Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202027Sunday

ക്രൈസ്തവ സഭക്കെതിരേ ഇറങ്ങിയ അശ്ലീല ഗ്രന്ഥം കണ്ടുകെട്ടാൻ കേരള സർക്കാരിനോട് ഹൈക്കോടതി നിർദ്ദേശിച്ചിട്ടുണ്ട്; സഭക്കെതിരല്ലാത്ത വാർത്തയായതു കൊണ്ട് അണ്ണന്മാർ തെളിവ് തേടി പോയിരിക്കുകയാണ്; മടങ്ങിവരുമോ എന്ന് കാത്തിരുന്ന് കാണാം; വ്യാഴാഴ്‌ച്ചയോടു കൂടെ ഉത്തരവ് ഹൈക്കോടതി മുദ്രയോടു കൂടെ സ്വന്തമാക്കാൻ സാധിക്കും; സിസ്റ്റർ ലൂസിയുടെ വിവാദ ആത്മകഥ 'കർത്താവിന്റെ നാമത്തിൽ' ഹൈക്കോടതി കണ്ടുകെട്ടാൻ നിർദ്ദേശിച്ചെന്നു സമൂഹ മാധ്യമങ്ങളിൽ വ്യാജ പ്രചരണം; പരാതി ഹൈക്കോടതി മടക്കിയതെന്ന് ഡിസി ബുക്സും

ക്രൈസ്തവ സഭക്കെതിരേ ഇറങ്ങിയ അശ്ലീല ഗ്രന്ഥം കണ്ടുകെട്ടാൻ കേരള സർക്കാരിനോട് ഹൈക്കോടതി നിർദ്ദേശിച്ചിട്ടുണ്ട്; സഭക്കെതിരല്ലാത്ത വാർത്തയായതു കൊണ്ട് അണ്ണന്മാർ തെളിവ് തേടി പോയിരിക്കുകയാണ്; മടങ്ങിവരുമോ എന്ന് കാത്തിരുന്ന് കാണാം; വ്യാഴാഴ്‌ച്ചയോടു കൂടെ ഉത്തരവ് ഹൈക്കോടതി മുദ്രയോടു കൂടെ സ്വന്തമാക്കാൻ സാധിക്കും; സിസ്റ്റർ ലൂസിയുടെ വിവാദ ആത്മകഥ 'കർത്താവിന്റെ നാമത്തിൽ' ഹൈക്കോടതി കണ്ടുകെട്ടാൻ നിർദ്ദേശിച്ചെന്നു സമൂഹ മാധ്യമങ്ങളിൽ വ്യാജ പ്രചരണം; പരാതി ഹൈക്കോടതി മടക്കിയതെന്ന് ഡിസി ബുക്സും

എം മനോജ് കുമാർ

തിരുവനന്തപുരം: സിസ്റ്റർ ലൂസി കളപ്പുരയുടെ വിവാദ ആത്മകഥ 'കർത്താവിന്റെ നാമത്തിൽ' ഹൈക്കോടതി കണ്ടുകെട്ടാൻ നിർദ്ദേശിച്ചോ? നവംബർ മുപ്പതിന് പുറത്തിറങ്ങിയ ശേഷം ചുരുങ്ങിയ സമയത്തിനുള്ളിൽ അഞ്ചാമത് എഡിഷനിലേക്ക് കടക്കുന്ന ആത്മകഥ നിരോധിച്ചതായി സാമൂഹ്യമാധ്യമങ്ങളിലാണ് സന്ദേശം പരക്കുന്നത്. സഭയിലെ ലൈംഗിക അരാജകത്വത്തെയും പൗരോഹിത്യമേധാവിത്വത്തെയും അഴിമതിയെയും കുറിച്ച് തുറന്ന നിലപാടുകൾ സ്വീകരിക്കുന്ന സിസ്റ്റർ സ്വന്തം സന്യാസജീവിതാനുഭവങ്ങൾ തുറന്നെഴുതുകയാണ് കർത്താവിന്റെ നാമത്തിൽ എന്ന ആത്മകഥയിലൂടെ. ഈ പുസ്തകത്തിന്റെ ജനപ്രീതിയിൽ പരിഭ്രാന്തരായ സഭയുമായി ബന്ധപ്പെട്ടവർ തന്നെയാണ് പുസ്തകം നിരോധിച്ചെന്ന വ്യാജ പ്രചാരണങ്ങൾക്ക് പിന്നിൽ എന്നാണ് സൂചന. സിസ്റ്റർ ലൂസി കളപ്പുരയുടെ ആത്മകഥയുടെ അച്ചടിയും വിതരണവും തടയണമെന്നാവശ്യപ്പെട്ടുള്ള ഹർജി കഴിഞ്ഞയാഴ്ച ഹൈക്കോടതി തള്ളിയിരുന്നു. പുസ്തകത്തിന്റെ ഉള്ളടക്കത്തെക്കുറിച്ച് ആക്ഷേപമുണ്ടെങ്കിൽ പൊലീസിനെ സമീപിക്കാമെന്ന് അന്ന് കോടതി കോടതി നിർദ്ദേശിച്ചത്. പുസ്തകത്തിലെ പരാമർശങ്ങൾ വൈദികർക്കും കന്യാസ്ത്രീകൾക്കും മാനക്കേട് ഉണ്ടാക്കുന്നതാണെന്ന് ഹർജിയിൽ പറഞ്ഞത്.

Stories you may Like

എസ്എംഐ സന്യാസിനി സഭാംഗമായ സി. ലിസിയ ജോസഫായിരുന്നു അന്ന് ഹർജി സമർപ്പിച്ചത്. തുടർന്നും സഭയുമായി ബന്ധപ്പെട്ടവർ പുസ്തകത്തിനു എതിരെ പ്രചാരണവുമായി നിലയുറപ്പിച്ചിരുന്നു. ഹർജി ഹൈക്കോടതി തള്ളിയതിനെ തുടർന്ന് ക്രൈസ്തവസഭക്കെതിരേ ഇറങ്ങിയ ഒരു അശ്ലീലഗ്രന്ഥം എന്ന രീതിയിലാണ് പുസ്തകത്തിന്നെതിരെ പ്രചരണം ശക്തമാകുന്നത്. നിലവിൽ സിസ്റ്റർ സൂസിയുടെ ആത്മകഥയ്ക്ക് നിരോധനം വന്നിട്ടില്ല. ഹൈക്കോടതിയിൽ ഇന്നലെ കേസ് വന്നിരുന്നു. പരാതിയുണ്ടെങ്കിൽ പൊലീസിൽ പരാതി നല്കാനാണ് ഹൈക്കോടതി നിർദ്ദേശിച്ചത് എന്നാണ് അറിയാൻ കഴിഞ്ഞത്. എന്നാൽ ഇതിൽ നിന്നും വിപരീതമായി ഹൈക്കോടതി പുസ്തകം കണ്ടെടുക്കാൻ നിർദ്ദേശിച്ചെന്നും പ്രതികൾക്ക് എതിരെ ക്രിമിനൽ കേസ് എടുക്കാൻ ഉത്തരവിട്ടെന്നും മറ്റുമാണ് സോഷ്യൽ മീഡിയയിൽ പ്രചാരണം നടക്കുന്നത്. ഇത്തരം വ്യാജ പ്രചാരണങ്ങൾ തള്ളി ഡിസി ബുക്ക്‌സ് രംഗത്തുമുണ്ട്.

'കർത്താവിന്റെ നാമത്തിൽ' നിരോധിച്ചിട്ടില്ലെന്നാണ് ഡിസി ബുക്‌സ് അധികൃതർ മറുനാടൻ മലയാളിയോട് പറഞ്ഞത്. ഹൈക്കോടതിയിൽ ഇന്നലെ കേസ് വന്നു. മുൻപ് പരാമർശിച്ചതുപോലെ പരാതിയുണ്ടെങ്കിൽ അത് പൊലീസ് സ്റ്റേഷനിൽ നൽകാനാണ് ഹൈക്കോടതി പറഞ്ഞത്. ഈ ഹൈക്കോടതിയുടെ നിർദ്ദേശത്തിനു വ്യാജ ഭാഷ്യം ചമയ്ക്കുകയാണ് ചിലർ. ഹൈക്കോടതി പരാതി തിരികെ നൽകുകയാണ് ചെയ്തത്. വ്യാജ പ്രചാരണത്തിന്റെ അങ്ങേയറ്റമാണ് പുസ്തകവുമായി ബന്ധപ്പെട്ടു നടക്കുന്നത്. പുസ്തകത്തിനു വന്ന ജനപ്രീതി തന്നെയാണ് ഇത്തരം പ്രചാരണങ്ങൾക്ക് പിന്നിൽ. സഭയുമായി ബന്ധപ്പെട്ടവർ ഡിസി ബൂക്ക്‌സിനെ സമീപിച്ചിട്ടില്ല. പക്ഷെ പുസ്തകശാലകളിൽ കറങ്ങി ചിലർ പറയുന്നുണ്ട് പുസ്തകം വിൽക്കാൻ അനുമതിയില്ല. പുസ്തകം നിരോധിച്ചതാണ് എന്നൊക്കെ. പക്ഷെ പുസ്തകശാല അധികൃതർ അതേസമയം തന്നെ ഡിസിയുമായി ബന്ധപ്പെട്ടിട്ടുണ്ട്. ഞങ്ങൾ അവരുടെ സംശയം പരിഹരിച്ചിട്ടുമുണ്ട്. പക്ഷെ സഭയുമായി ബന്ധപ്പെട്ടവർ ഇതുവരെ പുസ്തകവുമായി ബന്ധപ്പെട്ടു ഏതെങ്കിലും പരാതിയുമായി ഡിസിബൂക്ക്‌സിനെ സമീപിച്ചിട്ടില്ല- ഡിസി ബുക്‌സ് അധികൃതർ വിശദമാക്കുന്നു.

പക്ഷെ സഭയുമായി ബന്ധപ്പെട്ടവർ പുസ്തകത്തിന്നെതിരെ സജീവമായി രംഗത്തുണ്ട്. എന്നാൽ പുസ്തകവുമായി ബന്ധപ്പെട്ടു കൂടുതൽ കാര്യങ്ങൾ ഒന്നും അറിയില്ലെന്നാണ് സിസ്റ്റർ ലൂസി മലയാളിയോട് പറഞ്ഞത്. പുസ്തകം ഇറങ്ങിയപ്പോൾ ഭീഷണി വർധിച്ചതായാണ് സിസ്റ്റർ ലൂസി പറയുന്നത്. പുസ്തകത്തിലൂടെ നടത്തിയ എല്ലാ വെളിപ്പെടുത്തലും സത്യസന്ധമാണെന്നാണ് സിസ്റ്റർ വ്യക്തമാക്കിയത്. നിരവധി കന്യാസ്ത്രീകളുടെ മനഃസാക്ഷിയിൽ സമാനമായ പുസ്തകം തയ്യാറായിട്ടുണ്ട്. ഉള്ളിന്റെയുള്ളിൽ അവർ അതിന്റെ വരികൾ ആവർത്തിച്ച് എഴുതിയിട്ടുണ്ട്. എന്നാൽ ഇക്കാര്യങ്ങൾ പുസ്തകമായി അവതരിപ്പിക്കാനോ പുറത്തേക്ക് വരാനോ ഉള്ള സാമൂഹ്യ അവസ്ഥ കേരളത്തിലില്ല. തന്റെ പുസ്തകം ചെറിയൊരു ഭാഗം മാത്രമാണെന്നാണ് പുസ്തകവുമായി ബന്ധപ്പെട്ടു നടത്തിയ പ്രസ്താവനകളിൽ സിസ്റ്റർ വ്യക്തമാക്കിയത്.

മതമേലദ്ധ്യക്ഷന്മാരിൽ നിന്നും പീഡനങ്ങളും ചൂഷണങ്ങളും അനുഭവിക്കുന്നതിനാലാണ് പുസ്തകവുമായി മുന്നോട്ട് പോകാൻ തീരുമാനിച്ചത്. സമൂഹം പുതിയ ബോധ്യത്തിലും അറിവിലേക്കും മാറ്റത്തിലേക്കും വരേണ്ടതുണ്ട്. വരികൾക്കും അപ്പുറം എത്രയോ യാഥാർത്ഥ്യങ്ങളുണ്ട്. 'മഠങ്ങളിൽ സന്ദർശകരെന്ന വ്യാജേന എത്തി വൈദികർ ലൈംഗിക ചൂഷണം നടത്താറുണ്ട്. കന്യാസ്ത്രീയായതിന് ശേഷം തനിക്ക് നേരെ നാല് തവണ ലൈംഗിക പീഡനശ്രമം ഉണ്ടായി. കൊട്ടിയൂർ കേസിലെ പ്രതി ഫാദർ റോബിന് പല കന്യാസ്ത്രീകളുമായും ബന്ധമുണ്ടായിരുന്നു. തുടങ്ങി പല വിവാദ വെളിപ്പെടുത്തലുകളും പുസ്തകത്തിലൂടെ വെളിപ്പെടുത്തിയിട്ടുണ്ട്. മഠത്തിൽ കഴിഞ്ഞിരുന്ന ഒരു കന്യാസ്ത്രീ പ്രസവിച്ചതായും ഇതിൽ ഉത്തരവാദിയായ വൈദികനെ സഭ സംരക്ഷിച്ചെന്നും പുസ്തകത്തിൽ ആരോപണമുണ്ട്. ചില മഠങ്ങളിൽ നിന്ന് യുവതികളായ കന്യാസ്ത്രീകളെ പള്ളിമേടകളിലേക്ക് നിർബന്ധപൂർവ്വം പറഞ്ഞ് വിടുന്ന പതിവുണ്ട്. അവർ അനുഭവിക്കാറുള്ളത് അസാധാരണ വൈകൃതങ്ങളാണ്. മുതിർന്ന കന്യാസ്ത്രീകൾ യുവതികളായ കന്യാസ്ത്രീകളെ സ്വവർഗ്ഗഭോഗത്തിന് വിധേയരാക്കാറുണ്ട്- തുറന്നെഴുത്തിലൂടെ സിസ്റ്റർ വ്യക്തമാക്കുന്നു.

'കർത്താവിന്റെ നാമത്തി'ലിനെക്കുറിച്ച് സമൂഹ മാധ്യമങ്ങളിൽ പരക്കുന്ന പ്രചാരണം:

കേരളത്തിൽ അടുത്തകാലത്ത് ക്രൈസ്തവസഭക്കെതിരേ ഇറങ്ങിയ ഒരു അശ്ലീലഗ്രന്ഥം കണ്ടുകെട്ടാൻ കേരള ഗവൺമെന്റിനോട് ഇന്ന് ഹൈക്കോടതി നിർദ്ദേശിച്ചത് വ്യാജവാർത്തയാണെന്ന് വാദിക്കുകയാണ് പലരും. കോടതിയുടേതായ യാതൊരു രേഖകളുമില്ലാതെ വാർത്തയിടില്ലെന്ന് മാധ്യമങ്ങൾക്കും നിർബന്ധം. വാസ്തവത്തിൽ സംഭവിച്ചതെന്താണെന്ന് വിശ്വാസികളെങ്കിലും അറിഞ്ഞിരിക്കുന്നത് നല്ലതാണ്. ഹൈക്കോടതിയിൽ സി. ലിസിയ ആദ്യം ഹർജി നല്കിയപ്പോൾ പരാതി പൊലീസ് സ്റ്റേഷനിൽ നല്കാനാണ് ഹൈക്കോടതി നിർദ്ദേശിച്ചത്. പൊലീസ് കേസെടുത്തില്ലെങ്കിൽ കോടതി ഇടപെടാമെന്നും പറഞ്ഞിരുന്നു. അതിൻപ്രകാരം കേരളത്തിലങ്ങോളമിങ്ങോളം നൂറോളം കേസുകൾ ഈ വിഷയത്തിൽ ഫയൽ ചെയ്യാൻ ശ്രമിച്ചെങ്കിലും കേസെടുക്കേണ്ടെന്നാണ് തങ്ങൾക്ക് കിട്ടിയിരിക്കുന്ന നിർദ്ദേശമെന്ന് പൊലീസ് പറഞ്ഞു. ശ്രീ ജോസ് വല്ലനാട്ട് മണ്ണാർക്കാട്ട് സ്റ്റേഷനിൽ പരാതി കൊടുത്തപ്പോഴും സ്വീകരിക്കുകയുണ്ടായില്ല. തുടർന്ന് അദ്ദേഹം പരാതി രജിസ്റ്റേഡ് പോസ്റ്റ് ആയി അയച്ചുകൊടുത്തുവെങ്കിലും രജിസ്റ്റർ ചെയ്തില്ല. ബഹുമാനപ്പെട്ട സിസ്റ്റേഴ്‌സ് കൊടുത്ത പരാതികളും ഫലം കണ്ടില്ല.

ഈ സാഹചര്യത്തിലാണ് വീണ്ടും പരാതിക്കാർ ഹൈക്കോടതിയെ സമീപിക്കുന്നത്. കഴിഞ്ഞ മൂന്ന് ദിവസമായി പരാതി ഫയൽ ചെയ്ത് അത് നമ്പറിട്ട് കോടതിയിലെത്താൻ വേണ്ടി കാത്തിരിക്കുകയായിരുന്നു പരാതിക്കാരും വക്കീലന്മാരും. എന്നാൽ പരാതിയിൽ നമ്പറിടാൻ പോലും അത് ചെയ്യേണ്ടവർ തയ്യാറാകാതിരുന്നപ്പോൾ ഇന്ന് കോടതയിൽ നേരിട്ട് പരാതിപ്പെടാൻ വക്കീലന്മാർ തയ്യാറെടുത്ത്. ഇത് മനസ്സിലാക്കിയ ഉദ്യോഗസ്ഥർ നമ്പറിടാതെ പ്രസ്തുത ഫയൽ കോടതിയിലെത്തിച്ചു. നമ്പറിട്ട് വന്ന എല്ലാ കേസുകളും കൈകാര്യം ചെയ്ത് കഴിഞ്ഞ് ഏകദേശം 4.50-നടുത്താണ് നമ്പറിടാത്ത ഈ കേസ് കോടതി പരിഗണിച്ചത്. വാദങ്ങളെല്ലാം വിശദമായി കേട്ട കോടതി പരാതിക്കാരുടെ വാദം ശരിവെച്ച് പുസ്തകം കണ്ടുകെട്ടാനും പ്രതികളായി പരാമർശിച്ചിരിക്കുന്നവർക്കെതിരേ ക്രിമിനൽ കേസെടുക്കാനും നിർദ്ദേശിച്ചു.

ഇന്ന് (13.12.2019) വൈകുന്നേരം ഏറ്റവും അവസാനമായി എടുത്ത കേസായിരുന്നു ഇത്. ഇന്നത്തെ ദിവസത്തെ മുഴുവൻ വിധിപ്പകർപ്പുകൾ എഴുതി വരാനുണ്ട്. ഇനി ശനിയും ഞായറും അവധി ദിവസങ്ങളുമാണ്. ആയതിനാൽ തിങ്കളാഴ്ച പരാതി നമ്പറിട്ട് കിട്ടുമെങ്കിലും ഇന്നത്തെ വിധികൾ മുഴുവൻ അന്ന് എഴുതിത്ത്ത്ത്തീരുമോ എന്ന് പറയാനാവില്ല. ചൊവ്വാഴ്ച എഴുതിക്കിട്ടിയാൽത്തന്നെ സീൽ ചെയ്ത് കിട്ടണമെന്നുമില്ല. വ്യാഴാഴ്ചയോടുകൂടെ ഈ ഉത്തരവ് ഹൈക്കോടതി മുദ്രയോടുകൂടെ സ്വന്തമാക്കാൻ സാധിക്കും എന്നത് കരുതാം. ഈ വാർത്ത വ്യാജമാണെന്ന് വാദിക്കുന്നവരുടെ പ്രചരണങ്ങൾ അവർ കടിച്ചമർത്തിവെച്ചിരിക്കുന്ന കരച്ചിലാണ് സൂർത്തുക്കളേ... അവരെ ആശ്വസിപ്പിക്കാം.

പരാതിയുടെ നമ്പറോ ഉത്തരവിന്റെ കോപ്പിയോ ഒന്നും കിട്ടാത്തതിനാലാണ് മാധ്യമങ്ങൾ വാർത്തയിടാത്തത്രേ... ഇവിടെ ഏതു മാധ്യമമാണ് സ്ഥിരീകരിച്ച വാർത്തകൾ ഇടാറുള്ളതെന്നാണ് ഈയുള്ളവന് സംശയം. ഇത് സഭക്കെതിരല്ലാത്ത വാർത്തയായതുകൊണ്ട് അണ്ണന്മാർ തെളിവ് തേടി പോയിരിക്കുകയാണ്. മടങ്ങിവരുമോ എന്ന് കാത്തിരുന്ന് കാണാം.

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP