും അച്ചടിച്ചാൽ ഒതുങ്ങാത്ത സ്വത്തു വിവരങ്ങൾ; തുളു ബ്രാഹ്മണിൽനിന്ന് അധോലോക നായകനിലേക്കും പിന്നീട് സാമൂഹിക പ്രവർത്തകനിലേക്കും; വേലക്കാർക്കു പോലും കൊടുത്തത് സ്ഥലവും മൂന്ന് ലക്ഷംരൂപയും; 'ദ ഗ്രേറ്റസ്റ്റ് ഗ്യാംഗ്സ്റ്റർ എവർ' എന്ന് സിനിമക്ക് അടിസ്ഥാനമായ മുത്തപ്പ റായ് വീണ്ടും വാർത്തകളിൽ നിറയുമ്പോൾ
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
പൊന്നിൻ വിലയുള്ള ആ ഒറ്റുകാരൻ തുഷാർ വെള്ളാപ്പള്ളിയോ? തുഷാറിനെ ദുബായിലേക്ക് വിളിച്ചു വരുത്തി കുടുക്കിയത് സ്വപ്ന സുരേഷോ? അന്ന് നടന്നത് ബിജെപിയുമായി ഒട്ടി നിൽക്കുന്ന ബിഡിജെഎസിനെ അടർത്തി മാറ്റാൻ നടത്തിയ കളിയോ? ചട്ടുകമാക്കിയത് സ്വപ്നയെയും തുഷാറിന്റെ അടുത്ത സുഹൃത്തുക്കളെയും; കാത്തിരുന്ന് പക വീട്ടി എസ് എൻ ഡി പി നേതാവും! ചതിക്ക് പകരം ചതിയുമായി ഗോളടിച്ചത് തുഷാറോ? നയതന്ത്ര കള്ളക്കടത്തിൽ ചർച്ചയാകുന്ന പ്രതികാര കഥ