Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202128Sunday

ആങ്ങമൂഴിയിൽ രണ്ടിടത്ത് ഉരുൾപൊട്ടിയെന്ന് സംശയം; വീട്ടുമുറ്റത്ത് കിടന്ന കാർ ഒഴുകിപ്പോയി; നാശനഷ്ടം ഉണ്ടായത് ആങ്ങമൂഴി കോട്ടമൺ പാറയിൽ; ഉരുൾപൊട്ടൽ പ്ലാപ്പള്ളി, തേവർമല വനമേഖലയിൽ

ആങ്ങമൂഴിയിൽ രണ്ടിടത്ത് ഉരുൾപൊട്ടിയെന്ന് സംശയം; വീട്ടുമുറ്റത്ത് കിടന്ന കാർ ഒഴുകിപ്പോയി; നാശനഷ്ടം ഉണ്ടായത് ആങ്ങമൂഴി കോട്ടമൺ പാറയിൽ; ഉരുൾപൊട്ടൽ പ്ലാപ്പള്ളി, തേവർമല വനമേഖലയിൽ

ശ്രീലാൽ വാസുദേവൻ

പത്തനംതിട്ട: ചിറ്റാർ ആങ്ങമൂഴിയിൽ വനമേഖലയിൽ രണ്ടിടത്ത് ഉരുൾപൊട്ടിയെന്ന് സംശയം. വീട്ടുമുറ്റത്ത് കിടന്ന കാർ ഒഴുകി പോയി. ആങ്ങമൂഴി കോട്ടമൺ പാറയിലാണ് ഉരുൾ പൊട്ടി നാശനഷ്ടം ഉണ്ടായത്. പ്ലാപ്പള്ളി, തേവർമല വനമേഖലയിലാണ് ഉരുൾപൊട്ടലുണ്ടായിരിക്കുന്നത്.

ശനിയാഴ്ച ശനിയാഴ്ച വൈകുന്നേരം 5.15 നാണ് സംഭവം. ശക്തമായ മഴയത്താണ് വനത്തിൽ ഉരുൾ പൊട്ടൽ. കോട്ടമൺപാറ ലക്ഷ്മീഭവനിൽ സഞ്ജയന്റെ വീട്ടുമുറ്റത്ത് ഷെഡിൽ കിടന്ന കാറും പുകപ്പുരയും റബർ റോളറും ഒഴുകി പോയി.

ആങ്ങമൂഴി വനത്തിൽ ഉരുൾപൊട്ടി അടിയാൻകാല തോട്ടിലൂടെയുണ്ടായ മലവെള്ളപാച്ചിലിലാണ് സഞ്ചയന്റെ വീട്ടുമുറ്റത്ത് കിടന്ന കാർ ഒഴുകിപ്പോയത്. ആങ്ങമൂഴി പ്ലാപ്പള്ളി വനത്തിൽ ഉരുൾപൊട്ടി ശങ്കരം തോട്, പാലതടിയാർ തോട്ടിലൂടെ ഒഴുകിയെത്തി.

മലവെള്ളം കോട്ടമൺപാറ പാലത്തിനു മുകളിലൂടെ ഒഴുകി. പാലത്തിനു കേടുപാടുകൾ സംഭവിച്ചു. രാത്രിയും കിഴക്കൻ മേഖലയിൽ കനത്ത മഴ പെയ്യുകയാണ്.കുറുമ്പന്മൂഴി പനംകുടന്ത വെള്ളച്ചാട്ടത്തിനു സമീപത്തും ഉരുൾപൊട്ടിയതായി സംശയം.

 

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP