Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202024Saturday

നടപ്പിലാക്കുക സാലറി ചലഞ്ചിന്റെ പേരിൽ സാലറി കട്ട് തന്നെ; എല്ലാ സർക്കാർ ജീവനക്കാരും ഒരു മാസത്തെ ശമ്പളം നിർബന്ധമായി നൽകണം; ആവശ്യമെങ്കിൽ ഉത്തരവിൽ നികുതി കുറഞ്ഞതു സാഹചര്യവും വിശദീകരിക്കും; നിയമോപദേശത്തിന്റെ പിൻബലത്തിൽ കൊറോണക്കാലത്ത് ഒരു മാസം ശമ്പളം ജീവനക്കാർക്ക് നൽകേണ്ടതില്ലെന്ന് തീരുമാനിച്ച് മന്ത്രിസഭ; സാലറി തവണകളായി പിടിക്കുന്നതിൽ തീരുമാനമായില്ല; ഇനി നിർണ്ണായകം സംഘടനകളുടെ നിലപാട്; സർക്കാർ പ്രതീക്ഷിക്കുന്നത് 2500 കോടിയുടെ ആശ്വാസം

നടപ്പിലാക്കുക സാലറി ചലഞ്ചിന്റെ പേരിൽ സാലറി കട്ട് തന്നെ; എല്ലാ സർക്കാർ ജീവനക്കാരും ഒരു മാസത്തെ ശമ്പളം നിർബന്ധമായി നൽകണം; ആവശ്യമെങ്കിൽ ഉത്തരവിൽ നികുതി കുറഞ്ഞതു സാഹചര്യവും വിശദീകരിക്കും; നിയമോപദേശത്തിന്റെ പിൻബലത്തിൽ കൊറോണക്കാലത്ത് ഒരു മാസം ശമ്പളം ജീവനക്കാർക്ക് നൽകേണ്ടതില്ലെന്ന് തീരുമാനിച്ച് മന്ത്രിസഭ; സാലറി തവണകളായി പിടിക്കുന്നതിൽ തീരുമാനമായില്ല; ഇനി നിർണ്ണായകം സംഘടനകളുടെ നിലപാട്; സർക്കാർ പ്രതീക്ഷിക്കുന്നത് 2500 കോടിയുടെ ആശ്വാസം

മറുനാടൻ മലയാളി ബ്യൂറോ

തിരുവനന്തപുരം : കേരളത്തിൽ നടപ്പാക്കുക സാലറി ചലഞ്ച് അല്ല സാലറി കട്ട് തന്നെ. കോവിഡ് പ്രതിസന്ധി മറികടക്കാൻ കൊണ്ടുവരുന്ന സാലറി ചലഞ്ചിന് മന്ത്രിസഭ അംഗീകാരം നൽകി. എല്ലാ സർക്കാർ ജീവനക്കാരും ഒരു മാസത്തെ ശമ്പളം നിർബന്ധമായി നൽകണം. ജീവനക്കാരുടെ പ്രതികരണം അറിഞ്ഞ ശേഷം തുടർ നടപടി സ്വീകരിക്കാനും മന്ത്രിസഭാ യോഗം തീരുമാനിച്ചു. നിർബന്ധമായി നൽകണമെന്ന വ്യവസ്ഥയോടെ ഫലത്തിൽ ഇത് സാലറി കട്ടായി മാറുകയാണ്. ഈ മാസം മുഴുവൻ ലോക് ഡൗൺ ഉണ്ടാകുമെന്നാണ് സൂചന. ഈ സമയം സർക്കാർ ജീവനക്കാർക്ക് ശമ്പളം നൽകും. എന്നാൽ ജോലി ചെയ്യാതെ വാങ്ങുന്ന ഈ ശമ്പളം സർക്കാർ ഖജനാവിന് തന്നെ തിരിച്ചു നൽകേണ്ടി വരും. ഫലത്തിൽ ഒരു മാസത്തെ ശമ്പളം ജീവനക്കാർക്ക് നഷ്ടമാകും.

കോവിഡ് രോഗബാധയെ തുടർന്ന് ഉടലെടുത്ത സാമ്പത്തിക പ്രതിസന്ധിയിൽ നിന്ന് കരകയറാൻ സർക്കാർ ജീവനക്കാർ ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകണമെന്ന് മുഖ്യമന്ത്രി പിണറായി വിജയൻ കഴിഞ്ഞ ദിവസം ആവശ്യപ്പെട്ടിരുന്നു. പ്രത്യേക കാലഘട്ടത്തിൽ ജീവനക്കാർ സഹായിക്കണമെന്നായിരുന്നു മുഖ്യമന്ത്രിയുടെ ആവശ്യം. ഇതിന് പിന്നാലെയാണ് സാലറി ചലഞ്ചിന് മന്ത്രിസഭ അംഗീകാരം നൽകിയത്. ഇതിനോട് ജീവനക്കാർ അനുകൂലമായി പരിഗണിക്കുമെന്നാണ് സർക്കാർ പ്രതീക്ഷ. ഇല്ലാത്ത പക്ഷം കടുത്ത വ്യവസ്ഥകളോടെ ഉത്തരവ് പുറത്തിറക്കും. സാമ്പത്തിക പ്രതിസന്ധി അടക്കം അതിൽ വിശദീകരിക്കും. വരുമാനം ഇല്ലാത്തതു കൊണ്ടാണ് ശമ്പളം കട്ട് ചെയ്യുന്നതെന്നും വിശദീകരിക്കും. ജീവനക്കാർ സഹകരിച്ചാൽ തവണകളായി ശമ്പളം സർക്കാർ പിടിക്കും. ഇല്ലെങ്കിൽ അടുത്ത മാസം ശമ്പളം നൽകില്ലെന്നാണ് സൂചന.

ഒരു മാസത്തെ ശമ്പളം കൊറോണ പ്രതിരോധത്തിനായി ദുരിതാശ്വാസ നിധിയിലേക്ക് സംഭാവന നൽകാൻ മന്ത്രി എം എം മണിയും ആവശ്യപ്പെട്ടിട്ടുണ്ട്. നേരത്തെ പ്രളയ ദുരിതാശ്വാസവുമായി ബന്ധപ്പെട്ട് സർക്കാർ നടത്തിയ സാലറി ചലഞ്ച് വിവാദമാകുകയും, കോടതിയിൽ ഹർജി എത്തുകയും ചെയ്തിരുന്നു. കൊറോണ പ്രതിരോധത്തിനായി വൻ വ്യവസായികളായ എം എ യൂസഫലി, കല്യാണരാമൻ തുടങ്ങി നിരവധിപേർ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയിരുന്നു. സാലറി ചലഞ്ചിൽ മറ്റു സംസ്ഥാന സർക്കാരുകളുടെ മാതൃക കേരളത്തിൽ നടപ്പാക്കാനാണ് ഇത്. എല്ലാ ജീവനക്കാരുടെയും ഒരുമാസത്തെ ശമ്പളം ദുരിതാശ്വാസനിധിയിൽ എത്തുമെന്ന് ഉറപ്പുവരുത്താനാണിത്. 2200 കോടി ജീവനക്കാരുടെ ശമ്പളത്തിലൂടെ സമാഹരിക്കാനാണ് സർക്കാർ ശ്രമം. 20000 കോടി രൂപയുടെ പാക്കേജിന് മുതൽകൂട്ടാകാനാണ് ഇത്. പ്രളയകാലത്തെ സാലറി ചലഞ്ചിൽ സുപ്രീംകോടതി വരെ സർക്കാരിനെ വിമർശിച്ചിരുന്നു. അതുകൊണ്ട് തന്നെ കരുതലോടെയാണ് നീക്കം.

കേരളത്തിൽ ഒരുമാസത്തെ ശമ്പളം നൽകാൻ തയ്യാറുള്ളവർക്ക് അത് മൂന്നോ നാലോ ഗഡുക്കളായി നൽകാൻ സാവകാശം അനുവദിക്കുമെന്നാണ് സൂചന. അതിന് തയ്യാറാകാത്തവരുടെ ഏപ്രിൽ, മെയ് മാസത്തെ ശമ്പളം 50 ശതമാനംവീതം വെട്ടിക്കുറയ്ക്കാനും ആലോചിച്ചിരുന്നു. എന്നാൽ തൽകാലം ആ തീരുമാനത്തിലേക്ക് പോകില്ല. പകരം എല്ലാവരുടേയും ശമ്പളം പിടിച്ചെടുക്കും. പൊതുമേഖലയിലും സർക്കാരിന്റെ സഹായധനത്തോടെ പ്രവർത്തിക്കുന്ന സ്ഥാപനങ്ങളിലും സാലറി ചലഞ്ച് ബാധകമാണ്. ശമ്പളം വെട്ടിക്കുറയ്ക്കൽ മോഡൽ അവതരിപ്പിച്ചത് തെലുങ്കാനാ സർക്കാരാണ്. ഇത് നടപ്പാക്കുന്നത് കേരളത്തിൽ പ്രതിഷേധമുണ്ടാകുമെന്നാണ് സർക്കാരിന്റെ വിലയിരുത്തൽ. തെലുങ്കാന കടുത്ത നടപടികൾ എടുത്തതു കൊണ്ട് സുപ്രീംകോടതിയിൽ കേസ് എത്തിയാലും തിരിച്ചടിയുണ്ടാകില്ലെന്നാണ് വിലയിരുത്തൽ. ജീവനക്കാർ ഒരുമാസത്തെ ശമ്പളം നൽകണമെന്ന് മുഖ്യമന്ത്രി പിണറായി വിജയൻ കഴിഞ്ഞദിവസം അഭ്യർത്ഥിച്ചിരുന്നു.

2018-ലെ പ്രളയകാലത്ത് നടപ്പാക്കിയ സാലറി ചലഞ്ച് കോടതിയിൽ ചോദ്യംചെയ്യപ്പെട്ടതിനാൽ ഇത്തവണ നിയമവശങ്ങൾകൂടി സൂക്ഷ്മമായി പരിശോധിച്ചശേഷമേ ഉത്തരവിറക്കൂ. കേരളത്തിന്റെ സാമ്പത്തിക സ്ഥിതിയിൽ ഒരു മാസം ശമ്പളം നൽകാനുള്ള തുക സർക്കാരിനില്ലെന്നാണ് പിണറായിയുടെ നിലപാട്. ഈ മാസം ജീവനക്കാർ ജോലിയും ചെയ്തിട്ടില്ല. വീട്ടിൽ ഇരിക്കുകയാണ്. അതിനിടെ നേഴ്സുമാരെ സാലറി ചലഞ്ചിൽ പങ്കെടുപ്പിക്കരുതെന്ന ആവശ്യവും ഉണ്ട്. കോവിഡ് പ്രതിരോധത്തിൽ പങ്കെടുക്കുന്നവരെ എല്ലാം സർക്കാർ സാലറി ചലഞ്ചിൽ നിന്ന് ഒഴിവാക്കാനും സാധ്യതയുണ്ട്. അവർ രാപകലില്ലാതെ ജോലി ചെയ്ത സാഹചര്യത്തിലാണ് ഇത്. കഴിഞ്ഞദിവസം നടന്ന ചർച്ചയിൽ ജീവനക്കാരുടെ സംഘടനകൾ സാലറി ചലഞ്ച് തത്ത്വത്തിൽ അംഗീകരിച്ചതിനാൽ ഭൂരിഭാഗം ജീവനക്കാരും സ്വമേധയാ പങ്കെടുക്കുമെന്നാണ് സർക്കാർ പ്രതീക്ഷിക്കുന്നത്. എന്നാൽ താഴെത്തട്ടിലെ ജീവനക്കാരെയു രോഗപ്രതിരോധ രംഗത്ത് ത്യാഗസന്നദ്ധതയോടെ പ്രവർത്തുക്കുന്ന ആരോഗ്യവകുപ്പ് ജീവനക്കാരെയും പൊലീസിനെയുമൊക്കെ സാലറി ചലഞ്ചിൽനിന്ന് ഒഴിവാക്കുമെന്ന് തന്നെയാണ് സൂചന.

ഒഴിവാക്കാനാവാത്ത സാഹചര്യങ്ങളിൽ മറ്റ് സംസ്ഥാനങ്ങൾ ചെയ്തപോലെ ജീവനക്കാരുടെ ശമ്പളം വെട്ടിക്കുറയ്ക്കുന്നതിന് ഉത്തരവിടാൻ നിയമപരമായ തടസ്സമില്ലെന്നാണ് സർക്കാരിന് ലഭിച്ച നിയമോപദേശം. പ്രളയകാലത്തെ സാലറി ചലഞ്ചിൽ സർക്കാരിന് കിട്ടിയത് 1500 കോടി രൂപയാണ്. ഇതിൽ എല്ലാവരും പങ്കെടുത്തിരുന്നില്ല. ഇത്തവണ എല്ലാവരേയും ഇതിന്റെ ഭാഗമാക്കിയേ മതിയാകൂവെന്നാണ് സർക്കാർ നിലപാട്. അതിനിടെ ശമ്പളം കുറവുള്ളവരെ ഇതിൽ നിന്ന് ഒഴിവാക്കണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെടുകയും ചെയ്തു. ലോക്ക്ഡൗൺ കാരണം നികുതി ഉൾപ്പടെയുള്ള വരുമാനമാർഗ്ഗങ്ങൾ അടഞ്ഞതും മതിയായ കേന്ദ്ര സഹായം ലഭിക്കാത്തതും സംസ്ഥാനത്തിന്റെ സമ്പദ്സ്ഥിതിയെ അപകടത്തിലാക്കുന്ന സാഹചര്യം വിലയിരുത്തിയാണ് ശമ്പളം പിടിക്കുന്നത്.

അതിനിടെ നിർബന്ധപൂർവ്വം സാലറി ചലഞ്ച് നടപ്പാക്കരുതെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. ക്ലാസ് ഫോർ ജീവനക്കാരെ ഇതിൽ നിന്നും ഒഴിവാക്കണമെന്നും ചെന്നിത്തല ആവശ്യപ്പെട്ടു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP